呼吸咖啡茶館 (已結業)

食完dinner之後，大家意猶未盡…所以去左上樓caf e飲野…環境ok…不過室內就煙左d啦…裝修唔錯，coffee味道亦幾好﹗可以一試﹗

20051009 7.30pm響我人生之中呢, 好少食肆會短時間內翻炒咁多次, 我都諗緊係咪真係要寫呢?星期三晚男友接放工, 老老實實, 響呢頭返咁耐工, 旺角都真係唔知有咩鬼o野好食, 除o左呢間lor. 同埋橫點增值o左張card 嘛~本來諗住懶係搞o的新意思上6/F, 點知遇著一大班10幾人果o的坐晒, 唯有落返去4/F屈響個角落頭咁啦.2人吃-* 晚餐x 2 - 是夜晚餐為黑椒雞絲炒意粉, 味道OK, 但係好似平時果o的有汁o既好食o的wor.* 士多啤梨乳酪凍飲x 1 - 男朋友無啦啦想飲o的yogurt o野(?!), waiter 推介, 試o左啖, 一般啦~* 凍蘋果紅茶x 1 - 都好味* mixed blue berry cheese cake x 1 - 一般去咁多次最麻麻呢次, 結論係, quote 《江湖告急》久哥所言: "無論o的o野幾好玩, 你成日玩都會厭啦~"

20050308 9.30pm最後一站行到支力上呼吸飲o野兼hea.坐露台出面, 男友飲凍焦糖咖啡, 佢話幾好, 我飲凍士多啤梨紅茶. 再加個波波腸($10), 我勁鐘意食呢個.順手增值張card, 我依然覺得每次咁樣比兩舊水做按金係好赤下, 唔知點解.其實我早兩日先同apple o黎過, apple 話果日杯凍Latte 好勁wor. 搞到佢勁心跳. 我杯mocha 就OK 啦. 無之前咁好飲.

開始幫襯"呼吸"都有一年以上, 初時貪佢幾就腳, 加上幫襯開果間"my coffee" 摺左, 所以係無咩選擇(因為去過好多間都唔係咁得)的情況下, 為有係呢處落腳啦!佢地d飲品都幾有特色, 最鐘意係芒果士多啤梨鮮打, 咖啡就一般, 不過已經好過好多間咖啡店, steam milk 也不錯, 好滑, 好香,花茶我就覺得麻麻啦!迷你布甸有幾好味, 不過唔係成日有我食, cheese cake算是合格.以前佢地有set dinner 好正, 好似飛機餐, 有主菜+cheese cake+salad+jelly=$29, 好抵食, 而家無左啦!好懷念音樂方面, 佢地都幾飄忽, 有時播下d jazz, 有時播下band sound, 有時播下本地流行曲, 都幾難適應服務員以往都幾得, 阿全, 阿嬌, 家樂, 婉瓊你地去左邊, 好想念你地係"呼吸"的日子而家新一批的服務員, 好冷漠, 好惡死好似唔係幾想我地幫襯咁樣呢到又有一頂條例, 唔準玩card 之類的game, 我都覺得幾合理, 去咖啡店, 都係想同班friend 吹下水, 如果太噪吵, 不太好. 價錢方面都算合理, cheese cake

上星期五上來, 裝修都好靚, 但係就好迫, 剛剛上去無咩人都仲OK, 個晚雖然好涷都想坐出去, 出面就感覺就好D 無咁迫.......我叫左杯士多啤朵紅茶, 都好好味呀, 之後人就開始多, 無奈我同朋友仔就要調返去入面坐, 救命呀迫到好辛苦, 又嘈喎, 嘈到都無晒MOOD 去傾計... 可能平時來會好D掛

行完街買完野, 同老公去左呢度飲杯野, 等12點.Shopping 時竟然有大量野送, 包括沐浴珠、眼影及鬱甘香一支! 頭先老公比錢, 我話當情人節禮物, 而家我請飲野, 但係冇左飛機餐lu!叫左蘋果紅茶- 久美子推介, 真係好飲o架奇異果青瓜乳酪- 老公話有d 鞋, 但幾開胃薯圈- 哈迪斯果種, 但呢個係"痴纏"版本, 互相圈實, 幾應節o架, haha藍莓cheese cake - 味道有d"行", 唔難食lor新春期間每個item加$5, 都冇所謂啦~

20050103 8.30pm朋友約吹水, 上o黎呢度hea.蘋果紅茶x 1, mocha x 1 (真係好得! 咖啡夠勁), 坐坐下肚餓, 叫o左個晚餐, 今晚係蕃茄香草煙肉蜆殼粉($20), 好食wor, 又無味精, 似屋企人煮但係又在精緻一o的. 朋友就要炸波波腸($10), 都係好好味!傾呢傾路搞到11.30pm先閃.

20050120 12am開完工, 好朋友call飲o野, 好耐無見, 幾都去.上了四樓那層, 有一陣子沒有來, 裝修轉了, 環境更覺闊落了一點, 要了個士多啤梨紅茶($25). 味道還是很不錯. (聖誕樹還未收起, 是我今年見過最漂亮的! 全棵都是玫瑰花!!~)waitress 跟waiter 又轉了人, 啊~ 都是很年青的靚仔靚女呢~ 也很落力和友善. 抽了半包煙, 吹了兩個幾鐘水才閃.

比起其他樓上cafe 有一個好處，就係呢間cafe有分室內同外，如果唔鍾意室內果陣煙臭味，可以選擇坐外面。食物飲品方面都好一般，唔好預好好。因為可以坐好耐，所以純粹為搵個地方同朋友傾下計都ok。

飲品好飲~ 但地方好迫~煙味好重~算係ok~

今晚睇左, 阿嬌及陶紅玩貓果間, 冇認錯的話就係呢度.另一間食公仔麵果間唔認得, 知道的話請講比我知.

等答等洗手間左等右等，越來越多人識摸上樓。搞到地方嘈雜左好多。由於貪方便泊車，多數會夜晚先上去hea陣。點知就實次次撞正人流。就算每次都有人搵定位我先上都要在樓下等。唉，又要換過第度。食物飲品其實唔係話好食果種，但正如我一直所講，好唔好食，由味覺得到的，只係佔有底於40%，另外60%，係氣氛同感覺傳來。去到一個舒服開心的地方就夠。

E 間野比到我好舒服的感覺,離親都坐好耐唔捨得走,唔飲過兩杯野飲都唔肯走~~搞到我每個月都會係度消費過2千,但我從來無覺得心痛

20041011 9pm其實呢間o野開o左大概年幾兩年起碼o架啦, 我都係近呢半年先去.一個月o黎呢度2-3次啦.都唔係太想揚開去因為好爆o架呢度, 成日都無位.尋晚又同o的朋友上o黎(我去o左4樓果間, 貪佢有露台), 其實唔約都得, 上到o黎實撞到.推介- 呢度set dinner 好得意似飛機餐有個盤載住但係好食過飛機餐多多聲啦當然! 有甜品有意粉有生果有沙律. 仲想點, (好似)仲要$30蚊度咋wor.另個人最愛呢度o既蘋果蜜糖綠茶($25), 飲品quality 好飲過方圓百里任何一間. 呢度無menu, o的menu 寫晒係的黑板度, 或者問呢度任何一個好nice o既waitress / waiter 都幫到你.當然仲有好homey o既環境, 係有taste 果隻wor, 樓下果幾間懶靚我真係覺得唔得lor. 呢度唯一一樣唔好就係梳化只得一張(仿designer chair o黎o既)同埋位同位之間比較逼.