名門私房菜

營業中

休息中

朋友預訂了這家頗有名氣的私房菜，餐廳會預先了解客人的口味，再安排菜餐，份外貼心。馳名爵士湯，主要材料有蜜瓜、響螺、豬腱和雞，聞說是鄧肇堅爵士多年前研發此湯水而得名。蜜瓜的清甜讓人一再回味，湯頭香甜清潤不在話下，連湯渣都非常好吃。薑蔥焗鮮鮑魚，咬下去爽口彈牙，一點也不覺韌，以薑蔥爆炒十分香口，不只鮑魚連蔥段都入味非常，沾滿醬汁，不消一會便清碟。每人一件原件鴨肝蝦多士，一上桌實在讓人驚艷，好大一塊鴨肝鋪在炸蝦球上，排場十足，大家都不禁相機食先。煎封過的鴨肝口感綿滑，配上炸得外脆內軟的蝦多士，伴碟的醬汁帶淡淡紅酒香氣，令菜式味道更有層次。店家招牌菜式秘製陳皮醬轆鴨，看上去和一般炆鴨沒有什麼分別，但吃了一口卻驚為天人，鴨肉軟腍又嫩滑，陳皮帶出香甜的柑橘香氣，醬汁鎖住了鮮美的鴨肉汁，令鴨肉保持濕潤，大推。杞子米水浸桂魚球，桂魚已去骨，魚肉一如所料的滑嫩，啖啖肉的感覺好幸福。豆腐和白菜盡吸魚湯精華，滋味非常。大良炸鮮奶是其中一個我最期待的菜式，外皮做到金黃薄脆，內裡的炸鮮奶鬆軟嫩滑，散發出的淡淡椰絲味和炸鮮奶出奇地配合。生炒臘味糯米飯，一上桌熱辣辣香氣四溢，火侯夠而調味適中，值得一讚是臘腸質素高，

疫情稍為好啲終於可以一家人出去食飯所以揀左間私房菜食呢間專食順德菜有好多功夫菜一嚟就叫左個湯暖下個胃先白菜豬肺湯就飲得多第一次飲加左杏汁嘅加左杏汁令到成碗湯滑左好多飲完感覺上真係好滋潤睇湯渣就知冇揸流攤，足料！之後呢個冷盤夠晒豪係冰鎮鮑魚拼青芥冰燒雞隻雞用手撕嘅方法烹調再加左脆炸芋頭絲同青瓜絲令到成道菜好有層次感然後冰鎮鮑魚配上佢特製微辣嘅醬汁好有鮮味然後到呢道鑲鑽黃金蝦先講用料，佢唔係用蝦滑而係用原隻蝦而且大大隻啖啖食佢用咸蛋黃漿炸再用麥皮鋪面令到成道菜冇咁油膩，抵讚！第一次食柚皮仲諗住一定苦點知原來炆到焾晒再索埋鮑魚汁好特別！鵝掌都係索晒鮑汁，非常入味應該炆左好耐之後到呢味秘製陳皮醬烤骨離遠已經聞到香味佢唔係得肉，而係有一層層嘅肥膏雖然好邪惡但配上甜甜地嘅醬汁忍唔住想食多舊！呢道普通嘅菜心加左啲金華火腿絲調味令到成件事清甜左解一解頭先食咁多嘅油膩感最後食返碗糯米飯，因為佢做到粒粒分明再加臘肉同蝦仁令口感再豐富啲今餐真係大滿足！

今日放工一齊同同事去食慶功飯試左間私房菜裝修雅緻簡潔無食翅叫左個湯羹杏汁炖白肺湯聞到好香杏仁味入口感覺好幼滑有好滋潤嘅感覺冰鎮鮑魚拼燒汁芥辣醬加青芥冰燒雞將兩個前菜合拼左鮑魚幾鮮甜唔太韌冰燒雞即係手撕雞有淡淡芥末味幾醒胃釀鑽黃金蝦睇菜名以為係鹹蛋黃大蝦原來個黃金係指黃金麥片比鹹蛋黃大蝦無咁油膩蝦肉彈牙鮮甜真材實料👍鮑汁柚皮扣鵝掌個個食柚皮我就食鵝掌鵝掌好入味又軟淋順德煎釀鯪魚除左鯪魚球平時好少食鯪魚估唔到可以咁樣食法外皮好香口鯪魚肉鮮味個醬汁應記一功秘製陳皮醬烤骨雖然叫烤骨但輕輕一夾已令骨肉分離入口脂香豐富生炒臘味糯米飯糯米飯炒得乾爽唔黏笠臘味味香軟身好味甜品偏辣嘅蕃薯糖水薑味足蕃薯甜好暖胃多謝Team head萬歲下次希望再有好野食！

