名館 (已結業)

假期去銅鑼灣唔知食咩好? 這間下午茶超抵, 平均$58一個餐送飲品, 仲可以享受無敵摩天大廈景, 仲有一拂山景。 我4點入去, 俾我慢慢歎到5-6點。海南文昌雞飯$58雞略嫌諧, 雞和飯份量都ok。好味指數:🌟🌟🌟打卡指數:🌟🌟🌟🌟大份指數:🌟🌟🌟🌟性價比:🌟🌟🌟🌟(5🌟為最高分)酸菜爐魚片湯米線$58酸菜湯好味, 魚片好滑, 米線份量都飽。 讚👍好味指數:🌟🌟🌟🌟打卡指數:🌟🌟🌟🌟大份指數:🌟🌟🌟🌟性價比:🌟🌟🌟🌟(5🌟為最高分)熱豆漿超大杯, 好似店自己整, 夠豆味和甜。好味指數:🌟🌟🌟🌟打卡指數:🌟🌟🌟大份指數:🌟🌟🌟🌟性價比:🌟🌟🌟🌟

玄米茶，好濃郁，幾好飲。海南文昌雞，半隻，雞件好瘦削。肉不多，雞之味道普普通通。不太嫩滑。草莓意大利黑醋骨，味道濃郁，不過士多啤梨好酸。四川五菜擔擔麵，味道不錯，但係份量少了一點，唔夠喉🤭🤭大良鮮奶脆網卷，熱辣辣，皮脆卜卜，鮮奶件濃郁好好食

平時晚餐都會去名館食飯，因為質素高、價錢合理。今次唸住黎飲茶🎶見到佢有午市放題 所以食下啦 $148 加埋茶錢加一$173 一位左右真係好抵 （係講緊任食小籠包、蝦餃喎）見到佢地個廚房有8個以上師傅整點心，超新鮮！

位於銅鑼灣希慎廣場14樓佢個景觀本身已經好壯觀，望到成個銅鑼灣鬧市呢間茶樓嘅環境幾骨子，適合同屋企人一齊靜靜飲茶食飯-兩點後入席有下午茶點心放題~$120就可以嘆到多道精緻點心其實真係抵食嘅-我地叫左3 rounds最impressive嘅係佢個「泡椒魚皮絲」非常彈牙爽口，而仲有一陣淡淡嘅麻香味上面撒左啲芝麻同芫茜-佢個蝦餃同鵪鶉蛋燒賣都好好味其實各叫兩籠已經抵翻曬啦！-最後要推薦嘅係個天鵝酥個外相好吸引裡面嘅餡料係紫薯蓉，好香口唯一嘅缺點係食放題嘅時候，食呢啲比較油膩嘅食物就會好快滯左所以如果要精明地利益最大化嘅話，就建議淨係叫一籠天鵝酥啦留胃食其他點心！

難得平日放假，帶着爸爸媽媽同小朋友，一家大細來銅鑼灣飲下午茶，<名館>平日2pm後入座，下午茶放題非常優惠，每人連茶介加一，埋單都衹係$117一位，真係非常抵食，仲要保持到高質既水準，令我真心愛上呢個地方。餐廳環境裝修時尚，座位同枱都好濶落好舒適，唯一吾好既係下午茶優惠時段吾可以訂位，一定要walk in排隊等入座。如果帶住老人家，可能會擔心去到冇枱，不過好彩當日下午茶時段吾算太多人，入座率大約一半左右。另外，由於餐廳服務員不多，加單或下單都要耐心等候。雖然有收茶錢，不過就衹供應玄米茶，沒有其它茶葉的選擇。如果額外付費的就有豆漿，汽水，圓肉杞子茶等等。餐廳點心選擇不少，做得精緻好吃，各方面水準都吾錯，全部即叫即蒸。海南雞米線既雞肉非常嫩滑，蝦餃屬中等size, 蝦肉爽彈，煎叉燒包入面既叉燒切得大大粒，叉燒醬汁惹味好食，腸粉夠嫰滑，小籠包肉汁夠甜，天鵝酥入面係紫薯蓉，脆口好味，最後來的甜品，棋子餅和玫瑰奶皇糕亦不會過甜。就連餐廳既餐具都非常精美，富有現代感，別具一格，大人和小朋友都過了一個非常開心寫意既下午。

Long weekend同老公shopping+覓食，見到這間有點心放題，食90分鐘都係$148 (另收茶錢加一)。我地對望一眼，就「唔該兩位」啦老公點的黑雞腳，佢話好好味水晶餚肉新鮮淮山，略嫌大碟左少少麻醬雞絲粉皮x2 (同老公一人一碟)京川滑餃子x2 (都係encore左)推介：蝦餃。小籠包。流沙奶皇包不推介：玫瑰奶黃糕鵪鶉蛋燒賣 蓮藕餅都ok, 不過沒有一粒粒的蓮藕，有點失望秋葵好新鮮好好味 其實另外仲有點春卷同埋豬肉糭 春卷熱辣辣，好脆好好味，但個糭就唔好點啦 唔係因為太飽，係真係唔好食！坐窗邊高枱，望住個景食，特別開心開胃點心選擇都算多，但老公投訴話冇牛肉食 (我唔食牛的，我無所謂)

