和藏 (已結業)

工廈變成覓食之地已不再新奇，上星期再次黎葵興的"和藏"食放題/自助餐 !  基本的意粉, 中式蒸魚, 炒粉面不用多介紹吧，水準可以，個人比較欣賞的係刺身，都算新鮮同厚身!當中的牡丹蝦不錯，爽脆鮮甜， (我個人建議每當有 refill 時可以叫mic，通知一下食客，否則坐遠個d 要下下步係個自助台度) , 其次不錯的有盧荀三文魚卷，口感幾好。而火鍋方面，我們選擇的係美國肥牛，配料可以在自助吧任拎，套餐還包括了日式蒸鮑魚，份量很足。   總括而言，拍拖或家庭聚餐這是不錯的選擇，價錢亦比市區的放題價宜一點，當然食物質素還有待改善。

質素尚可，一試無妨，但不會再來。環境：新裝修，清潔光猛，與店外工廈環境大有分別。略嫌通道稍窄，在轉彎位數度險些撞到人。八個人坐六人檯有點迫。食物：海鮮最初只有松葉蟹、熟蝦、青口、三文魚sashimi（超薄，每片吋半至兩吋長，口感差），每次每款限派兩至三件。即使無人排隊亦不能多取。約8:05pm才有海膽及牡丹蝦，當時青口已派完，海膽每次限派一瓣，約手指尾指甲那麼大，牡丹蝦每次一隻。約8:35pm海鮮檔收檔。海鮮質素不錯，魚生新鮮，奈何不斷排隊太花時間。其他熱食包括限量吉列蝦、烤原隻火腿（用茄汁做dressing很奇怪...）椒鹽瀨尿蝦、避風塘茄子，煙鴨胸沙律，味道算不錯。另有火鍋料，如生菜、烏冬、龍蝦丸、本菇、冬菇、響鈴，火鍋牛肉遂碟叫。八個人最後不斷食烏冬充饑。甜品由師傅遂張檯派，有焦糖燉蛋（質地非常滑、焦糖夠脆，但忌廉香味偏少）、紅豆綠茶mousse（質地好，沒有過份加魚膠粉，有茉莉茶味，不是日本抹茶）及朱古力mousse（朱古力味太淡，不喜歡）。飲品一環很弱，果汁太淡。有啤酒但不夠凍，唯有飲水。服務：侍應友善，清碟快，特別是年輕四眼哥哥仔，好笑容，又不厭其煩跟我們解釋。總結：位置非

由於是團購買下的關係, 超初異常難訂座.但當頭"浸"人潮消化之後, 提早2星期訂位便可以了.不得不讚接線生的服務態度一流. 沒有因為是團購客的緣固而歧視客人.說回正題. 訂座時說好了用餐時間為19:15-21:15.我到逹餐廳時只是18:45. 店員也有放行安排入座. 在餐廳內等候. 因入夜後工廠大廈空氣不太流通.坐底後店員不停穿梭放好每款食物.夠鐘開餐了.顧客人窩蜂去"搶"食物. 但本人有點不滿客人的做法.因為有碟食物是"芝士焗開邊大蝦E麵", 但客人將所有的芝士開邊蝦夾走, 淨低全盤原封不等的E麵.說回食物種類:飲品有:菠蘿汁, 橙汁, 凍0茶等等, 全是自助形式, 仲有見到疑似罐裝啤酒既物體, 都係任飲的食物:牛肉(任食)火鍋 -- 牛肉係任食, 每食完一碟侍應就會問你仲要唔要. 好好食, 有牛味, 唔係得個"肥"字. 另外仲有火鍋用的丸丸, 菜菜等任食.請留意, 火鍋豉油跟刺身豉油是不同的, 我地就中伏了, 哈哈. 揾唔到火鍋的豉汁, 用刺身豉油去醮牛肉燒蜜糖豬仔肶 -- 有食, 好食, 口感似火腿.蒸魚 -- 唔知係乜魚, 我估係"斑", 比人搶哂, 無緣食羅宋湯 -- 好夠

之前食過一次,今次帶9位來自內地的親戚一齊去食,結果無令我失望,親戚們都食得好暢快!!6點幾就到左,但餐廳表示要7:00先可以入場,所以閒逛左一陣...一入去覺得個裝修唔錯,燈光暗少少氣氛ok!未開始已經有職員拿美國肥牛過黎,雖然每碟份量唔算多但一叫職員佢就會送過黎,所以都ok.今次仍然幫襯佢個b餐,同上次食既海鮮唔同,今次係食清酒鮑魚,北海道帶子配黑魚子,泰式蝦同埋家鄉蟹，之前食過遇到一個問題就係4款海鲜既味道差不多,但今次完全改善左。海鮮既鮮味好出,夠新鮮,唔怪之得再早一日訂。刺身方面,排隊真係耐左少少,不過刺身鮮味夠,三文魚,甜蝦都ok! 值得.

