和牛燒肉一郎 (百誠大廈)

營業中

休息中

一直想食和牛燒肉放題，終於去左試。一行四人叫左set E，諗住食好啲。入座之後叫左幾次先有職員黎落單，又落得慢。點解唔劃紙仔/用點餐機？好啦，落完單我地出去拎嘢飲，之後比職員阻止左，乜原來幾百蚊個餐都唔包野飲？算了，我地每人加返5x蚊(48+10%)先有野止渴。過左半個鐘，終於有野上左我地就幾 suprise 以為佢用船上小田牛點知原來係”送”既低級牛，等你食飽晒食唔到和牛。真係好醒目。小田牛同donki和牛味道差唔多，不過不失最後食完比錢先知一定要比現金！大家記住openrice 資料係錯❌現金only 同埋只有晚市！食物: 味道符合水平，不過送架船填飽你個肚先好唔抵價錢: 偏貴，飲品另加錢。唔收信用卡冇得賺積分環境: 新，乾淨服務: 慢，漏單遲出嚴重。不友善總結: 食其他好過

好後悔用左六百幾蚊連加一來食D set，完全不值得這個價錢，牛肉質素普通，食物又烏龜速度上，兩轉我都食唔到，就話要last order，大佬，你上食物咁慢，我都未食飽就完。全程一半時間呆等，唯有出去攞沙律同飲品。沙律只係不過不失，果汁完全是濃縮果汁溝水咁，好似藥水咁既味，甜品完全低質西餅店咁既樣，見到都無胃口，中途真係想走。總括黎講，要用咁既價錢食，享受咁既服務，食完又成肚氣，我勸大家千祈唔好試，試完真係覺得自己被揾笨。咁既價錢有大把更加好的選擇。

今日去咗喺佐敦新開嘅和牛燒肉一郎，叫咗C餐。我哋獲安排坐有新幹線送餐嘅座位，不過原來要 booking嘅時候預先要求先可以用新幹線送餐，所以冇得體驗😞整體環境幾乾淨企理，不過廁所未有出面咁衞生。講返食物，首先嚟咗架船，上面有好多唔同種類嘅牛、豬、雞同埋海鮮，非常豐富之餘又已經飽咗兩成。之後有一個桶盛，上面有大名鼎鼎嘅小田牛🤩🐄(牛肋肉+牛里脊肉)。另外仲推介炙燒牛外橫隔膜。海老亦都好鮮甜，不過略嫌壺漬牛肋肉較多筋，有啲韌甜品方面未見有40款，整體來講麻麻，雪條款式算多，個人覺得曲奇幾好味😋樽裝果汁有接近10款，質素幾好，不過鮮果汁味道未算出色😐沙律方面中上，都唔差，比較推薦碎蛋沙律🥗員工似乎未太清楚食物種類，服務態度亦可改善

見佢新開同朋友一齊去試，一入去已經冇人介紹d餐, 搞左勁耐先落到單, 叫左個埋單每人6百幾蚊既日本和牛餐，落完單等左好耐先有野食, 明明食120分鐘, 食到差唔多1個鐘已經放低張單催住要收錢, 俾完之後諗住叫野食, 職員話已經last order左, 咪問佢幾時last order, 佢話個半鐘, 同佢理論完之後, 佢話要去check下張單同開返張單俾我落order, 最後等左差唔多15分鐘先可以再叫野食, 個職員話可以加返時俾我, 叫完又等左好耐所以我再追問, 個職員話幫我追, 我fd再問佢咁而家我哋last order係幾點, 佢話幫我check又話我枱上面仲有好多野食(其實得2碟, 仲要有1碟係泡菜)......其實都冇食過d咩......之後食咗90分鐘佢又拎張單出嚟叫我哋賣單, 我哋咪話已經俾咗, 之後佢話check吓啦再返嚟嘅時候話哦你哋可以食到八點其實都只不過係120分鐘都冇加到時俾我哋😡😡😡😡仲要甜品超難食。。。唔會再有下次，咁貴仲要食到一肚火。。。😤😤

