呼吸咖啡茶館 (已結業)

第一次上來cafe食嘢，係朋友介紹我上來食既。第一個感覺你呢度好靚好有氣氛...都幾多人下。出面有個露天既地方坐，有d人o係果度食煙唔係咁好，唔係幾明明明提倡無煙，但係居然出面係有人食煙，感覺唔係咁好。一黎唔係前菜先，居然係個芝士餅來先，好奇怪。食物等左好耐都未有。隔離果班女仔仲遲過我地坐o係度都已經早過我地催食物，後尾我地都開始催。個staff話有好多單所以要時間整。不過d氣氛真係幾好既，不過都幾多人。我地一坐就坐左成2個鐘，真係唔覺有咁耐。由於第一次上cafe食嘢，所以都唔可以同其他比較。不過總括來說，這間cafe都很不錯。我地走果時都差唔多10點半，但落到樓下依然好多人。

8月23日o既夜晚，去左呢間cafe，裝修唔錯，幾有情調，但係話好好味就唔係囉，杯綠茶有少少苦澀味，個沙律唔知係我食唔慣佢隻調味油定咩，都係有少少苦苦地，叫左個日式咖哩吉列雞扒飯，d 咖哩稀左d，d 雞扒用多左d 生粉炸，但味道可以，但整體上果度只係俾d 人愛o黎hea吓「涉」時間。70幾蚊......以果度o既環境都算抵返吧=.=

噚晚幫朋友預祝生日諗住搵間樓上cafe食飯切蛋糕然後坐下傾o下偈上o黎openrice見到呼吸評價都唔差咁我地就一行六條友上去呼吸4/F到我地坐低之後個waitress先同我地講要數切餅費每位$10即係total$60有冇搞錯呀依家好多食肆就算menu有寫明切餅費開瓶費但都唔會收客人依d費用事實上我同朋友屋企人慶祝生日/父親節/母親節都未遇過咁既情況我覺得一枱人收$10都ok但$60太誇張加多少少錢都可以買到個蛋糕或許食多一個set dinner啦掠水都唔係咁嘛同埋點解要等人坐底晒先講呢我地六條友嬲到即撇最後上o左18/F間cafe唔單止唔收切餅費仲送小食一碟雖然果碟小食係香腸但我覺得service真係好過呼吸太多

d野食真係幾細碟.....但呢d野飲係ok既.....唔係勁好飲我覺得我choose錯野飲想講既係環境真係唔錯坐左幾個鍾都冇人理good place for gathering (small group of ppl)另外，個staff (或者係boss)佢係咁食煙.........唉~~~~~~~~其實環境俾佢破壞左小小囉.....

呢間CAFE，係我去過最好既一間。基本上我係呢間咖啡店既熟客，約三年之久。非常贊同樓下某位朋友既意見︰「如果係上去一兩次既客人，佢地一定唔會鍾意」如果係幾個人無野做而搵個地方去「消磿時間」、打PSP、NDS、玩遊戲什麼的這裏未必適合你======================這裏沒有太多的TABLE GAMES於黃金時段(9-12PM)，呢度出飲品及食物速度會慢人會多、地方會較迫所以，你會覺得這裏「差勁」、對這間咖啡店「失望」。相反，若你想找個空間自我思考、與朋友談天說地、討論人生道理、享受在城市中的大廰的滋味…強烈推薦這裏。這裏的佈置盡顯老闆的格調當中有不少是他本人的收葳品；這裏的飲品在香港的CAFE 裏可說數一數二沒必要叫那些標奇立異的飲品只叫一杯咖啡、又或是一杯鮮打綠茶己非常足夠；你會慢慢的被這個「大廳」吸引經常光顧。若只來一兩次的朋友，會覺得這裏差勁但只要你喜歡這裏，你每星期最少來一兩次這裏沒有TABLE GAMES因為跟本沒有需要如果朋友你當「咖啡店」是「遊戲廳」的話大可不到這裏。以上是我對FULLCUP CAFE 的看法。

