呂仔記 (已結業)

去筲箕灣正因為想去恨吃已久的呂仔記，相信很多人也吃過了吧！ 呂仔記除了出名的自家製魚肉燒賣外，還有很多小食如車仔麵和糖水等選擇！ 童叟無欺自家製魚肉燒賣即包即賣真的很期待呢！ 除了燒賣我亦喜歡吃粉果所以點了雙拼＄28，有2個粉果加4粒燒賣不太多剛剛好！粉果亦是自家製的皮是較有口感的那款，內裡的餡料一點也不兒戲有齊花生、沙葛等！味道亦跟小時候吃的一樣。 而我最期待的自家製魚肉燒賣味道真心不錯有香味但不會一口粉，質感不像坊間的滑溜但夠煙韌有嚼口我挺喜歡呢！ 車爸爸最喜愛吃兩溝就點上一碗試試！馳名兩溝＄20即魚肉加碗仔翅，先吃一件魚肉夠味不削口，碗仔翅內很足料但獻頭較漿咀不是我倆喜歡的！ 愛吃餃子的我趁黑洞車爸爸在乘機點多碗韮菜水餃＄28，見製作需時6分鐘表示即點即煮更加添想吃的動力。 韮菜餃皮薄足料香氣十足，須然湯頭當然不是什麼高湯但也令我吃得十分滿意。  還有懷舊的鮮榨椰子汁＄14味道不算十分濃郁，只能說不喝沒損失！！

呂仔記的魚肉燒賣係我喜愛的小食其中之一， 食飯要食七分飽，但每次飯後都會去食燒賣填飽餘下那三分飽。魚肉燒賣必叫，魚肉係用黃膳，大大粒多魚肉，入口魚肉無腥味，配豉油和枱上的辣椒醬一流！老公口快快叫咗三溝，即魚肉、生菜、碗仔翅，其實叫兩溝即魚肉碗仔翅已經夠，三溝裏面的生菜好唔掂囉！唔新鮮又爛又生，不過有冇生菜都唔係重點，重點係成碗野唔熱， 芡汁又傑撻撻，又冇味。店員的服務態度，更不用說，差到爆，冇服務冇笑容。

又一次引正網絡智慧，正評引伏可能我懷著極大的期待，結果實在太失望了⋯⋯碗仔翅，無味，好似放左膠水入口咁魚蛋，零彈牙，好似食緊發霉魚肉咁燒賣，有少少魚肉味，勉強可以食下曾經睇過店主嘅訪問，佢話「我希望大家拿$20出來吃小食，也覺值得，而不是吃垃圾食物。」其實，店主每日都望住，無理由唔知咩叫垃圾食物㗎總結：1）正評引伏2）無下次 3）真係唔知有咩咁好食4）浪費人生系列 5）有埋伏，埋伏了千軍萬馬，全軍覆沒

個燒賣阿姐成日都唔理客，排第一叫左幾次楊枝金露都冇人應，一個阿叔衝埋來叫燒賣就喇喇聲幫佢夾，吹曬水。仲好意思叫我排返後面。唔係第一次，唔理啲客，講野又冇禮貌。唔係因為好食，唔會去受氣！

行完山好攰，決定食碗糖水醫下肚。叫左個芒果西米露，紫米露同魚肉燒賣。魚肉燒賣人手整係高質嘅，入到去啱啱撞正佢地整燒賣，望住兩個店員將魚肉放喺皮入面，10幾秒整完一粒，好快手。魚肉燒賣嘅味道同出面唔同，口感較好食，價錢都唔貴。芒果西米露同一般西米露差唔多，芒果幾甜。紫米露係一早整定喺雪櫃成碗攞出嚟，冇太大驚喜，唔太甜，不過不失啦。魚肉燒賣真心推介，糖水普通，20幾唔算貴，行過可以試下。

曾經多次光顧，每次都一定點自製鮮魚肉燒賣，碗仔翅。可是漸漸覺得魚肉燒賣魚味少了，也沒那麼彈牙，價格也比一般貴很多。所以便沒有動力促使去光顧了，因此便有一段時間也不再吃了。最近重臨這條出名的食街，便抱著再試一下的心情再吃了。不知是太久沒吃或是真有改善了，今次吃到有魚味的燒賣，且彈性頗佳，雖然價格畧貴一些，不過偶然一次也無防的。養顔紫米露，這個反而一直保持水準。微甜，紫米煑得啱啱好，軟中帶咬勁。實在太飽了，唯有下次再吃碗仔翅啦。

剛巧在附近工作，已經聽過呂仔記的燒賣是全港數一數二的。作為燒賣粉絲的我終於有機會來朝聖✨進去裡面找了個位子坐，旁邊就看見店員拿著一個勺子，拿起一塊皮，包著手打的魚肉餡。我們叫了一個燒賣和生菜魚肉。🍽 燒賣接近$30的燒賣的確不便宜，但是它的確是目前為止香港最好吃的魚肉燒賣。魚味十分鮮美，肉質彈牙，完全吃到真材實料的味道。🍽 生菜魚肉加上一點胡椒粉，馬上把湯的鮮味帶出來。而且鯪魚餡也一樣出色，果然非常彈牙，不會過份腥。

