和藏 (已結業)

星期六，放假想食好些，無意間見到呢間餐廳，好奇打去問下有冇位， 又有喎！ 今晚有食神。我們二人選了$388餐， 食物質素不錯，鮑魚由大蝦代替。 海鮮拼盤食物甜美，食物不斷端上，鉄板牛，煎大蝦，焗龍蝦，燉蛋白，最後以shabushabu牛round up,各食物也很精緻， 好味， 惟魚比較咸。整體食物味道滿意，內容豐富，上菜速度稍快， 也有海鮮自助餐提供。環境比酒店更舒適。

香港租金昂貴，近黎有好多餐廳都開喺工廠區，而且質素越來越高，並不是茶記質素，有d餐廳質素仲高過好多市區食店，呢間和藏就係高質餐廳其中之一。一入餐廳，環境相當寬敞，我地一大班人被安排喺一張長枱，私隱度好高，好似包左一間房一樣，另一面擺放自助餐食物，自助餐食物種類好多! 呢間餐廳以半自助餐形式點菜，有幾個套餐選擇，一枱人選擇同一個套餐，並以人頭計，再可享用自助餐，非常豐富。刺身拼盤呢個刺身船一望個樣就流哂口水，相會有少少色差，實物比相靚好多，色澤好靚，一望就好新鮮，三文魚入口好滑，而且好鮮味；甜蝦非常鮮甜，肉質囗氣一流；有時喺其他餐廳食希靈魚可能會有少少腥，但呢間餐廳既希靈魚一d都唔腥，質地好新鮮；刺身最重要食鮮味，呢個刺身船絕對俾到我想要既野！至於個蟹，大家留起佢做蟹粥，因為餐廳會有粥底火鍋提供，蟹粥非常鮮甜，又多膏，放入蟹又唔會好膩，仲好香蟹味! 南非六頭鮑魚用清酒煮六頭飽，呢個煮法非常合適，清酒可以提升鮑魚既鮮味，而且味道唔會太濃，冇蓋過鮑魚既鮮味，而且好彈牙，又大隻，要用刀切開最少三份，加上少少蔥味，更突出鮑魚既味道! 芝士焗波士頓龍蝦每一隻龍蝦都非常大隻，聞落已經好香，芝士加龍蝦

同屋企人食飯, 我地想試下新野, 係葵興工廈有間食海鮮, 開頭都有ｄ擔心, 因為每人都要$300-$400左右, 但食完好有驚喜！好值得幫襯既本土小店！Set Dinner set(極度推介菜式)清酒煮南非六頭鮑每隻都有半隻手掌咁大，聞落好香，一切開，好有彈性，食落好鮮甜、彈牙，好煙靱，熟度剛好，所以唔會好靱，加左少少咸味提鮮，不得了北海道洋葱堂煎小牛排小牛排色澤好鮮，新鮮端上，加個熱鐡板，輕輕煎一煎，又香又滑既小牛排就煎好，而且牛味好香濃，又薄薄一片，入口即溶北海道3.6鮮奶蛋白燉燕窩(*極度極度極度推介)好滑好香牛奶味，而且只係少少甜，加上燕窩，又有少少爽口，有少少咬口，增強左整個鮮奶蛋白既口感，又香又滑又重奶味，好食過好多專整甜品既餐廳越式燒雞配酸辣汁 金黃色既燒雞，香噴噴既烤雞味，已經開始流口水，仲有一撕開，雞汁流哂出黎，熱辣辣，好多汁，雞肉好滑，點埋酸辣汁，充滿越式風味，必點之選All-you-can-eat:刺身 (特別介紹: 日本長腳蟹. 配白粥底好鮮甜) 長腳蟹肉好甜，肉質新鮮，而且可以任拎，正熱湯, 飲品, 生果, ice cream and pancake and

之前跟過呢間餐廳訂生蠔，見佢地都有做堂食，就叫埋三五知己黎食食佢地既半自助餐。既然呢度係食海產聞名，先食佢地既叫餐海鮮，嘩，係六頭鮑魚，用姜蔥清蒸係最能夠保持佢既鮮味架，鮑魚肉身都幾厚，而肉汁就保留返晒係入面，味道偏鮮甜。跟著食北海道長腳蟹，蟹肉夠鮮甜外，肉身挺結實，欣賞佢地可以keep到份新鮮味道。食完蟹原來仲可以二食，將蟹蓋放入粥底度淆，蟹既精華固然流晒入粥度啦，由於本身粥底係白粥，我故意比較粥既前後味道，發覺係蟹既甜味原來相當清澈。熟食方面仲有樣炭燒三文魚，聽聞某教授話生既三文魚等於吃...咁而家既炭燒當然穩陣啦。炭燒有樣好，係令魚皮變脆，口感像吃薯片，而炭燒味又蓋過了陣魚腥味，係一個頗理想既煮法。由於餐廳選擇了魚鰭，近魚鰭位置肉身好滑，比一般肉身滑幾倍。自助餐部分就有齊基本野，刺身生蠔不可少之餘，原來有親自下廚部分。餐廳容許我整pancake, 當然有職員指點啦，賣相同效果都唔差添，仲有雪糕球加入去添呀。

