君怡酒店咖啡屋 (裝修中)

上OPENRICE看看食評, 見到食家們對這裡的評價唔錯, 所以這天來一試。這次是食下午茶自助餐, 環境方面算唔錯, 幾寛敞, 但可能人多, 比較NOISY。 食物方面, 都算多樣化, 有壽司、熱葷、沙律、炒飯炒麵、蛋糕、雪糕、雞旦仔和格仔餅等等。 熱葷方面有炸春巻、炸蝦寶、炸洋蔥、雞翼賣相十分難睇, 原來非常難食, 無味道的, 炆炸三文魚都OK, 但較為咸了一點, 我最欣賞的是生滾粥, 自己可以選擇粥料, 有皮旦、咸旦、柴魚花生、豬紅、豬肉、三文魚等粥料, 我選了三文魚和皮旦, 很好味, 新鮮的三文魚令整碗粥也鮮味不少, YUMMY!!! 雪糕是一杯杯的, 衛生一點, 唔錯。用某銀行信用卡有85拆優惠, 更加抵食!!

家陣到酒店食 dinner buffet 下下都要成3舊幾4舊水, 標價唔使三百蚊都唔係仲有好多間做到。今次無啦啦走左去君怡, 聽 d friend 話好厤厤, 但係睇在價錢份上就試下啦.佢個 food bar 就真係細左 d, 因為佢成個 hotel個主色都係深啡色, 所以感覺全個環境都好似好黑同好舊. 雖然個 food bar好細, 但係食物種類都不少. 有 salad bar, 唔係好多酒店有 ceaser salad dressing, 但係佢有仲要係幾認真果隻, 唔錯.甜品 - 好多種呀上上下下都有二幾款, 每件都係細細件可以試晒佢.佢個 buffet老實講就真係冇乜貴野食, 而全場最高價就係以下咁多款 青口, 縲, 長腳蟹同凍蝦 - 全部都係現成貨, 味道 ok而羊扒就真係幾好食, 軟滑有羊的鮮味. 不錯.君怡 lee 個 buffet 除左食物之外, 另外一樣好有誠意的就係 ..............免費飲品 - 當中包括紅酒, 汽水, 果汁, beer, coffee and tea. ...etc咁既價錢都真係值.

之前響團購 (($168/位)) 買左呢度既 <<長腳蟹 dinner buffet>>** 每位到時要再 pay 原價 $298 既加一, 即係每位 $29.8 **一行 4 人呢日終於黎試啦~~~~~因為團購關係, 所以好鬼 full, 半個月前就 book 定位了!一入門口, 基本上可以話係一眼睇晒, buffet bar 唔大~我地安排坐左響 bar 枱隔離既一個角位, 自成一角唔錯 坐低之後就慢慢出去覓食, 嘿嘿!!呢度有個安排唔錯, 就係響某 D 食物方面, 為方便所有客戶, 每人每次只限拎 2 件...包括長蟹腳 同 鐵板燒, 可以唔使成堆人圍住之餘, 又唔會供不應求, 更加唔會浪費食物, 讚!以 hotel 黎講, 呢度既野食真係唔多, 數得出...一個細細既沙律吧有蔬菜, 有配料, 有沙律汁一個細細既飲品吧有橙汁, 有檸檬茶, 有奶茶, 有咖啡, 有中國茶, 有紅酒, 有白酒2 小邊冷盤吧凍蝦 / 翡翠螺 / 青口 / 長蟹腳 / 壽司 / 三文魚 / 油甘一個鐵板燒吧 (即叫即燒)羊架 / 蝦 / 腸腸 / 菠菜釀雞翼 / 鮮冬菇 /

以團購價錢$169+$29.9，算物有所值。食物種類雖然一般，但平均質素中上，尤其鐵板燒真係幾好味，仲好多人排隊。而食物refill得幾快，甜品還會有新款供應，可惜食得太飽，到後期已經食唔落新出的甜品啦！

佛誕果日突然想食buffet，不過公假都預左d酒店buffet通常都好爆，打咗幾間都冇位，最後得君怡有位，於是就去試下!大約$90幾蚊一位o既 tea buffet 講真真係唔係太大期望~點知去到就好有驚喜!首先~入到去覺得感覺好舒服，座位與座位之間有空間感~唔會迫夾~亦都唔嘈雜~抵讚!waiter service 都幾好幾快! 而且坐低冇耐已經主動問你有冇咩咩信用咭有折扣~體貼!而食物方面~tea buffet 都冇咩太大要求~特色o既野食都唔多~都係慣常果d~其中我好欣賞佢d中式點心~小籠包又熱又juicy~~牛肉燒賣又軟又好味~點品有好多款~有限量o既疏乎厘~都唔錯~ 仲有果汁任飲~ 好闊綽~好多餐廳都要俾錢先可以任飲~我覺得伊個價錢可以做到咁~真係冇說話好講! 有少量壽司~但都係好搶手~好快冇~不過麻麻地~獨立包裝感覺有d似食外賣sushi overall 都係幾好~值得推介~我聽日再試下佢個lunch buffet~希望keep到水準la!

