君悅咖啡廳

君悅咖啡廳 (灣仔)📍 地址： 灣仔港灣道1號君悅酒店大堂💬 簡介： 海南雞係 Grand Cafe 嘅招牌菜，雞肉煮得剛好，表皮滑嫩，肉質鮮嫩多汁，口感非常好。油飯米粒分明，吸收咗雞嘅精華，又唔會好油，真係自己可以食曬成碗。再加上冬瓜雞湯，清淡而滋補，好合適嘅一個搭配。不過，對我嚟講，最吸引嘅唔係海南雞，而係佢哋嘅龍蝦脆麵！龍蝦肉質鮮嫩彈牙，脆麵金黃酥脆，搭埋個豉椒汁真係超級野味，一定會再返黎食呢個龍蝦脆麵啊！另外，佢地嘅香煎牙魚都值得一試，煎得夠脆，味道新鮮。不過，乾炒和牛河同牛排就一般般，冇咩特別。至於甜品方面，一定要叫佢地嘅蘋果批配雲呢拿雪糕！批餅酥脆夠熱，配上香濃嘅雲呢拿味雪糕，簡直係完美組合，超好食！😋👍 推薦指數：⭐⭐⭐⭐⭐味道：⭐⭐⭐⭐⭐ (5星為最滿意) 環境：⭐⭐⭐⭐⭐ 服務：⭐⭐⭐⭐⭐  性價比 ：⭐⭐⭐⭐⭐  …查看更多

海南雞（例牌）——🐔 雞皮爽口不肥膩，肉質嫩滑 君悅的海南雞以「去骨」為賣點，雞肉確實嫩滑，皮薄肉爽，帶有淡淡雞油香。 油飯——🍚 香氣足，海南雞飯的靈魂——油飯，上桌時香氣撲鼻。配套湯品 & 醬料—🥣 冬瓜雞湯清甜，醬料正宗 隨餐附送的**冬瓜雞湯**清淡鮮甜，能中和油飯的膩感。另外三色醬用上新加坡出品的黑醬油、自家製薑蓉及辣椒醬。醬油濃郁帶甜，薑蓉辛香，辣椒醬微辣開胃。 …查看更多

因為明天上班所以提早一日慶祝小弟嘅生日，君悦咖啡廳今次係第二次幫襯（上一次都係生日）和上一次相比都算保持到水準（第一次有新鮮感）招牌菜上湯龍蝦雖然都好美味，不過今日比較多龍蝦鉗（感覺比較無咁方便）咁除了龍蝦和海南雞等招牌菜無變之外有改了部分菜式秘魯牛肉串，肉質唔錯而且有啲好似係酸乳酪（唔肯定）和一啲醬汁（但我無加）食落唔太油膩:)吞拿魚火炙半熟，只係講吞拿魚幾好食，但下面個包好硬上一次係乳鴿今次係片皮鴨，但都幾好食個碗係海鮮羹，因為我本身鍾意食湯羹所以食咗好多，味道未到好頂級但我鍾意食，原因只是個人口味至於魚生一般啦！煙三文魚比較好味燒烤等保持到水準西式食物合格水平，但還是燒烤比較美味:)今日食物方便大部份都幾好，但其中兩樣比較差凍海鮮試咗龍蝦和蟹腳，龍蝦正常無驚喜，不過蟹腳好乾火腿一樣，無咩油份感覺好乾好似放了很久另外無咗凱撒沙律，其餘食物和舊年分別不大（酒店送的生日蛋糕）其實正常講再次幫襯嘅餐廳多數都會無第一次咁美味，不過食物環境和服務等都保持到水準，但短時間內都唔想再幫襯住了最少下次生日想試新餐廳。…查看更多

君悅酒店一向是一間非常出色的食肆，尤其是他們的中菜廳。今次專程嘗試他們的晚上buffet。咖啡室的環境非常優雅，座位寬敞，坐得很舒服。菜式方面選擇也頗多。預期中的菜式都可以找到。先來了長腳蟹、龍蝦還有三文魚、海螺。海鮮不停供應，長腳蟹非常鮮味，我選擇了一隻有膏的龍蝦，非常美味！其他菜式也有一定水準，但不能說非常出色。他們的肉類方面我覺得味道還是一般。君悅咖啡廳最出名就是他們的海南雞飯，這個一定要試，海南雞很香肉質嫩滑，單是來吃一個海南雞飯作午餐也是很好的選擇。其他的食品是預期的水準，沒有失望也沒有驚喜。甜品反而比較精緻可以多作嘗試。…查看更多

