名代宇奈備長炭燒鰻魚飯專門店 (iSQUARE國際廣場) (已結業)

在他們開幕時，每日的人龍長又長。然而熱潮退卻，今天再訪。從前落單要等二十或三十分鐘才有得吃。今天等了一會，很快便送上鳗魚飯了。鰻魚重（特上）$158鰻魚鋪滿飯面，而且肉厚肥美。鰻魚表面微微的焦，帶一點厚度。鰻汁味濃甜香，鰻魚脂香豐腴，沒有細骨。鰻魚焼得剛好，口感爽身，而帶一些嚼感，加上山椒粉更為香口減膩，再夾一口鰻汁飯，好幸福呀！美中不足的是，鰻魚飯的溫度只是暖而不是熱，否則味道更佳。以$158不用加一而言，有這水準，是幾抵食的。朋友點的鰻魚重（特大）$258嘩啦！她點的鰻魚飯有成條鰻魚！鰻魚超大條，而且超過飯面！這鰻魚的質量和特上鰻魚飯一樣的棒，份量之大，足兩人份量，或許大胃口的男生可以KO吧。整體而言，仍屬不錯，希望下次再訪的時候，鰻魚飯是熱而不是暖。

Woo...真係好正!今晚和老公來這家專門吃鰻魚得餐廳吃飯，點了鰻魚重特大 和 鰻魚玉子燒，非常抵食!特大鰻魚一條連飯先$258，肉厚，大大隻，約30cm長，魚皮膠原，好juicy可惜燒得太over，魚皮有些焦，建議慢慢燒，唔好急!鰻魚玉子燒完全唔抵食，好細份。其實兩個人吃一份特大鰻魚飯已好飽!

日本鰻魚飯喺香港開分店，當然要來朝聖下喺晝就時段大約等左一個鐘就可以入座其實裏面嘅人唔多，因為兩人都分配坐四人坐，唔會有逼夾嘅感覺，亦都唔需要同唔識嘅一齊搭枱。難得等左成個鐘，梗係要叫個特大嘅鰻魚飯，食個飽！268蚊，有咁大嘅鰻魚，大過手掌，所以都唔算貴賣相都好吸引在用具提供方面，店員只主動提供筷子，要另外提出先會俾匙羹，其他枱嘅食客，見到原來有匙羹都陸續叫侍應提供，可見真係吾夠貼心！講返食物質素...鰻魚吾熱，只係暖暖地，又太多骨最基本既飯都硬，真係極之失望😞名過於實

一直掛住大阪食過嘅鰻魚飯， 見到呢間過江龍鰻魚飯專門店， 諗住搏一搏啦。 星期六晚8點幾去到，大把位，餐廳環境比想像中低檔，加上waiter 態度較茶餐廳level (友善嘅）... 已經心中暗叫不妙。跟食評點左兩份最多星嘅雙重鰻魚飯 (waiter 話會較少骨）， 每日限量嘅鰻魚omelette, 鰻魚肝湯。 鰻魚omelette 先上。蛋、蔥、芽菜、醬味道不錯，不過夾住嘅鰻魚味道唔特別。鰻魚肝湯味道清甜，魚肝咬落有小小煙韌，唔算好腥，好特別嘅體驗... 份量似平時定食嘅湯。雙重鰻魚飯賣相吸引，魚肉厚身但唔嫩滑，鰻魚味亦唔算濃，骨幼 & 脆，小心d 就可以咬得碎。 鰻魚汁份量足夠，但味道可以再濃d. 喺香港黎講，呢間價錢，食物品質算不錯。 但想食好味嘅鰻魚飯都係留番去日本食喇...

朋友帶食鰻魚飯，本身麻麻地，最驚食到魚皮。不過聽見本店係日本，點都試下啦。雖然lunch time, 舖頭都唔係太多客，完全唔使等位。見到menu有個鰻魚三食，講緊都係88蚊。之前去旅行已經好想試，即刻叫左個試試。個waitress 好細心，放低飯既時候仲問我地識唔識點食。先試加湯食，暖暖地都幾好味。跟住加左小小wasabi，竟然有驚喜！個味出奇地夾，仲無咁油。最後食返原味，始終都係最好味。話咁快就成碗食曬。

