味佳居越南粉 (已結業)

太古城 foodcourt 其實冇咩好食... 最喜愛就係越南粉 !!! 中午叫左生牛肉湯河. 牛肉湯底勁濃, 好味, 而牛肉份量亦不少, 粉亦滑水準以上之作...最重要係只賣 30 大元... 係太古城食 lunch 只需要 30 蚊... 抵爆...

記得早年在此吃過牛肉河, 現時記起應該是不錯的, 所以慣了走了一圈才決定吃什麼的我, 其實一早已鎖定此店. 購買時不是在黃金時段, 但剛巧有別的人叫了蒜茸雞翼, 因是即叫即做的關係, 所以人手一下子比分薄了, 但在等的時間卻意外地可慢慢欣賞雞翼的製作過程, 那都算是意外收穫香茅豬扒河 - 櫃檯上放滿了魚露, 蒜茸等, 可隨意的添加. 豬扒是即叫即炸的, 看他們一絲不苟的, 每件都細心查看熟透的程度, 跟著再切開細細塊的, 豬扒肉嫩香茅味重, 河粉也見細滑, 雖湯底味不算濃, 但吃後不會有口喝感, 相信師傅就算有下也不會太多

落大雨, 商場人來人往, 我都唔想出街行, 濕到爆大食代此刻都塞滿了人, 羊羣心理, 買最多人排隊的一間, 味佳居!生牛肉粉加一碟春卷, 就係我的午餐了, 生牛粉的湯好濃, 同安利的魚蛋粉係兩種風格, 不過當然係兩樣唔同的食物, 無得比較! 廿幾蚊一碗生牛河, 雖然唔大碗, 但係用料不差呢, 洋蔥, 牛骨熬成的濃湯, 味道帶甜, 好好味, 只要呷一口, 就覺得開心!春卷ok啦, 魚露比較淡, 好似唔係好酸, 但春卷入面既餡味道幾好, 用生菜包黎食都唔錯!咁好食, 唔怪得咁好生意, 都唔係羊羣得哂

各位食家,今晚係太古城行到好攰又唔想去到太遠食之際, 好掙扎, 最後去咗大食代FOODCOURT, 行咗個圈無意中見到有一幅相蔡生介紹呢間野.相中推介係生熟牛肉河粉, 對於一個麻麻地越式河粉既我黎講, 呢碗粉令我對越式河粉改觀呀! 正!!

好多個月前嚟過，今個中午嚟到太古城，小公主醒起想再食呢間位於food court裡嘅越南牛肉粉。呢間舖仍然係全個food court入面最多人排隊買嘢食嘅嗰間，無時無刻都係咁多人等緊，都係算幾誇張嘅，事關第二間同一時間最多係兩三個客光顧緊。上次試唔到嘅火車頭，今次終於有幸會一會佢。我地兩個叫咗一個火車頭、一碗生牛肉河、一碟炸蝦餅。1. 火車頭 - 份量真係成個火車頭咁大，有主打嘅生牛肉，呢樣一定唔少得，再有超爽牛丸、切得幼條狀嘅牛柏葉 - 易於咀嚼、牛肚、牛筋及牛腩 (筋腩都好煮得好淋，但係牛腩就略嫌韌，河粉亦係用上幼身的，又軟滑，又可以上多啲湯喺粉上，不過最仲要都係落有大量生香蔥、生洋蔥及芫茜，再淋上佢地非常濃郁嘅牛肉湯底，真係好食到不得了，2. 生牛肉河粉 - 只係冇火車頭咁多配料，同樣係佢地嘅主打，味道似終不變，份量足夠一頓午餐有餘。3. 炸蝦餅 - 打斜切成薄身，但係口感相對弱咗，但係好處係可以點多啲泰式辣醬。Comments: 唔知佢地係咪越南人嚟嘅呢，同外國我食開嘅一樣咁好，甚至可以話係有過之而無不及。

流落太古城搵食之際, 本想食海南雞飯, 因為見到掛喺度d雞好靚, 已經流哂口水, 但係見越南餐既味佳居好多人買, 魚與熊掌之下都係想食越南野多d 粉有普通生牛粉同特別粉揀, 結果買左碗生牛肉金邊粉食, 個碗唔算好大碗, 但係幾深, 裝到都幾多份量, 初初以為好少, 食落先知唔少, 湯呈深啡色, 見顏色都知唔差得去邊! 味道甜, 唔係普通湯底, 生牛肉浸左十五秒已經熟哂, 得! 金邊粉就可能淥得唔夠耐, 有少少硬, 但係唔係唔熟, 整體感覺都ok!此店水準不錯, 下次我都會再幫襯

四月一日(星期三)是日去太古做gym,之後,我提議不要多想到food republic找食物算吧!我就選擇了味佳居的雞絲凍檬見到服務員的製作過程!凍檬一早弄好!再加上青瓜絲,生菜絲,疼上主角雞絲,可能就收工的關係!雞絲很多!最後加上了花生粒和魚露魚露乃是凍檬靈魂所在,是次魚露比較失望,不太酸,反而是咸了點!其他都算過得去吧!鈔量十分足夠!看來在這裡吃台灣菜最穩陣吧