婚後好耐無見屋企人所以搵左間岩一家人圍埋一齊食同傾計既私房菜聚一聚比起之前食嘅樓上私房菜呢間嘅裝修乾淨啲同埋舒服啲第一道餸先嚟個湯好重杏仁味但又唔會太杰身因為我最怕杏仁糊嗰種杰撻撻呢碗湯就啱啱好湯渣另上比你食一睇就知足料豬肺夠淋就算啲瘦肉都唔會話超鞋炸芋頭條同青瓜增加左呢道餸嘅脆脆口感夠驚喜！唔使點醬本身都好夠味有啲微微辣鮑魚好爽口完全唔會腥！第一次食用麥皮做炸粉既蝦感覺好似健康咗，哈哈初頭以為係蝦滑咁搓返做球狀點知真係原隻蝦黎十分彈牙！柚皮超級索汁炆到好似蘿蔔牛腩啲蘿蔔咁淋同入味！生菜唔會比啲汁浸到淋晒依舊爽脆睇得出有小心思超惹味既一道餸醬汁平均咁沾滿腩肉但又唔會太重口味腩肉好易一攤涼就變硬可能因為咁餐廳就用瓦鍋上保持菜式嘅熱度同時保持肉嘅軟稔食咗好多醬汁嘅嘢黎返碟上湯菜心清清味蕾😆性價比極高平時食糯米飯最怕一嚿嚿呢度嘅糯米飯粒粒分明但同時保持糯米應有chewy食咗兩碗都唔會覺得太膩😂成餐飯都好滿意服務態度又好菜式新穎唔使成日食嘢都千篇一律十分好👍🏻

一聽到名門 就知道有幾多人認識 有幾經典 相信灣仔返工鐘意食中菜的人 都有食過呢間一個lunch set $138-$158/位 食的是順德私房菜已經包飯 餸 湯 甜品 高質又多選擇 環境清雅座得又舒服員工都係前輩 友善又親切 呢度食嘢要先登記做會員 淨係填一張表格始終係屬於私人場所 名門二人杏福午市精選套餐 $748/2位♥︎杏汁燉白肺湯 2位口感順滑 ,必點 名菜 一件肺 一件肉 2粒白果 ♥︎冰鎮鮑魚 2件大隻洗得乾淨 擦到白雪雪 彈牙 沾汁係豉油wasabi 滋味仔細地看得出的功架♥︎ 精美小菜 - 南乳蓮藕炒爽肉蓮藕 同爽肉 切得厚薄均勻 食落去口感一絕 加上香香嘅南乳味 送飯一流♥︎古法瓦罉豉油雞 （半只）雖然呢個要耐少少時間等待 出嚟嘅效果係想不到嘅嫩滑甜香成個煲上 啖啖肉原汁原味 讚不絕口♥︎上湯菜心金華火腿絲上湯 甜甜的菜 讓我回味的而且份量也不少 ♥︎生磨蛋白杏仁茶足料濃郁 仲有白飯/白粥

