和拉麵

營業中

休息中

之前都已經聽過呢間拉麵係好多人食，口碑都唔錯，咁於是趁呢一日放假就同另一半去大埔試吓呢間口碑咁好嘅拉麵店。去到嘅時候就兩點幾三點啦，過咗午飯時間，所以就唔需要等位都有位咁坐低咗之後呢就嗌左個辛辣拉麵（$80）🍜同埋味增拉麵（$80）🍜講湯底先啦辛辣拉麵湯底就少辣嘅咁我覺得個味道都比起出其他品牌就香好多味道自然好多，味增拉麵始終個味道有少少偏鹹，唔鍾意太重口味嘅朋友其實可以試吓佢另外有一款係叫豚骨原味拉麵，可能嗰個味道會較為合適多啲。欣賞佢嗰個叉燒係做得薄之餘都幾香口，同埋個糖心蛋做得唔錯，唔會話個蛋黃凝固晒呀，做到中間留心嘅感覺樣嘢係值得一讚💛💛👍🏻👍🏻

係大埔舊墟要搵到黃店唔容易，搵到好食既係更難，呢間可以算係隱世拉麵👍🏻👍🏻🤓和拉麵係內街入面，如果唔係有朋友帶路應該唔易搵到，小店一間，坐位唔多，一般都需要等位，近排全單還有八折，醫護人員半價👍🏻基本拉麵款式得三款，但係仲有其他豪華啲既例如和牛拉麵，今次第一次食就食d 基本款🙆🏻‍♀️今次就揀咗豚骨原味拉麵，無再追加其他配料，由於太好味既緣故，食左幾啖先記得影相，本身賣相靚好多架xd湯底有濃濃既豬骨味，但係唔會太鹹，麵質軟硬度適中，食到最尾都仍然保持到個麵質😋之後仲另叫左個小食👍🏻推薦大家一試👍🏻😬

聞名不如見面地真係好多人排隊等左大約40分鐘之後終於入到去，店內有好多文宣出面隔離店係大排檔所以好嘈，但店內好像自成一角咁隔音好好，唔會令人覺得好影響食飯氣氛同好多拉麵店一樣，佢都係圈紙點餐然後交俾店員。而拉麵亦唔會做太多款，我都幾鍾意呢種拉麵店，一般比較專注做好拉麵🌙 味噌拉麵 $80 （另加$8竹荀）🌙豚骨原味拉麵 $75整體都算唔錯，首先價錢唔算貴，湯底可以更濃，同埋男朋友話食完唔太飽，不過女仔就應該OK章魚小丸子 $28整體係大埔嘅水平嚟講算不錯，祝早啲擴充鋪頭，咁就唔洗等太耐～

大埔黃店之選💛良心小店😚因為店舖空間有限 所以2點幾食lunch都要等!不過係值得等架😍 唔想等亦可以外賣自取有九折! 職員服務好好!👍🏻豚骨原味拉麵午市套餐🍜 $80太肚餓食左隻溏心蛋先記得影相🤣 湯底好香好入味 但又唔會覺得好重味精味 如果你鍾意食濃味啲仲可以轉特濃湯底 🥣 拉麵揀左硬麵真係好有咬口 唔會煮過龍 配上爽口嘅木耳同筍 一試難忘🤤午市套餐仲配小食同飲品✌🏻炸餃子個皮炸得好香好脆 個餡好足料 好好食😋

食材優質 廚師精心發辦！今日開完會，什麼精力都耗盡，真係要找好東西食，來填補心靈。為個人衛生，餐廳門口和洗手間外都設有消毒搓手機供客人消毒，好貼心！一入到去唔洗等好耐，立即為我們送上野飲透心涼一下，成間舖格局都係乾淨企理，師傅店員有禮貌拉麵我就咁就試返最基本既今日想介紹下佢D小食！好正！睇相啦！！好正呀半熟溏心蛋出色，無得輸。叉燒夠肥，未夠入口既溶，餃子煎得微焦， 而且熱辣辣肉質豐富好耐冇食 依然保留到水準 值得讚賞！值得大家一試！食左咁多年 依然保留到水準 值得讚賞！區內有間咁正嘅拉麵，其實真係唔想話比人知呀！

