和牛燒肉一郎 (百誠大廈)

營業中

休息中

真係好少會俾差評⋯但用左$700一個人價錢食$200任食質素既牛睇到d廣告介紹小田和牛好好味睇相望落去個樣都ok點知食落去一d牛味都無d肉又鞋又韌☹️☹️☹️d前菜又唔好味個明太子薯仔沙律🥗咸到苦好似加左幾匙鹽落去咁食到一半已經停左手成晚最好食就係個甜品明治雪糕😐6個人食左成$4000幾蚊完全唔值呢個價錢未試過食到咁差質素既燒肉一定唔會再黎⋯一定唔會再黎⋯一定唔會再黎⋯唯一覺得ok既就係環境ok同埋d staff都有禮貌

🌟燒肉放題係香港已經唔係d咩野新鮮事，但有驚喜既就小之有小，今次去左位於佐敦新開既和牛燒肉一郎，入到去已經比佢工業風既裝修impress到，而佢既食物質素更加令我見識到咩係真正既和牛燒肉🤤——————🐽 Course A一上枱就曬你冷，有和牛里脊肉、和牛牛肋肉、牛外橫膈膜、牛肋條肉，其中和牛里脊肉既油香最重，食落口成口都係油脂香真係好滿足🤤放題方面亦有唔同前菜、肉類同海鮮揀，其中既和牛他他同埋大判壽喜燒牛里脊肉最為驚喜，和牛他他食到好鮮既牛肉味，配上濃濃既蛋黃香一啖一滿足🤤🤤另外自助bar中有沙律同野飲甜品拎，食完燒肉再出去食番支日本雪條，大滿足🥰

@kan.teen用電話叫完餐就會有「新幹線」運送啲肉過嚟 都幾好玩🤣🤣放題有6個course，我哋揀左B course 有66款食品選擇，$398 (星期一至四$398，星期五至日448).👅舟•盛合一坐低餐廳就會先送上呢個比我哋超豐盛 有多款肉同海鮮 試下有邊款好食再order.👅薄炙牛里脊肉大大塊 油花唔錯 食落牛味重 肉質唔韌易咬開.👅兩色葱花牛舌牛舌太薄太細塊了 無乜咬口🥲.👅南蠻炸雞炸粉薄 炸得好脆 雞肉嫩滑 係油左少少🤏🏻.👅葱花温泉蛋飯食燒肉有呢個飯好正😋一啖牛一啖紫菜飯 好滿足🤣.👅焦糖布甸食左3個😂幾有驚喜面頭好似有層皮 焦糖味好香下層就係嫩滑蛋布甸 蛋香又夠🥚.🥤飲品方面有汽水就基本啦 仲有好多款水果果汁🍒推介蘋果蘆薈🍎芒果汁🍑好清新好飲🤪———📍和牛燒肉一郎 (佐敦)佐敦佐敦道31-37號百誠大廈3樓#kanteen佐敦 #kanteen燒肉 #kanteen日本菜 #kanteen韓國菜

✅和牛燒肉一郎呢間過江龍燒肉店想試好耐了呢到可以單點 又或者食放題放題就限時兩個鐘有A-F餐 價錢就由$348 - $1048不等A-C餐就食澳洲同美國牛D餐以上就可以品嘗埋日本鹿兒島既小田和牛咁難得黎到 就當然要食下日本和牛啦☺️🔆D餐 $598呢個價錢的確唔平 但絕對冇失望！啲和牛真係好高質 好多油花☺️首先每個餐都會即刻上一架燒肉船入面有澳洲同美國既牛 仲有海鮮 豚肉同野菜賣相超靚 打卡一流👍🏻👍🏻仲有特別寶箱 每日都會供應唔同當日食就咁啱係和牛西冷💛聽到都流哂口水😋見到西冷既油花分明 色澤好靚食落仲要入口即融添！不過燒肉船同寶箱都只限叫一次😳食完第一輪 當然要叫下啲日本小田和牛啦😻呢個套餐包左幾款和牛 而當中最好食既係和牛里脊肉 同和牛牛肋肉兩款肉油花都好靚 唔使燒好耐 就已經食得！入口即融之如 仲要冇筋 非常容易咬！😻仲有特長牛舌 唔講都唔知道牛舌可以咁長咁薄🥰真係好正😜仲有和牛刺身食添啊 真係一試難忘😋有和牛他他同生牛肉刺身 食落好滑 一啲都唔羶 完全唔會有個種寫緊生牛既感覺味道幾特別 幾好食😻👍🏻除左燒肉外 仲有野菜可以燒壽司 熟食拉麵飯類 同小食都有得叫有啲特別既和牛壽

