周記避風塘 (已結業)

上星期五晚去完教協我地去佐雅蘭既避風塘食飯, 等佐一陣先有位. 我地叫佐個艇醬A菜, 辣酒煮翡翠螺, 櫻花蝦肉臊飯同埋避風塘雞翼尖. 艇醬A菜--勁好味, D菜用類似韓國料理食石頭飯既BOWL黎裝, 熱辣辣, 又唔怕好快會變凍. D醬真係好好味, 成個菜勁好食!辣酒煮翡翠螺--味道唔錯, 唔會太辣, 但我嫌佢唔太熱. 櫻花蝦肉燥飯--我覺得味道怪怪地, 但唔係唔好食, 不過唔知櫻花蝦即係乜, 係咪即係蝦米呢? 我見唔到有蝦肉既...?避風塘雞翼尖--味道淡佐D...整體黎講真係好好食, 我一定會再黎, 不過下次黎一定要坐房, 有梳化坐得舒服好多. 佢出面枱D 櫈, 背脊無得挨但又整條木係後面, 我一坐落去就腰骨痛, 淨係想快D食完餐飯快D離開. 仲有唔該佢搞搞個MENU, D甜品已經改佐無得賣就唔註明, 搞到人滿心歡喜, 點知原來已經無佐餐牌上既甜品, 要睇另一個散MENU, 點知新嗰D甜品普通到暈, 於是埋單即走.

My boy firend and I went to 周記避風塘tonight. We order 避風塘蜆,避風塘chicken Wing and Fired fish mouth. In General, the food is good but too hot. After the dinner, our thoat feel a little bit uncomfortable, However, the waiters, waitnesses and manager are no smile in their face. In fact, service is very important.It seems they get angry from all the customers. I hope the top managment of 周記避風塘should train their staff how to be a provide a good services.Overall, food is good but the service need to improve

很早前已收到這裡的單章，知道有這間食店，因有coupon送鹽燒秋刀魚一條，又見未來過，就盡管試試吧！我們叫了艇醬爆A菜、油鹽水大蜆、櫻花蝦肉噪撈魚麵、鹽燒秋刀魚和三文魚頭。艇醬爆A菜- 艇醬味道幾香，A菜又幾新鮮，可惜實在太油，食到底就完全食不到，有點可惜。油鹽水大蜆- 大蜆大大隻又鮮甜，味道也很好，但可能養得未夠時間，還有點沙，如不是相信會更加好。櫻花蝦肉噪撈魚麵–最差的一味，噪肉完全沒有味，魚麵就幾有口感，可惜因噪肉無味，令魚麵也失色不少。鹽燒秋刀魚–燒得幾香幾脆，肉質幾鮮，送的也竟給大大條，都算大手筆了。三文魚頭–魚頭燒得很脆，肉質鮮嫩，可惜太鹹有點失敗。價錢唔貴，味道也不錯，可以考慮再來試試其它食物。

我前幾日去左旺角間避風塘食, 岩岩撞正9點佢地有宵夜餐食, 初時見到都無乜興趣, 但因為我地又得2個人, 所以最後都叫左個宵夜餐, 點知黎到又有d surprise.1. 頭角炒三蝦- 幾特別, 有蝦米蝦乾同鮮蝦三種2. 清炒白菜- 一般啦3. 鹽燒秋刀魚- 條魚幾好味4. 串燒雞翼同冬菇- 燒得岩岩好, 都幾好味5. xx炒河粉- 一般炒河粉啦個餐108元, 仲有2杯drink送埋, 加埋每人8元茶錢埋單137元, 都算幾低食. 不過d waiter同部長就無乜笑容囉, 之前話hold個2人房都無hold到, 但最後都有幫我地換返. 最正都係可以閂門食飯, 唔使o係出面咁嘈.

我0地果日兩個人坐左間房仔，關上門後有點私人空間，叫野時就按鐘，如果情侶來會好浪漫。不過，美中不足系服務員每次都唔會幫你關番道門，所以坐近門口果位都幾煩，而且，都幾嘈，可以聽到隔離房既聲。至於菜色方面…蜇花炒翡翠–唔錯，整到0的海蜇0甘食法好特別豉椒炒聖子–好新鮮，仲要系大只果0的聖子添安格斯牛柳2串–OK，此終，Angus Beef 都唔系話太好食。而且8 粒收$96，有點貴艇家蟹粥–個粥底唔錯，蟹肉就有點梅，而且粥裏面有很多蟹殼艇家雞半隻–不過不失

約好左尋日食飯, 因為方便大家散水方便所以選擇係旺角搵食,個friend話睇雜誌話lee間野都好似幾好,咁我又無咩所謂,還掂未試過,咪試下lor...出乎意料之外,又幾唔錯wor!!1) 招牌避風塘炒蟹-- 無橋底辣蟹咁出色,但都可以食得過2) 炒蜆-- 真係唔錯,d蜆都幾大隻而且都幾新鮮,個蜆肉既味道好鮮3) X X 炒A菜-- 唔記得左個名係乜,佢地話係用佢地自家出既醬料去炒個菜,然後用個燒熱左既石鍋上,放上枱既時候...好熱好熱,好香好香...過左一陣,都仲好熱,仲聽到佢個石鍋"之lee 沙la", 個人黎講,真係覺得好好味!!4) X X 雞-- sorry,又係唔記得左叫乜名,本來想叫沙彊雞,不過好似無咩特別,所以轉左佢個招牌自家雞,佢話又係用石鍋上,d 雞浸係d魚湯咁上,抱住試新野既心態又試下lor,d雞好有雞味,個湯裡面仲有蝦米!! 試得過5) 苦瓜黃豆煲肉排湯-- 第一次飲苦瓜湯,無想像中咁恐怖,苦瓜點會用黎煲湯嫁....呀,但係又幾好飲,小小甘甘地...個湯好清...原來有時無乜期望去,最後竟然有意外收獲....值得一讚既係,d侍應生服務態度相當好...主動幫你加茶,

