影片
食評 (32)
環境算係不過不失... 但係d伙記既態度真係需要大大改善... d碗筷崩崩爛爛... 成$30一個餐... d餸超超少... d飯又凍又硬... 野飲隻杯又污穢... 錯晒! 我同d朋友都發誓絕對冇下次! 太差!!!
繼續閱讀
上星期六晚，同女朋友及一個朋友行MK，行完搵野食就見到呢間野，佢門口好標榜佢既湯底有幾正有幾正宗，咁我地就入去試下啦！睇完一輪之後，發覺佢D野都算係頗貴，不過諗住可能物有所值啦，叫個waiter埋黎落單，落落下單，佢忽然轉身走左去，我地全部人呆左，之後先見到佢原來走去招呼新客坐低，之後佢再返黎幫我地落單！算！之後，上菜啦，我女友叫左碗生牛肉河走牙菜，碗野黎到之後就發覺佢走左青，但冇走牙菜，咁我女友真係唔食牙菜架嘛... 跟手我地就叫番頭先個waiter埋黎叫佢換啦，點知佢話"你唔係叫走青咩？"我地話唔係.. 佢就死死地氣咁拎番碗野入去...（鬼咩，我落單時講完走牙菜你就無啦啦走左去招呼新客...）之後我果碗生牛肉河都黎埋，第一時間試下佢個湯底先啦，一飲之下... ！！碗湯唔熱既！仲要唔係暖，只係溫溫地... my god... 仲要係生牛肉河... D牛肉見到都唔想食，都唔係新鮮牛肉果種血紅色，係好似未熟透既豬肉咁白白地色... 咩食慾都冇晒，D河粉又唔似河粉，形狀好似米線咁都算啦，食落仲要好似食麵粉咁，一D彈性都冇...我係一個從來都唔浪費食物既人，都只係好勉強咁食左半碗，我女友就直情食左兩啖就冇食.. 唉... 好在我個朋友都醒，叫左個飯食...另外我地仲叫左個炒西蘭花，豬肉米紙卷，同埋炸南瓜海鮮卷，個炒西蘭花都OK，不過就少左D，個米紙卷就離譜，全條都係米粉，眼力差D都搵唔到D豬肉... 個炸南瓜海鮮卷就熱辣辣，不過如果唔講都唔知呢個係海鮮卷，仲以為係淨南瓜...之後好無癮咁返屋企，十一點零鐘，開始肚，星期日中午開似發燒發冷，之後去睇醫生，證實患上胃炎，星期一返唔到工，星期二再去睇多次醫生，到今日星期四先好番D...
繼續閱讀
同個朋友去食野…未試過就試下依間，叫左個粉餐…一碗牛肉牛丸粉、餐飲、小食…小食有炸雞粒、扎肉、中華沙律，首先扎肉同中華沙律都係無味o既…碗粉d 牛肉又係無味、仲要好堅韌，d 湯一d 味都無，要勁加酸辣汁…
繼續閱讀
一個人唔知食什麼好, 行過見有位就食佢啦.叫了生牛肉河及蔗蝦, 好大碗河粉食不完, 湯唔夠熱, 蔗蝦是叫貨翻來的普通貨色, 座位很擠逼, 仲要撘檯, 裝修已經舊, 又放滿個人喜好的公仔, 有點不倫不類的感覺, 坐於餐廳內根本聯想唔到是家越南餐廳, 只是掛越南牌頭的茶餐廳, 唔會再去.
繼續閱讀
今日下晝行行下mk........同個fd見肚餓...........就搵間餐廳食o野...........經過呢間舖頭.........之前未黎過......咪入去試下囉........坐低就睇下有咩食.......o個時3點令鐘.......咪諗住叫個下午茶食........每個20蚊...諗住價錢都kk........我就叫o左個日式豬排烏冬......加杯凍檸水我個fd就叫o左個炸餃子烏冬.......加杯凍咖啡初頭我都抱有期望o既...........點知d o野一黎到..............嘩.........碗o野細到你唔信...........三啖可以食得哂...........d所謂o既"烏冬"...........烏冬唔似烏冬.........河粉唔似河粉.......唔知叫佢做"烏粉"好定"河冬"好.........食落去就有d怪怪地.........唔知點咁...........碗o野.....味精分量十足............我個fd仲話杯咖啡有陣怪味...........都唔q知行乜衰運.......會入o左去間咁o既舖度食o野........
繼續閱讀