名家韓國餐廳

營業中

休息中

媽媽困在家中多天，今天買外賣給她開心吓，點了兩份雞肉石窩拌飯，冇跟韓國拌飯醬,比隻烚蛋代替煎蛋,叫兩個飯只比兩款冷菜，而且是我們拌飯內有的材料，波菜及芽菜。好心比D泡菜或其他冷菜。非常失望

天氣晴朗，不如挑一間景靚食肆享受一頓午飯。想起名家，一於三人行嚟食過午飯。侍仔好有心，安排了窗邊，可看美麗的海景。餐牌選擇很多，套餐都有10幾款。疫情下未能去首爾，一於食物搭夠。我們選了石頭鍋飯丶炆牛肋骨及大醬湯午餐，落完order 後便會上韓式前菜，有6種，味道唔錯，完可添加。我們楝了石鍋雞肉拌飯丶炆牛肋骨套餐及牛肉大醬湯。石頭鍋飯上枱已傳來陣陣香味，先把飯和餸及半生熟疍拌勻，之後便可以每啖飯都有餸。由於蔬菜新鮮，加上煎香的雞肉，每啖飯都又香又好味。食到旁邊時，有些飯變成飯焦 ，更是香口。Yummy ！😋😋😋之後上的炆牛肋骨，望落唔錯，牛肋骨好似幾腍。先食一啖牛肋骨，醃得啱啱好，甜甜地好入味。牛肉十分之腍，充滿牛肉香，肉質混和韓式鹵水，充份刺激味蕾，完全好食到唔停得口。一齊炆的白蘿蔔，同樣香甜美味，無得彈。👍🏻👍🏻👍🏻大醬湯是韓國每個家庭都必備的食物，是用韓國大醬（即豆醬）做湯底，加入豆腐丶京蔥丶肉類或海鮮。名家大醬湯是用牛肉，為咗出味，牛肉都略為煑老了，但湯底香濃，豆腐是娟豆腐般滑溜，加埋京蔥及其他配菜，就咁飲又得，加落飯做湯飯亦可。😋以這個價錢，享受韓式美食，絕對超值。👍🏻👍🏻👍

這晚在iSquare看完戲，便來了這裏吃烤肉晚上九時左右到達，沒有太多人。應該是說在街上、在廣場裏，也不是很多人。但今日可是假期，慨嘆經濟變成怎樣了？不敢想像未來的日子，經濟的變化。希望我們眾人消費，能夠挽回一點食肆餐廳在27樓，望出去的夜景，很美，香港真的很美麗，如此繁華的一個都市，能否渡過難關？離題了，說回餐廳。侍應態度十分良好，因為我們是在房間內的。主動為我們加茶，更會為我們細心地把肉剪開，主動收碟。又會細心問冷氣是否過大，為我們調教溫度。服務態度十分良好，令我真的有點驚訝，我心想我好像去了海底撈？？我們叫了套餐A，前菜八小碟，光是看到已經很興奮。味道不過不失，薯仔比較特別，甜甜的，喜歡所有肉類完全冇得輸，那些牛肉完全沒有筋，稍稍咬幾下已經將融化掉餃子也是出色人蔘雞湯內有少許糯米，人蔘味不重但有淡淡的藥材味道結帳二人合共也是500多元絕對可以再來

是日父親節所以食客不少， 入座前職員要求我們90分鐘後交枱，所以沒浪費太多時間看餐牌便向一位韓國職員下單，點了一個二人套餐。下單不久便送上餐前小食，但隨後等了25分鐘才上生肉和生菜（其實小食也差不多吃完🥱）。職員上菜後並沒有隨即幫我們開火，再等數分鐘我們向另一職員詢問時，才幫我們開😔。另外，上菜時職員掉了一片生菜，當然沒有道歉及清走那片生菜🙄。我們問是否可以添加生菜，職員說需要另點。於是我們要求加回一片，生菜重新上台時好像比原先的份量還要少😔。在離座時間20分鐘前，套餐內的湯才上台，但這不是我們點的辣豆腐湯，而是人蔘雞湯，實在不喜歡這湯。我們立即查問職員，他回答可能是幫我們下單的韓國職員入錯單，現在因已上了枱，不能更改。我們當下目瞪口呆，果然甚麼原因甚麼答案也有。跟據我出外用膳的經驗，下錯單時會發生，但出錯菜又不願更換的真是頭一次😤。我對餐廳服務質素的期望從來不高，亦從來不是我選餐廳的因素。另外食品味道平平😕，價格亦沒比其他便宜，相信比這間好的大有選擇。離開餐廳時仍見到約十多位在等位，真想向他們介紹附近其他餐廳。P.S. 可能是父親節的關係，房後那枱疑似有數名小朋友，我們是在地板震動和