晚上10時多來到筲箕灣，仍然有不少舖頭做生意。心思思肚餓想搵嘢咬下，就嚟到呂記食燒賣同碗仔翅食宵夜。呢到的魚肉燒賣並不是一般街邊檔賣10蚊5粒那種貨色，而是貨真價實用大黃鱔拆肉再整成的足料魚肉燒賣。相比普通燒賣，這裡賣的入口彈牙，唔會食到成口粉同好假的味精味，而且還有微微的魚鮮，的確比溝好多粉整嘅燒賣口感同味道好。雖然價錢稍貴28蚊只有8粒，但間唔中食下過口癮都唔錯！兩溝碗仔翅大大碗，食到好多肉絲同冬菇，都算幾足料。不過略嫌餐廳本身加上面的胡椒粉份量太多，而且就算撈完之後變左一舊舊唔勻，呢到有少少失色。

邊個會冇聽過呂仔記魚肉燒賣呀😂😂👍🏼已經係街知巷聞，魚肉每日新鮮打造，啖啖魚肉勁彈牙，加埋辣油同豉油，可以話係平價嘅人間極品👍🏼👍🏼😋😋😋😋由細到大都好鍾意食燒賣，近年更加追求倒手做燒賣！同男朋友行去筲箕灣，當然要去試一試啦😂😂😂啱啱整出嚟嘅燒賣好大粒，有彈牙！😚😚😚😋😋😋😋連平時唔係好食燒賣嘅男朋友，都忍唔住叫多咗一碟嚟食😂😂😂不過價錢一定會比普通燒賣貴少少，不過係正嘅👍🏼

差唔多11點幾12點，好多舖都收工，但見呂仔記仲開緊所以入去食個小食。本身猶豫緊燒賣定碗仔翅定甜品，但都係食返燒賣。其實一份都幾貴，但見到牆上咁多明星幫襯加佢有影過條魚，成條鱷魚咁長😂😂😂咁咪試下囉。幾好味，大大粒又唔係粉多個隻，雖然佢一粒粒不規則形係冇咁靚，但味道good good!! 又係試下都唔會常食既一間小食店!佢另外仲有好多小食賣，唔知好唔好味呢？但因為個d周圍都有所以我唔會特別想食佢。

第一次嚟筲箕灣，好采有朋友帶頭，如果唔係要揾好野食都難，我哋第一站就嚟到呂仔記。朋友話呢間店d糖水好好食，本來想食芒果西米露，但芒果太濕熱，所以改試其他野。於是我就簡咗南瓜西米露，因為比較少見。不過佢冇熱既就有d 可惜，見佢由雪櫃拎出嚟，應該係煮定一大煲，然後雪係雪櫃，如果係即日都叫新鮮既。其實呢度糖水價錢都唔貴，就好似呢碗南瓜西米露咁，有大有細，大碗就28蚊，細既20蚊。味道方面，d南瓜蓉溶咗入個西米露當中，啖啖都有南瓜味，而且d南瓜粒好粉，雖然我覺得甜咗dd，但都值得再試。

細細個已經成日同屋企人食，以前食糖水，而家最愛一定係燒賣同碗仔翅。好味燒賣每日用新鮮黃鱔制造，用人手打到起膠，再包上燒賣獨有的黃色粉皮。魚香味十足，亦十分彈牙。加上特製辣油，味道一流！仲諗緊食碗仔翅定生菜魚肉，諗起Why not both?就叫左個三溝。碗仔翅底係唔錯，加少少胡椒粉就可以。(個人嚟講唔中意落醋)個芡唔會太杰。魚肉應該唔係自己打，口感一般。忙碌嘅一天以comfort food 作結的確不錯！

經過呂仔記，朋友說裏邊的燒賣及魚蛋很出名。於是便和友人買了$28的燒賣及$20魚蛋一試。本身想堂食但係店舖內已經有很多人，所以只能夠買完站在店舖門前進食。$28的燒賣確實是不平宜，但每一粒吃上來都是材料充足的。最特別的是成間鋪頭都只有女性在工作，而且全部都是嬸嬸級的年紀，不得不給力

入到去見到28蚊8粒燒賣，心諗價錢有點貴。不過見到店內貼了很多新聞關於這里的燒賣，但叫了燒賣，楊枝金露同碗仔翅。燒賣 - 大大粒，魚味很重，很滑，食完真係想再來多8粒。碗仔翅 - 很大碗，上左之後先發現原來比較多人叫二溝/三溝碗仔翅，下次都係食二溝。楊枝金露 - 好多芒果，很fresh，很完山之選。

聽人講呢間呂仔記既燒賣好好食好出名，於是我就走去叫咗一碟！28蚊8粒，開頭覺得有啲貴，但係見到佢每粒都咁大粒嘅時候又覺得都值得。每一粒咬落去都覺得同平時食嘅燒賣口感唔一樣，又唔會好粉，正！