和牛燒肉一郎 (百誠大廈)

營業中

休息中

一開張就馬上book左位黎試，本身見到網上咁多留言都有啲擔心，但好釆無想像中咁差諗住搏下食一次算所以叫左最貴個F course一開始就有幾款盛合送黎寶箱擺左好多乾冰所以好大煙，打開有啲見唔到塊肉😂啲紋好令，原來係西冷位😻👍🏻👍🏻呢件好正另外仲有個樓梯咁既盛合，全部都系和牛🤩條輸送帶送黎好得意😎火力夠🔥係香港好少可食到牛既刺身🐂食落同魚生咁上下😂個人覺得包埋蔥好食啲牛肉壽司都好味😋另外有個生蛋拌牛肉都好新奇有趣！加左$158 任飲（有酒精）因為佢menu 有價錢，其實飲3杯就已經回本😎呢杯（唔記得咗個名）都好飲，好似whiskey coke咁🍸全程上菜速度都正常，服務態度可圈可點，大部分員工都算有禮貌，不過本身無咩交流😅 no comment 上網睇黎自己嚇自己😂都係諗住死就死啦自己親身試一次最穩陣🐂🐂

香港人鍾意食日本和牛，對和牛一定不會陌生。一般的日本和牛名稱都是以地方名命名，例如近江、宮崎、飛驒等等，但這家新開的日式燒肉店提供的小田和牛，則以農埸莊主小田先生命名，確實值得一嚐其獨特之處。這裡地方寬倘整潔，門口有一個放滿和牛的雪櫃，並有一個以玻璃隔住的切肉房，可以看到廚師忙著處理一件件現切的和牛。餐廳提供六款和牛放題，價錢由$348 - $1098，各式其式，豐儉由人。另外還可以加$68 享用自助沙律吧、甜品吧和飲品。F Course $1048 - 這個餐是最貴的一個餐，基本上可以享用餐牌內所有食物。特選鹿兒島和牛七款 - 七款和牛由低至高吃起。次序由西冷開始，接著是夏多布里昂、肩胛肉、三角腹肉、辣椒肉、牛筋間肉，最後吃中間個塊三筋。各款和牛厚薄和部位雖然各異，但口感同樣入口即溶，油香四溢，肉味香濃。舟。盛合 - 木船上的食物可以説應有盡有，有豬、牛、雞、海鮮、蔬菜等等，份量驁人。各款食物都很新鮮，帶子還可以原隻連殻慢慢燒，味道鮮甜。是日寶箱 - 輸送帶送來一個神秘寶箱，揭開後看見煙霧下的小田牛西冷，大大片的西冷油花分佈均勻，口感軟嫩，食感、香氣、味道俱全。沙律吧飲品吧甜品

係30/3月以經BOOK定位, 4個人食14/4 7:00, 話說呢間最近好火架鹿兒島和牛餐廳我同朋友早半個月前BOOK位... 我BOOK位BOOK7點... 佢因為要返枱所以尋日打來叫我地6:35到... 一來到安排位置以經有問題... 我未見過一間餐廳4人係比細枱... 而2人係比大枱。同朋友以經冇出聲...之後我地6:35到... 佢8:25就不停趕我地走...埋單個時睇一睇張單都好正常... 個待應好似阻住佢咁...真係睇一睇...個待應黑我地面... 之後張單仲要係錯既...加上我地冇用過佢任何優惠或者折扣...再講野食叫個牛肉他他... 追左4次單先來...不停漏單... 再問就話冇哂... 冇哂但之後又出到來... 熟食一啲都唔得...啲單亂哂龍。叫牛肋肉面...個面係完全未煮好... 蛋花湯就只得蔥同水仲有鹽味... 我未見過一間餐廳連匙羹都冇... 問左3次... 最後都係冇來到(隻匙羹)... 肉係唔錯... 不過態度真心唔好... 唔會再食

