味味佳餐廳

營業中

休息中

7點半要上堂行過見到有蠔仔粥就不如入去食啦，點知….我無諗過做街坊生意嘅茶餐廳會咁吾好味，碗粥嚟到個樣都好吾吸引，雖然蠔仔係幾大粒，但個粥完全無味。真係無下次。

裝修比較簡單呢度既侍應對老街坊既熟悉在言談間聽得到。邊個邊個今日又係個樣呵...係呀係呀嘻嘻嘻今日又趁2個番左學同老公去第二區食早餐行下。一個要叉燒通一個沙嗲牛肉通大家都配左餐肉炒蛋。物價上漲，午餐肉切到薄薄一片。雞蛋正常＆牛油方包。叉燒通粉都算多叉燒都有四至五舊沙嗲牛肉通啲牛肉煮得好稔湯底濃。一個$39有埋熱飲算平了。現在既環境下午茶早餐餐牌

今日心情特登嚟味味佳朝早搵份好食。嚟到呢度，係想食個由心入味既午餐，而唔使傷荷包。首先揀咗個「沙嗲菠蘿肉片飯」—肉片香嫩得滯，沙嗲醬既花生香加埋甜甜既菠蘿，正！每一啖咀嚼，都係滋味十足。再嚟個蒜蓉雞扒飯，雞扒香煎得啱啱好，邊陣蒜香撲鼻，想唔吸引都難。個碟咁大，撈埋飯一齊入口，真係爽口得嚟，令人有種滿足感。但講真，最令人驚喜既係生炒雞絲飯。嗰凍沙律醬絲滑爽口，雞絲唔會乾柴，同埋餐單上添上嗰啲青瓜條，香口又解膩，食落去次次都想再嚟一碗。🍚🥢🌟茶記午餐，簡單唔代表無驚喜。就算喺平平無奇既日子，都可以搵到啱口味既好料。味味佳，午餐時間都係我心水清！下次再嚟，記得早啲嚟，免得塞爆，食唔到！

這間在美孚開業多年的茶餐廳至今仍未有改善,我一向很少幫襯這餐廳,因為吃過幾次都沒有驚喜,只是很普通的茶餐廳,食物質素也只是合格而已.由於很久沒有去過,見到今日午餐有沙丹豬扒飯,便入內一試看看有沒有進步,一般來說沙丹豬扒應有波蘿和蛋的,但它只有豬扒和茄汁加少許火腿碎,已經和傳統沙丹有落差,最差是飯和豬扒都是微暖,差一點就是凍的,本以為等了10多分鐘才上菜應該是新鮮熱辣,估不到是这樣,令我對此間餐廳徹底失望,以後再不會幫襯了.

今日過去美孚果頭 一路做野搞到3點幾先食飯 已經係下午茶時間 所以就入咗茶餐廳食嘢 其實附近仲有另外一間茶餐廳但係見到冇乜人 最後揀咗呢一間美味佳 見唔係好餓就食下午茶 叫咗個雞脾沙律雞髀都係加兩蚊 真係啖啖肉 炸得夠透 唔會流血 唔會鞋口 啲沙律仲要多到食唔曬朋友叫咗個星洲炒銀針粉 我試咗少少 銀針粉都好彈牙配埋至愛奶茶 咁又一餐啦

還未上幼稚園，就跟着爸爸吃茶餐廳，我是吃茶餐廳美食長大的！現今香港的茶餐廳可以分成２派：街坊派和遊客派，我是土生土長港女，當然喜歡街坊派！味味佳在美孚新邨吉利徑，街坊派茶餐廳，客人絕大多數是美孚街坊，或裝修師傅，我是偶爾來吃早餐，有時不想煮飯，來買外賣。食物味道是可以的！早餐我喜歡吃豬扒包配熱奶茶，吃外賣的話，１個人吃会買粟米肉粒飯，１家人吃會買椒鹽豬扒、白切雞、豆腐斑腩煲、蒜蓉白菜仔。衛生一般！地板感覺污糟！濕漉漉的！餐具也不放心！要自己動手洗洗，才放心用！

早排晏就得閒落樓下買完野黎左呢間茶餐廳食個下午茶,入到去都好大卡位好多,坐底叫左個星洲抄米加凍奶茶($43),星米賣相好靚,金黃色,味道都好有質素,炒得好乾身,奶茶好港式味道,幾好飲。會多d黎食野。

美孚都有好幾間茶餐廳，但係其實我都很少幫襯味味佳，因為純粹覺得間餐廳燈光較暗，坐得唔多舒服。今天在偶然的情況下和父母來食下午茶餐， 點知食完之後又發覺啲食物質素唔差， 所以整返篇食評做紀念。老豆叫咗個乾炒肉片河，賣相都算唔錯，仲有幾粒芝麻做裝飾。河粉炒得好乾身，而且好夠鑊氣，肉片又夠腍。阿媽叫咗個魚餃湯河，相對失色。個湯底好淡， 魚餃都係喺外邊買返嚟。唯一可取之處就係有大塊生菜跟上。我自己就叫做過勝瓜斑塊湯飯。 炸過嘅班塊其實浸落湯底都唔慌好食。不過我又好鍾意呢個texture。嘻嘻。呢度下午茶餐平均都係40蚊左右， 唔算特別貴啦。