昨日經這綱頁找到這間餐廳. 一去到就覺得坐啲L形枱有啲似卑人放咗入衣櫃. 好彩坐係裡面的感覺又唔太差. 重有個座枱搖控器卑你叫啲服務生. 唔會好似孤獨老人咁冇人理. 但提醒太肥就可能坐唔到. 不過放心..除咗L形枱重有U形枱啱6-8位和其他4人枱, 所以想去就去試啦. 菜式推介燒羊架和鹽燒鯖魚. 羊架燒得啱啱好, 外面燒得香, 裡面啲肉就又嫩又夠肉味. 鹽燒鯖魚外層燒得夠脆, 記得趁熱食. 海鮮好似都唔差, 試過啲蜆幾新鮮AND冇沙(好怕食野食到有沙). 炒野就一般, 避風塘炒河醎咗啲AND碎咗啲. 跟餐甜品更加可以唔食. 一小片黃金糕--油淋淋.

前幾日喺呢個鋪食左碗燒鴨滑雞粥，好好味，好新鮮，之後有杯餐飲，我叫左凍檸茶，但碗粥好中國味道，好有中西合璧既感覺！不過最重要都係服務好好，幫客人斟埋茶，又好笑容，好nice！

估唔到呢度都有燒牛肋骨食, 似係日式多D, $98一碟比起韓國燒烤平好多, 都算抵食

Tea好抵，推介2人餐，連加一茶位埋數$66，好多o野食，有菜，兩碟炒粉麵，一碟串燒，兩杯餐飲。但因為漏單關係，等o左超過半個鐘>_<食物無令我們失望。我地兩個人坐二人廂房，好得意。每檯有一個按鈕座，可用來叫服務：埋單，點菜，加水,要不同服務則按不同鈕，之後會有聲，服務員便會來找你，好盞鬼。我係百厭星，所以玩o左好耐，比暖暖鬧曳曳。

上星期與女朋友到此食飯，坐L 型包廂，幾特別。但食物就麻麻，唔係太咸就太辣，仲好多油，可能是"特色" 吧！！至於服務，就好差，差的不是一般侍應，反而是著黑衫的經理哥哥，叫佢就扮聽唔到，又或者黑晒口面同你落單。如此經理級的服務態度，百年難得一見。整體來說，食物見仁見智。服務極差。環境幾好

環境有D似避風塘, 燈光暗暗的。兩個人被安排坐包廂位, L型坐位, 有木熨門, 幾舒服。可能星期五晚關係, 人多又嘈。叫咗蟹粥, 鮮菌魷魚, 茘容炸茄子, 燒澳洲牛柳, 避風塘雞飯, 本來叫埋法式迷你甜品盤, 点知買哂!鮮菌魷魚, 茘容炸茄子, 燒澳洲牛柳都幾ok,但係蟹粥, 避風塘雞飯就好一般。嘢食水平中上, 幾夠鑊氣, 但係就好多油, 都算係避風塘風味?!!(後話) 過咗大半個鐘, 我嘔咗兩次, 唔知係D嘢食唔乾淨, 定係我喺街吹咗陣風嘅關係?!!

琴晚同二個朋友去左旺角既周記避風塘食飯，其實我都係第一次去果度，見朋友話佢d湯幾好飲所以咪去試下。我地成9點幾先去到，但依然都有人不繼入去食…不過好好彩唔洗等就可以入去。原本好似得二人位既房仔吉出來，但個waitress怕我地三個人坐得迫點都要畀個四人位我地…服務態度真係幾好~~叫左兩人份既雞海馬湯，避風塘炒茄子，雞粥，草茹炒豬笑面(即豬頸肉)…最後唔係好夠飽仲叫多客避風塘煎雞翼…個湯都幾清甜，而個避風塘炒茄子雖然得四舊，但就大大塊幾好食…不過個雞粥就冇咩雞味，個炒豬頸肉就普遍左d…雞翼應該係即叫即煎，味道亦唔錯…總括來講果度既野食都ok既，不過就細份左少少。但係服務質素同埋裝修就真係幾好…都不失為一個聚腳既好地方呀…

呢度既燒野幾好食, 叫左燒中蝦燒豬髀同燒青魚.燒中蝦係原隻鹽燒, 好鮮. 燒青魚肉質肥美, 唔鞋, 加埋個燒汁, 味道一流.燒豬髀味道ok, 裡面有少少唔熟...總括而言都不錯, 會再來

$30 有菜有粥有小炒, 仲有餐飲, 真係好抵食!環境又好坐得舒服!