呢間和牛燒肉一郎好受歡迎去之前一定要記得訂枱餐廳裝修有少少復古摩登座位好闊落，環境光猛乾淨自助區可以選擇唔同飲品/沙律菜/甜品沙律菜幾新鮮衛生，一盒盒咁拎叫左個Set C嘅燒肉放題餐職員先上一個木船仔，放左唔同野食入面有和牛里脊肉，和牛肋肉，牛外橫膈膜牛肋條肉，牛肋肉，牛里脊肉帆立貝，雞肉，腸仔，野菜盛每款都上兩份，望落幾精緻除左和牛，其他食完再Scan QR Code落單和牛里脊肉好有油脂香，肉味濃，好食帆立貝連殻送上，大大粒燒完仲好Juicy，值得一試大判壽喜燒牛里脊肉可以蘸啲壽喜燒蛋汁食落味道香濃同好滑不過個醬汁鹹左少少，唔好蘸太多甜品係各款明治雪條，食完好滿足

🌟🌟🌟🌟🌟🌟🌟🌟🌟🌟🌟🌟🌟🌟🍽 和牛燒肉一郎📍佐敦佐敦道31-37號百誠大廈3樓🌟🌟🌟🌟🌟🌟🌟🌟🌟🌟🌟🌟🌟🌟和牛燒肉一郎位於佐敦佐敦道31-37號百誠大廈3樓，地理位置優越，交通方便，佐敦地鐵站出口步行2-3分鐘即達。這天和老闆聚餐，卻是我「做老闆」呢！哈哈！考慮到我的荷包，我們最後選了B餐放題餐，包括的東西還真不少呢！除了必備的牛肉外，還有雞、豬、海鮮、壽司卷物等，亦包含了自助的沙律吧、日本直送甜品、飲品。先上一艘肉盛船，超多不同種類的肉肉和海鮮🦞還有仙氣乾冰效果，真的太用心了😆可選的牛肉部位好多，有牛舌、牛里脊肉、牛肋肉、牛外橫隔膜⋯⋯我最推薦就是招牌的牛外橫隔膜壺，肉質超鮮嫩，入口juicy帶嚼勁，微微漬過不是太咸👍🏻牛肋肉也挺不錯的👍🏻甜品方面巧克力慕絲相當驚艷😳巧克力味道超濃郁！日本直送的meiji冰棒也很出色，是外面沒有賣的口味呢😍下次來嘗嘗C/D餐吧😋✨如果喜歡我的文章，可以關注我及讚好以作鼓勵喔✨

最近頻頻食好西撞正咁啱有朋友想食燒肉 問我有咩推介我二話不說send咗呢間俾佢！！呢間燒肉店真係非常正有回轉帶逐碟上 用QR code點餐大概等5分鍾就會為你送上呢個餐中上價錢 有多款矜貴牛肉薄炙牛里脊肉 一塊塊擺放得好靚牛肋肉見到雪花更加均勻 加埋燒汁更吸引每塊牛肉表面加上白芝麻 已經醃好晒味 除此之外 仲有我最鍾意食嘅薄切牛舌加上大量嘅香蔥 同埋黑胡椒就更入味呢款牛真係食得出牛肉嘅香味呢除咗食牛之外 我最欣賞呢度有自助沙律吧可以任拎沙律 有平時少食到嘅海帶沙律加埋日式酸汁 更加有和風口味我連續食咗幾兜 感覺營養更加均衡可以做到多肉少菜呢👍🏻👍🏻沒有最正只有更正！出邊仲有一堆免費嘅果汁 全部鮮榨 一樽樽入起晒鍾意嘅話一次過拎唔同嘅果汁慢慢飲當然你亦都可以選擇飲茶包熱泡茶可以清除口腔油膩感覺食完肉同沙律 仲有不同的主食任你揀呢度竟然有壽司 仲有幾款揀唔係單一咁寡另外有韓式水冷面、蛋花湯同玉子紫菜飯保證你食到捧腹而回 絕對係大滿足享受！