早聞順德為魚米之鄉有各種鮮美河鮮加上廚師巧手工藝令順德菜穩佔廣州菜代表一席位今日得到好友邀請試試順德手工菜杏汁炖白肺湯杏香飄然而至味道非常濃郁但又滑不溜口令人留下深刻印象湯料都一同上桌豬肺被清潔得白軟廚師一定用左唔少時間準備冰鎮鮑魚拼青芥冰燒雞每人一隻冰鎮鮑魚爽口入味青芥冰燒雞用上手撕雞手法雞絲混和芋絲青瓜絲薑絲等等口感豐富味道豐富尤其芋絲脆炸後多添脆爽口感若嫌芥末味淡仲可以另加醬汁又是另一種口味👍鑲鑽黃金蝦大大隻虎蝦炸起外層再裹上黃金麥片鹹蛋黃味唔會太突出淡淡襯托虎蝦嘅鮮味蝦肉彈牙實淨相當新鮮!鮑汁柚皮扣鵝掌又一道出名花工夫嘅菜式柚皮本身唔值錢但原來經過層層處理後味道堪比貴價食材是日柚皮厚實口感柔綿入口無苦澀給人一種幸福滋味🥰🥰🥰順德煎釀鯪魚師傅要先將鯪魚肉起肉打膠然後將魚膠釀回完整鯪魚皮中再原條香煎切段上碟魚皮焦脆魚肉鮮香有彈性而且無骨個個食到讚不絕口！秘製陳皮醬烤骨肉質細嫩爽甜飽滿肥美配上酸酸甜甜嘅陳皮醬竟將油膩轉化如無物個個大大件咁食都甘之如飴😂上湯浸菜芯一輪大魚大肉後總要有青菜點綴菜芯嘅爽甜用高湯最能突出秋天最合宜嘅生炒臘味糯米飯糯米飯入味而且唔會成結塊個個都想多添一碗呀！多

第一次食順德私房菜，今晚有幸品嚐高質順德菜，確實有口福！餐廳地方雖不太大，但令人感覺舒適寬敞。餐廳經理招呼周到親切，推介一些特色菜給我們，非一般順德菜可媲美！馳名爵士湯 $688～ 即蜜瓜螺頭燉雞湯，第一次飲蜜瓜湯，淡淡蜜瓜味，風味十分清新，加上份量十足的螺頭及鮮雞，湯頭濃厚，整體口味清淡不油膩！冰鎮鮑魚配燒汁芥辣醬 $98/隻～ 鮑魚鮮甜爽口， 隻隻飽滿肥美，清食已很美味，但配上燒汁芥辣醬，別有一番風味！荔芋香酥鴨 $638～必食之選！這是一道手工功夫菜，ㄧ口咬下能體驗到四種口感同時充滿在嘴裡的滿足感 !! 第一層酥油-酥第二層芋泥-綿第三層鴨肉-嫩第四層鴨皮-香是一道真正考驗大廚們廚藝的料理，真的不要錯過！糯米炒糕蟹 $888～另一招牌菜，一睇賣相，已經口水直流，大大隻糕蟹，加上香蔥蒜蓉一起炒糯米飯，飯底吸收了糕蟹流出嚟嘅精華，鮮香味美，色香味齊晒！必食鍋燒無錫骨 $578～ 以黑毛豬為食材，加入黑醋調味，酥香入骨，甜鹹適中，腴而不肥！麵醬啫啫唐生菜 $148/例～用自家製麵醬炒新鮮唐生菜，特別濃香惹味！油鴨肶拆肉潤香爆葱雞球煲仔飯 $778（4位+半隻雞）～可以食到油鴨肶肉及潤腸

天氣無咁熱，疫情又放緩，屋企人一向鍾意食中餐，終於可以帶長輩們出街食下好嘢！鍾意食中菜嘅一定唔可以錯過名門私房菜。地點方便，一啲唔難搵。裝潢華麗，每檯之間寬敞，方便一家人傾下計。服務方面十分貼心，老人家們都食得好開心。馳名爵士湯 $838/例- 第一次飲用新鮮蜜瓜嘅中湯，好！鮮！甜！湯料方面亦十分豐富，有螺頭、雞同豬肉。- 飲完湯仲有一大碟湯渣食，好滋味！薑蔥焗鮮鮑魚 $498/例- 一上菜已經聞到好香嘅薑蔥。鮑魚煮得剛剛好，肉身鮮嫩，啖啖肉，薑蔥好惹味。下次嚟一定再Encore醬爆黃金蝦多士 $98/件- 久唔久放肆下都唔過份呀。黃金醬多到滿瀉，好滿足！蝦多士炸到金黃色好香脆，蝦肉夠彈牙，整件份量一啲都唔吝啬。膽固醇超標都想自己啪晒一件。杞子米水浸桂魚球 $688/例- 剛剛食完啲少少重口味嘅菜式，呢道杞子米水浸桂魚球可以中和下味雷。魚肉已起骨，啖啖肉。菜底索晒啲米水精華，連豆腐一齊食，頓時覺得好養生。生炒臘味糯米飯 $198/例- 又一手工菜，糯米乾身，炒到粒粒分明。餐廳明顯選用靚嘅臘肉臘腸，油香滲透每一粒飯上。冬天必食！大良炸鮮奶 $138/例- 屋企人唔好甜食都大讚，估佢唔到！