六人小聚會星期五又冇限時間，搵到這間韓燒！記得幾年前來過這裡一次，印象中還可以價錢中上，相隔幾年再來，這裡比以前更旺場，不過服務生人手不足，替他們辛苦！韓燒來來去去也是那幾種，我們這次叫了一個套餐已經包括有牛、海鮮、另外再加海鮮薄餅、生牛肉、人參雞湯、石頭鍋飯、豬手⋯味道方面唔算太特色一般韓國餐廳都係咁上下！不過冇限時間所以可以慢慢食！

2020年5月21日一諗起想食韓國菜，第一時間一定諗起＂名家명가＂呢間韓國餐廳，提供正宗丶優質食材，吸引不少韓國人光顧。名家명가韓國餐廳有三間分店，首間分店位於銅鑼灣世貿中心，第二間分店位於尖沙咀國際廣場27樓，第三間分店位於太古城。尖沙咀分店唔經唔覺已經開左好多年，在二零零九年開幕，如果坐窗邊位，可以望到維港景色，居高臨下，一邊食一邊欣賞風景。今次被安排坐喺最入面嘅房，房𥚃面都有落地大玻璃，可以欣賞到繁華夜景。見到餐牌有好多款套餐選擇，不過都係鍾意散叫多d，點左好多款牛肉丶豬肉丶泡菜餅⋯⋯d牛肉全部都好靚丶有質素，而且店員仲會幫手燒，雖然佢地好忙，但係都好細心咁為我地服務。呢度抽風系統唔錯，食左成晚個身都冇成陣燒烤味。店員個個都好有禮貌丶服務周到。有部份店員係韓國人，彷如置身韓國一樣。呢間韓國餐廳每一次食都保持到水準。

女朋友想食韓燒 ，又想坐得舒服，咁就黎左「名家」la上到去，都ok多客，係門口得陣就入得，去可惜坐唔到窗邊位，但都睇到維港景色睇openrice話>>侍應會幫你燒......優質服務........只需專心看著夜景等吃我只可以講吾好諗咁多，完全吾夠staff除咗想前菜同主菜，係吾會叫停到D staff叫左十幾次，等左20多分鐘之有人加水，你懂的吾係佢D staff問題，D員工已好勤力，管理層應該反省嗎?咁嘅價錢兩個人仲要冇服務，只可以講冇下次

幾個朋友想食韓燒 ，又想坐得舒服，簡左ISQUARE 樓上27樓食飯，位置夠大之餘，服務員質素都唔錯，未食呢間所以請教有咩好食，服務員亦有提問想要海鮮還是喜愛吃肉，我地兩樣都想試，所以簡左set b，套餐不錯喔😊肉到黎亦有服務員幫忙剪開一小塊方便燒肉，喜愛韓燒的我當然因為韓國菜每次都會有前菜小吃提供，而且每次想再要泡菜或其他前菜可以無限吃佢地既泡菜亦都好好吃，食得出係自家製的新鮮泡菜👍所以唔會太酸，所以我地叫左好多次😍

喺中環返工 食晏冇咩選擇 成日都會行去上環嗰邊 有時候搭去尖沙咀 近近地都會去K11 貪佢喺地鐵🚇站一上商場就得 就算落雨都唔怕 夠晒方便！👍同事推介食名家 午市套餐有成15款🤩多到選擇困難 又想食牛肋骨又想食水冷麵 一於食combo煎牛肋骨 🥩鐵板上熱辣辣♨️牛肋骨經過少少醃製 有少少果味 但唔會太甜蓋過牛肉味 牛肋骨唔會太肥 好嫩 經過斜紋切 好容易就咬得開 一啲都唔un 仲有好多塊 分量夠晒🤟水冷麵揀咗辣味🌶有雪梨牛展雞蛋 辣醬偏辣 要不停飲水 下次都係揀返清湯 先食到冷麵嘅清新🤤