踢完波，和朋友到food-court揾食。叫了一碗生熟牛肉河。份量算幾大，配料自己落。湯底有D甜味，配合辣椒粒及青檸汁，都幾惹味。生牛肉像肥牛，浸至半生熟時夠鮮嫩，牛肉味亦夠濃郁；熟牛肉相比之下則無咁鮮嫩，但因經香料醃製，有另一番味道。整體都唔錯啦！如果有埋嘢飲會更抵食，唔洗加錢到隔籬舖買果汁汽水。

H & K 第二次在太古返學前搵食,今次試了生牛肉河粉 ==> 都幾大碗，多牛肉，湯正,粉滑，又有好多配料任落，重有Ｈ最愛的花生，正呀！！這餐雖然簡單，但H & K 都一齊食得好開心，好滿足的一餐呀！！

29-8-2008「下場」又要到西灣河, 又要0係港島東開餐, 真係悶... 今次0黎到太古城, 見吉之島 food court 食肆完全無位, 結果0黎 Food Republic 解決. 朋友去買叉燒飯0既同時, 我就俾呢個越南湯粉 counter 的一煲牛湯吸引了, 0拿0拿聲買個生牛肉湯金邊粉 ($28), 加份蒸扎肉 (湯粉 + $10) 試試.蒸扎肉味道無特別, 不過原來係凍食的 (!), 唔0岩口味.主角生牛肉金邊粉, 就幾有水準 -- 好少食越南0野的朋友飲了一啖湯, 亦點晒頭話「好香」兼飲多幾啖 牛湯底味道係十分鮮甜, 自行落少少青檸, 辣椒粒及魚露, 正! 可惜欠了九層塔, 鵝蒂及香葉啦. 差不多全熟的牛肉 (唉...) 係打邊爐肥牛, 腍滑又夠香肉味, ok 啦; 金邊粉煙韌, 不過就黐埋一餅0野, 印象差了唔少. 同尖沙咀新港中心 Food Republic 0個檔已經不錯的比, 呢度個湯係仲好飲, 值得試試.不過太古城 Food Republc 環境同衛生就比尖沙咀0個邊差了.

2008年6月15日，味佳居看到挺多人派隊,所以2人選了這裏。蟹肉湯河：賣相不錯，但味道非正宗，也太多乾蝦味，麻麻地啦。越式春卷：都幾大條，味道還可以，一般啦。

我喺太古城中心返工，落親foodcourt...只會幫親味佳居嘅生牛河，因為湯靚粉正...牛肉鮮，價錢略微貴咗啲...份量又少咗啲....希望可以調整一吓就prefect啦...

今期嚟到大食代搵野食,地方都真係好,種類都好多,真係咩都有行云咁多間,見味佳居係最好生意一間,趁吓熱鬧,買番碗生牛肉粉食,行到埋counter,見貼左蔡潺既未能食素介紹,應該唔會太差,廿八蚊碗,幾拭食,不過比較細碗!講番碗粉,牛湯幾好,不過牛味唔算濃,但係廿幾蚊碗粉又無理由要人落哂成隻牛落去煲..風味幾越式,食得出香料既味道,但沒有金不換等香葉提供,牛肉份量夠,味道肉質ok因為價錢唔算高,所以可算值得一吃,最好生意都有理由!

呢期都要係西灣河上堂, 上之前有時間就去左太古行個圈, 肚有點餓, 買碗粉剛好生熟牛肉河($28) - 先喝啖湯, 都幾重牛味, 不過無加香葉所以味道始終都係爭D. 生牛肉浸到半熟肉質幾嫩滑, 而熟牛肉滲出淡淡香料味, 感覺亦唔錯這碗粉是比預料之外既好

要响香港食到一碗似樣嘅pho，實在不容易...現在越南粉店越開越多，試過幾間，都不盡如人意...記得一兩年前到訪味佳居於尖咀嘅樓上店，試了一碗pho，覺得個湯底還可以...隔了好一陣子，終於响太古大食代入面再相遇了...今次唔叫生牛河，而係選了大雜燴嘅火車頭。牛丸、牛根、牛柏葉、牛肉片....來個全牛宴...唔理三七二十一，先喝一口湯。湯不夠好，已失去靈魂...感覺上不及從前嘅好。不夠熱，已打了一點折扣；顏色有一點混濁，失色，應該下一點雞骨落去跟牛骨同煲先至對路。可幸仍覺頗鮮甜，雖不至於完美，但比起出面普通嘅越南菜館，還是有點水準...來貨嘅配料水準就不值一提，只屬勉強合格...欠缺香菜、金不換或鵝帝等配料，索性加入大量葱粒及炸蒜粒，聊勝於無...