估唔到係大埔一個巷仔有咁多野食舖😂因為呢間拉麵都幾出名所以黎試下，去食晚餐前面都幾多人等🤔我地各嗌佐個豚骨原味拉麵，俾女仔食份量都足夠，男仔可能就麻麻😂但都幾好味！等咁耐都幾值得💕舖頭啲職員都幾nice，會經常主動幫你加水，水係檸檬水黎，覺得油可以解膩🍜埋單既時候嗌住佐我地，我以為係唔記得攞找錢😂原來係諗住俾我地粒檸檬茶糖都幾細心😍係冬日為顧客準備少少既野令人覺得幾暖心☺️下次會想再黎試下其他！

冇諗過大埔都有一間咁出色既拉麵小店!! 因為今次同小朋友一齊食, 我點左普通既豬骨湯拉麵加底, 冇加辣, 湯底好得, 冇味精, 濃郁豬骨味, 而叉燒夠晒份量, 灸燒岩岩好, 唔知係咪老闆知我有小朋友, 送左隻溫泉蛋同紫菜比我, 岩晒小朋友食。一碗麵加底, 我同小朋友都食唔晒, 份量真係好足, 夠晒飽, 埋單都係$87, 下次可以再幫襯!  

平時無乜機會黎到呢頭,今日同朋友行過決定要入黎試一試舖頭係巷仔入面,舖頭細細,座位唔多,要乖乖係門外面等位啦今日有啲肚餓,立即開啓兩個胃,一個拉麵胃一個小食胃叫左一個豚骨拉麵同埋幾個小食,拉麵份量OK唔會太少,配菜都好多,仲有一樽辣芽菜可以加黎食,爽口好味溏心蛋超好食!厚燒玉子都好好味,小丸子即叫即製熱辣辣,鰻魚醬汁同鰻超夾,燒得好靚價錢親民,性價比高.有機會一定再黎最重要要講,店員真係非常非常有禮貌!!

已經有一年左右無係openrice打食評。最近見和拉麵都幾出名。位置係運頭街，其實個地點都有d難搵既。咁難得去呢間熱店就想試多d唔同既野食，所以就去左大埔墟呢間和拉麵食左3樣食物。小食就點左煎餃，厚燒玉子燒（玉子燒配上好香既木魚絲再加有沙津醬好開胃） 拉麵方面，我就簡左食豚骨原味拉麵 ，湯底方面有濃味同香滑湯底簡。而我簡左香滑湯底，湯好味唔油膩。 食完埋單後仲送粒糖比客人食。不過 ，有咩野覺得唔好就係佢比個個水飲左一啖有d怪。所以唯一要彈既係佢比個杯水，可能我自己飲唔慣掛。

因為傾pj 而踏入大埔呢個平時好少黎嘅地區。朋友提議黎呢間黃店拉麵。Lunch set比較化算。$80 包拉麵+小食+飲品，原價一碗拉麵都$75。叫咗辛辣湯底，小辣。鍾意食辣嘅朋友起碼要叫中辣，因為小辣係完全唔辣。拉麵比較幼身，個人口味感得煮得太淋。糖心蛋有流心效果，正！有兩大片叉燒，正正常常。驚喜嘅地方係店員好好人咁特登推介我哋食佢哋自己炒嘅辣芽菜，可以係個格枱面上嘅罐到添。芽菜好爽口，係個不錯嘅配料。結果最後我哋五個人食晒成罐。拉麵不過不失，你話特登嚟食就不喇，

位於運頭街的和拉麵，店舖裝修十分和風，中午到達的時候門口已經有大約二至三人排隊，今天和同事叫了叉燒味增拉麵，章魚小丸子還有蔬菜天婦羅，拉麵湯底濃厚，湯，麵都可以自選，熱辣辣非常好食牆上還有每日限定拉麵，雖然店舖不太大，但店員十分有禮貌