其實我好少未食就俾負評😢但今次真係覺得餐廳處理的手法有非常多嘅進步空間忍唔住要打一篇希望餐廳改善一下-因為見到唔少好評同廣告介紹而且小田牛又非常吸引11/4打電話去餐廳book枱打算月尾慶祝生日之後嗰一兩日就見到依度同社交平台嘅專頁都有好多人留言話唔ok嗰陣我覺得餐廳新開張上菜慢/員工培訓不足都明白可以體諒始終真係要落手做先慢慢做熟上菜慢嘅 我最多咪第一輪乜都落晒單先-到左前一日 餐廳打嚟confirm booking内容好正常 都係話「係咪x小姐book左聽日x點？」我話係 於是對方就提返準時到跟住收線收到confirm booking梗係又再望下食咩好因為嗰陣其實心大心細諗緊食抵食D餐定係食盡佢食F餐好問題就黎啦上專頁一睇 寫價錢嘅幾張圖冇哂🧐ok唔緊要 反正我本來係諗住睇食乜 唔係睇價錢點知拉落去 竟然俾我見到嗰post寫new price from 16/4咩話？new price？點解冇人話我知？ok唔緊要 咁我睇吓嗰price有幾new啦但係嗰專頁又乜價錢都冇於是要好煩咁睇吓其他平台有冇新資訊終於俾我搵到OR有人up左相又對比下之前自己電話cap圖本身諗住加少少 就當豪俾佢

其實，有時食牛真的會食上癮，早前吃完和牛火鍋放題，誰料今天經過佐敦，發現新開了一家和牛燒肉，BeautySearch 又忍不了口，心郁郁想去試試......   見差不多晚飯時間，於是便決定今晚在這店 - 《和牛燒肉一郎》燒一燒！《和牛燒肉一郎》主打日本和牛燒肉放題，可任食來自美國、澳洲及日本的和牛，另外還有一豚肉、雞肉及海鮮等。剛步入餐廳，便看見廚師正在處理大大份的鮮牛肉，功架十足！很久沒有吃日本高質牛肉，於是，決定豪一點，揀選價位較高的 Courses F，希望可以試多幾款和牛。   點餐不久，便揣來大大隻船。刺身船吃得多，如此吸睛的燒肉船，還是第一次見。當中已包括了四款牛：牛外橫隔膜、牛里脊肉、牛肋肉、牛肋條肉。除了主打和牛，另外還有一系列豚肉、雞肉、海鮮、蔬菜...... 等，相當豐富。放題設有自助區，Salad Bar、Drink Bar 提供不同選擇，包裝精美，十分衛生，食客可安心自行揀選喜歡的沙律及飲品。最特別是店內設有燒肉新幹線圍繞客人，點菜後，火車會送餐到客人面前，十分有趣喔！神戶牛、松阪牛、近江牛，相信大家就算未吃過都聽過，而《和牛燒肉一郎》更獨家供應來自日本鹿兒島

太耐冇去日本好掛住日式燒肉，知道最近香港新開左間專食日本燒肉嘅放題就嚟試吓原來佢哋除咗任性選擇之外仲可以單點高級和牛首先有涼拌小食盛合醒醒胃然後先試日本產豚肉，薄薄地燒到脆卜卜好正！到我最期待嘅鹿兒島小田A4和牛，上咗認識係會以一個自動會轉形式將你點嘅菜式送到去面前，好似迴轉壽司一樣好新奇有趣。講返啲肉先，和牛油脂分布得非常之平均，目前係我喺香港見到最靚一放落爐燒10零20秒已經可以，千祈唔好燒得太耐。入口即溶，成個口都充斥着和牛香氣，太滿足另外仲叫左和牛壽司，生牛肉壽司，牛大腹肉壽司同炙燒壽喜燒壽司最後雖然好飽，但係都逃唔過個壽喜燒牛肉丼同博多豚骨拉麵，覺得點都要試埋賣相好精緻一啲都唔覺得係任食嘅質素仲有個無限任飲任食嘅沙律甜品飲品區，整體好悶滿足食得好開心😃

平時食韓式燒肉放題就食得多，反而日式嘅好小試，聽到佐敦新開左呢一間和牛燒肉放題即刻要嚟放題選擇分別有A-F選擇，既然都黎得當然要食最貴嘅F首先第一輪叫左美國和牛丶澳洲和牛丶日本產豚肉丶日本產雞肉丶海鮮及野菜 其次輪到重頭戲 鹿兒島黑毛牛特選盛合特選日本牛果然係唔同啲，啲油脂分布靚到不得了，真係有入口即溶嘅感覺，重拾返喺日本食燒肉嘅感覺最喜歡嘅係小田牛 三筋部位，聽店員介紹一隻牛只會做到30份左右，係相當之珍貴另外仲有自助區域，裏面有無限量供應沙律丶飲品丶甜點及雪糕特別值得一讚嘅係佢哋飲品全部都係新鮮果汁，仲有自家調製嘅特色飲品，呢一點係我好驚喜嘅。店舖好大好闊落，有別於一般嘅燒肉店，係一個好嶄新嘅體驗

