和拉麵

營業中

休息中

咁啱朋友黎大埔，佢又想食日本野，就黎左呢間舖頭食晚餐。湯底選擇唔算好多，我哋好快就決定左食咩。我哋叫左豚骨拉麵(加錢升左做特濃豬骨湯)、辛辣拉麵(小辣)、芝士玉子燒。特濃豚骨拉麵：湯底真係好濃，好香好濃既豬骨味，麵質幾好，咬落煙韌。叉燒睇得出有燒過，望落好似好肥，但係食落唔會膩。辛辣拉麵(小辣)：對於唔算好食得辣既我黎講佢有d辣，叉燒同豬骨拉麵既一樣，望落肥但係唔膩。芝士玉子燒：幾香幾好食，芝士味濃，有拉絲既效果。上面既木魚都好香。三十蚊唔駛有三件，算係抵食。店內位置頗闊，幾好坐。有幾多食客叫左龍蝦拉麵，幾多一家大細黎幫襯。價錢唔貴幾抵食，拉麵高質好食。

同朋友四圍去搵嘢食，見到呢間餐廳雖然喺條靜靜地嘅街度，但都坐滿曬應該品質有保證。除咗拉麵，仲有好多小食同沙律選擇，仲有生蠔食，真係估你唔到。第一次食就食佢最招牌嘅豚骨原味拉麵($75)蔥揀咗大盛，上枱時滿碗蔥真係好開心。加咗紫菜($5) 由原本一塊變咗四塊。朋友加咗半隻日本溏心蛋($6)，之後先發現原本個麵都已經有半隻。叉燒用火槍燒過，所以特別香口又唔會太薄。湯底唔會太咸，食完無口渴感覺。溏心蛋無鹵過，如果有埋味就肯定加好多分。喺facebook或ig打卡仲有九折優惠，夠曬實惠。

一直以來都想開始寫食評，除了分享外，亦想為自己保留記憶，可是總係的唔起心肝但近來，驚覺愈來愈多小店消失了，再檢視一下自己既消費pattern，的確幫襯大商場食店比例較多，主要因為方便吧。就係因為咁，我決心扭轉一下個比例，要多D支持小店，而我既開始就獻比「和拉麵」吧 。因為很多時星期六下午都會和友人到大埔，而「和拉麵」既位置真係幾山旮旯，唔係咁易搵到。即使入左呢條小巷，都可能被地理位置較好既拉麵店吸引左而錯失左更好既和拉麵。呢度主要有三種拉麵，包括「豚骨原味」﹑「辛辣」同「味噌」，而我就選擇左原味，就可以加錢要濃湯同一般拉麵店相同，都有得選擇湯底(普通/濃湯)、蒜、大盛蔥(多與少) 和拉麵既硬度。特濃湯底係正既，口感有D黏充滿膠質，但絕對濃而不膩。通常好多渣既拉麵湯底都會飲完覺得好口渴，但呢個真係唔會。而呢碗拉麵最出色既地方就係兩塊燒叉燒，真係燒得好香，經過輕輕火炙，你係feel到有少少焦香味。另外店員推介我地一定要試佢地自家炒製的辣芽菜，好食到停唔到口！正~另外我地都叫左兩樣小食 - 吉列廣島蠔 同煙肉芝士大菇。 吉列蠔係好食既，炸完都仲會好Juicy，而且都算唔夠細隻。相比之下，煙肉

#大埔美食#樂食人生平價日本拉麵。和拉麵1.辛辣拉麵 (中辣) $80-湯底偏清淡帶豬骨香味，但好飲-辣度接近譚仔 x 小辣-麵條掛湯能力頗高-叉燒碟前用火炙過，非常好食好香口2.日式章魚小丸子 ($28/6粒)-香脆唔油膩-醬汁唔會過多，味道唔會過濃-飽肚抵食推介口水指數🤤：3.5/5*記住記住如果IG或Facebook即場打卡再出post，可以全單九折，仲要免加一，好抵玩！！地址：大埔運頭街20-26 號廣安大廈地下J號舖

