3
5
4
港鐵青衣站 A 出口, 步行約1分鐘 繼續閱讀
電話號碼
24874898
開飯介紹
以飛驒牛和鹿兒島黑牛作賣點,多心的可選極上和牛三色盛合定食,能一次過品嚐肉眼、西冷及牛肋肉三個部位。 繼續閱讀
營業時間
今日營業
11:30 - 22:00
星期一至日
11:30 - 22:00
付款方式
Visa Master 現金
食評 (14)
等級1 2018-09-01
125 瀏覽
食個西京燒比目魚。冇麵豉醬味,冇魚味。好在有沙津醬。。。。。串燒牛舌:冇味,咬極都咬唔開。牙力小d都唔得!三色牛。個西冷原全唔得,有根同渣。別外兩隻還可以。個餐仲有中華沙津。同麵豉湯。普通野真心去日式超市買黎自己煎仲好食!埋單400蚊。。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-23
125 瀏覽
入到去一個客人都冇,都知中伏⋯⋯叫咗個西班牙黑豚腩烏冬,日本味噌雞烏冬,兩個都係味噌湯,一份芝士年糕同一份雞翼。先講湯底,個湯底有陣藥膳味,已經難食,係加咗七果份先勉強放得入口,個黑豚腩令我諗起八成瘦叉燒,個味噌雞係全瘦叉燒,個烏冬夠滑,個年糕係加分的,又軟熟,入面芝士個度又夠多,呢個係好食的,至於個雞翼,賣相麻麻,食落仲差,我係屋企煮都好食過佢!最後埋單仲要收300蚊,完全係價錢同質量完全唔成對比!人哋話平嘢冇好嘢,我今次見識到貴都未必有好野⋯⋯ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-26
108 瀏覽
同老公去附近行街,見到尼間好似唔錯,就試下尼間。佢點菜係用紙點興起叫左支酒飲,因為佢冇晒紙入面果款酒,所以轉左尼支。飲一啖,感覺普通。佢有三款肉,一黎見到血淋淋,感覺麻麻地。但口感算不錯,除左西冷雖然見血又好韌之外,其他算好食。另外加錢要烏冬,以為好細碗,但黎到又一鍋好大碗,外觀唔錯。味道一流烏冬口感有彈牙,好好食,尼個一定要加錢食。哇,尼個d肉超韌,咬到牙都痛,食食下我放棄左。有冇攪錯!!完全唔值,劣評。整體見仁見智。如果唔係個烏冬整得好食,間店比硬劣評。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-20
73 瀏覽
好耐無食過和牛,喺日本食完都好少會喺香港食,始終都有啲貴唔係太捨得🐂🍱極上和牛三式盛盒($218)呢間食堂主要係食和牛,趁lunch Time抵食少少就過去試吓啦☺️ 叫咗一個極上和牛三式盛盒,和牛種類分別有鹿兒島黑牛同埋飛驒牛,西冷、肉眼同牛肋肉各兩件,可以試晒兩種牛嘅唔同部位😍😍 鹿兒島黑牛嘅肉味就較為濃郁,而飛驒牛就入口即溶,質感較好,但係其實得六小塊都依然唔係太夠喉,呢個價錢都唔算平,真係試吓就算了。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-27
567 瀏覽
青衣城2期開左間和風食堂,名叫味之亭 綱燒食堂。行過經過幾次都以為只有牛食,由於小妹同牛牛系好朋友,唔食牛架。今天驚喜發現,原來呢間野仲要其他野食添,在門口已睇中左比目魚西京燒,早前食過板長的比目魚西京燒lunch set,大大喜歡,今次見到又勾起在蛔蟲有好多定食可以選擇。仲可以大塊食牛。餐廳有充電提供,又可以免費上網,空間不大,有兩三張大卡位,都有d二人枱,中間就系日式飯堂長枱。我地揀左比目魚西京燒set有面豉湯,沙律同涼拌海草絲,呢個set88蚊,我系為左食比目魚西京燒先入來,自然系充滿期待,但有d失望了,首先米飯唔靚,太多水,米太濕,痴成一團咁。主角比目魚西京燒都系太濕,肉質唔實,好散,碟底濕晒,晤通冇好好地解左凍先燒?同板長比,遜色好多吖!再就系沙律🥗,好普通幾片生菜,板長的沙律有煙三文魚,而且用左蒸蛋做小食,點都好過海草絲吧!不過板長貴少少,要95蚊。另一個餐點了午市做緊既黑蒜油豬手鍋烏冬。包埋野飲。咸到冇朋友,湯底全是味精!嚇💩寶寶!豬手都勁咸!唔知想點!狂飲水,都解決晤到問題。餐飲系韓國飲品,菠蘿粒粒果汁。麻麻地ok咁啦,餐飲算系咁了。 繼續閱讀
(以上食評乃用戶個人意見 , 並不代表OpenRice之觀點。)