灣仔五星級酒店Grand Hyatt嘅自助早餐真係一個享受，尤其係作為globalist會員，可以免費享用早餐，真係貼心至極。每次嘅早餐都係驚喜連連，菜式豐富多元，絕對唔會失望，中西合璧，滿足不同口味。早餐當然少唔得嘅咖啡，呢度即叫即做，有專業barista為你拉花，特別推介嘅latte咖啡濃郁帶果仁味，加上精心拉花成心心形狀，增添儀式感，喝落真係享受。另外要推介嘅係egg station嘅egg benedict，出外cafe食至少要$100。poached egg火候拿捏得宜，配上煙三文魚、火腿片或菠菜，口感絕佳。仲有一款特別嘅紅火龍果smoothie，自行加入museli，打造一份超級營養superfood。至於中式station，點心、雲吞質量極佳，保持住中菜廳嘅水準，絕對值得一試。…查看更多

Grand Hyatt嘅Grand Cafe而家做緊亞洲海鮮盛宴同朋友慶祝生日, 就簡左呢間!!!朋友好中意去泰國旅行今次好正有埋泰式風味菜式仲有亞洲主題嘅可持續海鮮美食，咁就岩晒佢口味啦!!!!整個Buffet有好多好正嘅菜式 首先，有4款由Parinyaporn主理嘅泰式沙律：包括泰式雜錦海鮮沙律、柚子沙律、青木瓜沙律同泰式海鮮粉絲沙律，味道層次豐富柚子沙律同青木瓜沙律更令人胃口大開。冬陰功湯係另一亮點，酸辣比例恰到好處有大頭蝦同鮮蝦兩款選擇，仲可以加入麵底一齊食，熱辣又滋味。其中最推薦嘅係「泰式炸蝦配羅望子醬」，蝦肉香脆，配搭羅望子醬酸酸甜甜，好開胃；而菲律賓酸汁醃魚生都好值得一試，特色且富驚喜。各式亞洲海鮮美味亦不容錯過.新鮮帶子刺身即蒸粉絲扇貝同花雕酒灼蝦特別鮮甜海南雞飯更是君悅嘅經典出品，滑溜嘅雞肉配香濃油飯，絕對令人回味無窮。肉食愛好者同樣有驚喜 燒牛扒同羊架即場燒製，肉質香嫩。更特別推介巴羅洛紅酒燴和牛面頰肉煮至入口即化；燴紐西蘭羊肩肉亦嫩滑唔靭，非常值得一試。仲有隱世之選「龍蝦包」麵包香脆軟熟，夾住滿滿龍蝦肉，口感滿分，媲美我係紐約食到嘅高質龍蝦包。Grand Cafe亦十分體貼，作為清真認證餐廳，提供由埃及籍大廚Mahmoud Abbas主理嘅地道中東美食，當中鷹嘴豆泥同茄子泥絕對令人滿足。甜品方面，精緻程度令人嘆為觀止！每款擺盤靚麗又具特色。千層酥外皮酥脆鬆化，內層忌廉香滑且不膩，層次分明；香芒凍布甸Q彈有芒果香，令人充滿懷舊感覺；伯爵茶蛋糕朱古力歌劇院蛋糕等甜品每款味道都極具特色，甜品櫃整體陳列簡直藝術展覽！…查看更多

今次係我哋第三次到訪，水準都keep到適逢聖誕節餐廳都有唔少擺設🎄另外食物都有例如火雞應吓節🍗中式龍蝦幾惹味，都食咗幾舊😋反而冷盤海鮮就普通，蟹腳係唔錯刺身都幾好，第一轉啲帶子都幾爽口👍🏻👍🏻甜品必食tiramisu😋😋不過無影不過價錢都一千蚊一位，未必會再喺節日期間再去🫣It’s our third time in Grand Cafe for dinner buffet, but first time during festivalThere were Christmas ambience, festive food eg TurkeyThe highlight was local food such as stir-fry lobster, hainanese chicken, seafood congeeOthers like cold seafood, sashimi, dessert were way above averageThe only downside was $$🤫…查看更多

＄900一位，估唔到食出個失望😞無下次。刺身唔新鮮，仲差過出面＄2××既放題。蜜瓜無味，又唔甜。甜品除咗綠茶麻薯👍🏻雜梅奶凍👍🏻唔錯之外，其他。。。🤷🏻‍♀️乳鴿個煮法唔得，當你食過￥38一隻，都整得好食過佢既時候，你就知我講乜，我唔識形容。總結，唔抵食又唔好食。…查看更多