餐廳使用日本鹿兒島的「小田A4和牛」，全港獨家供應，更採用「燒肉新幹線」智能化送餐模式認真特別。Course C - $448桶．盛合小田A4和牛的牛肋肉和里脊肉，油花均勻得呈大理石狀，牛鮮味好濃郁，兩個本來較有嚼勁的位置，變得入口即化。舟．盛合有美國及澳洲和牛的不同部位：牛外橫膈膜鮮嫰又具咬勁；牛肋條肉彈牙有嚼勁；牛里脊肉細緻軟嫩；牛肋肉汁多味美，還有豚肉、雞肉、帆立貝及野菜。任點牛肉方面，比較喜歡大判壽喜燒牛里脊肉，里脊肉大大塊又薄身，輕輕燒一下，半熟已經非常惹味，再蘸温泉蛋醬油，平衡油膩感。薄切上等牛舌芯最軟嫩位置，口感爽滑，油香味濃；色蔥花牛舌硬脆有嚼勁。海鮮方面，飽滿的墨魚身包含著濃郁的水份，鮮甜彈牙；帆立貝肉厚實又滑身，月牙位好軟糯；生蠔濃而肥美，有豐腴感；海老新鮮彈牙，頗易去殼。小食方面，明太子海鮮煎餅薄得邊緣位好酥脆，中央濕濕軟軟，有海鮮、蔥花和蔬菜等配料；炙燒牛外橫膈膜熟成度較低，變得好易入口；鹿兒島薩摩炸魚餅有些切碎的蔬菜頗特別。飲品方面，除了罐裝飲品外，還有自家製的果汁，推薦西班牙特飲和美人茶，還有些自家製的沙律。甜品方面，有自家製的甜品如牛奶布甸、楊枝甘露等，還

早排見朋友食過話唔錯今次一早book定位過嚟試吓門口有隻牛，幾特別😆座位出面有沙律同嘢飲仲有好多唔同味嘅雪條自取今日我哋嗌咗C餐店員話會首先上咗呢一隻船先可以試咗大部份嘅肉在按自己喜好落單(放題)坐中間卡位，隔離有架條軌當用QR code落完單之後食物就會有呢一度送嚟，幾得意牛肉質素唔錯呢一款壽喜燒幾特別燒到熱辣辣嘅肉，點一點蛋漿一流呢兩款生牛肉就麻麻，冇乜味最後忍唔住帶咗碗溫泉蛋飯配牛肉食幾好始終食大量嘅肉都幾膩小食方面有啲配菜可解腠蘿蔔幾好食整體來講食物唔錯但上菜速度就較為慢，可能店員唔係太夠同埋通風系統一般燒到一半嘅時候都幾大油煙隻眼唔係太舒服不過座位就給寬敞，食物質素唔差都值得一試！

呢間野經常即日係book 唔到位，我book個日都係要食早場5點開始，唔洗講，鹿兒島和牛真係好味，但當然無真係鹿兒島當地食咁正，但都算接近。我今次兩個人食六百幾蚊嗰隻放題，食到一半已經滯滯哋，細食嘅女士可能散叫仲好。

Heaven for meat lovers! All-you-can-eat wagyu for 120 minutes. Wagyu Yakiniku Ichiro offers a choice of six unlimited sets (A to F) , priced from $348 to $1048. You will certainly be spoilt for choices by the menu. Depending on your set choice, the grill selections include US, AUS, Odagyu A4 Wagyu, premium cuts, beef tongue; alongside selected seafood, beef sashimi, sushi, and much more. Diners can also enjoy unlimited salad, dessert and drinks at the food station located at the back of the rest