第一次黎呢間cafe，最先係去四樓，擺設好靚，但D 檯真係好密，仲好焗，好彩之後轉去五樓，舒服好多，但都係有侷促感覺，檯真係太密，傾下計都好似會嘈到隔離。見有介紹呼吸交響樂，就試下啦，但好一般，而且冰太多，愈飲愈淡，應該就唔係用咖啡冰，唔建議大家飲囉。小食就唔錯，但D 野係唔飽肚，去tea 下就OK，當晚餐就唔得，選擇少，如果有意粉就更好。最後埋單先知假期夜晚每樣飲品食物都加五蚊，計埋都幾貴。最失望係冇野玩，得象棋，去cafe 都希望有野玩，下次唔會再去。值得一讚係服務態度唔錯，仲有係個toliet，好乾淨寬敞。

其實隨便試過附近幾間cafe，環境同質素都唔夠fullcup 好。好多人可能覺得fullcup貴，不過我寧願俾貴幾蚊，都唔去d求其cafe飲d求其溝的野飲。首推( ）味朱古力！今日同ｆｒｄｓ一齊試唔同味個個都讚好～ｈｏ　ｒｉｃｈ，飲完真係飽。而且這絕對是個聊天好地方，今日如果開埋冷氣就更好服務，人人唔同，ｏｋ　啦。(30% OFF before 7:00pm la )

環境服務算唔錯但無咩野玩得象棋，uno就爛十個人，得兩杯水問佢竟然話唔夠杯野食還好，無餐

位置幾難ga, 兜好幾次冤枉路先至到. 四至六樓三層全層都係呢間cafe , 上去係非吸煙區五樓. 開初聽落佔地3層咁巴閉, 原來, 每層地方好少, 只有幾張... 不過,都要經營得好先可以開3層, 去到感覺都好ok.佈置好特別, 有幾盞唔同吊燈, 都好有特色. 仲有唔少好似係懷舊擺設, 都顯得係有心思裝飾, 坐位都幾舒服, 不過可能地方實在太細關係, 都有少少逼同焗促感覺.上樓cafe 唔少得係遊戲, 但好可惜, 當晚唔到玩, 只係得剩餘幾張uno, 同唔齊波子棋...叫杯iced mocha $27, 唔算大杯, 味道ok 啦.總括都係一個好傾計地方.

前几日一班FD食完dinner ~無無聊聊~~想搵個地方坐下傾下計，後來其中一個fd帶左我地去左一間上樓caf憺叫呼吸cafe~去左非吸煙區,有張類似床的sofa, 有好多大大隻的熊公仔~佈置都几女孩子~個環境好好~仲有個度氣氛都唔錯~ 我地仲係個度影左d相~侍應提供UNO、啤牌、波子棋、象棋、仲有一D雜誌~個FD話以前唔俾玩啤牌,而家都俾玩啦~個FD話呼吸交響樂几好飲~~基於大家都好少去LEE D 上樓CAF伅野，所以接受左個FD建議~~大家齊齊飲呼吸交響樂(入面有五層料)~~個個飲完都話好正！！直得一試\\^o^// ！！！

成日周圍去CAFE, 都無乜去定邊間~~去過FULL CUP一次之後就愛上左~~出親MK 要去CAFE都會上去!飲品比我去過既其他CAFE好~~ 連D冰都係咖啡冰~~老闆聰明!!環境又正!!! 服務呢, 就睇係邊個LA~~有D好D有D又無咁好……但整體都V. GOOD!!

Full Cup Cafe真係唔錯,侍應友善,有笑容呀~!價錢中線,廿幾到三十幾都有~!環境幾好,好靚的裝修, 幾有Feel~!食品同環境都幾乾淨~飲品真係唔錯,勁鍾意「香蕉菠蘿沙冰」~! ^^小食拼盤入面又搵到我已經好耐都無食過的「薯寶」!!!pizza又幾好食喎~!細細個但熱辣辣,我食個個好似叫「芝士磨菇豬肉」~真係幾好食~!可惜D飯類、冷麵就差少少~~咖哩飯呢...D咖哩係好好好普通的「現成」貨色,佢D白汁都okay既~不過拼牛柳就真係有D唔夾,下次拼另一樣會好D~!冷麵的size同元祿個D一樣咁「大」~! =o="地點又係極度隔涉~! =.="要行過埋高氏大廈,見到金太朗同paris cafe先搵到~!可能我去個人係星期一晚,所以人唔算太多太迫~坐得ok舒服,我地一行十四人由七點坐到點半先走~!無錯呀~!六個半鐘呀~!~!~!侍應姐姐話四樓同六樓就三點鐘收工,我地呢層五樓就收兩點~!所以我地都唔好意思坐耐D喇~~!嗯...一行十四人都食左幾好多野,好飽,有D人都飲左兩round,埋單就$1179~佢地係有加一收費既~!由於朋友都讚好~相信我地日後會再黎既~! ^.

