味苑 (已結業)

三五知己敘餐，朋友介紹這間說食物好味，裝修特別，當然要去試下啦。果然裝修幾有特色，見到餐牌價錢又大眾化，感覺已經幾好。朋友點了蝴蝶腩，水晶咕嚕肉，燒鵝及鮮百合淮山。果然冇介紹錯，最愛咕嚕肉，淋滿獻汁都仍然脆卜卜😋😋😋超美味。蝴蝶腩湯底值得一讚，芹菜，芫茜再配合胡椒粒👍冇得輸，百合同淮山都鮮甜爽口，燒鵝就一般，皮唔夠脆，但味道幾好。總括係滿意之選，值得再來👍👍👍

喺荃灣同朋友晚飯搵間可以傾偈又唔趕走，就去左呢間食，門口望入去好似唔錯咁，入到去見到裝修幾有懷舊feel，唔錯👍👍。叫左個鮮百合雲耳鮮淮山，脆炸牛坑腩及雞燉翅，牛坑腩有驚喜，皮脆肉軟又唔油😋😋雞燉翅就淡味左啲，這個一般。鮮百合淮山這個唔錯，味道清甜，淮山又夾口👍👍，不過今次人少試唔到咁多，下次可以叫多幾個試多啲唔同菜式。

無意中發現老婆公司附近有間平靚正中餐館, 今晚接佢收工近近地又黎食過.半肥瘦义燒係飛佛, 表面帶义燒醬甜甜地唔算過甜, 燒到香口惹味.最正係半肥瘦既選料, 入口即溶既感覺, 唔會食到又乾又起渣.一碟义燒唔夠喉, 要多碟牙簽骨, 表面亦係掃上一層一層甜甜地既醬汁, 燒至焦香.肉質燒完仍保持肉汁, 咬落JUICY, 唔乾又夠啖啖肉.小菜算係幾平, 而且份量唔會太少, 叫個白飯已經夠飽.

一入門口已裡面環境唔錯，裝修甚是澄明雅潔！即時覺得胃口大增，奈何老婆下令要keep fit, 只好食清D☺☺先嚟嘅係菜膽燉雞湯！菜膽入口即融，湯味清甜卻绝對夠火喉！我寫包單冇味精湯底！食蒜蓉蒸元貝嘅要點係，蒜香要帶出元貝嘅鮮，但絶不可搶走或蓋過元貝嘅！蒸嘅時間不能過火，使元貝变老！今晚師父絶落料、選材、火路絶對一流！勝瓜係我瓜類中嘅至愛，一般我會選擇蒜蓉蒸！今晚當然要係試上浸啦😄好處係既健康之餘，又能保有勝瓜之獨特口感及清甜！

放工後，唔想買餸煮飯咁辛苦，決定到附近的荃灣大霸街《味苑》中菜館用晚膳。餐館佈置充滿中國色彩，特別優雅！而餐具都是公雞圖案，份外可愛！人少關係，只點了兩個小菜，其中一款是【蒜茸蒸元貝】，蒜茸炸至香脆，元貝新鮮大大隻，又鮮甜，粉絲好入味。另一個是《上湯浸勝瓜》，上湯味道香濃，蒜頭爆至金黃色，勝瓜鮮甜，瓜心柔軟又帶點脆口，口感唔錯！總括環境、食物均滿意，價錢又唔費，非常抵食！

同屋企食做節飯, 起初諗住"菜館"會好亞伯feel, 但黎到原來好乾淨, 高底又高, 而且細枱仲有卡位坐.做節除左叫左燒味, 菜之外, 屋企人仲想食海鮮, 簡單要左蒸大元貝, 一隻隻計夠清楚. 大元貝一開兩邊, 開左都仲幾厚, 彈牙爽口. 粉絲墊底吸收鮮甜既精華.仲有款特別野叫牙簽骨, 咁大條絕唔牙簽啦. 豬仔脾用蜜汁燒至脆香, 少少燶帶甜甜地, 夠晒惹味, 肉質嫩滑唔"痴"牙, 有D似食緊西餐既感覺.整體黎講價錢相宜, 環境亦夠乾淨, 感覺唔錯, 下次做節可以再黎食下其他野.

喜歡在荃灣廣場逛街, 特別是某日資百貨和超巿, 很多貨品都很吸引, 總會買到優質的東西, 今天趁週末去入貨, 晚飯時間, 選擇到後街的小店, 吃點特別的風味。味苑裝修堂皇, 座位舒適, 以為會很貴嗎, 又沒有, 只是比普通茶餐廳價格高一點點, 碗碟用上懷舊公雞圖案, 可見出餐廳對自己的要求和心思。晚飯大優惠有菜膽雞燉翅, 保証是真翅, 聲稱是蝕本價, 價錢竟然只要$28, 平常吃到的大概要兩三倍費用吧。湯頭濃香清澈, 又帶咸香, 把食材的鮮味都融於湯水中, 是中國人的智慧, 看一看湯料有白菜、雞件、瘦肉, 最驚喜的是有一排翅, 看樣子蠻像樣的, 入口滑溜有膠質感, 似是吃到不少骨膠原!牛坑腩在我的印象中, 只在牛腩湯麵的店出現, 也從來沒見過炸的, 這脆炸牛坑腩$98 的確是新奇有趣, 上桌時見到坑腩像有點乾乾的, 但入口後立即化解了我的憂慮, 外層炸得很脆, 像吃薯片般脆實, 中間部分軟嫩有肉汁, 一點也不乾, 蘸上附送的豉油或茄汁, 更加滋味。鮮百合雲耳鮮淮山$68 一看便知道這是保健的菜式, 誰說出外吃飯便要犧牲健康? 淮山有健脾、補肺、固腎功效, 百合可潤肺、清火、安神, 雲耳

