君臨海鮮酒家 (已結業)

其實在石門中午食飯真是好無選擇！如果想去近D嘅酒樓，只有明X及笫一城盈X，但近來盈X水準不斷下降，又再找出路。找來屋苑酒樓一試這兒馬拉糕及煎釀兩寶較多人贊，所以試下，真的是鬆軟且有椰香味，而煎釀魚肉新鮮，沒𠂇癬味，的確不錯粥也沒有太多味精，夠軟綿馬蹄糕甜味恰好煎腸粉不會成一舊糊狀，也ok呀服務可能小伙計，就不是隨傳隨到了眼見衛生㺽境以屋村酒樓來定算合格。可以繼續成為我們暫時飯堂

五姨聽日就番美國啦~佢今日請左我地飲茶丫~ 因為舅父住愉翠苑, 所以我地就決定去佢樓下的酒樓, 麻煩佢幫我地搵位哩~我地一行7個人點左雞仔包~流沙奶皇包~叉燒包~素腸~叉腸~馬拉糕~燒腩仔~牛肚~炒飯~粗齋煲~粉果~晶包~腐皮卷~牛肉~蝦鮫~燒賣~薄餅~艇仔粥~鯪魚頭粥~腐乳通菜~薄罉~珍珠糯米雞~芒果糯米卷同水晶蝦包~樣樣都整得好難食丫...皮又厚~粉又多.要濕既又乾又硬~要香脆爽身既又整又淋又濕~而且樣樣都好重油重糖重salt丫~媽媽剛做完手術唔食得多~比較清的可以算係烚通菜... 但係佢overcook 了...啲菜葉淋到可以唔駛嚼就咁"每"得爛喲....唯一可取既係個粗齋煲, 幾入味... 但真係超油..可憐味美既咖子吸曬啲油哩~實在太油啦.. 佢地個個好快就停曬手.. 最後我同爸爸包底每樣又再食多一件半件一碗兩碗.........估唔到竟然清得曬丫！！

尋晚我同成班朋友去任食打邊爐$123(連埋加一)一位D野食都唔差既.野飲都OK.夠飽既但問題就黎啦我同班朋友賣單個陣佢收$1591我地夾好條數就俾佢,.當時俾左$1601同埋另外$242俾佢幫我地打散姐係總數$1843之後佢找錢找番$2X蚊我地就同佢地講話我地唔應該淨止找咁多佢就話係得咁多.後尾就叫佢拿番頭先條數出黎佢就拿番出黎，點知得番1501，我地呆左佢就話拿少左(條數係咪做出黎大家自議啦)佢地死都話冇收到咁多錢.我地成班人就再CHECK多次有冇自己袋到啦呢個時候個男部長同我講:"會唔會你自己袋左呀!"(態度好差)我就拿個銀包出黎俾佢睇，佢又冇聲出，之後有個女經理就話埋數睇下有冇出入，等左好耐，佢就話埋數度岩(其實同時間個男部長係咁小我地，完全冇當過我地係顧客)男經理:會唔會你地D朋友自己袋左呀，或者冇俾錢呀我:我講左10幾次，我清楚問晒每個人，都拿左$123蚊出黎，亦CHECK左地下褲袋都冇朋友A:會唔會係你地D同事唔小心袋左入褲袋呀男經理:你宜家咩野意思呀!(勁惡)我:不如你冷靜D，我地係顧客何?男經理:你宜家咁樣講我好難冷靜架WO我:咁你頭先屈我地自己袋左我地又點呀女經理(其

來過幾次飲茶, 嫌味精太重, 價錢不便宜.晚飯是第一趟, 沒有什麼期望, 反倒另有光景.蘭花美極牛仔柳, 牛柳不容易弄好, 要不食粉太重, 要不嚼來嚼去嚥不下, 這個嫩嫩的, 所謂美極亦不重, 平衡得體.菇粒雞包仔, 奇怪吧 晚餐吃點心, 其實是給 BB 吃的, 我還要先問: "BB, 你吃飽了沒有" 才敢動手. 餡料不錯, 有小蝦仁耶~海味雜菜煲, 不太見海味影蹤, 味清淡, 合意.臘味糯米飯, 今時今日要遇到粒粒分明爽朗味濃的糯米飯, 很難, 這個還好吧, 沒什麼特別.鮮百合腰果炒西芹, 有營之選, 吃原味, 符合預期.招牌蜜燒魚柳, 果然是招牌, 甜酸調較恰當, 令不知名的魚柳叫人另人相看. 非常適合小朋友口味.生炒骨, 很危險的選擇, 果然, 骨多肉少.街坊介入式招呼, 上菜, 阿姐會指導 BB 說: "不要玩車了, 吃吧吃吧!""這個是男的嗎"太熱情, 可能會令人不舒服, 想深一層, 那是做街坊生意的習慣吧, 可惜我不是街坊唷.