聽聞「名家」已久，行開尖沙咀的iSquare，特來幫襯。雖然今天是Boxing Day，還有很多吉枱。一入門口已見幾件高級瓷器擺設，轉彎便看見美麗的維港景色，星光燦爛。餐牌有韓燒套餐，也有很多種類的韓食，如石煱伴飯丶冷麵丶煎餅...等。我們揀了韓燒套餐A，是2人份量（$570-），這個套餐有美國牛肋骨丶霜降牛肉丶無骨雞肉丶生菜丶香煎䐁肉餃子丶人參雞湯或辣豆腐海鮮湯，很豐富。點完菜，即上8碟前菜，有些是較少有的，如黑豆。它的前菜好味，絕非普通貨色，我尤其喜歡它的薯仔，似用牛骨炆，又腍又好味。👍🏻👍🏻👍🏻上完前菜，牛肋骨丶牛肉和鷄肉隨即上枱。店員會主動將牛骨剪開一片片，方便燒。先試牛肋骨，Wow, 它醃得啱啱好，用韓式醬料加雪梨汁，整件牛肋骨甜甜地，充滿牛肉香，十分之好味！😋😋😋 就咁食又得，用生菜包著食又是另一番味道。跟著燒霜降牛肉，看見平均分佈的油脂，真的如降雪一樣，看見已口水流。燒好放入口一刻，牛肉嫩滑到完全融化了，充滿牛肉及牛脂的香氣，絕對好吃。👍🏻👍🏻👍🏻鷄肉也好味，牌子是SPure，沒有抗生素，好味又健康。豬肉餃的餡是豬肉加粉絲及蔬菜，皮薄香脆，食落口感豐富，健康又美味。😋😋😋

一向對韓燒感覺麻麻，記憶中都係自己要落手落腳燒啲嘢食，但往往唔係好識控制，跟住燒到個燒烤網黑晒，而且通常係唔會有人幫你換，之後每燒下一件食物都整到黑蚊蚊。但呢間餐廳可以做到全晚有專人幫你燒，你可以完全坐響度等食，所以每次想食韓國菜都會想到名家。餐牌有好多唔同選擇嘅set，我通常兩個人嚟，所以偏向揀set，可以試多啲嘢。佢哋個美國牛肋骨一定要試，韓式醃料完全入晒條牛肋骨裏面，一食就知心機嘢，而且每款set都有包呢味菜，叫set就唔洗麻煩。

黎到尖沙咀........高處的韓國餐廳.........環境好美喔...！另一邊是望維景的......成層只得這一間餐廳.............看到menu就已經好餓了......每款都很吸引................随便點了個套餐.....加個拌飯........前菜一堆.....都不知先吃那款.......質素很高.....肉質嫩...而且味道濃......侍應會幫你燒......優質服務........我只需專心看著夜景等吃.....哈哈....大讚！

同事揀左過黎呢邊食lunch呢邊dinner比較貴枱 而lunchset就100左右 性格比會高啲😆😆😆我揀左bibimbap 都係正常～新鮮熱辣就幾好食 仲有飯焦添而配菜亦好好味 未食飯已經清左好多😆黑豆係甜既🥰🥰😋😋😋 同事仲話黑豆係對身體有益另外同事叫左牛里jek 肉好lum身好好味！推介！！👍🏽👍🏽👍🏽而最後仲有ice cream mochi 以為係普通味 一咬落去 係 榴！槤！味！完美既一餐☺️☺️

今日同女朋友係尖沙咀行街行到攰，佢話想食韓國菜，咁我就第一時間就諗起iSquare嘅名家。好好彩上到去冇乜Booking，咁啱有張窗口位既抬安排左我哋坐果度。我哋都唔係好肚餓，所以點左兩樣嘢就夠：1）石鍋八爪魚雜錦拌飯依個石頭鍋飯配八爪魚幾好味，上菜時醬料已經落咗唔使自己加。如果唔夠味可以問職員攞多d醬料。跟餐個紫菜湯就不過不失。2）牛尾骨湯配飯牛尾骨湯會跟一個白飯。一碗湯有四舊牛尾骨。我同女友啱啱好一人一舊。鍾意湯撈飯嘅朋友仔都可以試吓。不過有兩舊啲肉略嫌有啲韌，有啲肉黐住舊骨食唔到。同其他韓國餐廳一樣會跟前菜小食。名家俾足八碟，分別有黑豆，菠菜，沙律，蘿蔔，芽菜，青瓜，薯仔同埋泡菜。我地refill左其中三碟。食到飽飽😋窗邊座位可以睇到半個維港嘅景色：二人安排座四人枱，非常寬敞。枱中間有燒爐。如果客人選擇不烤肉，職員便會為你，蓋上非常細心。

平時lunch間中都會尼嘅一間餐廳，lunch 時段有lunch set，比起晚餐時段平好多！加上在isquare又方便，又近地鐵，餐廳環境又夠闊落，窗邊卡位仲有風景添，lunch 真係好值得尼食！餐具兩位會有6碟前菜，我就最鍾意食薯仔，泡菜，同菠菜，仲有碟魚餅都好味，但唔係時時有，唔夠嘅最多可添兩碟我平時食開lunch set 4號餐，辣牛肉粉絲湯，好好味，但唔知點解，近呢兩次去都話無，好失望。唯有點其他set。今次就點左燘牛肋骨拼辣豆腐湯，牛肋骨夠淋夠入味，豆腐湯辣辣地但偏咸。始於都係以前個辣牛肉粉絲湯好味，希望快d有返啦。