和牛燒肉一郎 (寶漢大廈) (已結業)

朋友生日話想食燒肉大餐，之後就決定同佢去銅鑼灣新開嘅呢一間燒肉放題慶祝吓。餐廳係正銅鑼灣地鐵站對面，位置好方便。餐廳以卡位為主，而且闊落坐得好舒服，環境乾淨衛生。有六款不同價錢既套餐可以選擇，而我地就選擇了course b,價錢已經包了64款食物，小舟盛合，另外仲有自助既沙律吧，飲品和甜品，十分豐富。而且可以有120分鐘慢慢食。一開頭就用小舟和圓盤送上蔬菜、嫩滑雞肉、海鮮，而海鮮有蝦和帶子，蝦肉彈牙，而帶子就大大粒，都很鮮甜。另外有多款不同部位既牛，包括有和牛牛肋肉、和牛里脊肉、牛肋條肉和牛肋肉等等。每一個部位既牛味都重，牛既質素都很不錯。除咗燒肉出色之外，炸物都幾有驚喜，我就點左炸蠔，炸粉薄，真係好香脆，配合埋沙律醬一流。另外仲有蔬菜、拉麵、飯、壽司等等都可以點。而飲品和甜品方面除咗有汽水、雪條之外，另外更有幾款自家製飲品和甜品。

呢一間和牛放題一直好出名，😍想來試好耐，weekday夜晚一試set c歎下先！🤓入邊有72款任食，再加小舟盛合＋桶盛合——兩種限定嘅和牛里脊肉同和牛牛肋肉~🥳福岡明太子壽司非常足料，超級推薦迷你漢堡扒，🍔扒係和牛製成好香嫩，炸蠔，吉列蝦，牛肉可樂餅香脆可口。🔥薄切上等牛舌芯同2色蔥花牛舌，更推薦蔥香後者。大判壽喜燒🥩牛里脊肉蛋香必試！熟成壺漬外牛橫膈膜醃製濃郁，🐷厚切火腿肉必配生菜包！

銅鑼灣最近開咗間和牛放題燒烤，餐廳位置便利，坐位超寬敞，而且提供不同價位的放題給客人選擇，所有牛肉都相當有質素，今天同朋友叫咗B餐，有10種牛肉、4種豚肉、3種海鮮、11種蔬菜及34種熟食都是無限添加，非常抵食。首先待應奉上一艘載有三款牛、扇貝、豚肉、雞肉和各種蔬菜的小船，船上所有的肉類都非常吸引，待應為我們開火，我們一邊燒烤，一邊打咭，一邊大口大口地吃。小舟上的食品都能用手機掃二維碼冇限order, 冇限供應。在小舟上桌前，我們已經叫了些小食，有支豆、泡菜、可樂餅等小食，支豆和可樂餅非常推薦，支豆軟硬適中，顏色清脆，很不錯。之後我們每種牛肉都叫了一份試試味道，之後主要集中叫牛里脊肉、牛肋肉和薄灸牛里脊肉。薄灸牛里脊每面烤5秒，軟滑好味；牛里脊肉約2cm厚，雪花分部均勻，大火烤一烤，甘香嫩滑；至於牛肋肉相對比較有口感，牛肉味較重，適合喜歡有咬口的人。

今日去sogo行街，想食燒肉，牛角金會員嘅我無揀到牛角，諗住試下新嘢🤓 一入到去裝修真係幾好💁🏻‍♀️ 擺盤打卡一流🤔 我見間嘢叫和牛燒肉一郎，我對佢有好高嘅期望，諗住叫最平嘅course A都應該有幾好嘅質素💁🏻‍♀️ 因為加埋一都已經$766，姐係平均每人都要$383，但真係好失望🙍我真係以後都唔會再嚟食，佢完全對唔住佢嗰招牌😬 啲牛無味，加埋啲汁/黑椒同鹽都唔知食緊乜🙃 但佢嗰賣相老實講唔差😅仲有嗰紫菜玉子飯😅 我現加先知原來牛角飯咁有技巧🥲 值得一讚嘅係佢嘅雪條好好食😂 然後就無了😅 員工雖然有做足，服務態度都幾好，會定時幫你收碟換網呢啲，但係落單嘅位真係扣好多分！佢係電子落單嘅，無貨嘅嘢佢都有得嗌，但無人會同你講無貨，吹咗兩次都係無人講😅 再問第三個人係咪無貨，佢先答我係😂墨魚🦑、明太子薯仔沙律🥗、泡菜盛盒都無貨🤔‼️但整體而言，性價比真係好低🥴🥴

