味道樂居酒屋 (元州街) (已結業)

是晚9人行生日飯員工有禮貌..有介紹...有叫必應我個人最like原條鰻魚飯👍🏻鵝肝石鍋飯👍🏻牛肉湯鍋👍🏻唯獨覺得在長沙灣區價錢比較貴而份量就岩2-4人行多場內比較迫少少少少.....！整體算好...！

我說他人看不穿🤦🏻‍♀️要數到香港的鰻魚飯一定係非佢莫屬😍原條肥美巨型鰻魚平躺係日本珍珠米飯上🤤鰻魚無乜骨 啖啖肉 仲要好扺食！Lunch Set 都係$98+10%即係$108! 有沙律 麵鼓湯 同茶碗蒸 勁抵食！平時係出面食個得幾件的蒲燒鰻魚飯都要過百啦🤦🏻‍♀️餐廳內在環境好懷舊有啲日本舊式居酒屋的感覺全間餐廳以木為主 比人感覺好溫暖好舒服仲有啲小燈籠 可以影下相扮去左日本😂lunchtime去都有機會要等位

今日去深水埗買啲布料，諗住試下親手車啲袋仔，第一次買布搵左個朋友比下意見，午餐時間就去附近搵間餐廳，見到有間日本居酒屋。日本味道頗濃，好似番左日本一樣。餐牌選擇好多，求其叫幾樣試試。七味魚翅。魚乾燒得香口，入口咸香煙韌，沾上千島醬味道滋味，酸甜味道層次高。黑蒜黑豚肉卷。黑蒜味道香濃，醬汁味道偏甜，豚肉帶點油脂，入口軟腍不會乾身。鎮店鰻魚飯。鰻魚超長，有一隻手臂的長度，魚肉厚身魚骨不算太多，沒有魚腥味，入口膠質重味道濃香，唯獨不夠熱。醬汁味道甜甜，份量夠送飯。

早前來了這間毫不起眼的日式居酒屋。為什麼是毫不起眼呢？因為若果你不是常在這區出沒，你一定不會知道這餐廳的存在！很日式的裝潢，位置亦比較擠迫，基本上聽到隔離位在談什麼😂美美的餐具，原來有很多花款的！我們4人點了9個菜。很滿足！燒黑豚肉芝士天婦羅卷燒肉舌好香牛味，質地爽滑，一點也不韌。雞軟骨鐵板燒廣島蠔味道不錯，只是太燶了芝麻雞翼感覺它與牛舌是全晚最好吃的招牌原條鰻魚飯是好吃，但汁太甜了，2人一個飯剛好。一夜干太燶，太咸，吃不出魚的鮮味蟹膏帆立貝呢個一上枱要即食！帆立貝是半生熟！好滑好甜的！過多1,2分鐘便變了全熟啦，口感差了。這間店是少數感覺會返吃的店。下次想試下刺身呢 緊記要訂枱！因為我們大概7:00去到坐低，不消15分鐘便見店外全是等位的客人了！店內座位不多，而且沒有限時，所以有機會要等很久啊！

長鰻魚飯最近係市場可以叫做係氾濫，但無可否認真係好呃LIKE同埋好吸引我。所以今日就去左一探究竟啦！依間係位於長沙灣既居酒屋，環境以木系做主打色調，座位吾算寬闊，但吾會好擠！泥到梗係必嗌鰻魚飯，基於當日係星期六就無Lunch set啊，所以單點就$128。下次醒目平日去先量泥講真係吾話得，都幾長好大條。飯我覺得就乾左啲，同埋無乜日本飯既感覺，同埋汁就吾夠既。鰻魚方面厚薄適中，近皮位置膠質幾重，會有少少漿口。個人就吾太鐘意依種口感同質地啦，如果嫩啲就好了！但另外既牛脷係幾正既$68！尚算厚身，燒得幾香，加上黑椒、鹽調味剛好！另外個魚翅其實同魚乾差吾多，但中間位個啲就比較淋身，送酒真係一流！佢個芝麻雞翼我地都覺得不錯吃，係帶微辣，外皮又好脆身，入面爆肉汁！比較愛小食，質素平穩！

從老家名古屋回港後，末曾有一間日式料理店做的鰻魚另我滿意。名古屋最出名的就是燒鰻魚，當時好味的程度是我會一週幫襯四次。今日終於比我找到一間有番咁上下的。雖然還是比不上名古屋那些百年老店 ，相信在香港都可稱得上自慢的鰻魚飯。上枱時有點震驚，比我手掌還要大還要長。整條非常有光澤，掃了一層自家秘製醬汁。鰻魚入口溶化有濕潤感，非常惹味。秘製醬汁比較甜，一口鰻魚一口飯就可中和甜度，恰到好處。份量頗多，二人分享更化算，可嚐多些其他食物。口癢癢的點了牛舌串燒，牛舌比較薄，欠缺口感，灑上的鹽過多，有點過鹹。價錢相宜，環境好，服務也不錯，下次可相約三五知己再邊飲邊聚。

