名誠小廚

營業中

休息中

柯士甸同佐敦站中間有一間好多街坊都會幫襯嘅中式小廚，佢有好多小菜選擇，全部都係家常便飯同大家都會鍾意嘅小菜，價錢都相當便宜，最平60幾蚊都有一個晚餐啦，仲包埋湯、飯同飲品添，性價比好高🤗蒜子枝竹豆腐斑腩煲 🥘自細都好鍾意食枝竹豆腐斑腩煲，食完覺得暖笠笠👏皇牌脆皮燒烤雞 🐥 最近成日都見到呢個皇牌燒雞 💯 原來真係名不虛傳㗎😉 賣相已經加晒分，佢係新鮮烤出嚟嘅，雞皮超薄脆，而雞肉就非常嫩滑，真係超好食👍

今晚去咗名誠小廚食晚飯，真心覺得係近期嘅小確幸之一😋 一入座店員好快手，落單之後幾乎冇等好耐就上齊菜，節奏舒服。最吸引我嘅係呢度主打「性價比極高餐廳」，仲有「晚飯小菜$6x 起(包飯湯飲品）」呢個set，喺佐敦呢區真係好少見，學生、上班族或者趕時間嘅旅客都啱晒👍麻辣雞煲上枱嗰刻熱氣騰騰，鍋邊仲聽到咕嚕咕嚕聲🔥 雞件切得大塊有咬口，醃得入味，麻香先到、辣度後勁跟上，唔會死辣，青椒洋蔥同芫茜吸晒汁，配白飯一流。鍋底啲汁越煮越濃，拌飯完全停唔到手，重點係價錢親民，呢個質素呢個份量，超值。啫啫通菜煲都幾驚喜🥬 一揭蓋就聞到鑊氣同蒜香，通菜爽嫩，炒得乾身而唔油，仲有豬肉香提味，食落有層次。熱辣辣上枱嗰種「啫啫」聲，聽到都加分，啱曬夏天開胃。蝦仁炒蛋色澤金黃，蛋滑得嚟有輕微凝結口感，唔係水汪汪嗰種，蝦仁大隻彈牙🦐 清清地但充滿蛋香，同前面兩味重口味形成好好平衡。再配埋餐湯同罐裝汽水，呢餐好圓滿。整體環境係地道茶餐廳feel，乾淨企理，太子哥服務爽快有禮，埋單望住個收據，心諗：又抵又好食，真係名符其實嘅寶藏小店✨ 下次想約朋友再嚟試多幾款小菜，呢度CP值太高，值得回頭！

📍      名誠小廚🌍      佐敦文蔚街25-32號文耀樓地下29號舖📝整體評分：８ ／１０後生果時追求環境上既浪漫，到處打卡華而不實既網紅店，宜家我更加鍾意大街小巷簡單樸實街坊小店，人與人之間既氛圍，主打好味道。後生仔店員同熟客仔有傾有講開玩笑，呢重人情味愈黎愈難得。✿ 蟲草花蒸滑雞 •  用荷葉裹住滑雞、蟲草花、紅棗，薑片去蒸，散發淡淡藥膳風味，雞肉嫩滑多汁，帶微甜，非常滋補養生。✿ 蜜糖薯仔牛柳粒 •  牛柳粒油亮嫩滑，薯仔金黃外脆內軟，醬汁均勻裹覆，色澤誘人。勁鍾意牛柳灶同薯仔粒外層焦糖硬脆口感，不過就稍微甜左少少。✿ 黃金鮮魷•  鮮魷炸皮好薄，黃金酥脆，魷魚彈牙，掛滿粒粒咸蛋黃，香脆爽口帶奶香。