第一次出文估唔到到就係呢間，平時對牛既要求都唔係高，熟同唔熟都可以放到入口既我都要出一出文踩一踩。諗住喺銅鑼灣行到攰攰地，就見到呢間和牛燒肉一郎，上到樓梯睇到入面裝修冠冕堂皇，心諗一定唔會差得去邊。1800時先開放俾人入去，而我就係第一個可以入去，仲帶住期待既心情去食。點左餐之後，自己就可以去凍櫃度攞野飲，仲有個自助野飲區，而自助野飲奉勸各位千祈唔好攞，我試過每一種都好難飲，飲返凍櫃既野飲（最好唔好去呢間食）。攞完嘢飲之後，我點嘅courseA就到，雖然我點嘅餐係最平，但點都估唔到係咁嘅質素。真係擺咗入口就要即刻吐返出嚟。真係唔講得笑。有兩點都算好嘅，第一係佢嘅裝修完真係用咗唔少錢去裝修，打卡都係一個好地方。第二係佢嘅雪糕，我試咗朱古力同埋波子汽水雪糕真係幾好食，有如果佢呢間係食雪糕嘅我真係會比5分。但好可惜佢嘅主打係燒肉。1分係俾雪糕既。

今日去sogo行街，想食燒肉，無揀牛角，諗住試下新嘢🤓 一入到去裝修真係幾好💁🏻‍♀️ 擺盤一隻船咁嚟真係好靚，打卡一流🤔 佢仲有啲乾冰擺喺底，一嚟就煙霧離漫☺️由於Budget有限，叫咗最平嘅course A，但係有啲失望🙍牛舌、雞係好食，其他都好麻麻😅 下次真係有機會再嚟食，一定唔會食courseA😅 起碼courseD😅 咪對唔住佢嗰招牌😬 個和牛壽喜燒卷姐係紫菜包飯💁🏻‍♀️ 都係正常水準💁🏻‍♀️值得一讚嘅係佢嘅雪條好好食😂 我食咗兩條，$766嘅水準性價比有啲低，同選擇都少🤔

見銅鑼灣新開咗間和牛放題就去試一試。餐牌有A-F幾個餐分澳洲和牛同日本和牛可以揀，日本和牛價錢偏貴，所以就試下澳洲和牛。坐低冇幾耐，就有隻船送試嚟，有曬豬牛雞海鮮同菜，可以每樣嘢試下味先再決定之後再叫邊一樣。見到隔離枱唔係送船，係送寶箱，可能係唔同餐嘅關係，都幾有氣勢。一開始緊係先食個沙律，除咗菜重有粟米車厘茄椰菜嗰d配料，重有沙律汁、沙律細同醋可以揀。除咗一般嘅汽水，重有d特飲，菠蘿青瓜美人水唔錯，fresh得嚟又有菠蘿嘅香味。放題嘅牛都有幾款，d牛一齊上枱，分唔到邊隻打邊隻。牛肋條因為醃過比較淋同埋比較入味，薄切牛就大塊d同埋快熟d。除咗肉，重有d菜同主食，生菜可以夾埋肉一齊食，冇咁油膩。粟米好甜，南瓜比較易燒燶。食咁多肉，飽飽濟濟，飲個多花湯都幾好。最後當然係食埋個甜品，木糠布甸幾好味，唔會太甜太硬，楊枝甘露芒果布甸食到有好香芒果味。整體幾好。埋單走嗰陣先見到有雪糕雪條，有宇治金時同波子汽水味嘅雪條，又有軟雪糕。下次有機會再嚟一定要食！P.S. 呢間嘢服務好好，間唔中就有人會埋嚟同你換個燒肉網，唔似出面d鋪頭要自己出聲先會有人嚟換

天氣開始凍，突然好想吃燒肉，來到銅鑼灣試試新開分店。2個人人可以坐6人檯卡位，真係好舒服，雖然係燒肉，抽風系統好好，一點都聞唔到油煙味，而且服務真係要讚👍🏻，上菜速度快冇漏單，收碟快，主動介紹飲品同食物，真係好少放題店可以做到。有120min可以慢慢吃到飽，因為朋友唔吃牛，我就揀咗A餐，包括6款特選牛肉、4種豚肉、2款海鮮，其它熟食、野菜🥬、甜品🍮、沙律🥗、飲品🥤同雪糕🍦都係任食。落完單好快就先送上一條船，有3款特選牛🥩、大蝦🦐、豚肉同帶子，吃完可以用QR Code落單揀喜歡的肉類同其它配菜。好耐冇吃牛嘅我真係大滿足，牛肉質數比想象中高，我最like牛里脊肉，油脂分佈均勻，薄薄一片，一燒即食，正！就算唔太好牛，日本豚肉一樣有質數，朋友都吃得好滿意！