諗住happy friday同朋友食好啲，一坐低見到個menu，點解比上星期貴左$100？？！！朋友上星期食都唔係呢個價架喎！算啦，唯有繼續食啦～任飲飲品&任食甜品沙律係要另外加$68，見啲甜品普普通通，所以決定唔加，結果全程只係飲水🥲(第一次食放題要飲水）叫左有小田牛任食嘅set D，啲牛係好味嘅，但係上得勁慢，其他食物就上得快啲喎！係咪驚你食晒啲牛？？總括黎講，試一次就夠了，唔會再有第二次！！！

開咗open rice戶口都好幾年一路都係做CD-ROM，今日真係忍唔住要寫個食評。話說自己係住附近，見佢新開張同係social media上有超多新聞廣告，所以諗住支持下。結果係12號同朋友4個人食咗set D加沙律吧連飲品差唔多$2500埋單。呢間嘢除咗裝修環境新淨同員工都尚算有禮貌外，其他總結一句就係「性價比超低」。首先佢哋有幾款「上乘牛」係只可以order一次，但滑稽的是無論你幾多人一檯，份量都係一人份，咁我不如四個人分四張枱坐。再講嗰份所謂只限一客嘅和牛除咗夠油夠肥外，根本冇乜香味。上餐超慢，唔知仲以為食緊法國菜。老細如果驚蝕錢不如咪鬼搞all you can eat，正正經經好似人地Yakiniku JIKON，行高級路線。同樣價錢我係Yakiniku Great同Futago散嗌真係仲開心。如果想要任食體驗不如去牛角或者銅鑼灣尚鮮，真係食到一肚氣。

佐敦新開人氣店,想食就要5點搶訂位，又或者試下一開門試ＷＡＬＫＩＮ位！周末4月16日5PM WALKIN 即場有位！但要７點前交位～！日式燒肉放題店，特大地方，七千呎，最搶眼就係燒肉新幹線送餐玩法！仲有ＶＩＰ房添呀！提供多款和牛燒肉放題餐，限時２小時！$348起，最高級一款$1048!共6個價位和牛，燒肉，小田牛！ #和牛食べ放題  小田A4和牛,來自日本鹿兒島,係很有名既牛肉品牌肉味濃郁,口感柔嫩,就算食赤肉和牛肉一樣鮮嫩可口除了有獨家既小口牛,另有日本豚肉,雞肉,海鮮,野菜仲有你係媒體介紹上見到既是日寶箱！和牛刺身同炙燒和牛都係必食之選! 舟．盛合鹿兒島小田A4和牛特選盛合：七種類另有多款口味既沙律供應,多款飲品,多款甜品雪條和牛肉質,燒肉爐,餐廳環境,服務都係頂級水準值得一試,食完大滿足～無限量供應的沙律丶飲品及甜點，食客可於餐廳自助區域挑選。仲有梳打水機,可以混果汁飲更爽!攻略心得,專攻牛肉部份就得架喇!可以食個沙律打下底先！和牛盛合　可以食到七種特選部位，各有風味，以三筋最為脂香濃郁舟・盛合　即有齊各種豚肉，雞肉，海鮮，野菜，美國，澳洲牛肉和牛壽司，入口即溶肉味甘甜，口感柔嫩

我地一行3個人，坐比較近門口既卡位。一出𨋢個位已經同平時既燒肉餐廳既感覺好唔同。未入去係門口出面有塊大玻璃，見到師傅係廚房切肉🥩Receptionist安排左我地坐比較近門口既卡位，原來餐廳入面所有位都係卡位。好闊落，坐得好舒服🤓🤓我地幾個一心諗住食好d，一坐低就嗌左個F Set。好快飲品都未到就黎左隻船🤩🤩之前再黎左個寶箱，又係要影相時候😆😆D乾冰多到一開始睇唔到塊牛冷肉，但d乾冰散左之後，塊肉好靚呀～～～油脂分佈好平均👍🏾👍🏾另外，條高速線都好過引👀👀要禁制打開道門，感覺好似高科技咁🙈同埋都幾衛生～最後食到好飽好滿足，真係好鍾意個環境，好光猛乾淨。想舒服食燒肉既會再黎過😜