由於有老友有喜事，想搵間餐廳食自助餐，但好多酒店自助餐都爆滿，老友話想食近少少，又唔想咁多人迫，就選擇左呢度樓上鋪。呢度冷盤都好多選擇，基本既刺身，青口，仲有長腳蟹等等。仲估唔到呢到有即開即食既生蠔，佢地既生蠔比較滑身，海水味無咁重，食完唔會有好溜感覺，所以食多幾隻都無有怕。而長腳蟹就幾新鮮，肉質都幾結實而且多肉食，完全唔係只得隻蟹殻算下算下。至於寫單叫既有大大隻飽魚，係六頭南非飽魚黎，算幾大隻，煮法主要用清酒黎蒸，蒸好後清酒既餘香殘留係隻飽魚度，加上蔥花令香氣更盛，而肉質係剛剛好唔會硬，火候控制得唔錯。熟食仲有炭燒三文魚，煎就食得多，炭燒係印象中第一之食。效果唔錯，三文魚由於炭燒，令外層比較乾身，而魚油就係煮既過程流出黎，至於魚汁係裡面仲保留到，肉質較為脆口同特別呀。

葵興工廠區一向好少踏足，因為朋友結婚搵我做姊妹，走左去葵興度身試姊妹裙，度完身，一班好姊妹緊係要姊妹淘一下，揾個地方食晚飯，上open rice 搵食，有一間叫和藏既餐廳好似幾好，咁我地就浩浩盪盪去左呢間餐廳食晚飯。呢間餐廳以私房菜形式點菜，價錢以人頭計，其中有以下幾款我鍾意既菜式:芝士焗波士頓龍蝦大大隻龍蝦，而且呢個芝士焗並不是平時食開既烹調方式，龍蝦上舖滿焗香左既芝士碎，龍蝦肉又大又鮮甜，質地彈牙有口感，加上焗香左既芝士，更加香甜，好味北海道洋蔥堂煎小牛排洋蔥同小牛排放喺已經預熱左既鐡板，小牛排親自即煎即食，生熟度完全自己控制，煎出黎，小牛排香氣四溢，入口肉質好juicy ，而且好滑，薄薄一片，入口即溶，加上洋蔥既香味，好夾越式烤雞一望落就知正，個皮烤到金黃色，火喉剛剛好，而且原隻上，因為烤到剛好，肉汁鎖哂喺入面，一撕開，肉汁流哂出黎，而且雞肉好嫩，又嫩又juicy，超正粥底邊爐/海鮮蟹粥呢度仲有粥底火鍋，可以加入蟹變成蟹粥，又鮮甜，蟹味又香，將蟹膏加埋入個粥底內，又香又滑郁既蟹味入哂粥底，除左蟹，仲可以放其他海鮮入去，增加鮮味，所以整個粥好鮮好甜，不用加其他調味料已經好夠味一行咁

老公今日帶我黎食海鮮自助餐~雖然餐廳係一楝工廠大廈上面~但環境比想像中好~裝修與成間餐廳的感覺都令人好舒服~我地揀左A餐, 好豐富呀!!除左本身餐入面既野之外所有海鮮, 甜品, 飲品同一D熟食都係自助的~我一見到個海鮮區已經好興奮啦!(重有刺身區唔記得影相)長腳蟹, 好多蟹肉, 而且好新鮮~肉味都好甜生蠔都是即叫即開,,呢到比一般酒店自助餐好既地方就係唔洗怕拎野食要排長龍~唔洗怕無晒要企係到等佢出第二輪~真係舒服好多~而且生蠔既質素都好好~忍唔住食左成打...呢兩隻係跟餐既蠔后, 明顯大隻好多!最重要係新鮮~因為除左海鮮之外,佢重會有一個粥底比我地SHABUSHABU所以都有一個配料自助區甜品方面, 都有好幾款~連豆腐花都有~ 呢個焦糖燉蛋都做得好好~焦糖燒到剛好脆身~燉蛋甜度適中!食到尾聲, 侍應重問我地食唔食雪糕PANCAKE~佢即刻整出黎~ 重主動幫我地影相其實真係想讚下佢地既服務~整體都真係好好~下次要帶埋屋企人一齊黎食呢~

