和河粉 (已結業)

環境算係不過不失... 但係d伙記既態度真係需要大大改善... d碗筷崩崩爛爛... 成$30一個餐... d餸超超少... d飯又凍又硬... 野飲隻杯又污穢... 錯晒! 我同d朋友都發誓絕對冇下次! 太差!!!

上星期六晚，同女朋友及一個朋友行MK，行完搵野食就見到呢間野，佢門口好標榜佢既湯底有幾正有幾正宗，咁我地就入去試下啦！睇完一輪之後，發覺佢D野都算係頗貴，不過諗住可能物有所值啦，叫個waiter埋黎落單，落落下單，佢忽然轉身走左去，我地全部人呆左，之後先見到佢原來走去招呼新客坐低，之後佢再返黎幫我地落單！算！之後，上菜啦，我女友叫左碗生牛肉河走牙菜，碗野黎到之後就發覺佢走左青，但冇走牙菜，咁我女友真係唔食牙菜架嘛... 跟手我地就叫番頭先個waiter埋黎叫佢換啦，點知佢話"你唔係叫走青咩？"我地話唔係.. 佢就死死地氣咁拎番碗野入去...（鬼咩，我落單時講完走牙菜你就無啦啦走左去招呼新客...）之後我果碗生牛肉河都黎埋，第一時間試下佢個湯底先啦，一飲之下... ！！碗湯唔熱既！仲要唔係暖，只係溫溫地... my god... 仲要係生牛肉河... D牛肉見到都唔想食，都唔係新鮮牛肉果種血紅色，係好似未熟透既豬肉咁白白地色... 咩食慾都冇晒，D河粉又唔似河粉，形狀好似米線咁都算啦，食落仲要好似食麵粉咁，一D彈性都冇...我係一個從來都唔浪費食物既人，都只係好勉強咁食左半碗，我女友就直

同個朋友去食野…未試過就試下依間，叫左個粉餐…一碗牛肉牛丸粉、餐飲、小食…小食有炸雞粒、扎肉、中華沙律，首先扎肉同中華沙律都係無味o既…碗粉d 牛肉又係無味、仲要好堅韌，d 湯一d 味都無，要勁加酸辣汁…

一個人唔知食什麼好, 行過見有位就食佢啦.叫了生牛肉河及蔗蝦, 好大碗河粉食不完, 湯唔夠熱, 蔗蝦是叫貨翻來的普通貨色, 座位很擠逼, 仲要撘檯, 裝修已經舊, 又放滿個人喜好的公仔, 有點不倫不類的感覺, 坐於餐廳內根本聯想唔到是家越南餐廳, 只是掛越南牌頭的茶餐廳, 唔會再去.

今日下晝行行下mk........同個fd見肚餓...........就搵間餐廳食o野...........經過呢間舖頭.........之前未黎過......咪入去試下囉........坐低就睇下有咩食.......o個時3點令鐘.......咪諗住叫個下午茶食........每個20蚊...諗住價錢都kk........我就叫o左個日式豬排烏冬......加杯凍檸水我個fd就叫o左個炸餃子烏冬.......加杯凍咖啡初頭我都抱有期望o既...........點知d o野一黎到..............嘩.........碗o野細到你唔信...........三啖可以食得哂...........d所謂o既"烏冬"...........烏冬唔似烏冬.........河粉唔似河粉.......唔知叫佢做"烏粉"好定"河冬"好.........食落去就有d怪怪地.........唔知點咁...........碗o野.....味精分量十足............我個fd仲話杯咖啡有陣怪味...........都唔q知行乜衰運.......會入o左去間咁o既舖度食o野........

好耐都未黎食過, 今次叫左個特餐: 一碗粉, 三款小食(Fixed左)冇得揀+ 熱飲品一杯= $38小食係: 餃子兩粒扎肉兩片/中華沙律餃子似超市自行買返屋企煎果d, 不過食落口都熱辣辣扎肉ok.米線都ok,有d似大家樂打邊爐果d feel, 幾滑,但牛肉較韌餐飲轉左個西柚菠蘿冰: 好飲. 不過要+ $12轉,個人意見覺得唔值最唔明係點解食set選既粉一定要係牛類(牛丸/牛肉/牛展..), $38蚊既餐都話平冇得你簡, 但係連$98蚊果d都係,就覺得唔滿意不過整體都唔係想像中咁差既

