君臨海鮮酒家 (已結業)

今日忽然間好想食點心，自己一個去左君臨飲茶食晏，一個人嘅好處就係唔洗等位午市都有優惠點心，有幾款點心都係小點燒賣皇正正常常，抵食，午市小點就可以食到薑汁拉軟糕，第一次食，質感似印尼嗰啲斑蘭椰汁千層糕，好煙韌，薑味又唔會太濃，易入口，唔錯另外仲點左碗魚片肉片粥，魚片唔太新鮮，好腥，只係食左一塊，好彩有肉片，肉片都唔韌，下次唔會再點呢個$76埋單，間中一個人黎歎茶坐下都 ok

今晚同家人去食晚飯，我地點菜，落單果個竟然問返我地點落，真係唔知佢知唔知自己嚟做咩呢？點落單你問客？冇野嘛？食物水平一般，份量算是多的，不過上枱要個傳菜三崔四請先有人幫手上枱，而最尾碗紅豆沙，上枱就同個待應講隻碗污糟，但得到的回應係「啲碗消咗毒唔污糟」，咁果粒飯點嚟？係咪我痴上去？重點，成晚我張枱係冇人叫飯囉！

飲早茶最抵！朋友揀了點心併盆，我諗着一定麻麻！點知道出人意表地不錯！併盤有燒賣啦、蝦餃啦、潮州粉果啦、雞飽仔啦、馬拉糕啦、姜汁千層糕啦！我喜愛的就是姜汁千層糕～姜味很重！一層一層煙煙韌韌！味道不太甜！其次就係馬拉糕，有咖啡味道，軟硬適中！再嚟一籠山竹牛肉～牛肉有彈性，有馬蹄混在一起，令人食起來有口感！唔錯！

普普通通的屋苑酒樓，沒有期望驚人美食，但燒味竟然有驚喜。下午茶時段2-4pm，燒味配麵或飯有特價，叉燒賴只是17.8平來沒有期待，叉燒卻出奇地好食，充滿肉質感，不是肥叉，但口感鬆軟，入口溫暖又帶有香味。賴粉湯底味精不算太濃，尚可接受，配搭青菜一條，17.8算是物有所值。再加一碟蒸排骨(中點)，別的酒樓用芋頭放底，他用南瓜放底，排骨有夾雜到南瓜香甜。埋單茶芥8蚊/位，加一，以上49蚊走人。

今既放假，下午兩點最好就係去飲下午茶點菜紙同上次唔同左抽起條樓好想食芋角。 外面炸得好鬆脆好香口！入面層芋頭唔太厚，仲有包住d 沙角，瘦肉。 最重要係黎到時仲熱，好好味！切雞瀨粉d 雞好滑！d 薑容略嫌太多油，瀨粉都唔知會碎，好味！三皇包係必叫。 有奶皇包，雞仔包，叉燒包。 兩個人一人半，又唔會太飽！蝦餃粉果，又係一次滿足晒你2個願望埋單total99，好抵

呢間酒樓都食唔少，不過的最近就見到原來出左d新菜小菜， 竟然有我最鍾意我最鍾意既胡椒豬肚煲， 價錢唔算好貴 70至80蚊左右 分量都算幾多， 有好多酸菜， 味道紀龍玉胡椒味幾出 豬肚無異味， 洗得幾乾淨， 食落有d辣辣地酸酸地相當開胃.. 另外叫左一品燒雞, 之前都食過好多次啦啦覺得唔錯既 不過今次就發覺分量少左 好似縮左水咁但係質素都仲qq 雞肉身幾滑，皮十分之脆， 特別要講一講佢嘅 豉油， 應該係經過特別的烹調 係甜是油， 用蒜香煮過， 值得一讚

邊個話一個人無得去飲茶！我覺得我差籠雀一個人叫左叉燒瀨粉同一籠蝦餃拼粉果點心。叉燒瀨粉都幾大碗，可惜叉燒賣相唔係甘好, 而且有d 鞋。。 但個湯幾好飲，而且瀨粉唔會碎散一條條甘，所以算唔錯。一籠點心食晒蝦餃同粉果。 蝦餃算大隻，而且蝦都彈牙粉果就唔厚皮，入面有花生，沙角，肥豬肉， 蝦米。兩樣野點辣椒油食，正！埋單49蚊。 任坐任飲茶，仲想點？