之前因為團購的原故，黎過一次，今次主要係因為想食佢果4個海鮮私房料理而來!! 今次被安排坐新裝修好的地方，更近拿野食，不過無咩用.....因為果4個海鮮都第一轉既刺身和長腳蟹已經令到我們唔太想出去拿野食了!HAHA第一個海鮮係星加坡家鄉蟹雖然份量少左D,不過味道夠,但又唔會摭左個蟹味!第二個係清酒鮑魚夠稔! 不過嫌鹽左D第三款係黑魚子配帶子黑魚子本身都係無咩味,不過帶子口感好彈! 第4款係冧酒蝦由於鐵板上既原故,溫度夠熱,已經贏左其他菜~蝦既肉質都算彈!整體黎講，呢個價錢，值過其他放題或自助餐

同事Ｊ事業上有新發展見食評唔錯，就揀黎依到同佢Farewell由公司行過黎大約廿分鐘到左穿右插，終於黎到門口事先訂左枱所以黎到唔洗位 侍應安排我地一行六人坐係食物枱既隔離因為第一次黎乜都唔知，侍應只叫我地坐低無同我地講食得未同事就出去攞野，點知比隔離枱既人話：乜攞得野啦咩。。？大佬，其實侍應可以事先講聲唔好搞到我地好似特登咁先得架！此乃第一件不滿事！ 環境地方好細好窄，食物枱隔離既餐桌同外面Bar枱餐桌裝修不一另外唔講唔知，佢有一間房，初頭睇以為係員工休息室或者係廚房細心一睇先知原來係比招待客人但係個間房係一d裝修都無，似係工廠區既茶餐廳！ 入面大概可以坐十零人到可能入面既係另外一批食客包場，所以佢地入面係有食物供應即係話入面房，同外面食物枱係有食物供應不過！入面既食物只係比入面既食客！出面既食客唔能夠入去攞！點解我咁講？事緣係我同同事想一探究竟係咩東東所以入左去有名男士（員工？）話：出面咪有野食囉！出去攞！此乃第二件不滿事！ 但係我地心有疑問，咁點解入面既食客會出黎攞野食？基本上個晚Full House，但係食物根本就唔夠比咁多客人食ｄ野好似狂風掃落葉咁，一陣就已經無晒再講，

他不是食物100分, 不是價錢100分, 也不是招呼100分, 而係實實在在佢地份誠意, 確確實實值100分今次團購第2次去, 一行20人. 上次有很多做得不好的地方, 今日完完全全改善過來. 雖然佢話地方會加大, 位置會加多, 今次去仍未裝修好, 但係食物種類及份量,真係唔同曬. 魚生有成10款之多……….三文魚,甜蝦,瀨尿蝦, 貝片, 尤魚,螺,蟹柳, 海胆, 翡翠蝦,鮑片等, 全部都好新鮮, 好鮮甜, 尤其海胆同翡翠蝦,海胆甘甜,有塊細細紫菜毯底,兩樣味一齊食,超夾. 翡翠蝦非常鮮甜,個頭好多蝦糕, D肉非常甜美. 不會只有1兩碟,派完就無,仲要不停供應……….海鮮維持有長腳蟹,青口,細龍蝦,海蝦……..長腳蟹今次較大隻, 鮮味都OK, 海蝦故細隻, 但係D肉都幾爽口, 青口同細龍蝦就普通冷盤有多款火腿, 大蝦沙律,燒排骨, 燒豬脾,煙三文魚露旬,………今次食咗排骨同火腿, 排骨好入味, 火腿普通.煙三文魚露旬爽脆甘香.熱食不停供應, 蒸魚, 辣牛柳, 香辣魚, 蝦意粉, 什菇西蘭花, 煙肉芝士脆多士,炸雞翼….好多款,因不是樣樣都有出去取,味道OK, 尤其 牛柳, 香辣魚,超辣

the seafood n sushimi a very fresh, especially for the long leg crab, simon fish n shrimp, the taste n color of simon sushimi tell u how fresh it is,it is very fresh n the outlook is attractive as the product from hotel, worth to take it twice n again, dessert is also great(tirimisu n others), it is smooth n not too sweet, there is various kind of food to provide, it is surprise to has 牡丹蝦n 巨形聖子，by trying the seafood, u can taste it is fresh , delicious n big size! but u have to quick response,