睇到係咪好正呢！超級大隻既扇貝開邊，加埋粉絲蒜蓉蒸。你話點可以擴拒？老婆仲想食埋我個隻呢碗雞燉翅係招牌湯！濃郁既雞味，而且仲有大大塊翅你估唔到佢會只係$28一碗咁平！剛剛大扇貝亦係同價。 二人食埋呢碟大菜心，唔使食飯已經飽飽了。 😝Yummy

今晚下班後到了「味苑」晚飯，與舊同事聚一聚舊。味苑的裝潢是頗華麗的中式茶樓風格，但餐具卻用了懷舊的公雞圖案。雖說味苑的海鮮餐牌十分吸引，但為了照顧有海鮮敏感的同伴，我們這次就主要點了這裡的小菜和冷盤。菜膽雞燉翅湯頭清澈，味道甘香，因為有菜膽一起燉煮數小時，沒有一般雞湯的油膩感。有一整塊魚翅，用匙撈起時亦不會散開。鵝掌鵝掌醃得入味，表皮帶點爽脆，是不錯的佐酒小菜。蘿蔔燘蝴蝶腩蝴蝶腩是牛隻肺部對下的肌肉，雖然是第一次聽說，但在店員大力推薦下，我們就決定試一試∼蝴蝶腩煮得軟，但口感仍然爽脆。湯汁微辣，配上香菜，十分惹味，配菜蘿蔔亦燘得入味。燒味拼盤三拼中我們選了叉燒、燒鵝和燒腩仔。叉燒偏瘦，所以有點韌，略嫌失色。燒鵝及燒腩仔皮脆肉嫩，不錯。

發現身邊的朋友, 大多對中菜沒有特別興趣, 可能晚上家人煮的從小吃到大的是中菜, 中午也多以茶餐廳解決, 但我卻欣賞中菜的博大精深, 變化多端, 能把食材發揮得最好。來到荃灣近西鐵站的味苑, 必要試的是這個特價的菜膽雞燉翅 $28, 火喉足, 熱辣辣, 好滋補, 好夠味, 還真的有翅, 不是碗仔翅啊, 最岩平時無湯水飲的打工仔。店員介紹 脆皮燒腩仔 $88 (例) 好靚, 就要個例牌, 脂肪同瘦肉比例剛剛好, 一啖咬落去, 唔覺得太肥或太瘦, 入口即溶般, 皮亦燒得好脆口, 一啖一件, 品嚐這邪惡的美味。

去完旅行返黎,特別想食小菜. 兩伙子行左去大壩街, 見呢間確實吸引過隔離幾間茶記叫餸, 而且人都幾多, 好彩唔係等左好耐就有位.睇餐牌除左小菜, 仲有雲吞麵, 撈麵, 下次可以午飯時間黎食下.可以送飯, 又有湯飲, 要左個清湯蝴蝶腩. 其實咩係蝴蝶腩我唔係好識, 不過眼見類似坑腩, 有肉有筋部份. 牛腩入口夠嫩而且入味, 筋位唔肥.  至於個湯清甜唔油, 胡椒味適中, 撈飯也不錯. 蔬菜類亦唔少得, 有款鮮淮山雲耳, 淮山比較少食, 所以要黎試下. 淮山一片片, 咬落係爽爽地, 成碟蔬菜好清新.

上星期經過荃灣味苑，看見店舖裝修頗精致就即時訂位今天跟家人預早食晚慶祝中秋節。我們訂了6人枱但今天到達後只給我們一張4人枱，跟一位貌似部長的男士商量但得到的回覆是根本沒辦法給我們6人枱，我問他為何訂枱時沒有跟我們說呢？還跟我說你們吃什麼就收什麼價，我說跟訂6人枱只給4人枱有什麼關係，他的態度非常差。本來一家人開開心心食飯，但換來一肚氣。我們只點了6樣餸但那張枱連4碟餸也放不下，侍應要把我們還沒吃完的餸轉移至細碟才可騰出空位放其他餸，如此這般吃飯真的有點辛苦，而食物質素只是一般，以後也不會再去！

樓梯旁邊放滿字畫，很有氣氛蒜蓉粉絲蒸扇貝，已將內藏清走起肉，粉絲放係底，非常細心，扇貝清潔得好乾淨，一D黑色都冇，新鮮，扇貝很甜。鮮百合雲耳炒鮮淮山，非常清新既小炒，甜豆好甜，淮山又爽口，D甘筍仲雕左花添。燒腩仔，肥瘦分佈均勻，食落很甘香，又帶有燒香既豬皮的香口。

生葵山汁明蝦球，蝦球好大隻，又爽口，Wasabi味剛好，不會太搶，沙律醬味道酸甜加上Wasabi有少少哄鼻，配搭得很好，又不會蓋過蝦嘅鮮味，味道豐富層次很多，很值Encore！蒜蓉粉絲蒸帶子，帶子新鮮清甜，粉絲有蒜蓉帶子嘅香味，份量足，一人一隻已經很足夠。食物相當抵食夾大件，very good。餐具茶壺亦都非常精緻。

坐低見到的餐具有公雞圖案，連放調味品嘅瓶都係有公雞圖案，特別鍾意。粉絲蒸扇貝，扇貝洗得好乾淨，又夠大隻，好新鮮，味道鮮甜，粉絲放底吸曬扇貝味！脆炸牛坑腩，牛坑腩夠肥，用脆炸脆，外面脆口，裹面有很香既牛味，再點少少甜酸醬味道更提升。