那晚跟親朋在這間酒樓吃了一個套餐～ 慶祝生日的飲宴～首先來的是乳豬， 一大隻的，不太肥也不太瘦，而且皮也很脆，只是味道欠了少少～之後來的是龍蝦伊麵～ 因我本身是對龍蝦敏感的，所以沒有品嚐，但聽親朋說味道不錯，汁也很可口～ 而我亦試了一些伊麵，不錯～ 只是有些淋淋地～再來的是帶子珊瑚蚌西蘭花： 有點失望，因為無咩味道，而且西蘭花有少少硬，若炒林些會好味d～ 但都幾大碟～ 其實所有食物都好大碟下魚翅則非常好味，不單足料，而且味道一流，很香口～ 很久沒有吃到這麼美味及足料的翅～壽包又係我喜歡的行列～槤蓉不算太甜，而份量亦剛剛好，整個包的質素不錯～ 若不是已經吃得太飽我會食多幾個 雞又是幾好味，但有些咸了～ 不過都幾有鮮味～飽魚就只可算ok～ 但我還是喜歡吃西生菜～ 味道反而不錯～這條老虎斑不單大條，而且非常新鮮～ 根據一位長輩說，一條魚新不新鮮是由魚的眼可以看到，雖然我不太懂得這個技術～ 但條魚很快便吃完～最令我感動的是紅豆沙～ 因為小妹非常喜歡吃甜品的，發現紅豆沙中亦有些西米，所以吃得非常滋味~當我跟伙記說可以要多一碗時，她幫我從外面再拿多幾碗入來，仲加埋芝麻糊，令我吃到飽到..... 呵

工作到下午3點才食午餐！原來都有好處！可以用超抵價錢食湯粉麵。$17.80就有一碗叉燒瀨，賣相吸引！但味道一般，全瘦的叉燒！有些煙煙韌韌！如果半肥瘦就更好啦！咬口會比較軟熟！仲有九菜餃，放在叉燒瀨既湯內，然後食，都不會覺得淋咗！仍保持脆口，裡面好似係魚肉，味道唔錯！

返到屋企，唔知食乜好，想起小菜！就去了商場唯一既酒樓食！平時都有抵食既套餐！但係估不到, 還有十天先新年，但係酒樓已經咁快加咗價！又用很多好意頭嘅餸！叫了半隻燒雞，味道唔錯！肉質幾嫩滑！只係雞胸肉比較粗鄙！另一碟菜遠牛肉，味味一般般！但係價錢幾貴！唯一既優點係有免費糖水！

由於聽日放假，前一晚去咗親戚屋企食飯，朝早就係呢間君臨食早餐！早餐叫咗鮮蝦餃粉果拼盤，同埋腸粉蒸糯米飯，整體質素不錯！先講蝦餃，雖然皮點算好溥，但係啲蝦好入味，有胡椒粉未，同埋好新鮮，至於粉果，肉汁夠多，同埋多料！另外腸粉雖然一般，但係整體價錢都算平。至於糯米飯，飯粒煙韌，香味撲鼻，同埋好入味，份量都算多，夠包肚。酒樓環境好光猛精神，整體感覺唔錯，有下次！ 

記得有日想去食飯唔知去邊好，咁啱經過個屋邨商場見到間叫君臨嘅酒樓，令我回憶起細個嗰陣好鍾意去屋企樓下一間同名嘅酒樓食，果斷決定去試下。見到菜單d餸都算便宜，就放棄左叫孖寶，叫左沙拉骨，通菜牛肉同小炒王。呢間嘅小炒王用西芹而唔係韭菜炒，味道唔差但因個人唔食西芹而有d失望。通菜牛肉嘅牛肉算多，食極都仲有，唔會好似某d餐廳咁得一兩塊，d菜都炒得好好食，唔會黃哂。沙拉骨甜甜酸酸嘅味道啱啱好，有肥有瘦，唔會太硬。最令人驚喜嘅係有飯後甜品送，我揀左椰汁西米露，裡面d芋頭入口即溶，好好食。