今晚同女友食Course C ($448)呢個course除左和牛仲係澳洲同美國牛為主而豚肉同雞都係日本產 仲有海鮮同埋海量既料理、前菜、拉麵、飯仲要有沙律、野飲、甜品、雪條全 部 都 係 任 食 ！ ！ ！一同staff講要咩course開始計大約30秒就會有一條船同埋一盤肉送到正式口罩都未除得切就見到啲野食真正食足120分鐘而我頭先一開始講個一堆野食都係用app叫唔洗怕羞可以狂叫 大概1,2分鐘都到舖頭細細但人手充足而且要特別講既係啲staff超nice又有禮貌！放題呢個界別已經好難得見到有禮貌既staff！講返野食基本上我都全部肉都食過一輪全部都係靚牛(當然係基本)牛里脊肉、牛肋條、牛舌、日本豚肋肉、日本雞肉以上都係我既鍾愛好食就一定 因為食材都係上等但燒出黎係點真係靠自己手勢我基本上都燒到5成熟左右另外再要講下個炸蠔！好少地方食到好食既炸蠔而呢個真係好好食！外脆內暖又夠juicy!仲仲仲有就係啲蔬果有西班牙青瓜、南瓜、菇又係考你技巧！實在唔得都可以問下staff佢會好細心教你點燒 之後就靠自己啦！$448一個人 係抵食！出面叫塊牛扒都係呢個價！呢到仲要任食2個鐘 乜都回本！太多

牛魔王又出動喇! 今次我地到左【和牛燒肉一郎】銅鑼灣店食我地大愛嘅燒肉放題，可以任飲任食2小時，非常爽啊！呢度有多個套餐可供選擇，我地揀左最經濟嘅Set A, 已經有57種食物供應，當中包括: 牛、豬、雞、海鮮、野菜，仲有一隻【小舟盛合】係入座時一次性提供，除左打卡一流之外，仲可以一次過試到多款高質食材, 好豐富喔~ 之後scan QR code 下單，轉個頭就已經有得食，上菜速度好快~餐廳好貼心，每枱也會提供即棄圍裙，可以燒得更安心~薄切上等牛舌芯油香四溢，牛肋肉角和牛里脊肉入口都非常嫩滑，我地encore左好幾轉呀！仲有墨魚、蝦和豬里脊肉都十分推介。不得不提就係呢度嘅炸物都同樣出色，我地試左炸蠔、牛肉可樂餅和炸雞，炸蠔入口鬆化，非常新鮮，炸雞也是外脆內juicy~ 壽司卷、泡菜盛合、冷麵等都很有風味，絕對是誠意之作。另外，沙律、飲品、甜品和日式雪糕、雪條都可以係自助區無限自取，種類繁多~ 私心推介朱古力慕絲，朱古力味香濃幼滑，搽茶紅豆雪條和雪糕三文治也是必食，抹茶控不要錯過~ 飲品還有平時放題比較少見嘅果茶，佢地個西班牙特飲甜甜地勁好味，一定要試番杯啊！最後，非常欣賞呢度嘅員工工作

升職加人工, 當然要慶祝啦!!最近越黎越多主打和牛既燒肉餐廳, 有價有市, 呢到就有齊咁多個價位既餐, 明碼實價比你揀, 我地揀左4百幾個個, 唔會好雜好多野, 但係每樣都好精緻。前菜有沙律吧, 飲品除左汽水仲有好多自家製特飲。🤤鐵板燒紅左, 就上海鮮和牛船, 好新鮮, 牛味濃又唔會太油膩!😳😳不過全晚最鍾意都係呢個, 好薄既牛片, 燒一燒就要上碟, 仲跟埋溫泉蛋俾你, 我自己第一次燒肉有呢種食法, 非常出色!!!我地點左4ROUND, 真係好特別好好食😍😍😍😍食完成餐都冇臭味, 高質!