睇戲前既晚餐諗住近近地o係番ISQUARE入面食啦...其實一路都想試呢間過江龍好耐，但一路都驚要排好耐，所以等熱潮過o左少少先黎潮聖啦大約7點到完全唔需要等位，不過佢入面坐得好迫下，佢多數係兩pair人share一張四人檯，所以隔離講咩都聽得一清二楚，咁岩我o地果日隔離檯就坐o左兩個中國大媽，真心好噪黎得鰻魚飯專門店，梗係整番個鰻魚飯先啦...我同朋友驚一人一個鰻魚飯太漏，所以叫o左個鰻魚重  特上share佢個鰻魚飯係好食既，但係上之前店員特登走過黎同我o地講會比近魚腩既部分比我o地而唔係魚尾但其實我都唔知本身呢個飯係比魚腩定魚尾我o地？本人覺得鰻魚燒玉子比鰻魚蒸蛋更好味，因為煎既蛋個蛋味更出同更香其實最驚喜既係個饅魚肝湯，佢雖然好清，但又唔會話腥同無味，反而好清甜反而個冷豆腐無咩味，仲要個質感都唔似豆腐，感覺好奇怪，唔建議叫!!!整體黎講唔洗排隊既話絕對值得一試，不過環境就絕對唔適合談心慢慢食啦!

今日同好姐妹聚舊, 即興決定去ISQUARE 搵野食,大家都係鰻魚愛好者, 就決定試呢間久仰大名既餐廳.之前真係多人排隊到放棄左...大概12點半到, 排隊既人未算多, 我地等左5分鐘左右就入席女生以少食多餐為法則既情況下, 我地叫既野都打算SHARE食.分別叫左 鰻魚重。特大 @ $258個鰻魚飯係等得特別耐, 如果熱辣辣送到會更好.個汁比較少 較為乾身, 鰻魚同飯個量都好足夠2個人SHARE食!同埋 鰻魚燒玉子 @ $68蛋煮得好Juicy, 但係鰻魚味略微不突出.勝在環境舒服, 侍應都好留意在場既人士呼喚.提提大家, 係無 +10% 服務費架~

剛去完日本旅行，懷念鰻魚飯的味，便到此一遊，試一試。我去到該店，首先門口有牌指示排隊位置，但當時無人排，而又無店員指示，見店內足滿住「吉」枱，於是找店員查詢才得知會有店員安排，我還以為是自助。👎🏿我叫咗個特上鰻魚飯，首先當時店員告知我鰻魚飯但「無尾」🤔? 我無所謂照試，鰻魚燒得不錯👍🏿，但鰻魚汁未能浸入飯中👎🏿。結賬時，我見隔離枱食客出去埋，我以為係出去埋，一埋到，個店員好無禮貌態度極差大聲咁講「唔該坐返埋位，頭先果枱咁埋係因為佢哋係大陸人」。我當下係呆咗，首先係佢態度，其次佢句「大陸人」。講真，無第二次，由入店鋪到埋單，我相信果班極其量只係可以叫「傳菜員 」，無安排，無禮貌，仲可能有種族歧視👎🏿

知道呢間店自開張以來就排長龍，今日就來試試，7點鐘去到不用等位，同之前剛開張既盛況相差很遠。門口可以透過玻璃窗睇到師傅在燒鰻魚，真是用炭燒的，看起來已經很不錯。兩個人，叫了一個鰻魚飯一個玉子燒。鰻魚重特上 $158根據餐牌圖中應該兩塊魚腩一塊魚尾，當日店員就話沒有魚尾，所以是三塊魚腩，不過都唔緊要，我想魚腩會好味D掛? 白飯可以免費加量。鰻魚聞落已經好香，亦都好香炭味，都幾厚身食落都好有口感，唔會太乾食落仍然有d juciy，而魚腩邊好有口感，不過就係鰻魚汁唔夠味同埋有D太甜。鰻魚燒玉子 $68餐牌寫住限量不過7pm仍然有得賣，送到上枱仍然係熱辣辣的，入面舊鰻魚都唔細舊，冇骨，蛋好香蛋味亦好軟熟，推薦

尖沙咀isquare多咗間過江龍鰻魚飯，之前去東京大阪旅行食過的，日本有唔少分店，出咗名又平又好味， 好開心香港有分店一定要試。夜少少九點鐘入去，冇咁多人唔使點等， 裝修簡潔行日式風格，坐得舒服，門口玻璃廚窗內有師傅即燒鰻魚，更見吸引。至於價錢方面，雖然比起日本貴咗大約一倍但係相對香港一般鰻魚飯嚟講價錢都算合理。 我哋每人叫咗一個普通SIZE 鰻魚飯， 上枱時仲熱辣辣， 個樣似即燒，鰻魚肉質嫩滑而且都幾厚肉，啲鰻魚汁調得好好味， 佩上日本米飯， 真係回味無窮，可能太肚餓關係，食完有啲意猶未盡的感覺，下次可挑戰大份量。