困咗屋企成個禮拜又要出去唞唞氣，星期日又去咗希慎廣場樓上嗰間名館食lunch，貪佢地方闊落，枱與枱的距離空間足夠，比較安心，再加埋政府的新防疫措施要求，枱與枱之間的距離要1.5米，客人的數量也比之前少。今次唔係食特價乳鴿，而係食點心放題。點心放題原價$148，而家做優惠減多$30，即每位$118 茶錢加一另計。覺得抵食，於是試吓。點心放題包括點心、涼菜、粉麵和甜品，飲品則可享半價。種類雖然沒有傳統酒樓般多，但都不乏選擇。點心即叫即蒸，熱辣辣已經攞到80分，味道大多不錯，賣相也挺精緻。但有點美中不足的是大良鮮奶脆網卷和玫瑰奶黃糕不能達標。外層炸網又厚又太硬，鮮奶芯不夠軟綿。玫瑰外型吸睛，但奶黃蛋皇醬少兼不流心。份量方面是按照人頭計，二人份量則每碟點心有兩件，三人份量就有三件。這樣的安排可令客人多吃幾款不同的類型。我們兩個人就已經食了11款點心，非常滿足！

上網見到朋友點心都可以食到三層架而且話性價比極高，所以即刻嚟試下！當日點左個宮廷點心拼盤拼盤有天鵝穌，流沙包，布甸,蝦餃，兔仔茶果一共五種外型十分精繳，茶果煙韌有口感，而且唔算太膩，一人食兩個都絕對無問題流沙包即使放耐咗都依然流心，蛋黃味濃郁布甸味道普通較膩，蝦餃亦較普通天鵝穌較油總括而言以呢個價錢食到精緻點心都唔落唔錯~但成個拼盤主要都係甜點，食曬會有d膩但又好似濟濟地不過好彩有米茶消濟，而且曬打卡用

最近日日都在屋企食飯，諗住依家啲人少出街，唔會太多人，所以星期六出去銅鑼灣希慎廣場食吓嘢， 點知銅鑼灣人來人往，和以前沒有太大分別，可能啲人困在家太耐，大家都要出來抖抖氣！名館係我哋都經常幫襯嘅一間食肆，喜歡這裏座位舒適，味道吾錯，而且奉上每位客人的不是清水，而是我喜愛的健康蕎麥茶。一到餐廳門口就見到有個大招牌寫住紅燒乳鴿做特價，由原價$58減至$28一隻，這裏的乳鴿做得唔錯，雖然細隻咗少少，但係幾夠juicy, 來之前已經諗住叫，所以毫不猶豫地就入咗去。疫情下果然客人不多，我們選擇了面對窗戶的卡座，既可欣賞風景又可以無需面對面坐，食得輕鬆又安心。食物上菜速度一如過往的快，乳鴿剛炸起，熱騰騰，皮脆肉嫩。筍尖蝦餃王size 細細粒稱不上心目中的「王」，但勝在皮薄蝦肉新鮮彈牙。太極馬拉糕賣相很得，從手工能見廚師的心思，不太甜，熱食鬆軟，好味！五香牛展五菜陽春麵算大碗，牛展軟硬到位，味道不見太突出，反而是不同顏色的麵條吸引了我的視線，相信是如菜名用五種不同的蔬菜造成的麵條效果。希慎會員以前係呢間餐廳係冇優惠的，依家可能改咗竟然有九折優惠，有啲驚喜！

#24012020早前團年飯，揀左一間中式點心得黎擺設又比較精緻既中菜館食。一入到去坐低，就已經見到隻碗好特別🐟有條魚係入面。而佢提供既茶係麥茶，我個人就對佢個味一般般。［桂花鐵棍淮山］味道清淡，隱約有好香既桂花味。以前菜黎講都ok既。［和麻醬雞絲粉皮］［雲南涼拌貓耳朵］酸酸微微，好開胃。［鎮江水晶餚肉］［雪茄鮮蝦春卷］呢個外型非常有趣既其實係春卷黎。憑呢款點心，都可以認為佢係新派中菜館。［懷舊鵪鶉蛋燒賣］呢間舖頭除左會嘗試一啲新菜式，同時亦會保留懷舊既經典。［香菇帶子煮滑豆腐］［大良鮮奶脆網卷］［草莓意大利黑醋骨］［鐵板厚切叉燒皇］［銀湖天鵝酥］其實即係紫薯酥，不過好可愛😆總結：佢既點心portion比較細，但係做法同味道有別一般傳統茶樓。