想試味道樂好耐, 身邊有唔少朋友食過都話幾好, 今日終於有機會試. 佢既位置唔近荔枝⻆地鐵站, 要係青山道行一段路仔先到, 我諗五至十分鐘左右啦. 門面唔太突出, 內在環境空間不大, 但感覺舒服.今日黎既時候係星期五六點半, 無book台都唔需要排隊, 但八點鐘要交台.我地點左和牛炒飯, 原條成田醬炭燒鰻魚飯同鹽燒厚特上牛舌。首先到既係燒牛舌, 有兩串剛好可以同朋友一人一串. 呢碟係有驚喜既, 牛脷厚切, 食落好彈牙, 調味得宜, 好正!之後上既係鰻魚飯, 份量都幾大. 鰻魚好肥大, 咬落去啖啖肉, 醬汁分量適中, 送飯一流。好味還好味, 價錢真係幾貴, 友人覺得唔太值, 但我覺得一試都ok , 係同出面普通鰻魚飯有少許分別。我地仲有點到一碟和牛炒飯, 但我忘記左影相。和牛炒飯做得唔好, 好淡味, 有和牛片不過起唔到調味作用, 亦唔夠香, 睇黎要花D心機改良食譜。三樣野食埋單$320左右, 略貴。但整體感覺唔錯, 可以一試。

今日心思思想食鰻魚飯， 剛好經過味道樂， 正好一試其著名的原條蒲燒鰻魚飯。 到達時正值中午時間， 店內早已滿座， 幸好我只是一個人， 不消一會已可入坐。雖然是搭枱， 但店內環境雅緻， 店員服務慇懃， 久坐也沒有半點不自在。 點餐後先送上芝麻醬沙律﹑茶碗蒸及麵鼓湯。 沙律新鮮， 配上芝麻醬非常開胃。 茶碗蒸內有幾款海鮮， 誠意可嘉。 麵鼓湯不會死咸， 亦算不錯。 鰻魚飯不久後便送上， 原條鰻魚賣相相當吸引， 份量十足， 鰻魚肉厚彈牙， 口感不俗，配上醬汁份量剛剛好的珍珠米， 令人回味無窮。有一點很值得稱讚的是， 店家座位很少， 店員卻不會催客人結帳， 更會幫客人添茶，  給人舒適的感覺。

諗住鋪頭喺長沙灣，星期日幫襯無咁多人，點知去到排長龍，好彩有訂位，但都要等。佢有幾隻燒雞翼，全5 個人試晒，覺得呢隻五香最好味。全場最有驚喜係杯梅酒，連一向唔飲酒嘅都叫咗一杯，我哋左探右探終於揾到個名。去洗手間就麻煩啲，要出鋪頭外面。食物算是可以，要幫襯記得訂位。

早排勁HIT嘅巨型鰻魚飯，今日終於可以食啦😍😍只怪之前FB太HIT搞到LUNCH日日排長龍。今日特登早左15分鐘出公司去霸定位😂😂😂11點50分到，係唔洗排隊嫁✌🏻原條炭燒鰻魚飯 $98嘩嘩嘩！真係好巨型呀，絕對可以呃LIKE😂條鰻魚大過我隻手，肉質軟淋，鰻魚烤得好香，配上咸咸甜甜嘅鰻魚醬，好好味。不過食多幾啖會好漏，依個時候飲啖茶可以解下膩，然後再食。份量多2個人食，我一個食唔曬tim🙈🙈

這天下午要到小學參加校友日，先約小學同學來這邊吃個午飯，順便看看這個風摩Instagram的原條鰻魚飯。11:55分來到，門口企著一位客人，內裡店員準備5分鐘後開店，貼心的小店還有數張木椅讓客人等位用。一直在IG上只留意到鰻魚飯，沒想到這裡的餐碗碟都是可愛的雞泡魚，看著已經很治癒，窗外的自然光緩緩從窗外射進來，很溫暖的午餐時光。鹽燒牛脷，這個牛脷比一般吃到的要薄身，卻令它咬落更爽口利落，燒物表面的鹽味頗重，加點檸汁中和一下較好。這個魚餅很薄身，微微咬開，內裡的芝士汁已經急不及待地瀉出，幸好不是很企身很滯胃的，魚餅雖薄，但卻吃得出彈牙感。芝士餃子，沒什麼大驚喜，淡芝士醬甫在餃子面，而餃子餡料不多味道淡，可能是雪藏餃子吧？內裡有少量蔬菜和細蝦肉，餃子皮薄，所以多吃兩隻也不佔胃容量。白鱔，燒過的白膳較想像乾身，不過面頭的汁醬惹味，補足一下。終於來到我們兩個期待的鰻魚飯，甫一奉桌我們都驚喜了一會，真的差不多原條沒有切過的鰻魚啊，而且面頭沾滿鰻魚汁。鰻魚烤得算香口，不過面頭太多汁略微有點太濕，下面的白飯沒有怎樣受到鰻魚汁照顧，有點乾身，所以最好與魚肉送飯一起吃。簡單的一餐，店面不大兩位店員都細心