好耐無過呢到，前幾晚行過、心血來潮就入去食越南野。一個人冇乜大搞作，只叫了特別牛肉河($32)同蝦醬炒芥蘭($28)。特別牛肉河有熟牛肉，葉，牛筋等。河粉依然滑溜，水準保持到；湯底香濃；牛肉算ＯＫ，不過可能穩陣起見，冇放生牛肉，全部都非常熟。呢樣就有好有唔好，因為冇左生牛肉鮮味；但相對安全。炒菜還可以但冇特別印象。

行左好耐..中途想食越南野..但係去親旺角只係食越興喎.咁行行下見到有間門面幾好既越南野係隔離咁就入左去了..入去時唔記得係10:30定11:00..我o地就坐左係到叫野食..我同我朋友食左一個生牛肉湯河,雞冀湯河,加個小食排骨/朋友叫那個生牛肉他第一口食落去覺得味怪怪..所以叫個waiter問下係唔係d肉有問題所以咁/個waiter就話生牛肉係咁架啦..我朋友話佢係出面食野都唔係咁既味..個waiter就話一係加熱水整熟佢食囉..超無禮貌>.</而我o個d雞冀食落味道無咩..但食到最後唔止有血仲要係凍既..有無攪錯.但係我無出聲..因為個waiter真係好串..所以只好食河粉.排骨就無咩問題喎..最後係我o地仲未食完有個女人行過黎叫我o地賣左張單佢..嘩..野都未食完就要比錢..唔係掛.但係我o地唔理會由得佢放係到..等左一陣waiter行去我o地隔離張抬叫位先生可唔可以賣左張單先再食..o個位先生鬧個waiter話唔可以..但個waiter就一直企係佢隔離等佢賣.."好驚囉".我見到咁我只好放張一百蚊賣左張單佢..唔想佢企係到睇住我食.之後佢有個碟找返d錢比我o地.

以前食過，都尚算ｏｋ，但最近我同男友去食，叫左個九十幾蚊的set，有兩碗河粉及小食，飲品要每杯另加六蚊，但我地都有每人叫一杯，即係合共一百零幾蚊。之後，食食下，河粉入面有蟑螂，佢話換比我，但我已食到見底先見到。正常黎講，我諗無可能仲收呢碗污糟河粉錢，但佢竟然同我講：咁我送杯飲品比你。我問佢：我有飲品，要多杯做乜？佢話：咁我免你一杯飲品錢。我話：又唔係飲品有蟑螂，做乜免飲品錢？係咪應該免呢碗河粉錢呢？佢重重覆覆咁一時話免飲品，一時話送飲品。最後我問佢點解唔可以免呢碗河粉錢？佢話：因為係set，所以唔可以咁計？我滾到爆，即鬧：難道set就可以有蟑螂？而我因為叫set就要焗忍？佢轉過頭同我講：咁免你碗河粉錢啦。但計落去，一百廿幾蚊。原來佢將個set打散用原價計，然後再減左碗河粉錢。之後佢仲話，你唔咁計，只能夠免你杯飲品錢。最後我先明白，搞咁耐，佢只係唔捨得免去一碗卅幾蚊的河粉錢，即使你食到蟑螂，頂多只係捨得免去六蚊飲品。千祈咪去，又污糟，態度又衰到極點！

成日想去都比"樂園"截住,今次老虎都要去!叫左個一人套餐,生牛肉湯河,小食三味(雞軟骨一串,扎肉二塊,中華沙律)及飲品.生牛肉浸過湯後較韌,但都OK,有成六七塊,細細塊,所以都幾易入口.配料有牙菜,洋蔥,蔥等,加上清淡的湯底,整體配合得幾好.雞軟骨是完全凍的,甚難食.扎肉太薄,無味,中華沙律一向唔食,所以晒左!結論:湯河OK,小食唔掂!

