影片
以上資料只供參考, 請與餐廳確認詳情
高性價比高嘅街坊茶餐廳，簡單單食餐家常飯 ，但係環境簡單服務唔錯，上菜快。皇牌脆皮燒雞即叫即制，雞皮燒炸得香口金黃脆脆，雞肉嫩滑同時保留肉汁，味道油香，值得一試。京都骨菠蘿同洋蔥炒香，加埋酸甜醬汁煮入豬扒，滋味酸甜肉嫩食落唔油膩，送飯一流。XO醬西蘭花炒鮮尤西蘭花爽脆，鮮尤新鮮爽口，以XO醬蒜炒香份量大碟。香滑奶茶熱奶茶香濃滑口，茶底濃而不澀。性價比高親民街坊茶餐廳，食物質素好同價錢合理的晚飯小菜。
繼續閱讀
好少去柯士甸站附近食嘢 同朋友話帶我去食抵食小炒 入去坐低睇餐牌 見到晚餐性價比好高 晚飯小菜最平60幾蚊已經包埋飯、湯同飲品 而且小菜種類好多 基本上平時食開噏得出嘅都有 見到餐牌中間有幾款招牌菜式 最後點咗呢個 王牌脆皮燒烤雞真的是必點推薦！燒雞半隻咁上枱 見到外皮烤得好靚 而且皮薄多汁 撕開雞髀見到入邊嘅肉汁已經流晒口水 雞皮沒有太多皮下脂肪 食呢一個燒烤雞一定要食埋雞皮！而且醃了調味剛剛好 即使中間雞胸肉部份都不會柴👍🏻⭕️咕嚕斑腩⭕️蒜蓉油麥菜斑腩好大件啖啖肉 加上了酸甜咕嚕汁後還保留到外皮脆炸口感 很不錯油麥菜好大碟 炒得好有鑊氣
繼續閱讀
之前聽朋友話呢間個燒雞勁好食，我心諗有冇咁誇張，點知！食完第一啖，真係😱😳！係勁好食！勁好味！堅！個燒雞$80/半隻， $150就有一隻，佢可以分開兩個兜上，我同朋友一人一邊，無斬嘅，用手扯住嚟食特別滋味呀！😁😁原來佢有手套提供，我仲用咗紙巾😅講返個雞先，佢個皮係超級脆卜卜，一切開嘅時候啲雞肉肉汁多到！！！重點係隻雞非常之滑！就連雞胸都好滑！好好味！雞髀亦都非常之香呀！同埋佢晚餐小菜套餐都好抵食囉！$60起跳就有，仲要包個白飯同飲品！
繼續閱讀
逛佐敦老友話《名廚小城》價錢親民，性價比高餐廳，晚飯小菜$60起（包飯、湯/飲品）晚餐時段坐滿九成街坊食客，餐廳裝修簡單，有街坊熟客自帶海鮮到餐廳加工。我們點左皇牌脆皮烤雞（半隻）：大大隻燒雞皮脆肉嫩多肉汁，金黃色雞皮好香脆好美味💕😍西芹炒鮮魷：鮮魷爽口味鮮甜，西芹嫩綠，大碟抵食配飯&飲品--好立克。豉汁蒸䱽魚：豆豉香濃，魚肉嫩滑，配飯&飲品--好立克。滑蛋牛肉飯：頗多牛肉，牛肉很滑，配飲品--好立克😛
繼續閱讀
上次機緣巧合之下，到了佐敦八文樓這邊吃晚飯，原來這邊都有一堆小店餐廳。今晚和好友來到文蔚街的「名誠小廚」，食小炒小菜，週五晚上來一場男人的浪漫！蒸雞真的很大一盤，非常足料！甫把荷葉翻開，已聞到陣陣香味。雞件配上紅棗、杞子、蟲草花等同蒸，肉質相當入味，帶著淡淡的荷葉清香感。雞腿、雞翼等部分都是滑溜口感，唯雞胸位置就稍為柴口。每次叫小菜都會點一兩款炸物。鮮魷外層沾粉再炸至金黃香脆，炸漿頗為薄身。裡面包裹着彈牙的魷魚，令口感有層次。而鹹香的鹹蛋黃醬更是加分位，令鮮魷更惹味！熱騰騰的煲仔菜！斑腩魚塊肉質細嫩，不過炸粉層就略厚了一些。炸豆腐外脆內軟，加上枝竹，兩者都十分掛汁。配上鹹鹹香香的蠔油醬汁，佐飯一流！人均百元有找的一餐，有小菜、白飯和飲品，整體來講都幾抵食！
繼續閱讀