和牛燒肉一郎 (百誠大廈)

營業中

休息中

這間燒肉有多款肉類可供選擇✨ 喜歡吃牛的一定要去試哦♡ 先講下個環境 門口有面大玻璃 可見到師傅在廚房工作🧑🏼‍🍳 店內的位置寬敞整潔 給人一種舒服的感覺🥰 還有燒肉新幹線 方便傳遞客人order的肉類🥩 他們有A-F的套餐 肉的質素和款式數量都不同☺️ 我們選了C餐 肉類新鮮美味😋 先來的是◦舟 盛合◦ 放有幾款牛肉✧海鮮✧蔬菜…🥬 不得不食的是牛肋肉◦牛外橫膈膜◦牛里脊肉… 🐮 燒過的牛肉油香滿瀉 入口即融化👅 鮮嫩多汁 牛味重👍🏻 令人就一試愛上了🤤 其他牛肉也很新鮮 色澤鮮紅😆 還有雞|豚肉 |前菜 |壽司 |生肉刺身 |丼飯🍛 蝦和扇貝也很棒 質嫩爽口的🦪 而醬汁和調味都很有水準🤍是不是很豐富呢˶ˊᵕˋ˵ 這個價錢除咗品嚐到鮮嫩的肉類🙈 還有個自助區域 有飲品‪⸒⸒沙律‪⸒⸒甜品‪⸒⸒雪條🍡 果汁和自家製飲料款式很多🥤 個人推介Fruit Punch֊ Fruit Tea֊ Green Tea֊ Sangria Red🍹 味道清新又健康🌱 配上燒肉的口感很爽呢.ᐟ 吃飽了還有精緻的甜品🍮 焦糖布丁‪ꔛ‬芝士慕絲ꔛ抹茶紅豆雪條等 很滿足哦😌~

生日男朋友話要同我食好啲，所以揀咗任食燒牛放題，岩哂我呢個牛魔王。👍細心位有黑色圍裙，以免客人嘅衣服整污糟。👍用開關玻璃門嘅食物輸送帶運送食物，乾淨衛生。👍有嘢飲區，包括唔同嘅果汁及汽水，仲有沙律盒，乾淨衛生。👍職員服務用心，會同每張枱嘅客人講解唔同嘅course有咩包含，如何點餐，詳細解釋。B course （$mon-thu$398/fri-sun$448）除了AUS和牛肋肉和AUS和牛里脊外，還可以享用牛舌及牛夾膜等其他食物。食物款式好多，牛肉有好濃郁嘅牛味，而且燒完都仲好Juicy，仲有好多其他食物配菜，例如有泡菜類、湯類、手卷及拉麵，可以食到好飽。如果嗌其他D course仲有一個寶箱盒，裏面有是曰精選嘅牛扒一大塊，好吸引。整體而言唔錯，啱晒牛魔王過嚟食，如果對牛有好大嘅鍾情嘅朋友就啱晒，因為啲牛唔錯幾好食，重點係成個環境坐得好舒服，仲有其他唔同嘅食物配料。

今日去咗和牛燒肉一郎食放題，原本諗住係日式燒肉，但係入到去個裝修係勁新潮，勁韓，勁fusion🤩成個感覺好得意佢有A B C D E F六個套餐嘅選擇，當然都可以散嗌啦，我哋今次就試咗個B先！原本睇張相呢好多嘢食嘅，但係放題通常出嚟都係冇相咁靚㗎嘛，但係佢呢度竟然成架船咁樣搬出嚟俾我哋囉，打卡一流呀！重點係佢啲肉都係超好食，放題嘅質素來講，佢算係好top，每一舊牛都充滿着油香，食落去淡淡牛味，其中特別推介呢個牛里脊肉🤩仲有就係三百幾蚊嘅呢一個放題set，竟然連生蠔都有得比你燒，除咗生蠔呢，海鮮就仲有得揀墨魚同埋蝦。另外就係呢佢啲飲品都好特色㗎，有幾款都係佢自家調製嘅，仲有得揀啲果汁類嘅飲品，同埋有梳打水，甜品方面呢佢都好特別，佢嗰啲係明治嘅雪條，我食咗嗰條紅豆煉奶雪條，超好食囉🤤喺街邊放題冇得食嘅今次呢間燒肉放題真係令我大開眼界，係一個非常之唔錯嘅推介呀😙😙😙