傳聞呢度嘅海南雞飯好好味，過年🧧一於嚟試吓！佢個set Menu其實都有六至七樣嘢揀嘅，咁當然我就揀咗海南雞飯啦，頭盤我就揀咗龍蝦湯🦞。首先佢會嚟一籃麵包🍞，不過冇乜驚喜，其中個croissants,🥐比較香口，其他嗰兩個當中包括🥖，好硬，根本咬唔落，唔好嘥咗個胃。至於個龍蝦湯🦞，夠濃郁，亦都多龍蝦肉。去到主菜海南雞飯，我就揀咗雞髀位，啲肉係好滑嘅，相對亦都比較肥，所以啲皮係比較厚。個湯好好味，至於碗油飯亦都夠乾身，就算連個配菜嘅菜心都係嫩口嘅。甜品我就揀咗綠茶雪糕，不過走咗之後先至醒起自己唔記得飲咖啡或茶，個餐Menu寫住包埋，但係服務員都冇提醒我哋，而當日嘅服務亦都唔算特別好，問佢甜品包啲乜嘢雪糕，都要問一輪先至有答案。…查看更多

今年冬至飯跟家人嚟 Grand Cafe 食 dinner buffet ｡ 上次嚟呢到食自助餐都係幾年前嘅事， 咁耐無嚟過， 今次再嚟總會是有點新鮮感和期望。酒店內有兩間自助餐餐廳， 兩間餐廳都有唔同特色及各自捧場客，如果講食物多元化，我會比較喜歡Grand Cafe, 較啱我口味。但講到用餐舒適度及喜歡西式食物為主的， 另一間餐廳相信會較為適合。 至於Grand Cafe 嘅員工服務， 真是有點可改善空間。Grand Cafe 食物方面無論凍海鮮， 冷盤， 沙律， 中西熱輋， 燒烤等， 食物款式選擇多，食物補充處理亦做得非常好，呢度無論中西熱輋水準以自助餐來講，做得相當不錯。《凍海鮮》— 幾款凍海鮮水準不過不失，但一round就夠 。刺身- 幾款刺身都keep得到新鮮， 味道鮮甜， 水準正常。 《中式熱輋》- 呢到大部分熱輋食物， 無論款式， 味道，都幾啱我個人口味， 自助餐來講絕對是滿意之上。 《西式熱輋》- 西班牙海鮮燴飯 ／燒羊架／燒大蝦／烤多寶魚/火雞肉卷無花果舞茸赤靈芝杞子煲豬腱／龍蝦海鮮粥好味。 《海南雞飯》—呢度其中一個signature dish，單叫一份價錢都唔平。 嚟到當然又係必食之選。 《天婦羅》— 炸天婦羅位師傅工夫比較差，但酒店自助餐都可以食得到天婦羅呢樣咁少見嘅食物， 值得西班牙Teruel Ham/ 自家製煙三文魚 / 自家製肝醬， 必試之選全晚最期待嘅甜品環節，蛋糕款式和甜點選擇非常足夠。Tiramisu 當然係必食之選。 另外各款蛋糕及甜點質素是比我預期中好。…查看更多

聽人講Grand Hyatt的海南雞飯好出色,見有優惠,即刻訂啦☺️呢間酒店差唔多全部餐廳我都食過,係無去過Cafe. 其他餐廳都有D水準㗎.部份侍應態度,服務都唔錯. 落order我哋點咗一客蘑菇湯,煙三文魚凱撒沙律,主菜係一客有人話係全香港最好食嘅海南雞飯同埋燒西班牙豬鞍. 甜品就嗌咗兩個細嘅蛋糕同埋一盒綠茶雪糕.有一個熱辣辣嘅麵包籃入面有三隻麵包,唔係勁好食但係熱辣辣都唔錯. 蘑菇湯普普通通啦,煙三文魚凱撒沙律個三文魚厚切幾有口感啲菜嘢都新鮮. 你都重頭氣海南雞飯呀😁有一碗湯一, 個雞油飯一個黃辣椒醬一個黑豉油仲有薑蓉,一碟全雞胸. 湯都算寶達清潤嘅,煩一粒粒口感唔錯,雞就冇一陣啫哩喺肉同埋皮中間,但係雞肉係有雞味好嫩滑. 醬汁都唔錯個黃辣椒醬都幾香幾辣. 到我食嘅西班牙豬鞍,上菜時候見到舊豬鞍好似烚熟咁然後放上去個網係咁嘢燒咗幾條坑出嚟. 亦都唔係全熟. 其實豬鞍係有肉味有肉汁但係因為燒得唔好成嚿嘢嘥咗. 飲品就初頭上幫襯佢哋嘅free flow兩個小時. 但啲酒麻麻地, 最後揀咗一杯by glass嘅波爾多紅酒.甜品就係啲小蛋糕揀咗椰子撻同埋綠茶雪糕,正常發揮啦😅如果要畀呢個價錢反而我寧願加多少少錢去佢其他嘅餐廳😅…查看更多