“燒肉一郎燒肉套餐C”($448)期待已久,終於食到呢間超人氣燒肉店😍餐廳環境超大!所有位都係卡位,2個人都坐得好舒服👍🏻放題套餐有6個價位,我地就揀咗有76種食物嘅C餐😋星期一至四嚟食仲會平啲🤩而之前要加錢嘅自助吧宜家已經唔需要額外收費啦🥰揀完套餐後店員就會送上只可叫一次嘅舟盛同桶盛😍岩岩上枱時仲會飄哂乾冰咁超浮誇😆燒肉船基本上已經包含咗呢個價位叫到嘅肉類,海鮮,蔬菜而木桶盛就有和牛牛肋肉同里脊肉🐮另外都好推介叫蔥花牛舌,大大片嘅壽喜燒牛里脊肉😋除咗肉類,呢道仲有得叫多款飯/麵,壽司卷,小食等等最特別嘅係有肉刺身😍我地叫咗拌生牛肉,炙燒牛外橫膈膜🤤生牛肉加上蛋黃同醬汁真係好正🤤好有喺韓國廣藏市場食生牛肉嗰種feel☺要讚一讚呢道個自助吧😍簡直花多眼亂☺飲品除咗罐裝飲品,仲有果汁,特調飲品,連熱飲都有沙律成個櫃有多種款式,試咗2個都好好食☺甜品除咗甜品杯,仲有好多日本雪條食足2個鐘真係超飽超滿足🤤

今次去到位於佐敦嘅一間專食和牛燒肉放題 ，呢一間嘅和牛質素性價比極高！！ 真係食過返尋味特別係佢嗰份壽喜燒， 配搭溫泉蛋 簡直係一流嘅享受， 佢個溫泉蛋非常好食又滑， 令人食完一個又一個啊！ 仲有好多部位嘅和牛選擇， 佢嘅飯亦都非常出色，勁多紫菜同埋又係有溫泉蛋， 和牛送飯絕對超級絕配！ 飲品方面亦都非常多選擇，絕對唔係流料，有好多唔同嘅新鮮果汁同埋梳打水，或者自家浸泡嘅果汁茶 ，鍾意健康又唔使太甜嘅人非常啱飲，甜品區方面亦都有好多唔同來自日本嘅雪糕。

勁愛食燒牛肉🥩特別係日式燒肉放題😆😆因為可以勁食和牛！首先係環境寬敞，裝修簡約，座位闊落，枱與枱唔會好逼！自助落單，簡單方便！牛肉味道都非常濃郁，我最愛係薄切牛肋肉，真係好正，重點係溫泉蛋，完全係點晴之處，撈埋一齊食簡直係無敵😋除左食牛，周邊其他食物都唔差，其中雞肉都好鮮嫩多汁，唔似冰鮮雞，我平時好少食都叫食左1碟另外飲品，沙律，同甜品都擺放得好整齊！飲品除左汽水之外仲有好多果汁🍹，呢個都係我大愛嘅地方！後面掛住食完全唔記得影相🤣呢間係可以encore 嘅和牛放題餐廳👍🏼

呢間新開嘅和牛燒肉放題店，終於卜到位喇～呢到分A-F套餐，最平嘅套餐$348就可任食2小時，今次揀咗中價錢每位$448嘅Set C,選擇都幾多，包括海鮮、肉類、刺身同小食等等。餐廳用qr code落單，我哋坐卡位仲有新幹線送餐，好方便。先叫咗份舟盛，可以試勻豬牛雞海鮮同埋蔬菜，好豐富！牛肋肉同牛里脊肉油花均勻，好軟腍，牛舌、壽喜燒牛里脊肉都值得一試，每份都附有蛋汁，薄薄一片，我哋配埋碗玉子紫菜飯食，好夾！出面drink bar，salad bar同甜品櫃都好多選擇，好開心有西柚汁飲仲有焦糖布丁同好多雪條食！見到格黎台有小田和牛食，下次會再試吓！