小編屋企人生日一定要食餐好🥳佢地平時好中意食🐄又中意放題所以尊登搵左間燒內放題孝敬下佢地💗呢間餐廳好大好大😙所有坐位都係卡位 好闊落好簡約時尚地下唔會油𨋢𨋢、抽煙系統good👍🏻食完唔會成身燒肉味～～重點係佢送餐方式全部機械化✨大部分肉類都係經路軌送到 點餐係經QR code夠哂智能又有新意 真心高質🔥📍SET C ($448)呢間餐廳提供SET A - F 價錢由348至1048不等～星期五六日會貴啲每一個價錢都會包唔同種類嘅肉類🥩小編就揀咗中等價錢嘅SET C有76款任食 出面仲有沙律、甜品、雪條、嘢飲住拎😍🌈舟·盛盒呢個其實一坐低每台都會有～以一架船裝晒唔同種類嘅肉類、蔬菜🥬上面有齊澳洲和牛 牛橫膈膜 蝦 扇貝南瓜 茄子 菇…多到數唔晒🤣 胃口細啲食完隻船已經飽咗🥲🌈桶·盛盒呢個以桶上菜外貌都非常吸晴😋入面有牛肩肉 同 牛里脊肉呢兩款肉都好好食 肉嘅紋路非常靚🤟🏻輕輕兩邊都煎10秒左右放入口勁Juice油脂爆曬出嚟🤤🤤真係冇得頂👍🏻🌈大判壽喜燒牛里脊肉呢個又係SET C必食‼️有兩大片壽喜燒牛里脊肉再配埋壽喜燒必定有嘅蛋汁 prefect💯甜蛋香+ 肉油脂 真係好正🤣大家一定要食～

牛魔王心血來潮想搵一間食到高質牛肉嘅餐廳同三五知己坐得舒服共進晚餐朋友食過位於佐敦的新店「 #和牛燒肉一郎 」啱晒我地牛魔王嘅胃口呢‼️一入到餐廳位置好寬敞而且座位好舒服好大我哋二人就被安排坐長長的卡位位置店員就向我們講述最後位置有自助吧那邊有不同特色的飲品、沙律、甜品及雪糕等等款式好多應有盡有仲有我最鍾意嘅果汁系列呢正 ~⊰⊹════════════════⊹⊱✎ 食後感 ：✨🔴 泡菜/涼拌小食盛合先來兩份前菜一共有六款小食一邊食一邊打開厚厚的餐牌揀嘢食🟢 生牛肉/牛大腹肉壽司有質素嘅生牛肉壽司真係買少見少兩款不同質感口感嘅生牛肉牛肉條紋非常鮮艷平均食落去根部位置好有咬口點少少豉油Wasabi已經好夠味🟣 #炙燒壽喜燒壽司職員即場用火槍燒一燒隨即已經聞到好香嘅牛味道大大篇牛肉包着壽司飯可以中和牛油油膩嘅口感🟠 #舟•盛合呢架燒肉船實在太吸引了裏面有五六款肉類還有海鮮當中包括有牛外橫膈膜、牛里脊肉、牛肋肉及牛肋條肉等不同部位的牛肉有着不同的質感話咁快燒一燒就食得每一款牛肉牛味濃郁而且好鮮嫩點一點醬汁更加滋味呢🟡 是日寶箱-當日新鮮即切呢一份咁有氣派嘅肩胛肉用寶箱裝住矜貴到唔捨得食而且牛肉

今晚經過佐敦試下，唔需要輪候直入，眼見客人唔多，牛肉一般，牛味唔夠，隻船反而唔錯，可惜分量偏少，海鮮唔新鮮，尤其蝦，應該擺左好耐，反而墨魚同蠔唔錯。點餐用手機掃code點餐，上菜速度都算快，但分量少，所以要叫多幾次，出面飲品bar隨罐裝汽水外，仲有好多特式飲品，仲有沙律提供，甜品都好精緻，而且獨立包裝，非常衛生，仲有明治雪條，多款味道，值得一讚環境方面衞生，位置寬闊，有提供圍裙，細心之作，侍應態度很好，知道我哋第一次嚟有解釋肉類價錢，點餐方式，入座時間總括價錢偏貴，食物品質有待改善，環境同服務不錯

