味苑 (已結業)

已經一段時間沒有來大壩街了、有一次因工作而經過發現那邊已經開了很多不同的食肆、有一些看來亦甚有格調的、於是今天決定帶媽媽過來、看到這間店、裝修得很乾淨整齊、環境很舒服、因為媽媽年紀比較大所以想找一個坐得比較舒服嘅地方、那就入去試試了。他們說叉燒是他店內的王牌、於是點了一客來吃、其實份量不少價錢亦合理、質量亦很好、亦做得很仔細。吃下不會很肥膩。這個上湯魚肚浸勝瓜、其實配搭亦很清新、但是魚肚就略嫌比較硬、應該浸得不夠時間。蜜汁欖角牙籤骨-甜甜地很開胃、分量亦不少、其實很好送飯的.最後來一個雜菌刺蔘炆米、其實味道亦不錯、以這個價錢來算要食到海蔘、我亦不會對這個海蔘有太高的要求、算是中規中矩吧其實這店的價錢很合理、味道亦算中上、我想應該我會再返吃的。

Farewell last day的午餐，來到了味苑，叫了一人一碗雙併飯，貌似無乜heart，但勝在夠飽肚，而且快靚正，一個鐘的午餐時間啱啱好。叉燒併油雞（$50）比了雞脾呢，雞嫩滑，皮入味，又不太肥。叉燒半肥瘦，正。叉燒併燒腩仔（$50）賣相差了點，但味道是不錯的，叉燒同上半肥瘦，入口鬆化。燒腩仔皮很脆，層肥層瘦，咬落滿口油脂甘香又不失口感，好味。飯都幾大碗，但淋左啲，個人較喜歡硬身的飯。要汽水不用加錢食物ok，但服務真心要改善，我都明白午餐時段很忙，但侍應擺出一副晚娘嘅口面真係好難頂，十問九唔應，想要杯水，哦完之後就不見蹤影，唉…

喺荃灣廣場嗰條街有一排食肆，味苑係其中一間開咗大概一年左右嘅中式食肆。裝修都幾揼本， 好有中式風味。 同埋座位係幾寬闊嘅。今次入去食lunch點咗兩個客飯 豉椒南瓜蒸雞件客家炆腩仔。啲雞蒸得好滑、五花腩都炆得好入味。味道一定係俾茶餐廳好，但係價錢同茶餐廳真係差唔多。 茶餐廳價錢，高级酒家既環境。性價比好高！我只可以講以咁嘅價錢有咁嘅環境同埋食物質素係抵嘅！下次行開呢頭你哋要去試試， 值得推介！食飽飽隔黎就係大商場可以去shopping同睇戲！

裝飾實而不華，高貴優雅，是生日及宴客的好地方，公雞碗碟夠應節。龍蝦伊麵啖啖肉，白切雞似潮式咸雞，好食又夠風味，炸牛坑腩似日式做法，牛味濃夠香滑，而最近電視推介的欖角豬脾柳就韌左少少，可能冇落鬆肉粉，其他小菜亦有水準，整體價規格亦不貴，會再幫襯。隔數天去買燒鵝半隻外賣，甚有水準，鵝身不太大隻，但夠香滑，推介。

其實食物質素唔差，但樓面侍應服務態度一般，事關今日母親大人生日，所以今日一行四人去呢到食生日飯，坐底點菜叫左一個牛坑腩，燒鵝雙拼，一個孖寶E,一個遼參茄子煲，一個紅焼雞絲翅例牌，其實餸菜質素，我覺得還好，但我要評論既係個雞絲翅，落單時我已經問店員，個翅例牌夠唔夠食，佢話夠，因為屋企人比較喜歡食翅，所以已點餐牌最貴既雞絲翅，價值四佰幾蚊，其待既一刻終於黎了，傳菜侍應既然端上預先分好既所謂雞絲翅，一人一碗，其實量少已經不在話下，但從未食過咁小，仲要未問客人已經預先分好四碗，正常應該係鍋上...然後比客人望過先分好上枱，但點知原來唔係，一人得一碗仔，之後心裏上當然唔甘心，我問經理，你地所謂例牌就係咁，佢答係，我再問，如果我十二個人食咁起不是要叫三個例牌先夠食，例牌既定義非常空泛，但我覺得最起碼都用鍋上，比客人望過先丫，就算真係小都心甘命抵丫，最好小個經理答我，若人數如果多你可以叫個中，量㑹多一倍，不過價錢x2... 但餐牌完全睇唔到有中，所以奉勸大家遇著例牌呢d字眼，大家真係要問清楚