終於等到這茶樓裝修重開！Bird 和 bird弟 當然回來開飯啦！  內部比以前光亮閃爍外，環境感覺上寬闊了。現在四周以淡色為主，更覺開陽平和，心情也不期然開朗好多。通常只會來飲下午茶，但今次見到從前的龍蝦燒雞孖寶，當然不能不再試！！ 其實不止這個孖寶啦，還有別一個孖寶有鮑魚帶子的，但 bird弟 不是海鮮人，所以沒選啦。但現在燒雞卻不是一隻，而是半隻，有點失落。不過，當看到個龍蝦伊麵就高興返過來啦！笑～  上湯焗加拿大龍蝦，是一隻啦！頭鉗尾等整整齊齊沒缺一啊！鉗都有肉啊！啖啖肉！！個伊麵底足夠二人有多，只有 bird 和 bird弟 的這餐，加上有雞和一個另加菜，當然不可能清場。最後餘下的打包，夠 bird 回家當另日午餐。笑～  脆皮燒雞。不知是否新開爐，燒過左火，皮焦了點。肉質味道卻完全沒有出事，雞味依舊，肉嫩！是 bird弟 至愛。  金菰瑤柱扒豆苗，對不起吃了口才記的拍照⋯汗⋯破壞了一上桌時的美觀感⋯很多瑤柱金菇絲，個汁很好，淡咸，豆苗很翠綠，但油用量可能多了點，很油口。其實如兩人用膳的話，一個孖寶都OK有多啦。整體而言，用料新鮮足斤兩，外觀精美，有心機。

其實我今天是有親人要過大禮, 我的父母已早在一個星期前訂定今天(10月25日) 中午12:15飲茶 (訂2圍) 和晚飯訂一圍. 呢條數點都幾千元la. 點知今天十二點去到呢間酒樓, 個酒樓知客話未有枱, 叫我等一等. 會優先俾枱你. 跟住過左12:15p.m 後, 我問她有枱未, 佢話仲未有, 我問她我們已訂了枱, 點解不留定2張吉枱用張咭寫住"留座"呢?點知個知客話星期六,日酒樓不會張咭寫住"留座", 我聽到即時好扯火, 你俾人訂枱但冇枱俾人. 我問她大約幾時可以有枱俾我, 佢話答唔到. 我心諗, 當初這酒樓的姓"黃"的經理不要接受我的父母的訂枱申請la.今天我屋人過大禮辦喜事, 但我和我的家人因為這個原因而沒有地方招待來賀我們的親朋好友. 我們真是好難下台和俾呢間酒樓破壞我們的喜事. 在沙田星期日十二點幾要找24個人的2圍大枱真是有難度. 最後雖然將難題解決, 但這個是一個十分不好的回憶. 也是因為這個問題我們最後連晚飯也不敢去這間酒樓食.我媽媽話呢間酒樓是做街坊生意, 我們是住在這屋苑的街坊, 見這酒樓新裝修完諗住去支持一下. 點會知道會預到D咁樣的服務. 真係一世難忘. 而呢個

因為之前這酒樓裝修，所以今晚係特登來睇下裝修完有冇進步左。間酒樓係光猛左靚左，廁所企理左。我見到好多人食緊任食打邊爐，仲有雪糕杯任食，不過今晚我唔想食打邊爐。睇下餐牌，除左晚飯小菜，仲有孖寶丶三寶丶套餐，仲有仲有點心夜晚有點心食都唔錯，因為平時返工日頭邊有時間食點心，點心都有十幾廿十款。我揀左孖寶 - 大班兩味，送例牌乳豬，另外我點左個瑤柱朳芥菜。先黎個西蘭花炒班球，份量大碟，班球份量都好多，而且好厚肉，魚皮魚肉彈牙，西蘭花爽口，芡汁薄唔會搞到d魚肉漿住，油唔算多，不會過咸，正！跟住係乳豬，大碟但好肥下，乳豬皮好脆，不過真係好大舊肥脂肪向皮下。瑤柱扒芥菜都係好大碟，芥菜咬落好爽，好有菜味，瑤柱絲好多，芡汁不咸帶有瑤柱味，用來撈飯一流！蒸班頭腩都一樣大碟，好多件班頭腩，魚肉好滑不鞋，魚汁豉油的咸度剛好，好適合撈飯食，真係可以叫多兩碗白飯兩個人食4碟餸，仲要碟碟份量大，所以都要打包左少少，飽到糖水都食唔落。