全和牛宴🤤🤤原來係抱住試下嘅心態嚟食，點知有驚喜🤩我地揀左 Course D (91 kinds)全部和牛，有寫明薄炙⋯每一份都有張紙仔寫明係咩，所以係絕對會知道自己係食緊咩⋯🖌圖一 肯定係和牛壽司啦😎🖌圖二圖三係頭盤，一枱得一份⋯🖌圖五就有啲論盡，因為佢係一大粗條，唔知點燒，我地要長條咁剪開佢先燒到⋯🖌圖九 油脂多，成舊牛肉好淋 好香一開始入去都覺得好凍，諗住一陣燒肉嗰陣有火會好嘅啦⋯食到咁上下，可能有唔少人已埋單 所以開始feel到好凍，長衫長褲都凍到震😶‍🌫️🥶如果去食真係要拎多件衫全部都係meji 雪糕雪條，好正，仲有少量嘅甜品

和牛燒肉一郎出名多靚牛食，有放題有散叫💓但因為想試多啲特色野所以我哋決定散叫🥳先嚟個前菜開下胃，同埋佢哋三款既自製醬料都幾特別！舟·盛盒各種肉類都有，加埋海鮮同蔬菜夠晒豐富！是日寶箱仲有新鮮即切既小田牛西冷，油花分布均勻，入口即溶超正呀😍我哋仲叫咗以下三款牛肉壽司🍣💓生牛肉壽司，油花超靚牛味濃郁，壽司飯選用嘅係日本大米特別香滑軟熟，超回味！💓牛大腹肉壽司，因為牛腩嘅位置所以口感比較煙韌，肉味香濃！💓炙燒壽喜燒壽司，極大片嘅雪花和牛由美女店員職場炙燒，再拌埋個壽喜燒汁同溫泉蛋一齊食，真係好幸福呀！追加埋壽喜燒牛肉丼同埋博多豚骨拉麵俾小朋友食，不過唔知係咪當日廚房太忙嘅關係令到呢兩款熟食有少少失準，個飯好似加漏咗個汁同埋略嫌個拉麵嘅紅薑味太過勁，不過其他食物水準高就算係將功補過吧😉最後不得不讚佢嘅自助飲品區沙律吧同埋甜品區真心超吸引！多款排毒健美果茶同埋果汁、氣水，甜品區都好多嘢食，焦糖雞蛋布丁係我嘅最愛🍮仲有多款日本雪條添！重點係呢度啲店員都好靚仔靚女，服務態度好好😍值得encore呀！

Bookmark左呢間燒肉好耐架喇，揀左放假去食5:30-7:30呢個時段，一去到餐廳門口就感覺餐廳好有氣派，門口放左好大隻牛像係到，裝修都非常靚，感覺好舒服。佢大部分都係卡位，兩個食坐得好寬敞好舒適。今次點選左佢既C餐，有和牛、雞、豬同海鮮，除左個和牛，其他都可以任叫，而且係QR code落單非常方便。呢間餐廳好適合打卡，佢啲食物都係經輸送帶上既，輸帶上都係用膠板圍封，唔洗怕污糟，佢個盛合上到黎都有乾冰係到，岩晒鍾意相機食先嘅朋友。佢既和牛真係好出色，係粉紅色既色澤，啲紋路好靚仔，將佢燒到七成熟，入口係即溶，陣牛香味係無得頂。另外，出面自助區有好多果汁同飲料選擇，仲有幾款甜品，雪條區隻隻味都好吸引，我食左海鹽荔枝味，推薦！