等去日本等到頸都長埋，唯有食個拉麵止止渴先。大埔其實都有幾間人氣拉麵店，但今次特登揀呢間良心小店，以表支持💪。估唔到小店唔止職員有禮貎、價錢平民、食物質素仲唔錯添，值得推介!!星期六lunch時間1:30黎到，剛好有位唔駛等。餐廳細細，座位大概20個，由於坐卡位，唔覺得迫，不過張櫈太淋太矮，坐得好唔舒服😹。同朋友兩個都點左豚骨原味拉麵，另外加兩款小食。日式煎餃子($28)特登點比朋友食，應該係包裝野，味道正正常常，皮薄肉少(日式餃子特色)，煎到幾靚仔。章魚小丸子($28)呢個我同朋友都讚不絕口!!雖然唔正宗，但我就係中意呢個外層整到焦脆，丸子心偏實、粉漿較多既口感😋。性價比比餃子高好多!!豚骨原味拉麵($75)多蔥、蒜味湯底揀左普通，所以唔會好黏口，但又好有豚骨味，飲落又唔會太鹹，仲帶少少蒜味，唔錯🤤。拉麵只有幼麵，揀左硬口感，岩我心水。全餐最令我驚喜既就係呢兩塊叉燒!!😯雖然肥，但切得幾薄，食落唔會覺得成舊豬油放入口；由於帶皮，所以咬落有少許韌性；入口先有焦香，之後就會食到濃郁既豚肉味，正!!🤤午市時間免加一，人均大約一百蚊，我地兩個都食到好滿足，非常推薦呢間既經濟又美味既日式小店比

大埔出名黃店多，所以我和友人就趁星期六周末，到「和拉麵」這黃店搵食。「和拉麵」位處大埔小街，對非大埔人而言確實要花些時間找。行呀行，找呀找，看到一塊寫著「香港人反抗！」的粉筆版時，就知道找對地方了。小店主打三款拉麵，你可以因應個人喜好揀選湯底、麵硬度、以及要不要蔥及蒜。最後，我揀了豚骨原味拉麵（$75），再加半隻日本溏心蛋（$6），另多點一份章魚小丸子（$28）開心sharing。拉麵是幼麵，豚肉跟其他拉麵店的比較，肥肉較多，屬半肥瘦，非常易滑入口。自己試過煮溏心蛋，但失敗，所以能嘆到外暖內冷、真正溏心的溏心蛋時，立即為這拉麵加分！章魚小丸子即叫即整，一咬，嘩！熱到辣親舌頭！28元六粒，章魚粒大小適中，好味！由於外面有不少食客排隊，我們吃罷後立即賣單，給黃店「和拉麵」多做幾轉生意，加油！

和拉麵位於一條小巷入面，位置都幾隱世😂。舖頭細細，裝修好日式，真係有種去咗日本食拉麵嘅感覺。叫咗豚骨原味拉麵，奶白色嘅湯底，香滑又唔肥膩，飲晒都唔會口渴。麵要咗普通硬度，我覺得啱啱好，夠彈牙。蔥揀咗大盛，上枱時真心好多👏🏻，碗麵本身已經跟咗半隻溏心蛋，拉麵配溏心蛋確係一絕！.最出色嘅就係嗰兩塊叉燒，肥瘦均匀，厚度適中，唔會太薄。經過火槍輕輕火炙過，食落有少少焦香味，十分香口。.埋單嘅時候會送你一粒蜜蜂糖，係兒時回憶呀！.美味指數：4⃣/5抵食指數：3⃣/5再食機率：80%

咁啱朋友黎大埔，佢又想食日本野，就黎左呢間舖頭食晚餐。湯底選擇唔算好多，我哋好快就決定左食咩。我哋叫左豚骨拉麵(加錢升左做特濃豬骨湯)、辛辣拉麵(小辣)、芝士玉子燒。特濃豚骨拉麵：湯底真係好濃，好香好濃既豬骨味，麵質幾好，咬落煙韌。叉燒睇得出有燒過，望落好似好肥，但係食落唔會膩。辛辣拉麵(小辣)：對於唔算好食得辣既我黎講佢有d辣，叉燒同豬骨拉麵既一樣，望落肥但係唔膩。芝士玉子燒：幾香幾好食，芝士味濃，有拉絲既效果。上面既木魚都好香。三十蚊唔駛有三件，算係抵食。店內位置頗闊，幾好坐。有幾多食客叫左龍蝦拉麵，幾多一家大細黎幫襯。價錢唔貴幾抵食，拉麵高質好食。