過江龍日本鰻魚飯星期五weekend 7:15 排隊15分鐘後就入到旁邊都有些吉枱有少少做長龍的感覺🍚鰻魚飯三食（$88）即係原味、茶漬、用芥末調味份量比較少 女仔都未必夠飽鰻魚鮮甜 肥美又多汁外皮少少脆同焦用芥末調味唔太適合茶漬會有陣陣淡淡柚子味甜甜地配埋油膩的飯會有種中和的感覺個人喜歡原味多些🌮鰻魚燒（$58）原來係鰻魚奄列一片薄薄蛋餅卷住鰻魚份量很少價錢偏貴唔推薦試這個🥚鰻魚蛋卷（$68）中間都有少少流心玉子熟的程度剛剛好甜甜玉子配埋多汁的鰻魚但鰻魚很容易係中間跌出來

話說泥之前已經知評價好壞參半，而且我曾經食過即劏即燒既鰻魚飯，好味到癲，所以平常心泥試試。門口隔住塊玻璃可以睇到鰻魚真係用炭爐燒餐牌冇咩選擇，就係鰻魚、鰻魚、同埋鰻魚😂等左20分鐘，終於有得食鰻魚厚身，味道唔太咸太甜，但肉身實左少少，唔硬既，嫩d會好味d。飯方面太濕太爛，唔夠Q同唔夠汁。最後送上其餘兩頁餐牌俾你地參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

今日同一堆朋友黎食饅魚飯，聽講日本好出名～～～～點知大失所望，資素唔得之餘，店員既態度都好差!!!!!!!!!!!!!我地一行4個人，點咗3個飯，店員幫我地落咗2個。後尾等咗30分鐘見到2個飯已經心知不妙。店員話幫我補返張單都要等30分鐘。嬲！！！！！！舊饅魚有炭燒味，但個飯既份量超少，超多骨！！！！！！！！！！！！！一個女仔都未必食得飽：（

聽講由日本開到香港.........之前見到有好多人排隊.................現在竟然不用排隊就有位了........坐了埋邊的梳化位.....射燈太光了....不應射著客人吧.....！所以都是鰻魚鰻魚......沒有別的食品......不過玉子燒都賣完了...........點了一個雙層.....魚質挺厚的.......即燒......再選了簡單的鰻魚丼..........鰻魚味道不錯...這個比鰻魚飯好吃呢........鰻平燒....整體不及日本呢.....但質素也算中上.....

又有日本過江龍餐廳嚟香港，作為鰻魚fans，一定要試下睇吓同日本嘅有冇分別。去到門口都有條小人龍，大概十零二十人左右，但都排左50分鐘。店員帶位時，無氣力咁講左句「二一三孖四」；想食茶碗蒸同埋鰻魚玉子燒，但唔好彩地賣哂，唯有嗌左份鰻平燒食住先。上枱時真係嚇突我地四人雙眼，你無睇錯，份鰻平燒係細過我地咁多個人隻手。撇除食物大小，味道都唔算太差，但除左中間有鰻魚肉之外，側邊係無餡料的😅，而且係薄薄一塊煎蛋餅...溫玉鰻魚丼— 幾好食，鰻魚都算肥美有汁，但佢無改錯名，整碗飯係微溫的。一上枱已經唔熱，但明明望住店員從冒煙嘅電飯煲不啲飯出嚟😨真係匪疑所思🤨鰻魚重 特上— 呢個比起對上個碗少左蔥花同埋蛋，但會多啲飯，鰻魚都會多兩塊。鰻魚厚肉，但燒到皮肉分離；另外，飯都係唔熱的，真係食到有啲頹，比$158食一碗唔熱嘅飯😅最後想提及嘅係上餐速度。其實我地眼見餐廳有明顯分工，一位店員負責燒鰻魚，另一位店員負責不飯，理應上餐速度係好快的。但係我地四個人，分別嗌左四個飯，每一個飯都係相隔20分鐘先上枱，變相係一個食完，再望住第個食，如此類推。個人應為呢個程序係好唔應該喺一間餐廳出現的。總括嚟講，雖然呢間餐廳