今日去君臨食飯，點知......，真係嚇到死死下。我地叫了個鮮番茄薯仔豬骨窩湯底 + 自選。唔食任食，因為計埋條數仲貴過食自選。當個豬骨窩來到，就係好戲的序幕。準備開餐的時候，揭開個蓋，驚見窩內只有一千零一舊豬骨，真的很骨，一點肉也沒有的骨。除了這舊骨還有三舊番茄。此時真的火上心頭。於是找了個部長（阿東哥，四眼仔）來問。揭開個蓋問阿東哥，六十八蚊個豬骨窩只得一舊骨，怎樣搞的。本想抱著必勝的把握，爭取回應有的食材。點知被反客為主。阿東哥說：有咩問題，係咁樣的，咁你想點呀。好彩我地都唔弱，最終佢地加番Ｄ番茄，薯仔同豬骨。阿東哥真係夠忠心，兼最傑出員工。服務態度簡直悲劣到不行。我係老闆一定抄佢（可惜我唔係）。另外，傳說中的頂級手切肥牛終於出現。這碟肥牛是我有生以來去打邊爐食過真係韌的肥牛。手切肥牛????????????????????????

往往經過男友都對呢間酒樓讚口不絕今日又經過我提議去一試佢地既點心但埋去睇點心紙,價錢亦比其他酒樓為貴但還是入去試一試阿姐話有位啊,見都唔爆但我地竟然要搭木台之後點左蝦餃,流沙奶皇飽,叉燒腸,鮮蝦春卷,茄子蝦餃:男友話雖貴但卻真係好多蝦 1隻蝦餃有2隻蝦都算真係多架喇無貪平偷工減料流沙奶皇飽:男友話不得不話 我個人覺得蛋黃味太重,同我平時食既差得遠叉燒腸:中規中序,但我自己都覺得幾好味幾香鮮蝦春卷:呢個有驚喜,本來我都無打算試 但呢個春卷只包蝦,所以都幾好味既茄子:呢個麻麻喇本來叫野食侍應好似幾無禮貌,但後來見搭木台個位男人同個度既侍應都幾熟會同d客傾計,可能侍應們都慣了以朋友的形式對待客人,頗有親切感難怪男友說呢個酒樓係屋苑落成後就差唔多有喇,而且依然屹立不倒

正月下旬‧晴本來吃晚飯，轉了打邊爐，純因為這裡的一元窩底。要了芫茜皮蛋窩底，卻沒有什麼芫茜，皮蛋反而不少。火窩配料十幾、二十幾元，最好的是雲吞，足料又大隻。新鮮牛肉就是疏打牛，不吃也罷。四寶丸幾新鮮，比吃其他丸好。菜就清理得好求其，似乎街坊酒家，就是這樣子。埋單每人都要百幾，其實唔平。

兩個人去開嗰頭，求其搵間茶樓食午餐。食咗:咸水角沙翁煎蝦米腸蝦腸四個點心咋....埋單諗住70左右啦....竟然要96!!!仲要啲嘢勁難食。蝦米腸明顯係大路交貨嚟嘅，啲葱又老又乾，好似食紙咁。蝦腸啲蝦又係假嘢，用化學嘢嗱過，嗱到由細變大嗰種，哩，即係平價炒飯用嗰啲嘅加大版。無下次。

大人$68 + 茶芥每位$19 + 星期六，日加$10 = ~$100/人===================款式：ok多，又唔大份，2個人都無問題。可樂/ 酸梅湯 + 紅豆沙 / 西米露：都有提供===================呢個價向呢幾年都好少再見到lu~~味道又不錯，等位都唔耐 (sun 7.15到，無book抬，等左20分鐘左右)，所以係 --- GOOD! 可以去 ---

聽到你都激氣，個日去飲茶，剛好係出特價品時段，咁就出去睇睇啦。突然間俾個波點衫亞姐用手大力係咁推，佢係咁叫"借咩....借咩....借咩....借咩...."(因為佢要攞d特價品出黎)，我問佢你識唔識講"唔該"架。個波點衫亞姐即刻look大隻眼大聲話"借咩"咪即係"唔該"囉。嘩....老師從來無教個我"借咩"咪就係等於"唔該"囉。無禮貌之如，仲要聲大大，好似自己大矖咁。我0地係消費者，特價品都係要錢，俾錢仲要俾d咁既服務態度，真係不要得。(最後我都無賣到)我問個經理佢做邊個職位(因為佢無著制服)，個經理話佢係做寫字樓，有時會做下收銀。真特別。依間野d野食已經比起開張時d水準差左好多同唔好食，架陣+埋d咁既服務態度，真係好唔掂。