香港唔少餐廳搬左上工廈區，不少質素都不錯。今晚就試左間半自助餐。店內座位寬敞，裝修尚算舒適，野飲可以任飲，仲有韓國啤酒選擇清酒煮南非6頭鮑魚：好入味，夠淋，又彈牙魚生海鮮船：有三文魚，帶子，長腳蟹，蝦...如果食完可以出去自助bar到拎車打芝士培根脆件：好香既蒜溶味，面包內有芝士加培根，面包烤得夠香脆。焗芝士波士頓龍蝦：好濃既芝士味，龍蝦好新鮮好嫩好彈牙北海道洋蔥堂煎小牛排：煎完後牛肉吸收左洋蔥既香味，肉質嫩滑，洋蔥好香。生蠔：每人限拎2隻，好新鮮，雖然細隻d炭燒三文魚尾：煎得好香脆，魚肉好嫩滑雪糕pancake:有店員會煎pancake，內可選擇不同味雪糕，pancake皮好煙un，好香。北海道3.6鮮奶燉燕窩：好香濃嫩滑既鮮奶味。

聽友人講，葵興工廠區有間半自助餐不錯。仲有蠔同飲品無限食同飲。所以決定同蠔怪朋友一起去吃過痛快😁我地選擇了$388嘅餐。內裏已包了很多不同嘅食物。仲要出面有即開生蠔，海鮮，熱食，甜品等等。真係可以食到你勁滿足😌清酒煮南非六頭鮑魚呢個係我地個餐嘅主角，因為真係好好味。起初仲會擔心會否好靭同無味。點知一食，發現好軟熟之餘，仲好有鮑魚味加鮮甜味😍確實不錯👍🏻芝士焗波士頓龍蝦呢個亦係餐內其中一道菜。龍蝦開邊後，再加芝士焗。雖然我鍾意食芝士，但感覺芝士多過頭，搶走了龍蝦嘅鮮甜味。反而龍蝦蚶嘅肉就好好食。因為無俾芝士嘅美道蓋過，可以食到鮮甜嘅美道。北海道洋蔥煎小牛排餐內的另一道菜就係呢個牛。呢個算係等二主角。自己一手一腳炒。佢有個汁會幫你林向d生牛肉度，然後你可以炒。不用擔心牛肉會燶底，因為牛肉底下係墊了很好洋蔥。呢道菜，我反而欣賞洋蔥。洋蔥索哂牛肉同燒汁嘅味，真係好正👍🏻😍北海道鮮奶蛋白燉燕窩超滑的😍☺️很香的奶味而且不會太甜。不過燕窩的分量不多，只係得少少點綴向面頭,。但對我來說燉鮮奶先係主角。炭燒三文魚鮨燒三文魚係我最愛。表面燒得好香好脆。肉就好嫩好滑👍🏻正車打芝士火腿焗包店員話趁熱食，d芝士

Happy Friday 又來了，當然要俾自己吃好一點，見網上介紹工廠區自助餐好似幾正咁就黎試下啦佢分有三種餐，我地楝左最多嘢食同最貴既C餐，388一位未加一。先來有魚生盤。 不過不失，尤魚好爽口長腳蟹不是太咸，其他都正常。 先來一人一只鮑魚，好爽口好彈牙，一點都不韌波士頓龍蝦，好重芝士粉，如果仲意食芝士粉既人一定好開心燒牛肉，花紋好靚，燒完好香，連洋蔥都吸晒啲牛味勁香呢個芝士脆包好味道，中間係夾住厚厚芝士，外皮很脆，又香，整得不錯驚訝係生蠔原來有得任食對於我呢個生蠔精來說真是太好了，雖然size不是太大，不過都算新鮮，清清地，海水味就不會太重，至在有得隨意吃，吃多件當吃了大，哈。 飲品都算多種類，蘋果味最好飲，蘆薈清清地仲有蘆薈粒咬下，算不錯。 肥牛滾粥底，粥底吸晒牛味，正，牛肉一點都不韌呢個係店員為我整既我可以自己選擇雪糕味道，我選擇左士多啤梨雲呢拿糯米池做餡，幾得意，切落咬落煙煙韌韌，個皮店員整得好好味，薄薄地，鬆鬆軟軟同雪糕好夾最後甜品食左呢個燕窩燉蛋，好香蛋白味，燕窩雖然好少，不過好過無啦，哈，好滑好香，完美句號。 又捧著肚子回家了