一間少少的日本餐廳。想不到食物還不錯喔！(價錢只係大約，因為已經唔係好記得)推介如下1) 炸雞翼 $48,3隻。炸完都好滑，好好食。火喉剛好2) 蟹膏石頭鍋帶子 $128, 帶子煎到半生熟，再配埋熱啦啦既蟹膏汁，下面仲有牛油雜菇配襯，好食。3) 同事們大推牛舌串燒好燒4)最期待既大鰻魚飯反而有點失望，一來鰻魚不是我想像的咁好魚質，而且個燒汁太甜，太甜，還有燒得濃左啲。。。。。。。。此外，我哋仲 order 份燒魚，但真係燒得太濃太濃，希望可以改善下。。。。。。。。總括小店的食物都是不錯。

因一次飯聚讓我對這位同事加深了認識, 原來她的口味很近我相似, 也是很喜歡嘆咖啡、吃日本菜…. 故大家都同意多些餐聚, 一來開心share, 二來可互相了解多啲。閒時的好節目就是瀏覽 <開飯啦> 網頁, 欣賞各食家的食評, 有次就看到一張九宮格菜式相片，因為它吸引了我選擇和同事來到這裏, 我的確很喜歡啲骰精美的菜式, 還可一次過品嚐不同味道, 太令人興奮。店子招牌高高掛在正中, 門面以木材建構而成, 拉門而入, 裝潢相當有特色, 四處擺放了不同種類的日本酒、懷舊玩具, 亦掛上日式小燈籠、日式門布, 還貼滿日本的postcard、日式的海報等等, 的確設計成一間居酒屋, 富有心思。店子地方小小, 座位不多, 右邊預設了兩張六人枱, 左邊則有四張四人枱, 而近門口有一張二人枱, 枱與枱之間的空間不多, 略為狹窄, 出入不太方便, 但播放着輕柔的日本歌, 感覺輕鬆自在!枱上的日式餐具相當吸引我, 茶杯和碟子都雞泡魚, 而筷子托則是一隻可愛的小貓, 難道是貓要捉魚吃? 哈! 餐牌也設計精美, 附上一些菜式相片, 分有沙律、漬物/小食、刺身/壽司、卷物、燒物、一品料理、飯/麵、飲

之前已經好幾次想嚟試下原條鰻魚飯，但係每次唔係驚要等位等好耐就係發生咗啲小插曲嚟唔到，今日老公放假終於的起心肝嚟試下條鰻魚：)好好彩嚟到啱啱好仲有兩個位唔駛等，我老公一望個午餐menu已經即刻order咗2客原條鰻魚飯，個set其實幾抵，$98除咗有個飯之外仲有沙律有日式蒸蛋有麵豉湯！原條鰻魚飯好快就到咗，賣相好靚，可能lunch時間所以一早已經整好晒，所以入口就稍為覺得唔夠熱，如果熱啲應該會好食好多，個鰻魚汁好濃，連埋飯一齊食就啱啱好，條鰻魚一啲腥味都無，而且烤得啱啱好，唔會過咗火搞到成條鰻魚硬蹦蹦，成個set份量好夠，我係食唔晒㗎！不過要提一提個日式蒸蛋好👍👍！我地另外叫咗個煙肉荔枝串，我想像中荔枝會係好甜好juicy，會抵銷咗煙肉嘅油膩感，但係荔枝燒完出嚟變得比較乾身，有少少失望！餐廳整體氣氛係舒服，店員好有禮貌，都值得再嚟試下其他嘢！

我愛食魚生，更愛吃鰻魚。鰻魚煲仔飯太淡口，豉汁蒸欠肥美感覺，蜜汁或南乳燒太乾，日本先蒸後燒方法最上乘。味道樂，古今二，鐵人旨花三店之中，我認為前者的鰻魚飯最佳。古今二其實是卷物店，鰻魚汁偏甜，米飯質素相對最差。 鐵人旨花其實是鐵板燒店，鰻魚骨較多。味道樂是居酒屋。擅長燒串燒，燒烤功夫好，因此俘虜我的味蕾。其次，鰻魚來自日本，米來自新潟，食材勝。價格方面，亦以前者最便宜。當晚6:00前到，這是只有10多小檯的小店。鰻魚飯10分鐘內到，鰻魚比筷子略長。魚很嫩滑，只是太薄。汁是主角，用魚骨，頭，尾，內臟，葱，薑，冰糖煲成。汁偏咸，其實偏甜更佳。飯太少了，點多1碗飯（15元）。飯，汁原本不合比例。宜在落單時有多飯，少飯選擇。綜合而言，是此店較佳，會再來試煎鵝肝石窩飯。另吃了炭燒銀雪魚。皮很脆，與油煎效果全不同。魚身則稍嫌乾。油亦太多。進食期間，不少客人電問如何到達。很多客人願慢慢找路行15分鐘來，此店應再改進，不負衆望。如茶太太淡，接近無色。來此店捷徑是港鐵c2出，穿越公屋，轉左沿元洲街行至尾。