十月下旬•晴 另一晚在河畔操練完畢，幾個隊友吃晚飯，來了這裡，因為在住處附近也有這個品牌，食物水準不算十分高，但價位也較相宜，作為一餐便飯就最適合。 這裡有不少的特價小菜，由三十八至五十八，周一至周四還要每款減十元，真的比自己去買菜來煮便宜。叫什麼菜也好，先來幾支冰凍啤酒。這裡的藍冰啤，細支裝10蚊三支，真的平通全港九，一來就六支，每人兩支，喝得夠皮為止。 是日例湯是粉葛鯪魚湯，看來不錯，來一窩。喝起來夠火路，也鮮甜，好像是沒有什麼味精的。一人兩碗，很不錯。 菜色方面，生炒骨真的多骨，吃起來不脆口，味道也是酸多過甜，下飯也適合的；七彩炒火鴨絲味道不錯，鴨絲好吃，加上芹菜味菜，吃個不停。這一味只賣28蚊，抵食；生菜魚滑豆腐煲熱辣辣的，菜新鮮，豆腐也夠滑，魚滑就是粉蛋。不過湯底清美，用來做湯飯，真的飯也多吃一碗。也要了一隻桂花糖肘子，侍應說是新項目來的。吃起來肉質不夠稔，桂花糖也太甜，吃起上來怪怪的。加上舖面的醬汁是杰杰的，令人一看就怕。 最後還送甜品，紅豆沙是意料之外的不錯。煲得起沙又不太甜，也有陳皮香。 埋單每人一百，吃得飽一飽，作為一間街坊茶樓，稱職的。

一行10人晚飯, 雖然火窩口碑不錯, 但今晚試小菜, 看看這酒樓的真功夫,--北京填鴨兩食, 除了片皮外(我無食, 所以不評), 有豉汁蒸倉魚(好味), 涼瓜炆鴨架(好差)--南乳齋煲, 好夠南乳味, 好食--魚湯鮮竹時菜, 湯不肥, 好味到我叫了白飯塗這個湯吃--羊腩煲, 羊腩少, 汁味太濃, 但D配料質素不錯--拔絲生炒骨, 好食到翻叫, 必食--生炒糥米飯, 可能D臘味唔靚, D飯有油益味, 好差--油鹽水花蛤, 好味--清蒸瀨尿蝦, 好新鮮, 超好味, 因為特價, 只賣$23.5/隻, 星期一至五還低到$18.5/隻, 所以坐落一定要吩附他們預留, 否則, 好快賣完.整体不錯, 因沙田區沒多大這類價錢相宜且食物水準合格之酒樓。

家人生日,二家姐上來Open Rice做功課後,決定帶我們來這兒試試,呢間"君臨海鮮酒家",我們各人也是第一次來食的,成人$68+茶芥$19,小童$48+茶芥$19,七人送湯底~免加一,多款罐裝汽水及兩款機襟出來的飲品任飲~有蝦,丸類,水餃,肥牛的火鍋大路食物,需然選擇不太多,但~水準不錯.仲有六款間中轉換的熱盤,炒河粉都有,水果(單一款荔枝),蒸曼頭,仲有啫喱糖同埋三款不同口味的雪糕~也有桂花糕及椰汁紅豆糕,還有兩款糖水(紅豆沙&西米露),食物水準不錯,以這個價錢,在沙田區的酒樓來說,真係好抵~~在場見到,他們有張大檯放上幾個大既熱水盤,碗筷會先用熱水浸好後,才帶上檯給客人用,抵讚~ 唯一美中不足的是,主要的火鍋配料是要寫紙仔的,如果也飲博康村一樣,可以自己出去夾的,更完美~

大人$68小童$48茶芥每位$19星期六及公假每位再加$10包埋湯底另外要收加一我覺得佢幾抵食味道都唔錯以呢個價錢計完全冇投訴- 任飲係罐裝可口可樂/雪碧/芬達/玉泉忌廉- 出前一丁都係任食- 甜品有牛奶公司雪糕(都係任食)- 任食雪花肥牛質素好好,好過我另外加錢叫果碟聲稱係手切

牛一去飲，兩圍翅最快來，每人足三兩，口感夠爽夠交，雞湯勁甜，應是湯中肘子功勞拳頭size大連鮑，好鮮甜，Ｄsoy sauce似有奇怪，可提升鮮味蒸大虎班來了，真係好大，火喉剛剛好，好技術，勁好味海心鴨掌，海心本非我所好，腳趾就鍾意，隊咗3份龍蝦煎米粉底，龍蝦做得好，值得一提是煎米粉底，吸哂Ｄ汁，又煎得面層crispy，正肥美燒鵝，唯一彈就係太肥，但都皮脆肉亂汁正的跟住水餃、受包、楊支甘露也不賴通常我去飲都唔寫食評，但這家地方酒摟食物質素及誠意值得一提