限聚終於稍為放鬆，終於可以帶同家人到訪這家馳名私房菜，一嚐每款經典氣派菜式。先來個馳名爵士湯，單看湯渣已經感受到這爵士湯有夠足料，用蜜瓜燉鮮雞及螺頭，非常鮮甜，粒粒蜜瓜令湯頭倍感清香，湯渣也煲得嫩口入味，十分暖胃。接著是最期待的薑蔥焗鮮鮑魚，芳香惹味，隻隻鮑魚體積不小，份量均一，𠝹開表面加以焗製變得惹味有口感，啖啖煙韌。再來原件鴨肝蝦多士，鴨肝非常厚實，沾上秘制醬汁後啖啖酒香，蝦多士炸得金黃香脆，蝦肉紮實，非常香口醒胃。還有杞子米水浸桂魚球，米水清甜，豆腐相當嫩滑，配上啖啖肉的桂魚球，簡直絕配，每塊魚塊都已經起骨，又不會有腥味，令我放心享用。接著再有秘製陳皮醬轆鴨，陳皮味非常香濃，把鴨肉炆得入味，酸酸甜甜十分醒胃，鴨肉嫩口多肉，令家人讚不絕口。同場加映馳名小吃大良炸鮮奶，外皮金黃香脆，裡面相當嫩滑，啖啖香滑鮮奶，一試愛上。接著還有驚喜生炒臘味糯米飯，要炒得有鑊氣一點郁會簡單，糯米飯粒粒香口惹味，臘味足料有口感，令人一添再添。最後有甜品蛋白杏仁茶，蛋白嫩滑滋潤，杏汁香甜回甘，非常適合正值入秋時份享用，十分完滿。

我覺得秋意起是需要食中菜，所以相約朋友食順德私房菜。我們首先點了個燉湯，原來哈密瓜響螺燉雞湯會有個名堂叫爵士湯，學到野。燉湯非常鮮甜，有瓜的清甜和螺的香甜，再配上雞，十分滋補！接著上菜就是薑蔥焗鮮鮑魚，薑蔥爆得很有獲氣，再焗鮑魚，沾滿香氣，帶岀鮑魚的鮮味，原隻鮑魚吃就是爽！邪惡的醬爆黃金蝦多士，上面堆滿邪惡的咸蛋黃，食每一口蝦多士都沾滿咸蛋香氣配合爽口彈牙的蝦多士，超瘋狂。食中菜要必點魚，這道杞子米水浸桂花魚球，濃郁得米水都變了魚湯，連伴碟的菜和豆腐都吸滿了魚湯很鮮甜，魚球很有咬口，不會過淋。之後就是秘製陳皮醬轆鴨，一吃很有驚喜，鴨肉炆到很淋很入味，面頭的醬汁甜甜的又充滿陳皮的香氣，又保留到鴨肉的香味。而梅菜炒菜心對我來說很新穎，咸咸的梅菜香令普通的炒菜心都變得很惹味香口。差不多飽的程度再吃生炒臘味糯米飯，炒到粒粒分明，臘味香味入哂啲飯到，忍不住吃了三碗！最後甜品吃了大良炸鮮奶，不會過甜，有少許椰絲香配上牛奶味，超滿足。這間私房菜絕對是三五知己聚餐的好地方！

