同仁四季音樂主題餐廳 (已結業)

又一過江龍係荃灣落腳，進駐中染新城。呢間係有現場歌手駐場唱Live 同食的火鍋店，主打椰子雞煲，深圳廣洲都有分店，所以第一時間book位去試下，剛剛好可以同朋友順度慶生添。26晚 20:00 到達係門口已經聽到悅耳嘅流行歌，因為朋友兩人已到達佢地坐抵左先。我同老公就拍車後差不多時間到達。現場門口企滿人好熱鬧，兩傍放滿祝新店開張嘅花牌。裝修都好落本，好華麗而且覺得老闆係一個有品味識飲識食又識享受的人！ 因為店內樓底高枱亦較寬闊令人感覺舒服，不過因為現場演唱加多人變得有點嘈，想傾計時就變得要點難度，真係辛苦的伙計但係反而伙計好細心同習慣左呢種模式 勁呀舞台係店中間，全場都可聽到，歌手水準高。原味椰子雞鍋~~ 他們選用文昌雞(一份) $328四個人食剛好，椰子湯滾起後落雞，之後關爐用原始的漏斗計時，當漏斗嘅沙注滿另一邊，就可以食過剛熟鮮嫩無比的嘅雞肉，還帶著一陣椰香味嘅清雞湯清甜無比，原汁原味不用添加其他！非一般調味用上薑粒，青檸同辣椒加入醬油，真係幾特別清香好和諧。頂級安格斯肥牛 $198雪花紋理均勻，份量亦算多，只需灼十零秒剛熟好軟滑，但牛味唔太濃，下次試手切先！極品生拆蟹皇丸 $1

平時喺深圳食開呢間同集團嘅椰子🐔見到香港開分店，梗係即刻試下喇！估到會多人等位，好彩打電話訂咗枱，有人臨場想攞位都無位畀佢有雜誌介紹喔有Live band唱歌又唱得幾好喎係深圳就飲新鮮椰青水，香港無椰青水，唯有飲綠茶，又幾好飲喎😳同深圳食嘅一樣有新鮮沙薑同埋青檸，撈落去豉油度，一流香港嘅🐔係用文昌🐔水滾熄火浸8分鐘就食得枱面有圖教點整個湯超清甜，正結論：🐔滑湯甜又夠香但價錢比深圳貴，香港一餐等於國內兩餐

今晚約咗朋友食晚飯慶祝生日，去咗新開既同仁四季食火鍋，門口超多花牌入到餐廳，裝飾好靚丫，啲座位好闊落，坐得好舒服，中間有台有Live Band，時間分2輪，分別係7-7:45pm&8-8:45pm，其他時間都會播歌，我地7:30到唱緊林奕匡既高山低谷丫唱既歌都好出名，而且singer把聲好得丫生態原味椰子雞鍋一份 $328 必叫四個人食一隻雞份量啱啱好，隻雞唔算大，不過超新鮮肉質嫩滑，加上加咗椰子，有小小甜味又唔會過濃，一路食完全停唔到口，飲一啖湯底，超甜超好味，好濃郁嘅椰子香，雞肉冇特別調味味道較淡，所以餐廳提供左有3款配料:辣椒、青檸、沙疆，加埋豉油做醬汁，將煮熟既雞點依個醬，無得輸漏斗計時，啲沙落曬下面就食得職員會先隔油，之後就可以慢慢品嚐，食完再落其他配料四杯特飲: 荔枝 柚子 芒果，味道啱啱好，唔會太甜又夠味，裏面仲有好多粒爆珠，賣相亦唔錯田園拼盤 $68抵食之選好多菜夠4個人食，仲有糯米粟，不過建議南瓜最後先落，如果唔係變咗南瓜湯底就太甜喇頂級手切安格斯肥牛 (小) $198 雖然價錢貴小小，不過都值得一食雪花分佈平均，入口超嫩滑，不過牛味唔重，點小小醬油食就更好味極