今日去朋友屋企玩， 佢帶左我去佢樓下小廚食晚餐。餐廳食物性價比極高，60-80起就有小菜，跟飯湯同飲品。朋友大推呢到既招牌荷葉蒸雞， 一上台，熱辣辣荷葉香爆晒出嚟，打開後嘩左聲，入面藏咗蟲草花同紅棗！雞肉蒸到嫩滑溜口，吸晒荷葉嘅清香，蟲草花軟糯帶鮮，紅棗甜味滲入雞肉，果然無介紹錯！連埋白飯一齊食，荷葉雞汁撈飯勁香，啖啖都係幸福。跟住XO醬西芹炒鮮魷，西芹爽到「咔咔聲」，鮮魷彈牙～XO醬鹹香帶少少辣，鑊氣勁足，。配埋杯凍冰冰嘅汽水，簡直絕配。最後蜜椒薯仔牛柳粒，薯仔外脆內綿，牛柳香濃有嚼勁。蜜椒醬甜甜地滲晒入薯仔同牛柳，又係撈飯一流！食到尾聲，飲返啖凍飲清清口，成個肚腩都滿足到脹卜卜。呢度餸菜足料又惹味，埋單仲好抵，絕對係會返尋味嘅街坊食堂！下次專登過嚟再試埋其他招牌菜！

坊間很多食肆都有燒雞，但數到必推的，最近就試了一間。一隻皇牌脆皮燒雞分開兩藍送上，未食已經香氣撲鼻，証明是新鮮炸出來的。雞皮勁薄勁脆，雞肉滑到一個點，我們都給滿分！而因為雞本身已經夠味，無需蘸點辣醬，原汁原味已然足矣。反而薯條蘸點了辣醬之後，又是另一番風味。延續以薯仔做配菜，小菜乃蜜椒薯仔牛柳粒。牛柳粒既大顆又量多，一點也不靭。薯仔粒應該有炸過的，炒完之後居然還是脆的，中間的薯肉粉嫩甜美。青椒與洋蔥皆是又香又甜，完全做到適合的配角。招牌燒雞果然名不虛傳。

餐廳鄰近柯士甸站。裝修乾淨，店員友善，感覺地道。似乎好受街坊歡迎，星期日晚一路食一路有客入，全晚滿座。餐牌選擇多，性價比高，抵食又好食，六七十蚊大大碟小菜，送飯送嘢飲。 ✦ 皇牌脆皮燒烤雞火喉控制得宜。上枱熱辣辣，等咗一陣先搣到，食到一半都仲出緊煙。雞大大隻，雞皮薄脆，肉質鮮嫩唔柴、滲出香滑雞油，油脂香濃。 ✦ 小炒皇夠鑊氣，西芹清新爽脆、非常解膩，配搭蝦仁、魷魚、蜆、腰果等，增加味道同口感嘅層次。特別蝦仁鮮嫩爽彈、蜆無沙、仲出到味，魷魚咸香，用心製作。 餐廳仲有脆皮豬手、麻辣雞煲、荷葉蒸雞等招牌，bookmark定下次食。

《港式鑊氣小炒🔥》———————————————#名誠小廚 💓-早排喺佐敦發現一間性價比極高嘅小店，小本家庭性經營，晚飯小菜$60起，包飯、湯、飲品🥤好有鑊氣，即叫即炒，性價比幾高，而且選擇菜式亦不少，價錢實惠，環境大坐得舒適😍-👑 皇牌脆皮燒烤雞必點之選！烤雞火候掌握得啱啱好，雞皮香脆，薄脆不油膩，咬下去香氣瞬間爆發，皮肉完美分離，甜中帶鹹，令整個雞肉更加入味，而雞肉鮮嫩多汁，一啲都唔乾柴🐣-🤍 枝竹豆腐斑腩煲呢個煲仔菜色香味俱全，豆腐滑溜，枝竹吸收咗湯汁嘅精華，口感非常好👍🏻-🦑 XO醬西蘭花炒鮮魷鮮魷炒至啱啱好，保持咗鮮味，西蘭花好脆口，搭配XO醬嘅香辣味，令整道菜更加提味～-🤎 紅糖糍粑份量超大，有成10幾條，一啖咬落去，外層軟糯，配搭香甜嘅紅糖醬完美結合，口感層次分明☺️-🍌抵deal 指數：7/10

呢幾道菜真係幾好食，特別係荷葉大盤蒸滑雞，雞肉鮮嫩，荷葉香味撲鼻，食落去特別有層次感。清炒涼瓜保持住涼瓜本身的脆口，味道清新，唔會太油膩，係夏天食正好。榨菜蒸肉餅味道濃郁，榨菜嘅鹹香同肉餅嘅鮮味配合得幾好，唔會過於膩。而欖菜肉鬆四季豆就更加添咗香脆感，四季豆唔會煮得過爛，咬落去有口感，整體搭配都幾不錯。呢間餐廳環境細緻，但五臟俱全，裝潢簡單卻舒適。食物即叫即整，新鮮熱辣辣，而且份量多，性價比高。讚

