呂仔記 (已結業)

行完山好攰，決定食碗糖水醫下肚。叫左個芒果西米露，紫米露同魚肉燒賣。魚肉燒賣人手整係高質嘅，入到去啱啱撞正佢地整燒賣，望住兩個店員將魚肉放喺皮入面，10幾秒整完一粒，好快手。魚肉燒賣嘅味道同出面唔同，口感較好食，價錢都唔貴。芒果西米露同一般西米露差唔多，芒果幾甜。紫米露係一早整定喺雪櫃成碗攞出嚟，冇太大驚喜，唔太甜，不過不失啦。魚肉燒賣真心推介，糖水普通，20幾唔算貴，行過可以試下。