在云云的火鍋當中，以椰子雞鍋最為滋潤清甜。火鍋店的湯底用上全天然、無添加的椰青和椰皇。原汁原味，味道清甜，充滿椰香，完全感受到甚麼是 「Less is More 」。滋潤又清甜的湯底，在冬天乾燥的季節，就最適合不過了，既可滋潤喉嚨，又可潤澤肌膚，除了是女仕們至愛，老中青及小朋友也很合適。火鍋店另一賣點，是有現場 Live Band 演奏和獻唱，當晚歌曲由八十年代張國榮的「追」，到二千年林奕匡的「高山低谷」都聽得到。一面吃火鍋，一面聽歌，氣氛熱閙。若是遇著朋友生日，更可點唱生日歌呢！******************************玄米綠茶/醬料（@$20）芳香的玄米綠茶，散發著淡淡的綠茶香氣和玄米的濃香。醬料可加入辣椒、沙薑粉、青檸和豉油。生態原味椰子雞鍋半份（$188）👍👍👍👍👍湯底用了純天然的椰青和椰皇水調成，並放入新鮮椰青和椰皇肉，真材實料，味道清甜滋味，散發陣陣芳香的椰味。雞隻是用了「放養」加「籠養」的飼養方式的清遠雞。雞皮脂肪少，肉味濃，肉質細嫩。椰子雞鍋步驟如下：1. 首先以大火把湯底煲滾。2. 然後把整碟雞放進煲內。3. 蓋上鍋蓋，待湯底再次滾起。4. 熄火，焗

知道最近八咪半開左間新既音樂主題餐廳，呢間餐廳又有音樂聽又有邊爐食咁得意，當然要去試下啦！入到去間餐廳，見到餐廳中間有個小舞台，台上歌手演唱中英文流行歌曲，隔離有鼓琴等樂器，勁有feel, 平時都係去bar飲野先有歌聽，小編都係第一次可以一邊打邊爐一邊聽歌，感覺好新鮮一行二人坐低望下menu, 有好多材料都係打邊爐少見既食物，好似鮮黑皮雞樅、醉雞丸都非常特別。由於小編同友人太肚餓見到樣樣都想食，於是忍唔住叫左成檯野食。首先係招牌菜「生態原味椰子雞鍋（半份）$188」，椰子雞鍋入口鮮甜，而且以雞熬煮既湯底都唔會有一層厚厚既雞油，雞味也濃郁嫩滑，吸收埋椰香既湯汁更加香甜鮮味，小編一口氣飲左兩碗雞湯，值得推介。「頂級手切安格斯肥牛（小）$198」油花比例平均，牛肉厚薄適中，食落好滑口。「手打墨魚丸（半份）$58」稍為失望，墨魚丸雖然都算彈牙，係粉味比較重，扣左少少分。「珊瑚蚌$78」新鮮亦冇雪藏味，用黎打邊爐一流。「養山淮山麵$38」吸收左椰香湯汁後麵質仍然煙韌入味，難得打邊爐餐廳會有健康既淮山麵食，正！「鮮黑皮雞樅$68」味道有d似秀珍菇，但煮過後清甜味美，同椰子湯底味道好夾！「田園拼盤$

上網見e間新開椰子雞煲係大陸好出名，諗住黎試下喇，點知得個伏字。🤢伏位1：環境好差 明明係sell live band，但係樓底又唔高，d聲已經差左，仲要d位又迫又窄、係正你隔離唱，勁大聲根本講唔到野！🙎🏼‍♀️伏位2：要乜無乜仲要加錢🤔要酒又得啤酒，要菜又無菜，要加湯又變做加滾水，原來加湯係要額外收＄加椰青水，咁樣好唔抵囉。伏位3：椰子雞唔掂🐔個椰子雞個湯係甜既，但勁似7仔d椰青水，個雞食落係鞋既，雞唔算大隻，半份會唔飽，我寧願食牛同豬算。其實成間野都無乜特別，好食過佢既大把，食一次就夠。🤦🏻‍♀

