周太太 (已結業)

喺附近返工，每個星期都會起碼過黎一次，但可惜老闆話捱唔住了，淨係做到月尾😢 有啲後悔咁遲先打食評😢😢首先熟食中心入面黎講，佢真係好食同抵食！！啱啱今年先加價到$46一個午餐，有湯同嘢飲，仲要冷熱同價。有啲餐仲跟埋個菜添，覺得抵食過連鎖米線鋪兩餸，哩度仲要有餐飲。平時唔係間間餐廳都會飲湯，因為有啲係食得出味精湯，真係送都唔要。但哩間我感覺唔到有，所以有湯飲😀（利申：非專業食家）然後叫少飯係真係有少到嫁，少完份量啱啱好😆主菜方面，每日有大約8個(？)唔同午餐可以揀，唔啱都仲有其他食物揀。同事都話哩度炒粉麵飯好得👍🏼👍🏼 本身對重澱粉食物冇咩興趣，但鍾意食佢地嘅炒麵，炸得好夠脆，火喉啱啱好，麵餅又唔會痴埋一大舊炸唔透，睇返相先知原來有時會細心剪細左❤️ 同埋對我黎講都係勁飽🙈🙈 不過可能食慣清淡，有時個汁會濃味左少少，自己溝少啲落麵度😂嘢飲方面每次都叫熱奶茶❤️ 好濃茶味同奶味，真心推，感受下港式奶茶！！ 天氣熱會飲凍檸茶走甜，檸檬好足料，茶味又夠濃，真係唔係間間茶記啲檸茶咁有味，解渴又唔似可樂咁甜膩❤️ 仲要凍飲唔洗加錢，良心店，明明買冰都要成本嫁🥺仲想推介埋下午茶個炸脾，有時公司開茶會食，不過

對於我嚟講，市政大廈只係打波嘅地方，因為熟食中心多數都係茶餐廳嘢，所以唔會特登去🙈今次終於坐低試下，午市全場都係人，呢間周太太位於角落頭，不過都有唔少捧場客，我叫咗個咖喱薯仔斑腩飯($43)，跟餐有半碟油菜、例湯同飲品，朋友就要咗個蜜汁炒牛柳飯🍛餸菜份量唔算好多(實物睇落再細碟啲)，不過$43嚟講好好，薯仔切得比較細，係炒餸嘅size，個人鍾意大舊啲、吸多啲汁，而且本身碟嘢底下冇咩咖喱🤔斑腩粉漿厚薄唔錯，有啲仲係脆既添，魚肉唔會”梅”，而且塊塊都好大舊👍🏻不過醬汁真係要多返啲，撈飯食先夠正架嘛😝蜜汁炒牛柳好有家庭菜嘅feel，洋蔥、薯仔同彩椒佔大部份，醬汁甜甜地、幾唔錯，牛柳淋得嚟唔會落過多梳打粉去”乸”，不過真係想食多幾粒🤣

疫下晚市禁堂食盆菜成為做節恩物，連續兩年成為我地開年飯，今年試下周太太。12人盆菜價錢1688. 賣相係非常咁岀色，西蘭花伴鮑魚。味道方面蘿蔔夠稔但唔入味，蠔豉好岀色👍，其他中規中舉。份量都多，最後年年有餘

香港已經唔多地方有熟食中心🍽多數都係比較舊式，類似大排檔甘環境就一定唔太好，未必人人接受但勝在平價😌假期訓醒都兩三點，當然去食返個tea 先啦🤭唔健康既野多數都好好食🤤🤤呢個下午茶真係好邪惡✌🏻• 西多配薯條🍟 $31• 凍檸七 $3多牛油🧈多糖漿🍯是皇道🤟🏻• 生炸雞脾🍗 配雜果沙律🥗 $31• 紅荳冰 $3生炸真係無得輸，係隻脾細左啲，唔夠喉😂 不過呢個價錢，算係甘啦🤭其實熟食中心既野先地道，又平靚正😘

趕住下午人潮來的時候，去上水買野和吃早餐。下午茶和午餐，通常都吃周太太，早餐沒試過。今天吃雞扒、出前一丁配火腿奄列!雞扒比較老了些過了火、奄列較好吃、麵也是較硬。

