和牛燒肉一郎 (百誠大廈)

營業中

休息中

佐敦呢間燒肉放題推門入去見到個場既師傅點樣處理d牛肉不停密密切令食客食得放心開放式廚房一目了然，環境衞生我同朋友揀左C套餐，職員用心講解餐牌，用QR Code落單，餐廳將食物放左响一隻木船上面，有帆立貝，海蝦，各種牛肉，牛肉放在乾冰上，油脂分泌好平均，有入口即溶既嫩滑口感，牛肉名物小編最愛大大片既大判壽喜燒牛脊里肉加埋蛋漿口感軟淋。小編推介呢度既鮮榨果汁，雪條種類多為日本雪條為主，唯一藍梅味雪條味道真係少少奇怪。

第一次食呢間燒肉放題....結果 仲衰過牛角一開頭坐低食既時候都覺得牛肉既質素可以接受.點知7:30過後開始多人入座 就完全好似置身係(仙境)咁油煙大到唔想食不過最令我不滿既係 由叫last order 果刻開始，所有員工都好想趕你走咁😊食到72分鐘就話要last order! 你冇睇錯 我冇睇錯 個落單page 係顯示左你入左座幾多分鐘！ ok fine 一個食120分鐘既放題 原來係需要你9個字前last order 都唔緊要....我啲野食仲燒緊既時候 有個waiter 過黎問 啲野仲需唔需要 唔需要既話我就收走佢🤷🏻‍♀️🤷🏻‍♀️🤷🏻‍♀️what ? 食到大概75分鐘既時候就要埋單。咁我就多口問個經理「請問係咪有惜食promotion？如果冇浪費食物就可以減$10-50？」(視乎你揀咩餐) 點知佢答我：「轉頭搵同事幫你」而果一刻 完全冇解答我問題就收左張credit card 去埋單！ 到到拎返張信用卡要我簽名既時候 同一個經理話 「係需要食晒枱面上生既食物」我再追問 個coupon係咪下次先用得？ 佢答係.... 其實我第一次問既時候 貴 經理 點解唔可以直接解答我疑問？！ 好

無錯啊 一開始講解得好仔細:a-c餐 既品質都係牛角果啲 如果你想係到食到牛角既味道可以選擇既咁順理成章我同我老婆咪簡D囉係啊 頭60分鐘都服務好好嫁食物係唔差不過之後開始嚟料食到70分鐘 :先生 last order 啦喎吓 我仲有50分鐘 全餐120分鐘嘛搞乜啊大佬咁我算啦 咪照叫囉咁啲嘢食又真係上既我繼續食奇妙嘅地方岀現打你個肺啊 我張枱仲有其他嘢食未燒我老婆就同佢講 :我未食完 係咪我夠鐘呢請問佢答返我老婆 :仲有20分鐘咩啊仲有20分鐘就要收嘢？What ？咁我算啦 去拎雪糕食 坐下抖下囉對對錶 咦 我個用餐時間仲有十分鐘我咪再食多支囉坐底無耐:先生你用餐時間夠啦喎 我地需要交枱其他比我地更早入嚟 而又食同一個餐既點解可以坐耐d加上 啊小姐你見到我食左大半你咪比我食埋先囉最後我再對錶 我19:07入場開始系統計120分鐘你21:02催我走？其他人早過我坐係到？點解唔催人走？加上你人均700蚊既價位服務態度好到咁我早知落你樓下食大快活算啦食個生日飯都一肚氣祝你生意興隆財源廣進

某幾類既牛肉質素其實係唔錯（例如生牛肉拖羅同牛肋肉）啲staff 既服務態度都好好。一嚟都有話如果叫貴餐可以走咗一開始送個架船。唔洗比啲普通牛肉食飽個肚。但琴晚食飯落單啲和牛係咁漏單，再唔係就勁耐都唔嚟。落單既嘢起碼有一半無嚟，從來未試過食放題食到張枱長期無乜嘢燒。打開落單menu又總會每個種類有幾款食物話out of stock! 最想食既牛舌刺身全部都無。佢個menu比你睇個牛舌其實好靚好肥美。但真正叫到嚟嘅牛舌係瘦到一個點，個牛舌棒同一個女仔嘅手指尾差唔多size。仲要一燒就散，完全食唔到。我食E set 700幾蚊一個人比啲咁既質素我？完全接受唔到！從來未試過咁想未夠鐘就想走人！漏單漏到我連自己想食既都未食到就催交枱！以後都唔會再幫襯！從來未試過食餐飯食到咁嬲！仲要係幫男朋友慶祝生日先嚟咁！如果大家係想食唔飽嘅嚟食呢間我完全係推薦，但我好肯定如果你係兩個人異常分分鐘漏單漏到你食唔飽