本人絕對係食椰子雞嘅始祖。其實呢種椰子雞喺大陸真係唔少，既然朋友話佢係大陸好出名咁我就試吓啦。入到間舖，好似睇緊一個唔識嘅人既演唱會咁。台上有人唱歌live band係佢哋嘅賣點。我唔識台上邊嗰個人唔緊要，但係佢係咁叫台下既食客俾反應佢，搞到我好似入嚟撐佢場咁。大佬我入嚟食椰子雞㗎🙏真係比佢搞到冇晒心情人哋好多音樂餐廳，唱歌都只不過係一個背景，佢就搞到好似音樂會咁。食物方面，椰子雞湯應該係選用椰皇汁，所以特別甜。但係over左，甜到好似飲緊糖水咁。其實正宗椰子雞無咁甜架， 加上佢啲湯好少，煲一陣就乾咗lu。好似吹啲客好趕咁淥晒啲嘢🙄。啲雞又細又un，食椰子雞啲雞係最重要嘅，好明顯佢地就無將啲雞擺在眼內。餐牌上嘅食物唔係好多，唔多選擇，連配椰子雞最緊要嘅竹笙都無。唉，我對佢真係好失望。總括－真係好普通，好多地道細舖都好過佢。

之前喺大陸食過呢間火鍋，覺得好好食🤤知道喺香港啱啱開咗間就趁週末同朋友過嚟試吓。點知好失望因為怕星期六會好多人，所以我地一早訂咗位。一去到，就叫我地等下先，話執緊枱。明明book咗位都要等20分鐘先入到去。呢間火鍋店嘅特色係有live band，可以一路聽一路食。但係我覺得聲量略嫌大左啲😅同朋友對面傾計都要講多兩次先聽到，可能我哋坐得太前啦😅。嚟到呢度梗係要試吓佢哋個招牌椰子雞鍋啦。我地本身都好鍾意食椰子雞，但係呢到嘅椰子雞係有啲奇怪。首先，椰子雞一嚟到係得湯底同雞，配料竹笙都無（嗰度亦都本身冇竹笙）。之後啲雞要計時8分鐘，店員冇同我地講，要等我哋問佢食得未佢先講8分鐘我哋都過晒時，食落去啲雞已經老晒😭之後，食完個椰子雞，啲湯底已經乾晒叫個店員加啲湯，佢話淨係可以加水，如果加湯要另外比＄68😭我都未食過一間火鍋加湯係要加錢😐但因為加左水之後真係無味，我哋無奈要加錢加湯😕不過可以讚嘅係個湯真係好甜，好飲。個湯仲好味過啲雞😂(雖然我朋友話個湯甜到有啲唔尋常🤔)我地都嗌咗個象拔蚌，嚟咗好耐都冇人比芥辣豉油我哋，又係要嗌先有😐不過個象拔蚌都幾新鮮，幾鮮甜。我哋本身想嗌酒，但經理話新裝修未整dr

見到付近新開既音樂主題餐廳，就諗住順道慶祝屋企人生日，一心試下新野，但結果好失望。一進去，音樂好太大聲，嚇咗一跳頓然覺得自己好似返咗大陸咁。試咗主打椰子雞煲，雞係分開上，煲內就有椰青水，但比想像中少，同味道較淡。當水滾後，倒雞落去，再用獨特沙漏計時。係有趣既。叫左安格斯肥牛，198但得嗰幾片，亦都唔算係好高質素;貢丸，38得8粒;手工木耳水餃， 38 蚊得4粒😱😱😱。另外，試咗葛粉絲同羽衣甘藍，都ok 既。所有野都收得好貴，但得好少，而食物質素都係好一般另外，就係枱與枱既位置好近，再加上音樂回音大聲，成晚好似鬧交咁。仲聽到旁邊張枱講咩🤦🏻‍♀️另外冷氣太凍。震震震。。但係呢個價錢同質素真係唔會再黎食，性價比差，好失望😞