網上團購了位於葵涌工廠區樓上的自助餐優惠卷,一行7人,每位$138,另加收每人$38服務.位置都算便利,到達了現場,場地很細,大概只能坐40人,buffet區域只得一張長枱,選擇不多,但食物新鮮,味道亦不錯!海鮮方面,當天有蟹腳,鮮甜多肉,好味!凍蝦都好新鮮,我都食了很多呢!另外還有小龍蝦和青口!刺身方面有甜蝦,三文魚,八爪魚但每次只拎得3小塊,又細又薄,味道不過不失吧!飲品方面,有菠蘿汁,橙汁,凍檸茶,檸水,正常品質!其他熱盤有蒸魚,蜜糖雞翼,意粉等,全部味道都很好,但全部都只是出了一次,拎唔到的朋友就會很失望了!火鍋有十款配料左右,都是一般大路貨色!7:15開餐,食到8:15開始出甜品&生果,款色味道令人失望,所謂甜品全都是用蛋糕做基礎,只是頂頭換上不同的生果和忌廉,簡單的自家製作!睇返之前的食評有奶凍,期望會有,但結果清一色海綿蛋糕!生果算不上鮮甜,還可以吧!最後8:45己經唔再出食物,餘下半個小時只能齋坐,輕鬆談天!當天幸好我們一行7人被安排坐於食物枱附近的位置,每一次出菜都能首當其衝,排隊拎食物,其他位置食客恐怕會有微言了!總結就是,凍海鮮新鮮,熱盤好味,其他食物普通可不食!

團購自助餐, 睇到在工廠區好特別, 又係上班附近,廣告好吸引,就約埋d同事一齊去. 另外仲要買埋屋企人20張票.廣告話有70款食物, 滿懷希望去. 去到環境比想像中好, 唸住會好up dup, 又唔係, 格調都ok,坐入去,唔會覺得係工廠大廈內.入到去帶位介紹,門口有魚生bar, 旁邊有飲品自助供應,之後入到去介紹食物柗,嘩,嚇一驚,超短bar柗,仲話所有食物就係度啦.食物以下:長腳蟹,不算肥美, 但也算新鮮青口, ok新鮮, 龍蝦沙拉, 雪到冰, 龍蝦肉少少,其餘什果,什菜,乜都有,…….蝦肉不同實, 沙拉普通凍肉冷盆, 一般,沒特別,友人說ok一隻燒豬脾- 全場最好, 肉好唸, 只係皮不脆. 最唔好係要自己切, 因各人刀工麻麻, 切到好厚….食落有d漏. 如有專人切,不會浪費之餘, 還可以切得薄d, 口感會更好凍蝦- ok新鮮, 肉都好爽凍龍蝦, 一般, size太細, 無乜肉食另外有熱食: 蒸魚, 豬扖,牛肉粒, 炸多士……因為每樣食物, 大致出一次, 所以都唔係好試到, 只試到豬扖同牛肉粒, 味道一般另外, 坐位柗上, 每兩位一煲火鍋, 有牛肉 (要叫侍應取) 蝦丸, 蟹柳

團購買左兩張$168本來想同老婆慶祝生日, 好彩果日book唔到, 唔係就更加激氣......."B. $168 星期六、日及公眾假期享2小時和藏環球美食自助晚餐 (原價$328)" <---- 佢咁寫得我期望係有等同原價既待遇, 好可惜係.....比正價有一盤魚生, 團購價要自己每次出去攞三四塊(仲要係細細塊)..... 都算喇! 安格肥牛斯牛火煱, 比正價既上枱仲係一圈圈冰凍既, 團購價果D係完全溶晒一pat pat, 佢好彩我冇肚痛, 唔係我實打去食環....."70多款美食包括無限添加新鮮松葉蟹腳、牡丹蝦、小龍蝦、安格斯牛、海膽、魚生刺身任食等！" <---- 有松葉蟹腳, 有溶到一pat pat既安格斯牛, 有每次三四塊細細塊既魚生.......... 牡丹蝦 冇, 小龍蝦冇, 海膽... 比正價既有一盤, 團購既朋友少少都冇 兩個鐘我眼見食物唔可能有70多款廁所得一格, 仲要好臭, 市政D公廁都好過佢走果陣9點幾, G樓鎖左閘叫我去1樓走, 又冇講清楚點行, 我同老婆走上走落搵左10分鐘先搵到條路.$206一個人 ($168+38), 呢個價我去MK好多放