有老友話佢返工果頭有間野食幾高質素，呢間餐廳位於工廈，位置上當然講唔上方便。呢度係半自助餐形式，任食既有生蠔，刺身，凍蟹仲有甜品雪糕。生蠔係即開既，雖然細細隻，但夠新鮮而且海水味濃郁，鹽味夠同埋好滑身。刺身除左三文魚外仲有墨魚同埋好滑身既象拔蚌，生既食物真係滿足晒我既慾望。熟食果部分就係有限度叫既，有我最喜歡既波士頓龍蝦。煮法係用芝士粒去焗，焗出黎係超香，橙黃色既賣相，濃濃既芝士佈滿係龍蝦肉上面，而龍蝦肉好嫩身，好享受一舊舊既龍蝦肉慢慢齒出黎食。仲有美國肥牛伴洋蔥煮。呢味送係用鐵板上，將生既牛肉連洋蔥放係熱既鐵板上慢煎。未煮熟既時候已經香噴噴，煮到一半熟我就上碟，點埋燒汁或者用麻醬都係好夠味，甚至就咁食就完全食到牛肉既鮮味勒。

早前看到蘋果動新聞講有關beecrazy團購風波，當時以為團購公司結業就用唔到團購券，點知原因呢間餐廳係唯一仍接受用券的良心餐廳。新聞話佢虧本做Anyway 預約左就照去，亦為左答謝老闆的善心，我地一行10人加錢食好西。鮑魚新鮮彈牙，又夠大隻，影相效果好好。龍蝦肉份量雖然少，又要麻麻煩煩脫殼，但肉質彈牙，夠新鮮。西班牙脆豬件，熱果時好脆，但凍左就硬生蠔任食，不過size普通，無辦法，不是何適季節侍應好有禮貌，清楚向我地解釋餐廳運作及食法，感覺良好。

今年父親節食飯，諗極都諗唔到食乜，屋企人又唔想去酒樓，爸爸又鐘意食海鮮，所以就揀咗呢一間自助餐。環境唔錯，好適合一家大細，拍拖，朋友聚會。生蠔都幾新鮮，每次排隊限攞兩隻。經常refill 嘅海鮮吧有長腳蟹,螺，蝦四位就送刺身船，仲有一隻麵包蟹呢一個團購係包八個私房菜，仲有一啲無影到相包括豬髀，蝦，味道幾好。魚骹好好味，因為好肥。總括嚟講呢一間都唔錯下次我哋一家人會再去食過。

Originally want to visit the pizza shop or the coffee shop at KCC near Kwai Hing MTR station. But when we arrived, I found that all the shops were closed or closing very soon. So we have to give up KCC and try during Saturday lunch time. We are very frustrated and did not know where to eat nearby. Of course we could travel to other district far away. But  we thought that, we seldom went to this district. So maybe we try to find some new things. So we search in Openrice website. The result shows

冇相只文字only (我是忍唔到才寫架咋)睇見食評甘勁咪來試囉, 點鬼知呢間半自助餐甘盞鬼架, 定食5款: 海鮮船, 焗春雞, 芝士龍蝦, 帶子, 鮑魚, 食自助餐一開波梗走外圍攞d蟹腳, 蝦, 青口, 飲品架啦, 攞完返埋位, 第一道梗食嘅菜就上喇, 海鲜船, 因燈光糸暗嘅, 賣相一般但夠凍+爽口, ok收貨嘅, 5mins之後, 第2道菜又上, 焗雞 (一隻), 賣相超一般, 因係焗嘅因數, 外脆內juicy, 再5mins之後, 第3道菜又上, 芝士(or蒜蓉)龍蝦, 芝士上呢系乾嘅, 蓋過晒d龍蝦味, 蒜蓉上呢有汁嘅, 我地5人都覺得好食d又5mins之後, 第4道菜又上, 六頭鲍魚, 賣相一般, 個味幾好, 但因龍蝦未食完, 鲍鱼等陣再食已變韌晒……又再5mins之後, 第五道菜又上, 系黑鱼子伴帶子+餅乾底, 到呢刻我忍唔住同可爱待應妹妹講, 典鬼解d菜上甘快架, 食得好急, 妹妹答: 係甘架, 頭5道菜係甘快, 之後果d會慢d架喇, 講完放低轉身走人, 我又講番隻帶子先, 賣相系最好嘅, 精, 但冇乜味, 因前4道菜未食完, 隻帶子d汁落哂塊餅到, 塊餅已經軟晒軑, 唔