第一篇食評，真係好失望，未試過食左餐飯可以食到個人咁嬲。第一無得 book位，諗住試下新野點知等左個半鐘先入到，等緊果陣見到隔離 d食市好想轉第二間，附近實在太多選擇第二環境凍，冷氣大到好似入左雪房，外面大約十八度，但係鋪入面肯肯定凍過出面，可能有人覺得開行冷氣打邊邊會好正，但係年紀有返咁上下真係著定羽絨先好行入去。第三食物貴，選擇又唔多，基本上搵唔到邊樣係抵食，海鮮完全唔會想叫，太貴，牛肉選擇夠哂多，但係好肯貴，食貴野唔駛入你間食。第四兩位駐場歌手真係唱得麻麻，又太大聲，同唔到隔離果個講野，又唱埋 d超舊歌，後生仔真係唔好試其實有音樂既邊爐地方，係好特別既噱頭，但如果食物質素如此，歌又唱得難聽，真難得。

自從大型傢私連鎖店進駐咗8咪半後，成個商場變得好熱鬧，多咗好多餐廳，今日就去咗同仁四季，食椰子雞煲，六點零，餐廳未算多人。坐底後，店員提議我地先叫咗個椰子雞鍋先，再加半隻雞，然後先再慢慢叫其他嘢食。等咗一陣，椰子雞湯底已經有，店員提示我地等個湯底滾咗後，就可以將D雞放落去，等三分鐘就有得食，檯面仲有個漏斗幫你計時。一開個蓋，好香，陣陣椰子味飄過離，忍唔住飲一啖原汁原味嘅湯底，好清好甜，好好飲，跟住食埋D雞，肉質好嫩，又唔會韌。跟住再食頂級安格斯肥牛，油花好平均，放落D湯淥一陣，已經食得，好淋又有牛味，加埋椰子嘅清甜，真係停唔到口。新鮮貴花蚌，好新鮮，又甜又爽口，好正。鱔片都好新鮮，不過我覺得佢切得厚得滯，好多骨，如果切得薄D，應該會好D。真菌小水餃，叫咗半份有4粒，啱晒兩個人食，唔會太多，不過佢寫住係小水餃，其實個Size 一D都唔小，個味道普通啦，個餡肉多，菇就少D。蔬菜叫咗萵筍，鐘意佢爽口，吸咗湯底，仲甜仲好食。同仁四季個裝修好靚，樓底好高，唔會好局促，每晚仲有現場 live band，一路食火鍋，一路聽歌，感覺都幾正。

不嬲都好鏡意食大陸間椰子雞，係香港開左緊係要去試下。一入去，見到環境好好，樓底超高，係酒店個種樓底。每張枱有足夠空間。啲野新淨就不在話下。四個人叫左一個原味椰子雞煲(全隻, $3xx)，待應會放個沙流係煲上面，啲沙流完就食得lu😋. 其他食物同大陸個間差唔多。咁當然種要食最愛既珍珠馬堤，好爽甜，唔係好多地方有得食，返親大陸都必點。依到服務好好，比大陸好，待應時不時幫忙換碟同撈野。成餐只需食同欣賞live band。聽左七 八首歌，有廣東話有普通話。喜歡live band既食客要黎體驗下。不過價錢就貴啲囉，大陸食，一個人$80人仔。香港食，一個人$200港紙