是日又黎到大埔做野，收工肚仔餓，覓食中行到呢間位於街角嘅拉麵店，見到座無虛席，應該唔伏，就同同事試一試。等左兩個字左右有客人走左我地就入座啦～店舖裝修都好日式，位置唔算多但係座位闊落。佢一路播住啲日文歌原來係用黑膠唱片機播㗎！即刻懷舊十倍！餐牌總共有三款拉麵，但其實店舖兩邊牆上都有一啲季節限定嘅拉麵，我通常試新嘅拉麵店都會食佢嘅傳統拉麵，姐係豚骨原味拉麵，因為食原味先知佢哋嘅功架嘛～除左拉面，仲有好多唔同小食。拉麵到～由於我走咗蔥所以望落去色水爭咁啲，不過俾果半隻溫泉蛋搭救左！一黎梗係飲啖湯先啦～湯嘅味道唔會好鹹，有濃濃嘅豬骨味，應該係功夫湯黎。個豚肉係燒到啱啱好，有少少碳燒味同埋佢個皮係煙煙韌韌㗎，肥瘦均勻肉味濃。溫泉蛋鹹香鹹香咁，好味！我哋另外嗌咗個厚燒芝士玉子，個玉子好厚身同埋外脆內軟，值得一試。不過記得趁熱食~值得一講嘅係侍應服務態度好好，成日都會主動幫手斟水，我哋食到一半嘅時候佢仲主動拎左一個佢哋自己炒嘅辣芽菜俾我哋試，又幾好味喎！不過有少少辣，唔食得辣嘅朋友仔就試少少好啦～總括黎講，呢間拉麵嘅質素唔錯，下次可以再試下其他季節限定拉麵。P.S. 即場打卡會有九折優惠，我見個個

係人都知大埔熟食中心多野食，但今次朋友就帶我行遠幾步，搵左哩間拉麵店晚餐。三款主要拉麵，可以按自己既口味落單，我就揀左多蔥。我點既味噌拉麵（$80）我揀左多蔥，真係半碗面都係，超開心。味噌係比較濃味既，鐘意濃味既朋友應該要揀哩個。面身幾滑，口感都幾好幾彈牙。豚肉肥瘦夾雜，煎到微燶，一點都唔會膩。朋友點既豚骨原味拉麵（$75）原味既湯底系無味噌咁濃，但係就滑D，都好香。兩款麺我覺得分唔到高下，其實兩個麺只係湯底唔同，我覺得有機會兩款都要試下，感覺好唔同。湯底真係拉麵既靈魂！中華海蜇（$38）幾惹味，好啱佐酒厚燒芝士玉子（$28）推薦！厚厚既玉子面層搽左沙律醬同芝士，面層同兩面都燒得少少燶，好香口，要襯熱食。甜甜既玉子，咁樣燒下再上，覺得好有創意，真系好鐘意哩個~自家炒芽菜哩個係放係檯面，食客可以自己添既。芽菜都幾辣，好吊到味。餐廳既裝修係行溫馨路線，昏黃既溫暖燈光，有日劇入面居酒小屋既感覺。原來係店內一個角落，擺放住哩部唱機，播放住黑膠唱片，悠揚咁播住從前既日本歌曲，好適合放空，專注眼前既每一箸。整體來講，食物有用心，出品質素幾好，環境都好舒服整潔。下次去大埔揾食，大可試下哩間拉麵

✨大埔 隱世拉麵小店🍜✨隱世到可能連大埔人都未必知佢存在😂😂因為係一條巷最入既舖位 拉麵用心製作 仲提供好多小食而家ig/fb打卡有9折😛.🍜博多豚骨原味拉麵（$75）湯底滑而不膩 想要重口味d可轉濃湯一碗有齊所有配料唔洗另外加購拉麵彈牙 叉燒肥美 如果可以半肥瘦會好d😂冇咁有罪惡感🤭仲有自家製辣芽菜 加入面度咸咸辣辣好惹味🥰.🧀厚燒芝士玉子（$28）好香蛋味 不過芝士味唔太出.🌮和風野菜煎餅（$38）輕量版既大阪燒 食落冇咁油膩口感結實 加上醬 木魚碎同紫菜🤤