我今日5點去到食叫第一輪放題 佢第一輪送餐速度冇問題 叫到第二 三輪佢好耐先黎啲肉差唔多得返半個鐘完先黎曬啲肉 搞到食唔曬有亂 佢係第二三輪嘅送餐速度真係慢仲有我地叫左一個有配溫泉蛋嘅燒肉 來到我打開個溫泉蛋係結左冰 我問左一個侍應佢話咁樣隻蛋係正常㗎囉 我心諗食溫泉蛋隻蛋點會結冰 跟住我哋再問另一個侍應佢即刻幫我哋換啦.

訂5:30，早到10分鐘比你入揀D餐部分小田牛任食，最好食的只食得兩轉，第一轉係坐低第一轉，第二轉吹到last order 後15分鐘先到，吹過幾唔同侍應/經理都一樣，溜單溜到暈，小田牛、壽司、生菜、蠔、扇貝、樣樣溜！湯、飯、麵一陣就到，匙羹都要問經理先有....！經理最後話同事落左隔離房，所以溜單！我地遲20分鐘交房！食物:小田牛新鮮，但大部分無咩牛味，寶盒西冷夠軟熟，但都係無咩牛味，5個人得一塊！久等既020薄里脊最好食，order 2轉得1轉最後先到！隻船啲肉類一般過一般！蠔麻麻！虾、魷魚ok！扇貝我冇食，因為又溜梗隻....！加錢沙律吧，我諗走唔甩，如另叫一杯野飲$70！侍應態度一半好一半普通唔好！地方真唔錯既，夠寬躺，枱又夠大！020無影相$600人頭

見到佢係咁賣廣告話任食和牛，我即管試試。喺社交平台有條link book位，唔算難book。一入到去裝修好cyber, 好大間，不過個抽風做得唔算好因為好大陣味。佢總共有A到F嘅任食二小時餐牌，我今次揀咗最平嘅A（平日$298，weekend $348)嚟食再加左$48要佢啲沙律甜品同埋飲品。其實嗰$48都一定要比㗎啦，因為佢個餐牌上面冇得比你單點非酒精類飲品，佢啲甜品果汁同埋沙律都非常之唔吸引，不過佢啲雪條係非常之出色。嗰$48當食雪條，同埋飲coke zero我覺得接受到嘅。跟住一泥就打卡位既肉船，出晒煙咁都幾開心。我哋試咗和牛刺身同埋壽司，可以一試。見到隔離枱有好得意嘅鳥巢生雞蛋，發現最少係B餐先有，我覺得大家可以最少試B餐。泥完第一輪嘅食物之後，激氣嘅時間就嚟喇。我哋落咗單嗌咗幾樣可以燒既牛肉，佢嚟咗一樣之後就冇再嚟過。我嗌左一碟生菜諗住包住啲燒牛肉嚟食，跟住個枱面有25分鐘都係無牛肉燒。我好肚餓所以開始燒啲蔬菜，其實真係好嬲，你任食兩個鐘有差唔多四分一時間係冇得燒牛肉，如果淨係燒蔬菜我使乜比呢個價錢。佢最正嘅係同我講話last order, 我之前嗌嗰啲肉一路都冇泥但係你同我

實在唔敢相信佐敦會有高質和牛放題！ 呢度環境靚靚坐得舒服，徹底地打破「佐敦放題店」污煙漳氣既既有印象😂講返食物質素，放題套餐$298/人起，而且和牛嘅質素絕對係高質（睇到圖嘅和牛油脂分佈就知😀），而且供應全港獨家既「小田A4和牛」，肉咪幾濃又夠油脂，都幾好食！必試小田牛夏多布里昂，係牛柳芯，一隻牛只係做咗幾份，肉質勁淋，加埋佢哋嘅秘製蒜汁，真係好食！除咗燒肉，仲有好多唔同嘅小食可以揀，例如和牛壽司、和牛刺身、炸雞、拉麵等等，應有盡有嘅選擇😂 而且加錢仲可以享受埋無限沙律、飲品同甜品，非常滿足！