和牛燒佐敦燒肉店，環境好時尚，整體感覺10分乾淨，店員親切有禮。依間餐廳主打係食燒肉放題亦可散叫，如果性價比高，放題會抵食啲小編擇左set C 套餐，店員會為你上一個盛合，入面有齊(美國牛, 澳洲牛, 豬肉, 海鮮, 野菜)(牛外橫膈膜, 牛里脊肉, 牛肋肉, 牛肋條肉)不得不提帆立貝size 超大隻👍🏻另外仲會有和牛盛合，牛味超濃勁好食👍🏻最好食一定係燒牛肋肉，牛舌片。油香豐富，仲可以無上限叫👍🏻另外套餐仲有我哋冷麵、壽司類同生牛肉刺身，開胃小菜。除左餐牌上食物，餐廳外仲有自助吧飲品同沙律吧，必定要食餐廳自家制甜品🤤

佐敦係搵食天堂, 今次慶祝生日, 試下柯士一間燒肉店, 今次一家大細黎, 係俾佢既鹿兒島得獎肉 - 小田牛 同 任食沙律吧及飲品任飲吸引左黎!店內乾淨整齊, 而且店員人數好多, 服務態度好好, 仲放左2大部小米空氣清新機, 唔會食到成身油煙味!大部份係4-6座卡位, 部份卡位有自動部餐的路軌~卡位都坐得好舒服, 不過冷氣都幾凍~首先我地ORDER左 泡菜組合 + 涼拌小食盛合食大餐前先開胃微辣的泡菜組合 – 有青瓜, 蘿蔔同大白菜, 可以洗洗吃肉後油膩的感覺~ 涼拌小食是紅蘿蔔絲, 大豆芽, 菠菜~ 淡淡麻油味~都幾香口~唔算濃味~肉黎啦! 舟盛  - 最抵食, 有牛/豬/雞/貝類/海鮮/腸仔及蔬菜! 牛肉 – 牛外橫膈膜,牛里脊肉, 牛肋條肉, 牛肋肉共四款, 一次過試了四款牛肉, 最特別係” 牛外橫膈膜”, 仍然有一層衣痴住架, 我都係第一次食!其他的肉味好濃好JUICY!豬/雞/扇貝/大蝦 各一款, 帆立貝及大蝦都算新解,肉質實淨無沙~ 雞肉嫩滑, 豬肉是五花腩片,燒完好香好好味!本日之寶箱 – 是小田牛的肩胛肉!油花勁多, 超肥美呀!! 放去爐到燒十分搶火,薄切的一片好快就可以

終於book到食呢間和牛燒肉一郎入到去好闊落好舒服 好高級完全唔會好大煙同好大陣味我地揀左C $448 有76款仲有沙律吧 飲品吧同甜品吧就甘望落去已經好正佢係用掃QR code 落單 唔會漏單 同埋好方便有埋啲肉嘅樣睇太多唔同款嘅牛肉俾你揀每一款牛都有個牌介紹話你知係咩肉你落左單 佢好似壽司甘係迴轉帶送上黎 好衛生又有gimmick 啲擺盤放得好靚 見到都唔捨得食個生牛肉他他撈埋隻蛋係超好味 佢已經調好晒味 不得不讚佢有好多唔同部位嘅牛 好多都未食過感覺唔錯 牛舌芯好好食 估唔到個元貝同蝦一樣甘好食 好鮮甜 好有咸香味👍🏽👍🏽120分鐘好夠食 好滿足 不得不提 侍應好好服務 會幫你同提你要點先好食 佢個飲品吧我勁中意 勁多唔同款果汁 全部都係鮮榨 忍唔住都飲左好幾枝

最近朋友帶我去食一間新開嘅燒肉店，餐廳喺佐敦地鐵站附近，位置都算幾方便，餐廳環境幾大而且幾乾淨，裝修用上較多金屬營造出工業風格。套餐 C 有舟盛同桶盛二款，舟盛有雞肉、腩片、牛肉、扇貝、海蝦、各類蔬菜，而桶盛就有兩款較為高質嘅牛肉。而任叫嘅牛肉款式選擇都幾多，而且重有牛肉刺身添 😋 另外重有飯、麵、壽司等食品可以叫，而飲品、沙律、甜品都係任食。海鮮方面有海蝦、魷魚、扇貝、生蠔 🦐 海蝦唔似普通貨色，肉質結實有彈性，而魷魚亦非常大隻，而且重係任食添。👍🏻