好耐無去和河粉, 今次再去發現佢裝修過, 多左卡位, 重要有一個坐八人卡位, 咁環境有d誇張, 哈哈同男友2人叫左個套餐, 一個牛丸牛展河, 一個生肉牛展河, 一個蝦膠雞翼, $88 另散叫春卷$28, 嘩.....個碟春卷有五件, 但只得2片生菜同埋最誇張係.....春卷個size好似一條脆皮芝士腸咁上下, 唔好再細d~~~咁細條都唔荒多料啦, 炸得脆但個色好唔靚, no good. 賣相奇差牛河的湯底依舊好正, 令人飲完都想再飲多啖, 生牛肉大塊好味, 如果來源地無問題就very good啦, 一碗雙併河都有成三大片生牛肉, 牛展都入味同埋有成六七片, 一定夠食, 河粉咬落個texturt似係檬粉多d, 因為有d咬口, un un地的. 牛丸雖然似手打, 但係大細好唔一致同埋好淋無咬口, 見佢落左黑椒但全無黑椒味, 呢個唔得. 跟餐個碟蝦膠雞翼好大碟, 有四隻全翼, 不過佢唔係去骨雞翼又係可惜, 不過蝦膠都唔靚, 似係魚肉多d喎........., 不過雞翼就夠大隻又煎到脆卜卜, 好香口. 不過你唔叫飲品佢地係一杯水都唔會比你架, 呢度就有d唔係咁好囉

中學時候已經成日著住校服黎幫襯和河粉架啦！最鐘意食生牛肉檬粉，但唔知點解覺得好似無以前咁好味lu！

一月廿三日去了旺角和河粉, 點了個特價餐$38, 有熟牛河, 雞軟骨一串, 八爪魚, 扎肉, 包咖啡或茶, 凍飲加$2.誰知來到竟貨不對辦,1. 牛肉太熟, 難以嘴饞2. 沒有雞軟骨及八爪魚, 但在落order 時店員沒有告知, 最後來了中華沙律及類似炸鮮奶的東西個人認為, 不值一試。

昨晚同bf去旺角, 行到咁上下覺得肚餓, 就比佢個靚仔外表呃左, 又有個好熱情好客的waitress請入黎我地大家都叫左$38 o個個set,我要扎肉湯檬, bf要軟骨xx丸和河粉先黎小食, 有一個炸薯餅-------我bf話全晚最好食呢個, 死未, 不過唔好點salad dressing, 佢d salad dressing又係勁咸(加工過?)2片扎肉-------好咸...好難食, 點解會有d咁難食的扎肉ga, 我之前真係未試過綠色好似海帶的野-------又係好咸,bf一d都無食,我就覺得可以接受接下來...d主菜先係最唔掂一睇碗野, 已經知佢唔係檬粉, 不過都算la, 照食la, 無計, 不過一d都唔好食, 味同texture同湯底都唔得唉........扎肉....唔洗講la(好後悔, 無咩心機食)到bf了~~好彩無叫生河粉je, 仲難食, 勁鞋口, 陣味全好怪.......真難為了我bf不過個丸我又覺得ok wor, 可能係相比起其他野la我bf就一般, 我bf見我食到呢隻, 都比左幾粒我我又相敬如賓比番幾片扎肉佢,最後佢都無食到結論係.......真係好唔得ar 呢間野

未搬鋪之前，由朋友介紹下嘗試食火車頭，其份量在區內實熟少見，自此每逢來到旺角區，除非早有飯局，否則通常往該店醫肚，貪其抵食夾大件。後來搬鋪後花了一段時間才找到新店，發覺裝修與擺\設完全煥然一新，但礙於太過靚，所以一直未有入內品嘗。直至日前因為趕時間關係，不加思索便入店點菜，一入鋪，時正下午六時許\，也許\太早了吧，竟然只有一枱室，店員見我單身一人，亦沒有太大理會我的存在，繼續打牙較。算了吧！打開菜牌，咦？火車頭呢？點解以前的種類不見了，以前叫河粉可以選擇大中小同火車頭，點解唔見哂？再望望價錢，感覺到點解呢個時候會冇人來，但礙於面子問題，唯有點了過越式牛肉湯河(詳細名字不記得了)，但已經要3x元，實在搶錢。若果叫埋飲品，分分鐘要50元找數，再看看餐\牌，除非你係二人來並叫二人套餐\，否則散叫係好貴的。價錢貴了，質素又如何呢？牛肉...牙力差少少都咬唔爛，河粉，比以前少了一大截。又被騙了！老實講在同區我可以用呢個價錢食更好的！結果我食了十分鐘就埋單找數。唉！又一次貼錢買爛受。