今晚幾位好友相聚，當中朋友極力推薦灣仔「名門私房菜」，地方算合適，朋友都在不同地區過來，大家異口同聲說方便，真係好似做廣告🤣🤣。不過酒樓地方不是很大，注要有二間房、一個大廳，👆🏻記得預早訂位。爵士湯@密瓜、雞、瘦肉、螺頭燉湯稱得上爵士湯，當然有翻咁上下架勢堂🤣，就連當中爵士、名人和富豪都會指定要飲的湯。今日我們都去品味－吓，先看豐富湯料，蜜瓜、雞、瘦肉和螺頭燉製而成👍🏻。店員介這個「爵士湯」最適合在秋冬時節養顏養生飲用，不過飲落又真係好清甜，－點都不肥膩，我們就連煲湯的雞件和螺片都吃光了😋。冰鎮鮑魚配燒汁芥辣醬 $98只日本酒醃製的大大隻冰鎮鮑魚，既消暑又醒胃，以爽滑彈牙的口感，再加上自製酸味嘅燒汁芥辣醬，更能帶出鮑魚鮮味，口感豐富。👍🏻荔芋香酥鴨 $638/隻（預訂）必食之選！正係荔芋已經贏晒😋軟香嫩滑，夾雜香酥炸成的無骨鴨件，不知不覺，－件又一件。😘😘🍻生煎鯪魚餅 $198/例正宗順德小吃，金黃色的鯪魚餅，入口入口軟稔甘香，最適合座酒🍺。糯米飯炒糕蟹 $888/隻（預訂）原隻大糕蟹炒薑、蔥、糯米飯👍🏻👍🏻蟹糕、蟹汁等完全溶化在糯米飯內，加上醃製的薑、蔥，香氣濃郁，糯米飯吸收所有榚蟹

  老同學聚會相約在灣仔[ 名門私房菜] ，這間是有名專做馳名順德家鄉小菜的，我也食過菜式傳统中又是具有創意的，味道也一流！今晚來到幾位 同學已在座飲住啤酒閒話家常大家 談談近況 的，氣氛相當好！我們預訂了的菜式遂一上檯了。爵士湯 聽說從前有一位爵士 很愛點這道湯 ，所以 又名“爵士湯“。很特別！用了蜜瓜來燉螺片豬肉和鷄，第一次飲到很有新鮮感！湯很鮮甜味道濃郁！原來密瓜煲湯是如此美味的！荔芋香酥鴨  / 一隻 / 預定賣相吸引！炸得金黃酥脆！巳起骨外層鬆化，芋泥入囗即溶軟滑而鴨肉細嫩肉味濃！酥脆，軟滑，鮮味口感層次豐富！生煎鯪魚餅 外面香脆剁得肉質幼細爽滑而彈牙！鍋燒無鍋骨 / 预訂未開瓦煲蓋已經聞到肉香，一開蓋不得了！肉汁還在 翻騰着，那陣香氣一冲而上！醬汁味道香濃甜酸度恰到好處顏色也溧亮！肉質淋滑甘香很入味，肥美而不膩口。爽甜香 同麵醬味道很夾！非一般的煲仔飯油肶拆得一絲的肉， 潤腸，蝦米切粒加半隻爆葱鷄球，又是一開蓋香到令人意亂情迷！粒粒飯清爽軟熟吸收了所有食材精華令人忍不住一碗又一碗！(其實已經很飽了)連煲底飯焦都起上來分享！蕃薯糖水～吃了糖水感到非常完美！人人捧著肚子落樓，真

 幾兄弟姊妹假日相約飯聚，疫情放緩難得相聚大家表示要吃精緻和有質素的！中式菜一定首選位於灣仔道這間*名門私房菜 * 大家都喜歡！上回吃過對品質有信心！   先訂座，大家都對食物味道有一定的要求，選擇*名門私房菜*就是想吃他的招牌菜和經典創意菜式。所以預先訂了一些招牌菜和燉湯……我們六時多來到巳見廂房已坐有食客了。這裡有不少名貴菜式和馳名家鄉小菜，也有商務，皇牌，尊貴和經典……等。套餐組合供選擇豐儉由人。餐廳環境舒服雅緻。先出預先訂定的燉湯~蜜瓜響螺燉瘦肉鷄湯 /例滾熱辣！香噴噴的！連湯渣一起上……單看湯渣就知足料！芳香樸鼻！湯汁清純而濃郁火候十足，非常鮮甜清潤！冰鎮鮑魚 配 燒汁日式芥辣~瞄頭十足！ 隻隻大小均一，凉冰冰肉質幼嫩爽滑脆口！很入味淨食口感鮮而清新，再點燒汁芥未醬即時令味覺添上另一鮮濃的層次！大家吃得津津有味！以後這道菜一定要點！98元一隻 絕對超值！荔芋香酥鴨一隻 (預定)還在回味着鮑魚之際……香噴噴的……香酥鴨更令我們興奮不巳！霸氣十足的賣相！即時食指大動！熱辣辣！外層酥酥脆下有軟綿綿的芋蓉又香又滑夾着的鴨，肉質又鮮又嫩！這道可供十人享用的菜給我們幾位吃清光了！實在