朋友就黎要去美國讀書，所以今日就同佢黎和牛燒肉一郎 farewell。一上到黎餐廳就見到好大隻🐂，好明顯今晚嘅重點就係各式唔同嘅牛肉。餐廳有幾款唔同價錢嘅放題套餐，最多野食嘅F套餐有成百款野食，雖然好吸引，但唔大食嘅我地最後都係揀咗B餐。放題套餐仲包咗沙律、飲品、甜品任飲任食，所以趁住啲野食未黎嘅時候，當然要出去行個圈。自助區嘅飲品放得好整齊，唔同顏色嘅果汁同汽水放埋一齊，都十分之呃Like。📸除咗樽裝嘅鮮榨果汁之外，餐廳仲提供咗幾款消脂解膩嘅特飲，真係一流。雖然自助區已經有咁多唔同款嘅飲品選擇，不過食燒肉又點可以唔配啤酒？😏作為酒鬼嘅我地，梗係要+$68要埋個Sapporo放題啦。🤣🤣🤣餐廳深明相機食先嘅道理，所以一黎就先上一個舟盛合，用一條木船擺咗幾款唔同嘅牛肉，同埋豚肉、雞肉、海鮮以及蔬菜，非常之吸睛。😍雖然呢到係以牛做主打，但豚肉一樣吸引。虎蝦夠晒大隻，扇貝味道鮮甜。牛里脊肉雖然唔係入口即溶嘅部位，但佢肉質都唔會太硬，而且相當有牛味。😋除咗一開始舟盛合嘅四款牛之外，仲有好多唔同嘅選擇，我地梗係樣樣都試下。食到最後，雖然已經超飽，但都要食埋佢嘅甜品同雪條。🙊甜品雖然只係得兩款，但

聽朋友講呢間燒肉幾正，身為食肉獸嘅我又點可以錯過呢，於是即刻約frd去試下。呢度座位闊落，環境都幾舒服，而且座位旁邊設有無人自動送餐系統，我地用手機落單之後，送餐車就會緣著路軌將食物送到我地枱邊，就唔驚我地傾計嘅時候俾侍應打斷，非常啱我地呢啲想要個空間傾計嘅人士。舟盛盒桶盛盒(小)呢兩款都只可以order一次，但呢兩款嘅肉真係超級高質，食完已經覺得好有滿足感，舟盛盒入面個牛肋條同埋牛外橫膈膜特別正，要重點提下，燒完之後又香口肉質又嫩。至於桶盛盒嗰小田牛牛肋肉同里脊肉係今日之最，可以見到佢紋理好靚，顏色粉嫩，油花分佈好密，油多肉少，所以食落入口即溶，但依然咬到肉嘅口感，唔會成口油，超正。至於牛肋肉我推薦鹽味，個人覺得好食過燒汁味，用鹽突出牛肉本身嘅香氣已經好好味，燒汁反而會掩蓋左牛肉味。帆立貝至於海鮮方面，我同朋友一共嗌左十隻帆立貝，大大隻又鮮甜，完全食唔停口，而蝦都新鮮，值得一食。至於任點嘅牛肉都唔錯，壺漬牛肋肉調味比較重，配生菜食啱啱好大判壽喜燒牛里脊肉燒完之後會點溫泉蛋漿，兩者加埋好juicy，蛋香溝埋牛肉香，雙倍好味。今次我同朋友揀左中間價位嘅C餐放題試下水溫，見到自助放題區個

上網睇到佐敦開左一間新嘅和牛燒肉放題Book左最早既時段1730完美避開多人時段因為食完當刻真係超多人等位門口同洗手間旁邊都有牛牛裝飾放題有分A至F六個級別今次揀咗食C餐$448一位另收加一餐廳環境都算闊落兩個人都可以坐大大張卡位而且環境光猛坐喺卡位隔離見到有兩部大大嘅空氣清新機所以都唔怕好大油煙每張枱隔離會有一個密封路軌食物就會喺路軌度送過嚟然後按開門掣就可以取出食物都幾快捷又衛生餐廳仲有自助飲品沙律吧選擇真係非常之多單純係飲品都已經有好多種類有果汁、汽水同特調飲品雪糕櫃都超正入邊有超多口味日本雪條我揀咗最吸引嘅忌廉曲奇口味真係超級好食😋我出去自助吧行完一圈返到嚟已經見到隻船送到即刻要影相打卡先呢間餐廳喺擺設方面做得非常好絕對係打卡able食物擺放得非常靚船上包括有US&AUS牛肉、豚肉、雞肉、蝦、元貝及野菜仲貼心地有大大嚿牛脂令烤網冇咁容易癡底呢隻船係所有套餐都會包括另外泡菜拼盤都味道不錯調味非常開胃特別是大豆芽食完仲要refill多一大碟C餐仲有包括桶盛（小）係呢間餐廳嘅特色小田牛果然味道肉質都比較嫩滑同有肉味如果叫貴啲嘅套餐仲可以encore推介大家可以選擇薄炙牛肋肉有幾款口味