收銀女士認真唔掂！埋單叫攞張單看看，佢回應話200幾蚊唔使睇啦！仲飛番張卡比我😡😡😡叫待應又扮聆聽唔到!請呢D伙記真係倒米丶老實講食物都可以鼓勵佢老細快快換人！

放工去睇戲, 就響戲院對面食埋野, 大人話想食中餐叫餸, 睇左幾間, 呢間四四正正又唔貴.小型菜館荃灣都幾多, 不過呢間環境最好, 夠大夠光猛, 最緊要夠乾淨.燒味雙拼可自選兩款, 义燒燒至微焦, , 半肥瘦入口夠香, 鬆軟而不油膩, 啖啖滲出甜味.燒腩仔皮夠脆口, 燒得夠香, 脂肪同樣香而不膩, 入口夠嫩.小炒皇有韮菜花, 花枝片, 魚乾, 腰果等, 韮菜花新鮮翠綠, 咬落好爽口. 配料幾多, 花枝片軟腍唔韌, 魚乾唔會太硬, 成碟都好惹味.加埋兩碗白飯, 簡單家常便飯已夠滿足.

呢間味苑在灣仔的分店吃過一次，印象十分良好，今日在外父外母家油油好鬼攰一於去荃灣間味苑食晚餐啦！菜膽翅餐廳保證係用真翅$28想點呀大佬！湯頭清甜有不少精肉在內，翅裙大大一片，夠淋夠滑好鬼正斗啊。燒腩仔皮都夠脆，肉不會太成，肥瘦均稱點啲啲芥未醬好滋味架！炸醬麵係老婆大人飛佛，麵爽彈冇鹼水味，炸醬偏甜，碗湯才是靈魂，香香的大地魚味好鬼正呢！肉絲炒麵做得香脆可口，配上不少的芽菜，韮黃和肉絲，食落味道啱啱線，合格有餘了。

超值抵食的香港人的下午茶炸醬麵的炸醬好足料，少少微辣好開胃，個粗麵好彈牙，大地魚湯唔太咸，總括算好好味（我心目中好旺角第一，味苑都有二三名）老公食叉燒薰蹄飯，他說分量偏細，（冇計啦下午茶）但味道好，叉燒好林薰蹄夠入味。味苑位置唔算方便，但一定會再來下次試下lunch先 （睇menu多數貴$10, 應該分量多d吧）

好耐無約朋友食飯, 朋友想邊食邊傾, 所以入左呢間中菜館.燒味雙拼, 燒腩仔拼义燒, 燒腩仔個皮脆得黎唔硬, 夠香口.  一層肉一層脂肪, 咸味適中, 肉質又軟熟. 义燒亦係肥瘦均勻, 入口特別滑溜, 义燒醬汁燒完更加惹味.仲有菜膽雞燉翅, 平時較少湯水, 所以咁平要叫黎試下. 價錢咁平但仲有翅食, 雖然唔係多, 但感覺良好. 仲有菜膽同排骨, 好入味, 燉湯唔油, 味道適中, 飲完無口乾, 28蚊確實材料十足.