如樓下所言, 因 Bxxcrazy 團購的價錢令我心動 (每位$168 + $29.8), 寫明有長腳蟹,翡翠螺,海蝦, 澳洲頂級雪花西冷, 等等; total 10位親友便興致勃勃地去一試.好, 即刻入正題, 評論一下本人食過某d食物的質素:長腳蟹 - 真的似湯渣.... 小龍蝦 - 超咸! 可能為免被人多吃而作出的策略. 平時本人都最少食7,8隻, 這裡, 一隻就夠. 凱撒沙律 - 自己撈, 所以好味! 蒸魚 - 又係咸左d. 蒸雞 - 即係白切雞, 無難度, 可以接受.炆伊麵 - 好油, 又係令人唔會多食既策略. (連伊麵都唔想人食得多......) 刺身 - 質素已經麻麻, 仲要將三文魚每 2塊放係隻豉油碟上面, 又係唔想人地攞得多. 可能應該讚揚這餐廳不想浪費的精神. 鐵板燒 - 算不錯的質素, 可惜成日燒唔切喎, 要等, 要輪, 要排.....日式前菜 - 可以入口, 但質素麻麻, 亦唔 refill甜品 - 我會建議這餐廳嘗試和美x西餅合作, 可能除了提升質素外, 更可減低成本? 生果 - 新鮮的只有西瓜, 質素亦麻麻. 其他本人無食過的:炒蟹 - 親友話差碗仔翅 -

端午節 與家人一起做節因為買左團購,平均人頭費$280.... 一時貪平...失望至極!!! 我一行帶左8個親人去食....我真係好內疚...海鮮: 多寶魚-完全無味,青口: 一食落去 , 一口都係沙,長腳蟹: 無味仲好鞋, 好似食緊湯渣燒羊架: 硬到咬都咬唔開, 掟落街都唔會爛...燒豬扒 :好大陣雪味, 唔明點解咁簡單既野都可以咁難食甜品: 大致正常, 唔難食。希望有關單位可以 多多改善, 否則真係無人會幫襯都二次。

上opernice搵tea 食吓, 發現君怡都ok, 打去book位, 個接線生都幾有禮貌, 我話想坐窗口位, 不過佢話冇得request, 咁都冇辦法啦, 我又問有咩咭有discount,佢話hsbc, 中銀, 恆生, dbs都有85折, 抵呀....去到點知有窗口位比我地, 望下街, 都唔錯 ^,^未夠3點3, 佢叫我地等一陣, 夠鐘就會通知, 真係一到3點3, 就有人叫, 可以開始喇,然後個個就開始出動, 而我就先攞壽司, 不個舊飯仲硬過百佳果d, 超唔得,之後到熱食, 都唔錯, 有燴牛, 燒排骨, 雞翼, 小籠包, 燒賣.....再接就係做牛, 即係食沙律, 有好多款菜, 基本上都ok,我最like都係有雞蛋仔, 仲好好味, 又有即煮粥, 好棉...野飲都有幾款, 而且檸茶檸水仲可以自己整....又有一杯杯雀巢雪糕, 朱古力好味....因為太飽, 冇食到甜品好唔開心, 但突然有人攞"梳付里"比我地,真係忍唔住, 飽都要食少少, 真係好好味呀.....最後坐到5:10先走....今餐好滿足....