第一次試食依間燒肉，餐廳間隔唔會太逼，感覺幾舒服。安排左入座之後就點左個中價既set D 黎試試，野食質素絕對對得住個收費，另外加48蚊可以有沙律同飲品任食任飲。最驚艷係我第一次喺放題度食到牛肉刺身同壽司，set C以上可以order 特選伴生牛肉，個味道好有喺馬場洞食既感覺。 依度可以食到小田牛任食，食完依餐之後我對依間餐廳好滿意，已經入左我既翻食之選😋，希望可以keep住個水準👍🏻。入座就會有既舟盛リ依個就係我返叫左幾次既特選伴生牛肉😋壽司👍🏻刺身😋

食左$1201 / 120分鐘，今日第一日開業，由始至終冇講過淨係收現金。食嘅係D餐+drink bar，啲牛有渣，果汁熱門個啲飲完第一枝，無人再係雪櫃補貨，迫你飲汽水/花茶，啲嘢食叫完又催最誇張個轉30分鐘都上唔到枱👊🏻👊🏻👊🏻無下次！！帆立貝叫咗五隻，見佢唔上菜催埋單等咗陣都未有，我再叫2隻，結果一口氣上咗10隻俾我，我一口氣燒六隻，結果六隻都係勁多沙無洗過！唯一可以讚嘅只係服務態度比其他店有禮貌真係$1202係超唔抵，另外見到隔離店嗌咗幾杯Cocktail係無味！

坦白講，我認為本店唯一成功嘅地方就係噱頭十足。但今天親身體驗後，認為空有其表，如果今後未能改善，怕是難有回頭客。首先，講左值得讚賞嘅地方，雞蛋黃生伴牛肉我認為係驚豔嘅，做到一半韓國生牛肉嘅水準，可以一試。另外一款雙色生牛肉要加錢，加埋我地fd都唔好生牛肉，所以我就冇試到。完。該店以小田牛和智能化送餐作招徠，但我個人對這兩點嘅體驗都非常失望。1.小田牛菜單一共有六個價錢，分別由298-888不等。首二嘅course係 *不包括* 小田牛的，所以如果目標是小田牛的話，起跳價是408。但緊接住店員告訴我們，這個course只能食一轉小田牛，*不可追加*，性價比不高，建議我們起碼食courseD（498未計加一）。好，咁你來食放題，冇理由食一轉小田牛就算㗎嘛，ok，叫左498呢個course。選好之後店員就走開左，*完全冇*對整個放題流程作任何介紹😊。等了一會，店員上左一艘好靚嘅船，當中有啲蔬菜、牛、豬、雞肉、海鮮等。賣相係有嘅，但爐係要自己開嘅，唔緊要啦。我同朋友一行四人，邊食邊傾，食食下諗緊點解啲肉咁一般嘅，先發現原來艘船，係冇小田牛㗎，咁就快啲order啦。問個店員係如何加單，收到嘅答覆

收到風, 佐敦有個新嘅日式和牛燒肉任食餐廳, 梗係第一時間去試下來到餐廳, 因為啱啱試業, 未落廣告所以人客唔多, 啱曬可以一家人靜靜地食😘餐廳裝修簡潔, 有幾個open kitchen 可以睇到日本師傅喺度準備牛肉.仲有一條送餐通道, 會自動送餐嚟座位前, 先進得嚟又乾淨😄👍👍睇到餐牌, 最平有二佰幾開始, 最貴去到800幾文, 我同屋企人就揀咗個每人530幾文和牛餐, waiter 同我講呢個比較經濟得來, 又可以試到小田和牛先出去自助吧睇下有乜食先, 有五款果茶, 飲鮮榨果汁, 各款沙律, 甜品蛋糕, 仲有大量日本雪糕雪條 先來一杯果茶, 一陣再出嚟攞甜品食先嚟一隻和牛大船拼盤, 有牛肋肉, 牛筋肉, 蔬菜, 雞肉, 豬肉, 又靚又好睇, 打卡一流.烤燒肉, 小田和牛燒出來好腍, 亦都充滿油脂, 食到唔停得口.清咗隻船, 今日我哋食和牛餐, 可以另外再送一份西冷和牛朳, 用個寶盒出, 配上乾冰, 效果一流我小朋友睇到拍曬手.侍應們真係好熱情, 不斷提醒我食得要再試下其它部位嘅和牛, 同埋佢嘅和牛壽司.最後我哋出返去甜品吧, 攞咗唔同嘅糕點美食, 每人食咗兩條日本雪條, 好滿足好豐