在荃灣百老滙對面再行過少少，嗰條街附近越開越多中價靚裝西式小店，但中式還是首現，在整個荃灣區中，非連鎖的年輕靚裝中餐小店也是鮮有。左右兩邊門，中間是大大光亮的燒味部廚窗，像一個燒味師傅表演舞台。兩層樓底高，有閣樓，裝潢感覺有點像尖沙咀的糖朝，年輕時尚的中國風。銅茶壺、印有店名的雞公碗，連細節也有落心思。我們8人有訂枱，但被安排坐在閣樓底廚房水吧出口的位置的六人枱，非常擠迫，也被廚房煙霧包圍，熱鍋無間段由侍應捧着於後腦門指尺之間距離經過。雲石枱面沒有枱布，杯盤撞擊之聲響非常非常吵耳，達聊天都感到困難的程度。除新派靚裝外，平價也是她另一吸引點，明碼實價免加一，六人餐才688。燒味大拼盤燒腩仔是招牌菜之一，沒有很驚為天人但也算合格，皮不算超脆但肥瘦適中層次分明，沒有豬騷味。豉油雞細隻肉薄無雞味。燒骨就真的只有骨。奇怪為何配燒鴨醬。因為枱太細，竹生搖柱湯羹已預先分好才上枱，像碗仔翅的湯底，料多，竹笙很爽口彈牙。除餐多另外散叫了炸牛腩，外層粉漿偏厚而且吸哂油，強烈油味，薄切減弱了牛腩啖啖肉絲絲分明的過癮食感。腩位有一半以上是肥肉，騷味濃。還是馬灣炸腩好食。餐包的海蝦伊麵，蝦分量超多而且size也

響隔離整車差少少未拎得, 就響附近邊食邊等, 但呢頭附近多數都係西餐, 感覺麻麻, 睇睇下呢間幾平, 就試試. 28蚊有菜膽雞燉翅. 馬上叫返盅, 無偷工減料, 真係有一梳梳既翅.  飲一口湯, 味道夠火喉, 就算加左雞都唔會燉到好油, 翅有咬口夠爽,  整體唔錯.炸牛腩比較少食,  原來係將牛腩外層加脆漿炸脆, 之後切到一片片, 做法令牛腩保持住肉質軟嫩, 但又不失外層既香脆, 咬落真係外脆內軟. 另有甜酸醬吊味, 點埋黎食更加開胃.

心絲絲想食燒味飯，好彩荃灣廣場附近有間燒味專門店。裝修是中式庭園式的設計，有2層，頗大。2點多黎到都坐滿人，要搭枱，但就搭得有點迫。下午茶的選擇有燒味飯及雲吞粉麵，燒味飯單拼同雙拼一樣價錢，貪心的我當然要雙拼啦。但燒腩仔賣哂，點咗肥义拼燒骨。以為下午茶會飯多餸少，點知好足料。义燒好juicy鬆軟，燒排骨亦唔乾，但略嫌太多蜜汁甜得濟，但$38雙拼飯連飲品仲點？

對於一些中式飯店，從門外看到內堂，多數是食小菜的地方，為一兩個人來說，點小菜難免是有點困難，因為吃的不多。有次行經位於荃灣的味苑，格局亦是一間飯店，但是從門外看到有一燒臘檔，或許會有燒味飯或麵，為食不多的朋友來說，可點來一碗飯或麵，是較為經濟實惠。對於一個人的午餐，燒味飯就成為囊中物。於是二話不說就點來叉燒燒肉飯。當中的叉燒，並不是半肥瘦的，而是瘦的，為喜歡半瘦的就會非常的不高吧，但為在下來說，無所謂啦，反正叉燒還是軟硬適中，蜜味亦充足；燒肉的肥脂不多，瘦多於肥的，皮還是脆的，不硬，肉質亦較軟腍。沒想過一間飯店，可以有咖啡奶茶供應，點來凍奶茶。雖則出自飯店，但其亦有應有的茶味與香醇，茶的濃度也適中。燒味飯單雙併都是同一個價錢，凍飯另加三個大洋，又不收加一，老實說，已經相當優惠了。

有朋友住荃灣，佢地推介呢間中菜館門口睇落去感覺唔平入到去很傳統中式餐菜館。侍應推介我食清湯蝴蝶腩，同埋菜膽雞燉翅蝴蝶腩上菜時感覺同平時的蘿蔔牛腩冇分别，食落有驚喜，發現冇平時牛腩的燥味，一問之下原來係豬肉，但豬肉竟然有牛肉的濃香味，但口感更嫩滑鬆軟雞燉翅十分足料，湯頭十分鮮甜。內有一大片翅，但價錢十分平民