原本一心諗住去食嗰個麻雀嘅甜品，點知係Menu搵極都搵唔到，跟住唯有叫咗第二啲嘢食。叫咗個脆皮炸鮮奶，如果佢油嘅味道冇咁重其實佢都幾好食，我叫咗盅鱷魚湯，好清甜好飲。叫咗一碟酸菜魚，出奇地好食，我以為食呢啲菜要北上先食到果隻味，原來唔洗，我係銅鑼灣都食到，我哋仲帶咗水煮牛肉，不過唔記得影相，水煮牛肉裏面嘅材料好豐富好似打邊爐咁，味道就一般啦，冇酸菜魚咁好食，叫咗一籠小籠包，因為裏面啲豬肉餡有加埋蔥包，所以唔啱我口味，我哋仲叫咗個唔知咩上湯魚腐，點知食極都冇魚腐只有魚蛋，我哋問個經理，佢話原來個Menu打錯字，應該係上湯浸魚蛋，但係我哋唔問佢哋都唔講，呢啲事情唔係應該要係落單時通知個客人咩？

相約朋友們茶聚午膳便到訪名館，除了地點便利之外，餐廳座位舒適自在，食物的選擇也有很多鴛鴦流汁叉燒包丶懷舊鵪鶉蛋燒賣、秘製飄香荷葉飯、風味口水雞、太極馬拉糕、陣陣煙吹的雪茄鮮蝦春卷，脆口好味的大良鮮奶脆網卷⋯⋯⋯吃到肚子脹脹的才離開。

今日去開銅鑼灣喺希慎廣場誠品行咗一陣，跟住就同個幾個朋友試吓呢間中菜館。一入到去係集合傳統和現代化嘅中式菜館，裝潢設計別緻，菜單封面設計也很精美。環境非常舒適，高層遠景，寧靜優美。食物方面我哋首先叫咗陳醋珊瑚紅海蜇頭，喱個頭盤好味到不得了～醋嘅鮮味加上新鮮嘅青瓜，非常醒胃😋海蜇頭好爽滑，好吸醋味添😚和麻醬雞絲粉皮，濃度剛好配合新鮮雞絲，粉皮滑嘟嘟，讚👍🏻宮庭點心盤呢個真心推介好似去咗酒店食high tea咁，display 好精緻。當中有流沙奶皇包、鮮蝦餃、草莓及抹茶布丁、紅豆沙脆脆穌等，每個點心充滿少女心，難以抗拒😚日式鰻魚炒飯，粒粒炒得好乾身配合鰻魚醬汁，味道剛好❤大良奶脆網卷，鮮奶味道不是太甜，奶香又滑配合脆炸外皮，咬落去卜卜脆😎今晚蒜銀魚蒸娃娃菜，喱個蒜銀魚泥，味道濃厚，配上娃娃菜，帶出菜嘅鮮味又不會被遮蓋。百里香雪花牛肋排，絕對係誠意之作肉質軟身得尼有𡁻囗，味道好似牛展，但佢肥瘦均勻，拌上醬汁，一絕，我食左3件😎最後喱個蜂蜜柚子脆蝦球又係非常深刻。青檸片放在炸🦐球上，伴着柚子汁一起吃，開胃非常。皮薄肉嫩，又夠厚身😀正到痺💫杯熱騰騰嘅蕎麥茶好好飲，去油膩又暖肚呢⭐埋單每人都係

平時同FRIEND慶祝生日都係去食自助餐或西餐多，今晚因為要同長輩慶祝，所以都想搵間得體D既中菜，聽朋友講希慎有間薄有名氣又幾有特色既中菜館，於是就慕名前來一試。我們一行五人，8點左右到，可能因為係平日所以唔算多人，我們被安排入座餐館主廳門外既圓檯，這裡只有三四張檯，有種自成一角既感覺，十分舒適及寧靜。個餐牌封面以中國風格設計好靚，內裡有好多大大張既食物相片~圖文並茂，十分方便老人家點菜。我們點了陳醋珊瑚紅海蜇頭及和麻醬雞絲粉皮作為頭盤，個雞絲粉皮好足料，花生粒好多好有口感，麻醬味亦好香濃，食完好開胃。而不得不提個紅海蜇頭，上檯時好驚喜，沒有想過碟下面會連著一個放了乾冰既壺，不斷有白色煙霧從壺四周散發出黎，十分唯美有氣氛，同行小朋友見到都好興奮開心，打卡一流。我們另外點了百里香雪花牛肋排、日式鰻魚炒飯及蜂蜜柚子脆蝦球作為主食。雪花牛肋排上檯時已將肉同骨拆開，小朋友同老人家都可以好方便食到，雪花牛既肉質好嫩身，切得亦唔太厚，放落口有種入口即溶既感覺。日式鰻魚炒飯炒得好香但唔會太乾，鰻魚份量多，七十元到呢個價錢真係好抵食。蜂蜜柚子脆蝦球呢個真係不得不讚，個蜂蜜柚子汁有一齊煮開唔係就咁淋上去

1 貴為中餐館連一張可容納12 人的圓枱也沒有2 前枱服務员對本人未能提早通知取消預约，在電話對話中用教訓語調說你唔可以這樣的，预左俾你你唔黎唔該早D打來。有大把人要始