君悅咖啡廳是一家位於灣仔市中心豪華酒店的高級餐廳，以其精緻的美食和優雅的環境而聞名。在這個頂級餐廳，你可以品嚐到各種精心製作的菜餚，其中包括他們的招牌菜——海南雞飯。海南雞飯是君悅咖啡廳最受歡迎的菜餚之一。這道菜由嫩滑的雞肉、香氣四溢的飯和特製的醬料組成。雞肉經過巧妙的烹調，保持了肉質的鮮嫩和多汁。飯經過特殊的處理，米粒飽滿，散發出誘人的香氣。配上特製的醬料，這道海南雞飯成為一個完美的組合，每一口都充滿了豐富的口感和美味。君悅咖啡廳以其精緻的菜品和高品質的服務而聞名。這裡的服務員專業且周到，總是能夠滿足客人的需求，讓用餐經驗更加愉快。餐廳的裝潢典雅，營造出一個舒適而奢華的用餐環境。無論是商務午餐還是浪漫晚餐，君悅咖啡廳都是一個理想的選擇。除了海南雞飯，君悅咖啡廳還提供多種國際美食選擇，如牛排、海鮮和甜點等。他們的廚師團隊由精通各國烹飪技巧的大廚組成，總是能夠將最好的食材轉化為精緻的菜品。無論你是對食物有著挑剔的味覺還是尋找新奇的口味體驗，這裡都能滿足你的需求。君悅咖啡廳的追求卓越的理念和對細節的講究使其成為一個獨特的餐飲目的地。無論你是想要與家人共享美食，還是與朋友共度美好時光，這裡都能提供一個難忘的用餐體驗。如果你正在尋找一個高品質的餐廳，想要品嚐精緻的美食，君悅咖啡廳絕對是一個不容錯過的地方。在這裡，你可以享受到美食的盛宴，並在優雅的環境中感受到細緻的服務。…查看更多

我是一個焗豬扒飯的粉絲。我一直在不同的餐廳嘗試這道菜。上次，我發現君悅酒店的咖啡廳也提供這道菜，從外觀上看起來很美味。今天，我特意來品嚐這道菜。外觀依然很好，但質量讓我有點失望，尤其是考慮到他們收取的價格。炒飯有點過硬，蛋的味道並不明顯，豬肉質量很好且嫩滑（可能是用了黑乇豬），但醬汁太多，影響了整體的口感。不過，蕃茄是有驚喜的。總的印象是，這只是稍微好於平均水平的焗豬扒飯，如果收費便宜一點，可以收貨。…查看更多

從前Grand Cafe係我們一班閨蜜平安夜必選的自助餐。由於想來一點新意就轉去其他餐廳。適逢餐廳搞優惠買二送二即刻再來大吃一頓。抱住期望嘅心情得到係極度失望。食物質素大不如前，食材不夠新鮮似隔夜（不只一兩天）。煑法又特別，例如酸辣湯係甜嘅、燒羊架係凍嘅、燒雞塊皮係硬嘅…如此質素實在令人冇曬食慾……而且又冇乜高質食物供應，9點前已沒多少人在繼續取食物。作為一間五星級酒店咖啡廳，既然係做promotion就不應將貨就價，如此質素實在令人感到可惜。相信不會再去。:(…查看更多

這次去 Grand Café 就是為了品嚐他們著名的海南雞飯。之前我已經吃過一次，因為實在太好吃，所以這次又特地來嘗試。這次我沒有點套餐，因為酒店不再自己製作雪糕，而是改用了 Häagen-Dazs。我只點了海南雞飯，還加了一杯 ice mocha。雞湯的味道非常棒！而油飯更是令人驚艷，香氣四溢。平時不太喜歡吃飯的我，今天竟然一口米都沒有剩下！雞肉滑嫩可口，字貧的我難以形容，總之就是好吃得無法抵擋。我注意到很多客人都在點海南雞飯，吃過之後才明白原因。我真心推薦 Grand Café 的海南雞飯，這絕對是一道不容錯過的美食！…查看更多