聽聞"同仁四季"開咗黎香港,之前大陸食過一次已經覺得好唔錯,所以今次即刻黎試下距個椰青湯底!!一行6人,店員開咗個靚卡位比我地,正正可以睇到駐場ge歌手演唱.講翻野食!湯底我地叫咗個 椰子湯底同川味水煮牛肉鍋椰青水做湯底系呢度ge特色,湯底好清甜,好清新,小咗平時打邊爐果種油膩感,而且好香,令食物ge味道間接提升咗.而個水煮牛肉鍋都好正,唔會好辣,但夠曬惹味,入面已經有薯粉,豆卜,芽菜,同好嫩滑ge牛肉,食完d牛肉可以繼續落火鍋料落去打邊爐.呢度d火鍋料都十分新鮮,個頂級手切安格斯肥牛,大size,份量夠足,而且安格斯肥牛油脂分佈均勻,肉質鮮嫩,好唔錯.個本地手切肥牛都係,口感較好,而且牛味濃郁,打邊爐一流!!呢度d海鮮都好新鮮,例如個 桂花蚌,只只都非常肥美,爽滑多汁,好鮮甜.白鱔片夠曬彈牙,肉質爽脆.味道濃郁.松葉蟹棒,有別坊間ge蟹棒,呢度系真正松葉蟹ge蟹棒,連埋殼,絕不是坊間果d.其他配料都好新鮮，荃灣區都好少有咁質素嘅椰子雞餐廳開喺呢度真係可以方便左好多人。呢度嘅魚翅餃同埋丸都好特別，應該係餐廳得滯因為出邊好少打邊爐嘅地方有。而且呢度個鵝腸都好新鮮,夠曬肥美.唔錯ge火鍋,

睇住八咪半過去半年有越來越多新店舖進駐，今日就黎到呢間開業冇耐既內地過江龍—同仁之季 試下啦～樓底好高、環境好闊落。有別於一般火鍋店既環境和格調，參照西式bar、現代化既裝修、lighting 、比人一種好relaxing既感覺。 點左個大家都推介既生態原味椰子雞鍋 （半份） $188Waiter首先幫我地將個湯底連同椰子肉煮開，然後加入雞件之後用極科學化既方法煮食，係鍋上放上一個漏斗，計時3分鐘～店鋪推介大家可以係醬料度加入辣椒、沙薑以及青檸汁調味煮滾開蓋後一定要先試下個湯底，只係用到椰子肉同埋文昌雞熬製出黎既湯底極之鮮甜～建議雞件可以熬多一陣、等佢再入味d先食～大約1900開始就有高質live band，演繹多首80、90年代舊歌，譬如 張國榮既今生今世、Eason既天下無雙、孫燕姿既遇見；除左舊歌，都有好多新歌架 好似 胡鴻鈞既到此一遊，包保大家會聽到識既歌，搵到共鳴。呢度除左食邊爐餸之外，都有供應小食～叫左個 低溫慢煮羊架 （$68）試試有2大舊， 用左孜然粉醃製、格外惹味好少餐廳會提供冰菜（$48）～餐廳服務周到，服務員會周圍巡視 幫你撈起灰汁、調教火候、換骨碟……你乜都唔洗

網上見呢間餐廳幾特別，有live現場伴奏，邊聽歌邊打邊爐但唔會太嘈。餐廳用椰子水打邊爐，用4個椰青1個椰皇冇溝水做湯底，一打開見真係幾清，之後落隻雞(好似係海南既雞，唔肥，冇皮下脂肪)去烚，烚熟之後熄火焗佢3分鐘，餐廳有個沙漏比你計時，唔驚唔記得，幾細心，一開蓋建議你飲湯先，真係好清甜，好有椰味，之後先食雞，d雞食得出係新鮮雞，好有雞味，連一向唔食皮既我都食左d雞皮，真係好唔同，食落唔覺肥，又彈牙，d肉啱啱好熟，又嚡好嫩。打邊爐d料又新鮮，有d係餐廳既獨有，出面食唔到。餐廳還提供點唱服務，不過只限生日歌，一晚都有幾枱人嚟慶生，聽左幾次生日歌。總括嚟講價錢係貴左d，但咁既食物同質素我覺得值得去試。