早幾日同兩個朋友上左呼吸飲野，之前去過幾次，野飲都算唔錯。但記得之前個水吧好似係老細？（我都唔清楚），但今次既水吧師傅係一個同我應該差唔多年紀既男仔，望上去大約二十歲左右。本身想叫之前飲過唔錯既果杯咩日式mocha，但今次因為胃有ｄ唔舒服，唔夠膽飲咖啡，於是對住個menu好耐都諗唔到飲咩。果一下突然水吧果個男仔問我做咩好似咁苦惱，係咪諗唔到飲咩。我答佢係，之後佢就介紹左杯香蕉咪好香，又有另一隻微甜跟住後面既冰沙我飲。飲落口果下真係覺得超正，唔似其他cafe d　冰沙咁淡。我問佢果杯野叫咩名，佢答我叫做香蕉菠羅沙冰，下次大家記住試下。好味!!另外，我個friend樂極忘形既時候唔小心打瀉左杯野，飲左一半都未夠架，諗住唉真係唔好彩，不過算啦，始終整污糟左人地ｄ地方，無計。殊不知果個新既水吧師傅過左一陣拎住杯新既野飲過黎話請返佢\飲，我個friend超感動。所以今次真係忍唔住要打ｄ意見俾大家，因為發現左兩個新驚喜，第一，記住要試試香蕉菠羅沙冰，一個字，正！第二，後生水吧禮貌好好，服務態度一流，仲幾型仔tim，嘻。

其實好耐以前已經上開呼吸,咁耐以黎我真係覺得香港既上樓cafe,呼吸可算數一數二。呼吸有個特性,果d只會上一、兩次既客一定唔會鍾意,原因野飲等得耐,好多野要好似自助形式咁.但係熟客幾乎日日都會上。龍應台寫過的一段文字,套落在香港的Cafe上,我覺得跟呼吸不謀而合:「我們在談的這個所謂「咖啡館」，當然不只是一個賣咖啡的地方。它是一個「個人」開的小館，意思是，老闆不是一個你看不見摸不著的抽象財團，因此小館裡處處洋溢著小店主人的氣質和個性；它是社區的公共「客廳」，是一個荒涼的大城市裡最溫暖的小據點。來喝咖啡的人彼此面熟，老闆的綽號人人知道。如果因緣際會，來這裡的人多半是創作家－－作家、導演、學者、反對運動家...... 那麼咖啡館就是這個城市的文化舞台。」所以我覺得,呼吸可能在野飲等得耐,野食唔夠多方面會被其他cafe比下去,不過要視乎你到一間cafe去,是為了吃喝玩樂或是一個感覺。回應樓下的朋友:呼吸以前只用儲值卡,現在可用cash,不過要加一。晚餐方面近來好像在主打咖喱飯,以前出過意粉,也出過飛機餐。pizza方面最近已多了很多款式,可見廚房在努力革新。野飲方面不明白怎麼會說好難飲,據朋

不嬲出街食o野前都會o黎open rice 睇o下各網友o既食評參考o下. 今次同女友想搵間cafe坐低傾o下計, 就見到呢間cafe 有16:1的好評. 雖然有網友話唔收cash, 又要買d 咩card. 都上o左去問問. 但佢話cash 都ok, 於是就坐低o左6:45pm 一入到去, 環境唔錯, 幾有尖咀d 外國餐廳feel. 之後問個侍應(or 老闆?) 囉o左個meuu. 一睇: 唔係掛, 全日任何時間食物都係得d 小食, 面食就得冷面同咖喱反... 其他飯或意粉都冇(唔知點解有網友話食過意粉...), 已經覺得唔係好對路. 問個waitress 個menu 上面d o野, 連最普通問"個pizza 係3樣送都有定係揀一樣" 都唔知! 又要問人... 但係個waitress 話7 點前order 有7 折, 同埋7 點之後先有飯(淨係得咖啡哩飯囉!) 於是就盡快點o野喇, 由於係7 點前先冇點到curry飯.最後order o左: 1. 檸檬菠蘿沙冰(個名類似) 2.士多啤利奶酪3. 瑞士XXX雞翼4. 煙肉PIZZA.先黎2 杯飲品. 個沙冰好難飲, 有D 怪味. 同仙XX