8月係瘋狂搵好野食嘅日子最近食過嘅餐廳唔少 最近試咗呢間和牛燒肉一郎🚝新幹線列車送餐首先送上嘅係盛合系列，店員貼心指引如何用牛脂肪熱鍋1️⃣牛里脊肉好軟身肉汁湧出，脂肪溶於口中，必叫item! 🔥2️⃣牛肋肉 相對更薄身又嫩滑3️⃣牛外橫隔膜 厚身肉感 比較重牛味4️⃣牛肋條肉 最有咬口同嚼勁 5️⃣蝦好鮮好爽6️⃣薩摩豚香腸脆皮好好食✨由於係燒肉放題，可以掃QR code 再點番你鍾意嘅肉，仲有好多其他選擇。炸雞、壽司、拉麵、泡菜等等都有。實在令人非常滿足！飲品、甜品，甚至沙律都種類繁多 有幾個自助冰櫃就自己嘅需要任揀 果汁、梳打、果茶全都天然，有助消化同清清味蕾～我再叫咗粉紅檸檬梳打同蘋果蘆薈，貪佢微甜得嚟又清新～雪條亦係店員極推薦必試—獨家製超滑超多果肉北海道3.6牛乳味比平時仲要香濃！水果味試咗荔枝，非常清香仲有好想再食多幾杯焦糖布甸😭酒店質素都無咁好食 軟身而唔會一食就知全部都係魚膠粉🤦🏻‍♀️甜度適中😝非常推介同一堆三五知己聚會一齊去食$493一人（加一服務費已計算在內）

食過一次好味既燒肉之後，對於燒肉質素就大大提升，今次呢間完全滿足到我個肚！！總共有六個餐，我叫咗B餐，已經有66款食材可以任點任食！坐低冇耐，餐廳會送上一艘木船，船上有齊大部分你個set可以食到既肉類同海鮮，隻船仲識噴煙，好岩打卡！當日都食咗好多款牛肉，特別推介有以下幾款：薄炙牛里脊肉，真係好薄片，油脂好夠，非常容易燒而且好猛火！牛舌同樣薄切，帶甜甜嘅燒汁/滿滿嘅蔥花，爽口。熟成壺漬牛外橫膈膜，醃料唔會好鹹，肉質夠厚，帶有肉汁，不過側邊位有啲咬口。海鮮非常新鮮，清洗好乾淨，上枱嘅時候夠晒冰凍，特別係鮮蝦非常大條，爽甜彈牙。生蠔用左錫紙包住，直接放上鐵盤就得，非常方便，而且味道鮮甜，帶有小小海水既鹹香！熟食部份：煎魚餅、炸雞都非常可口，真係熱辣辣，即點即整！任食當然唔少得有自助沙律、自助甜品、自助飲品區啦！選擇超多，特別係沙律區，用晒一個個膠兜裝起，感覺非常衛生！飲品方面比起一般選擇更多，特別係鮮榨果汁，清清甜甜又健康。甜品雖然細細份，但係選擇好多，連啲雪條都插晒一支支架！👍🏻👍🏻有部份肉類經新幹線輸送帶自動送上，記住預備手機錄定片呀！

和牛燒肉一郎近期非常受歡迎繼火車壽司之後連燒肉都可以坐火車 非常新奇全個餐廳環境佈置都顯得好高科技而且仲設有飲品甜品自助沙律吧 成餐飯包保飽到上心口🤤🤤套餐分左幾級 我就揀左比較經濟嘅Set B都已經好滿足 不過見到隔離枱食高級啲嘅肉認真吸引 尤其和牛壽司即場火灸 非常吸引 有錢可考慮食高級套餐🤤🤤🥩肉類先講下主角 各種肉類先🤤肉類有幾款係特選肉類 會坐火車出黎而呢幾款特選肉都真係我較鍾意如果唔怕食肥啲 我最鍾意嘅係牛肋肉角油脂味超香🤓🤓🤓而打卡位就係一坐低就會上菜嘅一隻船會有齊豬牛雞海鮮同蔬菜食隻船就可以先試喜歡邊款再encore🤣🦪海鮮類蝦係燒肉都想見嘅而呢度嘅蝦都大隻肉質彈牙但較吸引係會有蠔🤣每份有2隻蠔 啲蠔都飽滿脹卜卜味道唔算非常鮮味 但都正常水準😆🍚其他料理類最驚喜係有我喺牛角最愛嘅香蔥溫泉玉子飯味道同牛角差唔多 要黎同肉一齊食就岩曬不過比較無奈係加左一碗飯之後 喺離座前先到 食唔到😭😭😭😭第二樣都非常特別嘅係明太子壽司 有幾款九州壽司可以揀 我就揀左福岡明太子壽司明太子份量足 味道辣辣地 食肉食到膩膩地再食就very good👍🏻另外朋友極欣賞佢地嘅生菜 包肉食非常新鮮😀