平時同屋企人好少出去食飯，難得今晚收早約咗阿媽去食好野！阿媽話想食燒肉，於是我就上網揀咗呢一間餐廳。一入去已經覺得個地方好大，裝修簡約幾靚。呢度係all you can eat形式，限時120分鐘，落單時間就90分鐘。有自助沙律吧,甜品,雪條,野飲，可以自己出去拎。套餐分咗A-F餐，F餐係最貴嘅餐，連日本小田牛都可以食到。我哋揀咗套餐C, 有76款野食選擇, $448一位。首先會自動上咗兩樣嘢先，而呢兩樣嘢都係淨係可以嗌一次架啫。1. 舟. 盛合: 牛，雞，豬唔同部位，海鮮&蔬菜類2. 桶. 盛合(小): 有2種日本和牛: 牛肋肉&里脊肉之後你再想要咩嘢食可以scan返QR code落單。有主食，飯，麵，壽司，刺身等等可以嗌嘅，但我地怕會太飽所以都係專注食牛: 另外嗌左以下野食。encore完再encore🤣牛肋肉，牛肋肉角，薄炙牛肋肉，牛里脊肉，2色蔥花牛舌，薄切上等牛舌芯etc…呢度有一樣嘢好得意嘅就係佢啲嘢食係會經過輸送帶送俾你，你撳個掣打開道門，拎咗啲嘢食之後再撳個掣閂返道門，不過唔係坐每一個位都有得咁樣輸送嘢食。總括嚟講啲牛嘅質素唔錯嘅，尤其是桶. 盛合(小)，兩款嘅牛都係日

Bookmark 咗呢間好耐🔥，暑假終於可以同囝囝👦🏻去食燒肉放題有6個選擇，我哋揀咗Set B,之後我就同囝囝去拎飲品，沙律🥗，一行到過去就比啲凍櫃吸引😍五顏六色好靚，又大又整齊，每樣種類仲要好多，真係花多眼亂🤣坐低之後冇耐就會上一架船「舟盛合」，上面有好多唔同種類嘅肉同海鮮仲有蔬菜🥬🔥薄炙牛肋肉超大塊，薄切，每一面燒一燒就食得，好有牛味🔥牛肋肉🥩油花分佈均勻，肉質嫩滑呢兩樣我哋食完encore咗幾次😎除咗肉類我哋仲叫咗啲熟食，炸雞，冷麵，壽司🍣都唔錯！最後梗係要食甜品啦！有焦糖布甸同朱古力慕絲，仲有好多款日本明治雪條😍😍食完全身都冇臭油煙味！座位全部都係卡位設計，坐得舒服，冷氣又夠，唔會食到成身汗💦服務態度好好👍🏻值得再試！

位於佐敦百誠大廈< 𝓦𝓪𝓰𝔂𝓾 𝓨𝓪𝓴𝓲𝓷𝓲𝓴𝓾 𝓘𝓬𝓱𝓲𝓻𝓸 >, 佔地足足七千平方呎, 燒肉以智能化送餐模式, 打造驚喜和牛放題體驗。ᶜᵒᵘʳˢᵉ ᶜ $⁴⁴⁸ᴬˢˢᵒʳᵗᵉᵈ ᴮᵃʳʳᵉˡ ˢᵐᵃˡˡ桶•盛合(小)只會供應一次, 兩種類包括牛肋肉及牛里脊肉。肉味相當濃郁, 而且口感柔嫩。ᴬˢˢᵒʳᵗᵉᵈ • ᶠᵘⁿᵉ舟•盛合亦只會供應一次, 以雜錦船造型登場, 放滿大量US牛肉、AUS牛肉、豚肉、雞肉、海鮮及野菜, 非常豐富。除了以上燒肉類之外, 更會提供肉類刺身、燒肉丼、壽喜燒牛肉丼等選項。最後還可以⁺$⁴⁸享用自助區, 款式包羅萬有, 包括有沙律、飲品、甜點及雪糕。和牛燒肉一郎📍佐敦佐敦道31-37號百誠大廈3樓

THIS IS THE BEST AND MOST AMAZING YAKINIKU PLACE IN HONG KONGintroduced by my friend, the store is newly renovated and looking super chic with many neon lightsthe ice cream sessiondessert and salad sessionand the FRESH JUICE BAR SESSION (I KNOW)Can’t stop myself from walking around before I really started ordering beef cause this place is really too cool, neon and neat. Also, they have so many healthy drink options that i cant try all, but my favourite would be fruit punch and apple juice with a