睇過我以前的評論的人，都會知道，我評論的餐廳多數是負評！👎🏻不過，我今次寫這個評論是正評👍🏻上星期，經朋友的介紹下，去了街市這檔食肆試一試，竟然，上水仲有一間抵食夾大件的食肆！我們四人同行，去嘗試了四個餐，1.生炒骨飯2.咖哩牛腩飯3.泰式肉碎炒飯4.豉椒排骨炒河飯已經叫扣底，仍然好大碗，對我黎講可以更少！炒河粉盡對可以話是2人份量！真的非常大碟！！食完真的很飽！很滿足！最後，滿足地埋單！

上次出完食評, 今次又係我, 利申, 只係客仔, 不過唔同菜式, 分享下味道而已.今次叫個濃湯腐竹浸時蔬一湯一飯又一例湯又飲品, 呢個餐真係成肚水, 但自問想清腸胃但消化力過人可以試下,因為主菜腐竹好靭下, 反而佢配既支竹又出奇地淋, 自問唔識煮, 又未煮過乜竹物竹, 但呢味應該叫濃湯支竹浸時蔬, 我會覺得好D, 支竹響呢餐發揮出色, 索了濃湯, 支竹淋身香口, 好好餸飯。話明時蔬, 即係隨機, 今日油麥菜, 可能外賣關係, 浸到黎, 菜身軟硬適中, 再有未夠身既雲耳, 話明未夠身, 所以無湯味, 只係一味咬咬咬........本來成個配搭幾好, 濃湯, 蔬菜, 但四樣蔬菜, 一半食到一半食唔到(可能係個人牙力問題, 但咬落比較, 菜莖還較易咬, 仲要講緊係油麥菜自己諗諗)整體黎講, 呢味客飯在菜牌中係唔錯既, 好過日日食芡汁, 但如果淋身D, 當然更好

而家在上水食茶記, 已經變成幾奢侈既消費, 有時貴少少都可以忍受, 係忍受唔到質素太差。好在近日都有呢家周太太醫下我個肚。佢就係唔貴而吸引我, 三十幾蚊, 飯餸湯飲品, 加上一個外賣幾快手腳的後生仔, 送到黎重係熱辣辣, 令整體變得更實際。佢除左較平外, 佢外賣係飯餸分家, 唔會芡汁浸到D飯淋0西, 外賣只需加一元, 但最好十一點半前叫, 否則就要等耐好多。整體好不次序為: 湯> 餸> 飲品> 白飯你無睇錯, 白飯最後, 試過一次白飯有陣味, 真係好想打電話投訴, 當然宅男係唔會咁做既.不過整體佢既白飯質素係最唔穩定, 希望佢有改善啦。湯真係唔錯, 打開湯盒, 一聞就知係乜湯, 真材實料, 用雞腳豬骨煲;餸和飲品平分啦, 總之係知自己食乜飲乜, 但咁既價錢, 加分.但佢既豆腐幾香, 大熱天時都未試過有臭味, 來貨質素同處理都好好。

以前在上水返工，都無機會食呢間熟食檔。不過最近見電視節目介紹，所以專登來試試呢個菠蘿蛋包，睇下係咪真係咁特別。下午茶餐$22 有菠蘿蛋包連飲品。 老實說，相對這裡的環境和鄰店的價錢比較，這價錢並不算便宜。order完不久便上菜， 菠蘿蛋包已預先切好三份。細心看，這不是單單的奄列包著菠蘿包， 而是把菠蘿包切開，部份蛋包在菠蘿包中間，然後再包著整個菠蘿包， 咬落去是一層蛋一層包再一層蛋， 感覺特別。不過可能不是用靚蛋，所以無乜蛋味，只有菠蘿包皮的甜味， 而且菠蘿包完全壓偏了，吃不到菠蘿蛋是否新鮮鬆軟。 這小食雖然特別，但試過便算。

最近與朋友小聚，於是選擇熟食街市作為餐廳地點。係呢間野食有樣野特別好，就係食完野可以係呢到任住唔嬲。睇完餐牌見到有蕃茄意粉就即刻叫左個。份量其實真係唔算多，但對女仔黎講應該夠足既。味方面，個汁偏酸，食落會覺得開胃，又未去到難食。再夾舊肉食，好彩舊肉冇其他鋪頭煎到乾晒，如果唔係對呢碟野扣晒分。性價比我就覺得唔算高，主要因為份量對我黎講太少。