味之亭網燒食堂 (已結業)

原本男友約我食早餐點鬼知佢遲到，結果轉左依間提前食中午。十一點半去到剛營業，安排了餐廳最入角落的卡位，自成一角私人空間十足如包廂感覺好正。食完去樓上UA睇戲都幾方便的。看看餐牌食物選擇多價錢唔貴，點了兩款物味道都ＯＫ包埋飲品都幾化算。燒西班牙黑豚叉燒丼 $68賣相唔錯，有五塊叉燒，肥瘦適中都幾香口，碗飯本身漿油比較少欠了點味道，要加點豉油增味，幸好配以溫泉蛋拌飯，蛋撈埋飯食好食。鰻魚柳川丼 $64鰻魚切碎無咁美味有少許碎骨，滑蛋一般洋蔥帶出甜味，溫泉蛋撈埋飯食比較好，整體味道一般。凍奶茶+熱柑桔飲品正常~

青衣城開左2期之後 連戲院都有 餐廳選擇又多左 睇戲前後都可以去醫肚😆 我地今次就揀左試呢間主打食牛肉 價錢合理即餐廳🍴我地叫左2個餐 分別係美國和牛小排同燒西班牙黑豚叉燒丼🤤 美國和牛小排餐有齊前菜 沙律 味噌湯 牛排份量都唔小 有2層 油脂分佈平均 所以肉質好嫩 點少少岩鹽真係幾好食👅 牛排底下有炒雜菜 幾有誠意👍🏻而燒西班牙黑豚叉燒丼已配有温泉蛋 拌飯食真係好惹味🤩 黑豚叉燒燒得夠入味 半肥瘦好香口🤤我地仲試左一串牛舌串燒 雖然比想像中細少少 不過好厚身 食落係爽口個種 加左鹽去燒好juicy好香口架🌟