今天在佐敦發現一家性價比極高的餐廳，晚飯小菜五六十蚊起，包飯、湯和飲品，好抵食！ 「皇牌脆皮燒烤雞配薯條」絕對是必點之選！烤雞火候掌握得剛剛好，雞皮金黃酥脆，薄脆不油膩，咬下去香氣瞬間爆發，皮肉完美分離，帶點蜜糖燒烤的甜香，而雞肉依然保持鮮嫩多汁，一點都不乾柴。搭配的薯條也毫不馬虎，外脆內軟，撒上少許調味粉，讓人一根接一根停不下來。「野味茄子牛柳煲」也是一絕，牛柳軟嫩入味，茄子吸滿了濃郁的醬汁，煲仔的香氣撲鼻，超級下飯！ 「波蘿生炒骨」酸甜開胃，排骨炸得酥脆，配上新鮮菠蘿的甜味，口感豐富，大人小孩都會喜歡。 最後還點了「大大啖熱狗」，份量十足，麵包鬆軟，熱狗腸 juicy，加上醬料搭配，吃得超開心！特飲是雜果濱治，清涼可口解膩！

尋日同朋友喺佐敦搵食，俾我哋發現咗間CP值超高嘅小菜館！佢哋啲晚飯小菜都係六十幾蚊起跳，已經包埋大大碗白飯、足料老火湯同埋嘢飲，真係抵到震！加$8蚊仲可以揀紅豆冰、鹹檸七呢啲港式特飲，爽呀！見到好多街坊熟客嚟食，仲有唔少後生仔嚟gathering！嗰日啱啱落完雨，天氣有啲涼涼地，所以就叫咗店員推介嘅招牌麻辣雞煲。雞件份量超足，而且隻雞真係好滑溜，就算係雞胸肉都唔會乾柴柴，咬落去仲有雞汁，質素真係高！個麻辣味又夠香夠惹味，嗌咗小辣，辣度啱啱好。另外仲叫咗個節瓜蒸鮮魷，雖然個配搭好簡單，但係個廚師真係好有心思！上面鋪咗滿滿嘅炒香蒜蓉，令到成碟嘢即刻香氣四溢！啲鮮魷又爽口彈牙，配埋清甜嘅節瓜，真係好好味！總括嚟講，呢間小菜館嘅食物質素唔錯，鑊氣十足，用料新鮮，而且價錢非常親民，絕對係佐敦區嘅抵食之選！

脆皮燒雞上桌，雞皮如薄紙，咬下時「喀嚓」作響，皮下油脂早已烤盡，肉質卻不柴，反滲出汁水來。此般功夫，非老手不能為。比好多大酒樓都好食，真心必食推介！黑椒牛柳色澤深沉。黑椒辛香撲鼻。醬汁濃稠適中，裹肉而不滯，配白飯最佳。金銀菜勝瓜蒸鮮魷，清鮮可喜。魷魚片如白玉，彈牙爽口；勝瓜翠綠，金銀菜點綴其間，色相已足動人。蒸時火候恰好，瓜菜猶帶脆生，魷魚鮮味盡釋。60幾蚊就可以有小菜、白飯、湯同飲品，真係性價比之選！

皇牌脆皮燒烤雞燒雞表面燒得非常金黃，金光閃閃的雞皮經已令人食慾大增，即使熱到燙手，亦急不及待要將雞肉撕開放進口中，果然雞皮確實非常透薄香脆皮下脂肪不算很多，雞肉方面十分juicy，撕開時肉汁源源不絕地流出來，雞胸都唔乾，整體都十分嫩滑，調味方面香口惹味，不會過鹹。黃金魷魚鮮魷披上薄薄香口脆漿，再蘸有鹹香金沙，鹹蛋黃好綿綿好香，愈食愈停唔到口，鮮魷大大塊好厚肉，每一面都沾滿鹹蛋黃，好多枱都有叫，果然係冇叫錯。蒜子枝竹豆腐班腩煲這道菜的精髓在於龍躉腩的鮮嫩與豆腐的柔滑 煲仔超熱辣辣 超正 煲底有龍躉既天然鮮甜 豆腐吸收了汁的精華入口即化。