在BEECRAZY團購網見到超多人買，所以試下$138+$38服務費一位既自助餐，今次同5位好姐妹去食!一直以為係放題，點知原來係食安格斯牛打邊爐為主，亦可以任食刺身、長腳蟹等貴價野，雖然唔係全日式，但有咁多唔同既野感覺都幾好。沙津方面，生果唔算多，不過夠凍，幾好食。主打安格斯牛就好正! 雪花分佈平均，又唔會好肥。熱盤建議少D海鮮，個條魚好滑。不過因為個場唔係好大，枱枱都好多人，所以地方會細左D~不過呢個價錢，我都覺得OK了!原來拿過獎~

o係附近做野既朋友講呢度幾抵食所以佢帶左我地幾個frd一齊上黎o係工廠區度,我第一次o係工廠大廈食飯lol我地食168蚊果隻~~好似話200幾蚊果隻會多4款私房菜其他大致上差唔多(?)去到地方唔大, 不過都坐滿感覺好似屋企party咁 哈哈講下食物先, 由於掛住食, 只係影左幾張相ja 出面放食物既地方唔多, 開頭仲諗點解咁少野食但原來每隔一陣就會轉款, 所以選擇好足夠想試新野一定要快快手普通野蟹腳就一定係buffet必食, 呢度d蟹腳同外面酒店buffet差唔多,有鮮味, (試過食d平價buffet d蟹腳又鹹又霉)呢度主打既牛肉都幾好, 原來係用黎打邊爐架我第一次邊打邊爐邊食buffet幾有牛味, 比普通肥牛好食其他邊爐料有幾款菜、丸類都正路, 冇特別但有蟹棒呀!! 正!! 食左勁多出面任食打邊爐都未必有蟹棒燒豬脾>w<仲有呢度d服務都幾殷勤, 時不時提我地有食物轉款, 同埋拎牛肉過黎又問d野岩唔岩食不過佢d刺身好遲先送黎, 雖然砌得好靚, 但我地已經勁飽但係d刺身都幾新鮮 如果下次可以一早就上刺身先就好啦! 希望可以留意一下!btw我見人地食2xx蚊果隻既牛肉雪

之前睇飲XXX雜誌見到介紹就試試!訂左$228餐，只知道俾其他人多左4個野食，每日款式唔同。今次食左清酒煮鮑魚、帶子配黑魚子同埋汁燒長蟶子!! 味道真係好分明，海鮮又有鮮味!主打長腳蟹，好多肉~鮮味夠，不過嫌咸左D我最喜歡果度既甜品，芒果切餅好正!!!!!新鮮水果能夠滿足我平時少食水果既需要~果度既服務員都好有禮貌，當日留意到我個小朋友唔係咁啱食果度D野，立刻叫左廚房整左D炒飯同俾左杯慕絲我地，非桶體貼!! I LIKE IT!!

新手寫，多多指教^^早两日去左呢間叫和藏嘅地方試試。地方係有少少遠要搭lip上，不過聽朋友介紹話好食又吾算貴所以去試下。我地一行三人揀左個168餐想試下先，有包任食buffet枱加有angus牛牛。一坐低好多野任食，有長腳蟹不過個人對蟹就麻麻不過两個friend話算比其他同價位嘅buffet多肉同新鮮。正常見到沙律實會覺吾抵啦更係食啲貴啲嘅，不過試左個大蝦同凱撒又真係幾好味，真係蝦多菜少，就算菜都係新鮮嘅。哈哈可能想引你食多啲就食少左其他野 XD有個叫蜜汁燒豬脾嘅特別野，即切嘅，係幾好食嘅吾太乾身之如又燒得够哂香。不過燒野最有都係有個夾返味嘅汁淋上面會好食啲，就甘食係有啲寡寡地feel最後覺得個凍慕絲最suprise，除了賣相吸引仲好香滑，而且好清新，食完哂甘多野都吾會覺得好heavy，林尾上用黎埋尾的確吾錯好細心。之後一定會再黎，感覺好衛生味道又正。