今天晚上和一個認識多年，來自順德的客人吃晚飯飯，當然要找香港最正宗的順德小菜介紹給我這位貴賓。在香港要找順德小菜並不容易，如要找順德私房菜更難 。這一家是我同事強烈推介給我的，他說吃了這家之後其他順德小菜也看不上。由於這裡位置並不多，需要提早預約，而且他們建議先預訂菜單方便廚師安排食材。我先點了店舖馳名的杏汁炖白肺湯（$98/位），杏汁味並不是很重，適合就算不喜歡很重杏汁味道的朋友，湯很鮮甜。另外，他們的冰鎮鮑魚（$98/隻）也是不得不試，這是我吃過這麼多家最好吃的，爽口軟熟，真的回味無窮。原件鴨肝蝦多士 （$188/件），中式蝦多士食得多，而西式煮法還是第一次吃到。鴨肝配蝦多士，如果不怕膩絕對值得一試。想令菜式更顯貴氣，這味花膠扣鵝掌（ $268/位）絕對是首選，大大舊花膠，十分軟淋，入口即溶，碗上整碟醬汁用來送飯十分惹味。順德名菜順德污糟雞 （$298/半隻），客人忍不住讚歎令他回想起家鄉的感覺。想清淡一點可以點這味蝦乾魚肚大芥菜煲 （$198），現在是很適合吃芥菜的日子，並不是很多餐廳有芥菜選擇，喜歡吃芥菜一定要選。總括而言，連順德人也讚不絕口，證明今次真是選對餐廳了。這裡地方舒

自從上次朋友約我來灣仔這間名門私房菜吃晚飯後, 一直對這裡的菜式深深不忘, 所以今晚難得聚首一堂, 當然又來吃個痛快。皮蛋酸薑(一客)首先點了一份皮蛋酸薑小食, 大家坐下來先吃點東西, 薑醃得酸甜適中, 吃來爽脆無渣, 皮蛋泛起溏心, 介乎固狀與液狀之間, 它們兩者的結合, 一酸一鹼, 平衡舌頭的酸鹼值, 讓味蕾更敏感更有知覺, 作為前菜當然醒神開胃。脆炸素鵝(一客)腐皮外層炸得香脆, 酥香而不油膩, 沒有油益味。冰鎮鮑魚然而大家也很愛吃鮑魚, 炎炎夏日最好的便是吃一隻冰冷的冰鎮鮑魚, 不但肉質爽滑彈牙, 而且冰涼消暑, 點一些wasabi醬油, 味道更加吸引。荔芋乳鴿酥蜂巢外皮酥脆, 內裏鴿肉軟嫩, 配合香甜的芋蓉, 三個層次感, 口感非常豐富, 配以特製的燒肝XO醬, 惹味萬分。油浸筍殼魚筍殼魚是淡水魚中極品之一, 肉厚鮮嫩, 油浸煮法的肉質較清蒸還要嫩, 魚皮很香脆, 令整條魚都外脆內嫩, 甘香惹味。糯米炒肉蟹糯米飯炒得乾爽, 不會硬得黐牙或軟得黏糯, 有油香而不膩, 肉蟹份量十足, 蟹黃甘香豐腴, 與炒飯的香味互相輝映。爆蔥油肶拆肉膶香煲仔飯拆了肉的油肶與惹味的豬膶味道融為一體