更多
2019-08-02
626 瀏覽
之前都經過左幾次,但係今次係第一次食。叫咗吉列豬扒雞蛋定食,朋友就叫咗吉列蝦吉列豬柳定食。話咁快就有得食啦,由落單到見到嘢食前後應該唔使5分鐘啊,真係有效率。咦,有驚喜喎。味道掌握得好好,而且有一大碗湯送,入邊仲有好多紅蘿蔔、白蘿蔔同埋豬肉片添。試一試朋友嘅吉列豬柳,加埋吉列醬汁,酸酸地好開胃,吉列豬柳皮非常酥脆,而吉列炸蝦呢就稍嫌個皮太厚同埋太粉。總括來講,真係非常推介,一定會再嚟食多次。因為實在太抵食,啲味道都真係有返咁上下水準。最鍾意嘅係依度真係好有日式家庭餐廳嘅感覺,唔講仲以為去咗日本呀。
張貼