行番附近諗住是但搵間餐廳食 就行左入依啲茶餐廳~叫左碗米線食 竟然出乎意料之外 啲米線既軟硬度適中 林得黎唔會話完全無咬口嗌左酸辣湯底，一般米線舖得個辣字無酸，但係依到可以做到酸辣平衝，不錯

美孚新村是老牌大型屋院，食市餐廳總類多，卻可以在茶餐廳尋回人情味，由於附近上班的關係，每天都習慣性來這間餐廳，餐廳吖姐已認得每個舊客人，第一句就是早晨，親切熟悉的環境，雖然不是裝潢的裝修，而是茶餐廳的人情味。此間茶餐廳好多種類，中午有米線，夜晚有小菜及鋸扒，經濟好味。

這隠蔽的店假如是外人, 恐怕找一輩子也找不到. 因為地方不顯著之外, 招牌也沒有, 可能是自以專做熟客為主之故.本來喜歡乘坐地鐡的我也很少經過這店, 只因有事要乘巴士, 又未食午餐, 於是便到這裡闖一闖.以前也有幾次幫襯這店, 印象不算好, 也不算太差. 皆因: 價錢不算便宜, 味道不算好, 服務郤是很差, 衛生也很差.今天約三時半踏入店內, 竟然差不多座無虛席, 幸好有一卡坐的兩位女士起座埋單, 又對正大電視, 當然喜出望外.坐好後環目四顧, 只見在座的多是到美孚開工的三行師傅和一些街坊. 翻開菜單一看也有很多選擇, 下午茶時段有優惠.卒之看中了一個茶餐; 內有咖哩牛腩飯或意粉加飲品, 凍飲加二元, $41大元. 我要的是凍啡少甜.  於是舉手找阿姐, 郤花了五分鐘也不能吸引她們的注意力.不過努力是有回報的, 最後都有阿姐回應, 下了單.五分鐘, 飲品和意粉都來了. 飲品的味道不談也罷, 閉起眼可能不知自己在飲甚麼. 那意粉的份量也不少, 薯仔只有兩小件, 牛腩切成粒狀, 份量郤算多, 汁液也多不香濃, 味道 OK. 平心來說, 這價錢和質素是應該收貨的了. 吃得飽飽後, 慢慢品嘗那

茶記的早餐，多是了無新意的A、B、C、D餐。此店除了悶出鳥來的傳統早餐外，提供了多一點的選擇。今早就來一個花生醬西多士。不能期望是煎的了，但不會太油，熱烘烘的，加上一整片的真牛油，雖邪惡，總比含反式脂肪的植物牛油強。糖漿另上，可自行控制甜度，讚。加上用瓷杯上的奶茶，份外對味。大清早，偶然來一個重口味的早餐，心情非常愉快。

一個周末的早上，因事來到美孚，先行食個早餐。來回穿梭於百老匯街、吉利徑附近，最後來到這間位於美孚新邨內街，就在街市附近的茶餐廳吃早餐。吃的是「煎豬扒+火腿+炒蛋+牛油方包+熱奶茶」早餐，盛惠$34，以一間街坊茶餐廳來說，價錢不算便宜。食物水準一般，質感濃稠的煎豬扒的醬汁帶點兒酸，較為特別，熱奶茶也過得去，滑而不澀，茶味不差，炒蛋則只是蛋皮一塊，水準欠佳。不過自己更不滿意的是這兒的服務，這間地方不細的茶餐廳，侍應人手不足，客人又不少，所以由下單到食物上桌，都等了一段時候，效率實在欠佳，加上這兒的服務態度也不太好，雖然我明白一間街坊茶餐廳不可要求太多，但這方面可還是應該改一下吧！

早前去美孚搵朋友，行行下肚餓想叫個快靚正下午茶外賣上去食~  於是我朋友就推介我去呢間茶餐廳到買！原本想叫個正路會食既豬扒飽加西多，但佢叫我一定要試呢度既酸辣米線！佢都有幾多款既餸可以揀，最後叫左個雞扒米線，1餸加杯熱飲$30都算平！食後感：1. 配料: 有酸菜，葱同九菜，加上佢微辣既湯底，味道啱啱好，唔會偏酸/辣，又match又野味！  2. 雞扒: 都幾滿意，主要係佢浸住係湯之後有酸辣吊味，成個味道昇華左！3. 米線: 我比較鐘意冧d，佢又無因為分湯而變到一塊餅咁癡住，而且份量剛好！原來茶餐廳都可以做出咁好食既米線，強烈推介身邊既人去試試！

早左起身想去嘆個早餐再返工啦，就黎左呢間不知所為既餐廳。。。。叫左個牛扒旦蛋。。。嘩，隻旦，得個蛋黃，外圍得唔夠1cm既蛋白圍住。。牛扒好似柴皮。。服務態度更惡劣，見到個咁既蛋就問個侍應啦，點知個中年亞叔侍應話係咁架啦，收你三十蚊個早餐。。。即時o咀算，唔同你嘈，因為差不多夠鐘，食埋啦啦林返工。。。環境又差，個地下一撻撻黑色又滑，好似無拖過地咁。。。總括黎講，我唔明點解呢間咁劣質既餐廳可以係美孚生存咁耐，好有可能係自己鋪（好可惜唔記得影隻咁經典既蛋俾大家欣賞）