踩單車入黎大埔，順便食埋個飯先走😋呢間拉麵係大埔都幾高排名，未食過點都要試下。佢個拉麵有標準湯同濃湯，因為濃湯要加錢，試下標準先。其實平時食既拉麵我覺得都好濃，呢碗反而岩岩好，不過鍾意濃湯既可能要加錢啦。因為2個人share加左麵底，我覺得好抵。🥳 叉燒我就覺得有啲肥。個枝豆好好味，不過枝豆其實都好難水煮得難食。呢個章魚小丸子係惟一我覺得麻麻地既，個麵粉太厚，如果入面唔係齋麵粉，有啲椰菜咁就可以balance返喇。呢個鰻魚燒得好出色！超級嫩滑，真係好好食。店員有特登介紹呢個芽菜係佢地自己炒既。因為本身鍾意食辣，所以食左好多，用黎送拉麵一流。Overall呢間都幾抵食，會返兜。

近排有好多魚生嘅負面新聞，胃民唔俾大胃食咁多魚生，搞到我約唔到人食日本嘢，不過食拉麵ok喇啩？個門面咁和式，未開餐已經好吸引呢間有好多新菜式張貼牆上，落單前可以睇睇大字報先拉麵方面有好多details位可以揀等餐期間可以細心欣賞小朋友嘅畫作大胃揀咗硬麵，果然硬得嚟有口感，溏心蛋夠滑，叉燒好香豬味，湯底唔使加錢要特濃都已經好濃拌麵方面揀咗冷麵汁，有些少辣，但很惹味，帶子都燒得好彈口大胃未食過咁大隻焗蠔㗎點咗黃金芝士味，「幸福」二字不足以形容點都要食吓蔬菜嘅店內有提供自製醃芽菜，不錯㗎埋完單會送返粒懷舊糖果，真係帶住溫飽同回憶離開

大埔有好多小店，呢間拉麵店都用心製作的小店。裝修好日系，開放式廚房令到客人 可以欣賞廚房的製作，而且坐得近又可以同師傅傾幾句。別看那餐單上只有3款的拉麵可以選擇，這正是我欣賞小店的特色之一，能夠只有數款菜式而客源不盡，證明店鋪是專心做麵！先講下拉麵，我叫左豚肉原味湯底。湯底米白色，香滑而不油膩，要把豬骨熬成這樣的顏色相信一定要長時間的慢火熬製。如果喜歡再重口味的客人可以選擇加$8改做特濃湯底。每碗拉麵已包含木耳絲、蔥、蒜、筍片、溏心蛋半隻和紫菜一片。可以選擇蔥蒜的數目，而且麵底軟 普通和硬不同硬度，可以按自己的口味調節。我這次選擇了普通硬度，岩曬我口味。溏心蛋好入味，橙黃色的蛋黃是香濃的蛋香味。每次黎我都覺得必食店主自製的芽菜伴菜，少少辣咸咸地，真系好好食。好彩今日我早黎食，7點後已經見到門口有隊龍。

溫左成個禮拜書,岩岩考完試當然忍唔住想食餐好既。本身都鍾意食日本野,前排聽朋友講大埔有間比較偏既日本餐廳幾好佞,話可以試下。所以考完就直接去左食。門口掛左幾個比較別緻既燈籠，感覺有別於一般既中式餐廳，第一眼感覺唔錯。好快就坐低左睇餐牌，但有好多唔同款式揀，搞到有ｄ唔知食咩好。見到隔離台食左咩，我又跟住叫左d差唔多黎既食。D餐牌睇完見價錢同平時食開果d差唔多價，所以都冇咩話要諗價錢問題。直接就叫左幾樣野食。首先，第一樣想介紹比大家既就係呢碗超級好食既辛辣拉麵，辣度唔算好辣，有食開辣既朋友應該會覺得差減D（雖然我只係叫左個小辣），只係賣＄８０。比佢其他連鎖拉麵鋪算平，湯內濃而不膩，食完齒頰囫香。食完一碗就岩岩好６成飽，份量恰到好處。然後我再叫左個脆炸尤魚鬚，食落口感彈牙，但係又唔會有炸得唔夠脆既感覺，外脆內彈。食完大概有８成飽就覺得差唔多可以停手。因為本身唔鍾意食得太飽，會好辛苦。另外值得一讚既係店員態度好好，每次一飲完杯水會即刻反應幫手加水。而且，好細心,見到你需要D咩，佢地會即刻幫你解決，例如係一開始想用個碗仔裝開少少湯試味，佢留意到就比左個碗仔我，連開聲都唔洗。有機會可以再食過!鍾意