☞ 最近多咗好多「新幹線」形式嘅日本餐廳，意思係送餐會用到輸送帶送到你張枱，衛生又方便👍🏻今次揀咗佐敦嘅【和牛燒肉一郎】試咗佢哋嘅120分鐘和牛燒肉放題 Course B😋🍴All you can eat course B（$398）❖ 牛肉方面，佢都有好多唔同嘅牛肉部位可以揀，個人最推薦係薄灸牛肋肉，食落油脂感比較重，配埋佢啲柚子sauce會balance返，我encore咗幾碟😆❖ 佢哋所有set都會包埋自助區（飲品、沙律、甜品、雪糕）任食🤤而且絕對唔係hea你㗎！❖ 環境方面，我覺得都幾乾淨，座位舒適，好似全部都係卡位👀 而且抽風做得幾好，無燒肉店嘅油煙味！抵讚👍🏻 而且侍應嘅服務態度好好，收走吉碟嘅速度都好密，整體用餐體驗唔錯😆👍🏻

燒肉都用新幹線!!!餐廳位置唔難搵, 係報紙檔樓上~ 一出lift見到一大隻牛係門口都咪話唔嚇親…除左隻牛既模型之外, 仲有個雪櫃展示左好多唔同牛既部位同埋證書.. 令客人食都食得安心D..佢地舖頭裝修時尚cyber,而且座位十分闊落…佢地仲用智能化既送餐模式透過運輸帶送食物去到客人既枱邊, 再由客人自己拎上枱.. 過程衛生好多..我地要左個B餐, 坐左冇耐店員serve<<舟盛>>比我地.,.. 入面有牛外橫隔膜、牛肋肉、豚肉、虎蝦、帶子、什菇&蔬菜等…呢隻舟最印象深刻既係牛外橫隔膜、虎蝦、帶子!! 牛外橫隔膜唔算油脂重, 但係唔un口…比較軟腍同質地幾唔錯!!虎蝦就香口鮮甜同爽口!! 帶子估唔到大隻得黎甜美! 我地有再追加虎蝦同蠔!!! 蠔又係唔會有腥臭味之餘比我想像中新鮮! 總括黎講: 呢度既海鮮類好唔錯!而牛方面.. 我地有order左牛舌、牛肩胛肉、牛外橫隔膜倨人覺得牛舌就切得太薄喇.. 冇左咩口感…牛肩胛肉、牛外橫隔膜都唔錯!!出面self-serve既有salad bar.. 有數款唔同種類既salad.. 全部都一個個用獨立紙盒裝住..

今日同朋友黎試左呢間日式燒肉，真係好高質❤️❤️環境乾淨闊落，最特別就係佢地個自動送餐系統❤️我玩左好耐😀😀佢地主打鹿兒島小田A4和牛，雖然冇得續盤，但一個小木桶都有成八片，2個人食都好夠。我嘅心水係和牛牛肋肉，入口即溶伴隨少少肉汁，好好食🥲成個course仲有好多野食可以任食，五花腩片燒到焦香就最正❤️日本嘅生牛肉同我食開嘅韓式生牛肉好唔同，味道較甜，隻生蛋靚，成碟生牛好滑好好味😋海鮮有超大隻扇貝，好鮮甜，仲有大大隻虎蝦，連蠔都係任食咖❤️另外仲有雪糕、甜品、海鮮、澳洲+美國牛、養生/特色飲品⋯⋯食到勁飽🥰如果你想搵一間高質日式燒肉放題，呢間絕對唔會令你失望❤️