小妹今晚去咗位於佐敦有間做街坊生意既小廚餐廳🍴，性價比幾高，而且選擇菜式亦不少，價錢實惠，環境大坐得舒適😌呢度仲有5大款招牌菜式，點都要點黎食吓🤩分別脆皮燒雞、脆皮燒豬手、荷葉大盤蒸雞、麻辣雞煲、烤魚😆就咁聽都覺得好正🙌沙嗲金菇肥牛炆伊麵🍝用咗香濃沙嗲醬，配上鮮味金菇、嫩滑肥牛及Q彈伊麵，風味獨特，且口感豐富，整體調味不錯👍🏻蜜椒薯仔牛柳粒🥔🐂薯仔🥔粒非常大嚿，每嚿都炸至金黃色，外脆內軟，質感脆身😚非常好味😋 牛柳粒採用牛肉片，肉質厚身，牛肉鮮嫩，配搭好惹味😍荷葉大盤蒸滑雞🐔即叫即蒸，雖然蒸雞會釋出好多油份，但呢間餐廳🍴又唔會😝仲加入蟲草及紅棗，非常滋味～每口都吃到雞肉🍗既嫩滑口感～原汁原味，香味十足😙呢款係其中一款餐廳嘅必食招牌菜😎呢間絕對係食簡單家常飯既餐廳🍴，環境看似簡單，但坐得舒服🙈職員服務態度唔錯，且上菜速度快🐤

今次我去咗一間新開嘅餐廳，性價比極高嘅餐廳，晚飯小菜都係60幾蚊起，仲要包埋嘢飲同湯。聽講佢哋嘅燒雞好出名，於是就迫不及待想試下。燒雞上嚟嘅時候，金黃色，表面嘅皮 crispy 得嚟又唔乾，肉質鮮嫩，咬落去有啲香香嘅醬油味，真係好好味！每一口都係享受，配埋啲白飯，簡直係完美。接住嚟就試咗鹽酥魷魚。魷魚炸得金黃酥脆，外面嘅粉衣薄薄地，唔會遮住魷魚本身嘅鮮味。每一口都可以感受到魷魚嘅彈牙，撒上少少鹽同埋胡椒粉，簡直係令人上癮，仲有啲香葱提味，令人一口接一口，完全停唔到。最後我嘅重頭戲就係薑蔥牛仔骨。牛仔骨炆得剛好，肉質軟滑，入味之餘仲保持住原汁原味。薑同葱嘅香氣令整個菜式提升咗一個層次，咁樣配埋啲白飯，真係一流！每一口都感受到肉質嘅鮮甜，真係食到唔想停。整體嚟講，今次嘅餐廳真係唔錯，無論係燒雞、鹽酥魷魚定係薑蔥牛仔骨，每一道菜都令人驚喜，絕對值得再來！如果你鍾意食好味嘅地道菜，記得去試下啦！餐廳：名誠小廚價錢：$ 320分數：9/10#美食 #hkfoodie #hkfood #food #美食推薦 #美食推介 #香港美食 #hkig #名誠小廚 #香港茶餐廳推薦 #佐敦美食 #柯士甸美食

到柯士甸站工作後在附近覓食，看到小店裝修光猛，坐無虛席，60多元起有小菜，飯和飲品，決定一試，很幸運坐到最後一張桌子皇牌脆皮燒烤雞 $85一上桌香氣撲鼻，撕開雞髀時雞油和肉汁湧出，肉質嫩滑，焦脆雞皮有點像乳鴿的味道，香味濃郁，非常出色蕃茄蛋牛肉 $70點了款家常小菜，熱騰騰冒煙，蕃茄新鮮香甜，牛肉和炒蛋軟嫩，好吃名誠小炒王 $80通常是炒韭菜，這裡炒西芹，同樣充滿鑊氣，炸小魚絲，腰果和蝦仁等非常足料，整碟份量十足性價比高又好吃，難怪全場滿座