今日返左成日工又好忙，中午都唔係食得好多野。收工本身諗住同女朋友求其食d野就算(佢鍾意食拉麵)，本身大家都唔係住大埔，但又唔想食返自己區既野食，因為食得多有d厭。跟住話不如大埔落車睇下有咩食。其實細個都有段日子住過大埔，都知道附近有幾間拉麵店。附近比較大型連鎖既都食過，確實有佢地好食之處，但因為食過所以想試下新野。行行下就見到間身處角落既拉麵店入到鋪面雖然唔係壯麗堂皇，但睇落都有D日本風，比人感覺幾舒服。坐落左之後，餓左成日既我即刻拎起餐牌開始睇下有咩食睇落價錢都算係公道，同一般日式店鋪差唔多價，但係選擇比較多樣化。例如，呢度竟然有咁多唔同既天婦羅可以揀,拉麵又有龍蝦拉麵等其他地方少見既野。主打仲有一個極品雞湯拉麵，不過今次都食唔到呢D野，因為美食聚多,而肚只有兩個。結果我地就叫一個辛辣拉麵,炸廣島蠔,小丸子同埋脆炸龍王鬚。估唔到尤魚鬚加埋沙津醬原來係咁夾架!以前食親都食加鹽加醋,估唔到miss左呢個咁正既食法。同埋炸既時間岩岩好,可以將肉汁鎖響入面,食落有另一番風味。碗辛辣拉麵真係要讚下佢,因為個湯底我地揀左特濃,店鋪可以揀香滑/特濃。今次店員推介果陣冇令我地失敗,食落陣辣味好香,但

係間離馬會行行下，路過左一間充滿日式風味嘅餐廳，見個門口幾吸引，就比佢吸左入去食野。餐廳環境清潔很舒服，上菜速度也很快。我吃左佢地嘅午市套餐，湯底簡左清湯，麵條入口很清淡但越咬越入味，很獨特的口感。 麵條比較幼，好襟食。仲有叉燒嘅味道都好正，有一面係燒烤過，好特別又大塊。小食就有餃子同小丸子揀，我就揀咗小丸子，個樣同餐牌上 一模一樣，三大粒。新鮮又好味。店員仲同我介紹枱上面調味料果到有佢哋自家製嘅牙菜， 辣辣地真係幾好味。越食越上癮。≧ω≦

好耐冇食拉麵！所以今次就黎呢間試下～午餐有set餐，$80有拉麵、小食同飲品，都幾吸引！拉麵我揀左豬骨湯，個湯好香濃又唔油膩，飲曬都唔口乾😍拉麵係幼麵，仲有個溏心蛋，溏心蛋都整得岩岩好！最正嘅係塊叉燒，叉燒係薄片，燒得好香又唔肥，岩曬我口味。小食令人驚喜，餃子外皮香脆，皮薄餡靚，額外叫嘅玉子燒一樣好正😍可樂仲有得揀樽裝😚😚食到咁上下時店員仲話我地知有師傅炒嘅辣芽菜，可以加落拉麵到一齊食，d辣芽菜就咁食都已經好好食，加左落拉麵到更加係別具風味，食唔停口😋總結黎講，呢個價錢食到呢種質素，比大埔區各間連鎖拉麵店優勝得多，值得再食👍🏻

昨日食完拉麵，今晚再黎多round 💪🏻😋昨日食完連鎖店，今日就黎try try小店黎既時間可能早，唔係太多人入到去好有當年去大阪小店feel全木的擺設好有風味職員亦好有笑容招待我地快速點左個拉麵，期待著味道！幻想自己去左一趟旅行🤤Yeahhhhhhh 豚骨拉麵一上菜就聞到好香的湯底味，通常我食拉麵首先梗係試左佢個湯汁，正！唔會太濃味道岩岩好，之後我先夾麵試試口感，係我喜歡的外面軟，但仍然挺身，個溏心蛋又係軟彈有口感，yummy!!🤤各人一拉麵，唔夠喉再加個芝士厚玉子厚實嫩滑！我喜歡佢加左木魚，少少咸，好夾另外要講下係枱上同調味料一齊的小菜，係廚師親自醃漬，味道ok，但唔夠爽口，不過如果爽脆我驚我會食哂！😂這間店的食物很合我胃口，推薦！