9月底至十月,人氣燒肉店和牛燒肉一郎港島分店正式開張全部食足120分鐘,唔洗趕時間,唔怕要排長龍,暫時預訂左就OK唔洗排隊供應多款日本,澳洲等唔同國家既靚肉,和牛,如果午市黎食仲有特盛燒肉套餐添!裝修簡約和風,木系自然風,抽風系列強勁,燒肉爐溫火力猛,食完都唔會一身味引入最人氣既伊賀牛,姬路牛,宮崎牛,美國和牛入肉味濃郁口感軟嫩嘅既油脂甘香口感,令人回味無窮,油花豐富脂肪比例均勻燒一燒就食得最平放題$348起,頂班日本和牛價錢係$1000一位,想食和牛就可以攻最高價位,食2轉就回本配合和牛燒肉外仲有海鮮,蔬菜,各種和式小食,麵食,熟食任食 上菜即上一隻和牛燒肉船,入面放左雞肉,豚肉,海鮮同和牛肉,先食第一轉,食完滿意再追加自助區放滿各式沙律菜,飲品,甜品,雪糕任食, 沙律菜爽脆新鮮,飲品選擇多又好飲甜品好多都係日本直送既雪條雪糕,仲有軟雪糕食,口感軟滑冰凍和牛燒肉一郎地址: 銅鑼灣波斯富街24-30號寶漢大廈2樓

平時都好鍾意食牛肉，無論係石燒，抑或打邊爐，仲有最愛嘅燒肉，都係以牛肉為主！今次見有朋友介紹呢間和牛燒肉一郎，加上網上有好多文章話呢度三百幾蚊可以任食和牛，咁就過嚟試一試。每次試一間餐廳，一定係試佢最平同最貴嘅餐，最平就係佢三百幾蚊嗰個，最貴去到成千蚊。佢呢個放題餐廳其實都幾新潮，有沙律吧、有雪糕雪條、有自家製飲品、亦都有醬汁可以調配，環境係唔錯嘅，食得燒肉都預咗地下係會有啲油，所以呢個唔大問題！好！主菜係架船，賣相幾好😍即刻嗱嗱冧燒嚟食先！點知……係靭到咁額外仲叫多咗啲肉有款肉本身已經切得細，燒完仲短過隻手指尾😅不過都只係呢款肉係咁最有肉味嘅反而係五花腩，真係俾佢吹脹😑由於食到無咩癮，連雪糕都冇食就已經想走人，臨走之前梗係直接出去埋單，順便睇吓間公司個大名“天慧投資飲食集團有限公司”Sky Wise 唔知咩，因為有啲遠睇唔清楚兩位星期日晚市加一，盛惠$876

天氣開始涼，突然好想打邊爐或者食燒肉放題。search 一輪後發現銅鑼灣開左一間標榜和牛任食既餐廳，即刻約埋朋友一齊去食啦！餐廳晚市設有6款套餐，價錢由3百蚊位起。我地揀左最平既course A $348一位，包6款特選牛肉(牛肋肉、牛肋間肉、里脊肉、牛外横膈膜、牛肋肉角、薄上等牛舌芯) 、51款食物 + 小船盛及自助沙律、飲品、甜品區入座後店員即送上小船盛，我地即時打卡一番啦！牛里脊肉牛味濃有口感、牛肋肉油花豐富非常日本雞肉嫩滑好juicy  蝦新鮮彈牙、帶子夠大隻，食起來沒有雪藏味(可惜原來我地揀既course 無得encore 帶子，真失策) 小野菜食完小船盛就開始點其他食物了！ 經QR 落order 好方便，而且快捷無漏單牛肉當然要encore 再encore 啦！仲叫左其他小食、炸物等最後當然要食埋甜品先完滿啦！

Set B $398兩小時燒肉放題有多款牛肉，豚肉，雞肉，海鮮，蔬菜，仲有小食，飯麵等等~ 嘢食選擇都幾多😚而自助區就有沙律菜，嘢飲，甜品，醬汁~牛肉種類都好多🤩，有牛肋肉，薄炙牛肋肉，牛肋條，牛里脊肉，牛外橫膈膜，薄炙牛里脊肉，熟成壺漬牛外橫膈膜，牛舌……首先上一個小舟盛盒，入面有牛肋肉，牛里脊肉，扇貝，蝦，雞肉，豚肉同蔬菜~ 我覺得最正係扇貝！飽滿又鮮甜🤤🤤🤤 牛肉都唔錯，牛味濃，油脂分佈平均，點小小鹽或者燒汁都好好味😙 佢地嘅名物 熟成壺漬牛外橫膈膜 都唔錯，醃製好嘅牛外橫膈膜夠晒入味，燒完肉質都仲好嫩滑😋甜品嘢飲選擇都好多😍 我試左柚子紅豆雪條，柚子味好濃，幾好味😆另外，餐廳環境舒適，座位闊落~ 值得一提餐廳嘅服務唔錯😚 侍應會留意客人需要~