這樣價錢的Lunch Buffet 來說十分滿，食物選擇多！。特別要讚的就是refill食物很快，尤其是本人喜歡的三文魚刺身大量供應，一定可滿足大家。其他食物如甜品、熟吃、沙律等味道都不錯。招待方面也十分周到，侍應生收回碗碟都很快手。抵讚！！餐廳環境都很寬闊，用餐檯也算大，比其他洒店餐廳來說是很好了。不過，可能酒店開了一段長時間，餐檯及座椅都感覺有點舊了。整體來説OK!。希望能夠保持水準，一定會再去吃!。

約左舊同事去食下午茶buffet. 見個價錢都OK, 所以去試下.以HKD118 (再加一)來食, 都算幾實惠, 唔算好多熱食, 但樣樣都唔錯.反而想讚一下D甜品, 真係唔錯, 細細杯, 可以試好多唔同既甜品.不過無乜生果揀, 只係得西瓜, 蜜瓜同菠蘿, 而我只可以食西瓜, 因為對蜜瓜菠蘿敏感.會想試下佢地的lunch/dinner buffet.

今日係公司開年飯,簡左呢間酒店食凍盤有沙律啦,壽司啦,魚生啦,無凍海鮮全部都普通熱食都係O個D,無咩特別甜品選擇都唔少,但係無食飲品有熱檸茶啦,果汁啦整體都一般啦,但係以咁既價錢就唔錯既唔記得影相

Good and Nice lunch buffet..........Reasonable price with discount ... ............service is decent but quite noisy that day because the main corner set as tour buffet area . many people

無人寫下午茶食評, 所以食前有些擔心, 但原來都唔錯。裝潢比較古老, 但乾淨舒服。食物雖不是貴野, 但無出現唔refill 情況, 係壽司refill得比較慢之外, 其他都okay。熱盤重有少少轉款, 個廚師有經常巡下, 跟下個場咁, 幾有誠意。食物亦好味,新鮮。冷盤: cold cut, 壽司, 沙津, 三文治熱盤: 燒豬脾, 串燒, 牛柳, 日式雞件,汁燒魚, 中式 點心, 意粉, 炒飯, 即煮粥, 羅宋湯甜品: 各式蛋糕(水準一般), 酥餅, 梳乎里(可惜太甜), 水果, 雞蛋仔, nestle 杯雪糕drink : 茶, 啡, 果汁任飲(不太甜, 好味)　

今日放假同班fd去食君怡!因為親戚介紹所以就去左食我地早到左;>安排左我地坐係有得睇街景ge位置!個主廚仲好nice咁主動話幫我地影相^0^講番野食啦!!!冷盤:3文魚,8爪魚刺身: 0kay,都唔錯!壽司: 舊飯勁大舊囉-_-"中華沙律: 0kay好味;>螺肉: 好甜-v-"熱盤: (因為個人唔係幾鍾意食熱盤,所以只係食左...)煎牛扒: 好好味青口: 麻麻!凍飲: (有橙汁,蘋果汁同埋好似有西柚汁3款):蘋果汁:好好味^_^p.s.都有熱飲提供甜品:蛋糕: 好多種類,而且大部分都好好味;] Good!讚!朱古力火鍋: 冇乜人食-0- 麻麻地...沙律: 都0kay!雀巢雪糕: 有雲尼拿,朱古力,芒果,芝麻,紅豆味番薯糖水: 0kay=]

2010年4月3日 ( 君怡酒店咖啡屋 - 1 ) 趁復活節長假期，把握時機，來次家庭聚餐，亦可趁機跟孩子們互相溝通了解。而用飲食作橋樑，拉近彼此間的距離，那是最好不過了。其實，一提起吃，又有誰不喜歡呢！人生中...親情！友情！或多或少...仍然是要依賴飲食為媒，維繫着彼此間的情緣。聚餐地點：君怡酒店咖啡屋，是朋友推介的。我們於一星期前已經訂了位，這裡的自助晚餐時間為18時30分至21時30分，有3小時的衝刺，非常之足夠了。今天是復活節假期的第二天，我們早到了半小時，仍然得到侍應員熱情的招呼，並安排我們先入座，還可以預先享用飲品呢！現將整個晚上品嚐過的食物，分類作如下介紹。冷盤：☆刺身有三文魚、魚、八爪魚。三文魚不夠肥美，不是挪威三文魚，口感味道只是一般的水準；魚就沒有試過，八爪魚咬落比較韌，鮮味卻不足，還有少許腥氣。海產類有長蟹腳、青口、翡翠螺、海蝦及小龍蝦等等。(1)長腳蟹：是Johnny的自助餐首選，這裡的蟹腳略為纖瘦，色澤頗光鮮，可惜肉味過淡，沒有那海水的鹹味，還感到少許嚡，怪不得不甚搶手。(2)青口：色澤深黑，細細隻，雖然味道鮮美，可惜肉質煙韌，容易黐牙，試了