吉祥山西私房菜 (已結業) 查看

一班朋友晚飯聚會，剛好12人一圍選了在這食店，包了一間房，最低消費為$2500，還有麻雀耍樂及karaoke，實在很盡興。食物方面，兩個頭盤丶水煮魚及蟹都是辣的，我沒有試。粟米羹 - 非常之大盤，足料又好味。酥炸生蠔 及 扇貝 - 鮮甜肥美吊燒雞 - 外皮燒得脆脆，肉質鮮嫩又惹味蟲草花+菜 - 足料好味另一個菜有大大隻冬菇，炇得軟軟的，口感不錯最後還有木瓜雪耳糖水，更是我的最愛，雪耳夠淋身，糖水甜度適中。最後埋單約$3300，以這價錢玩足一個下午又有美食，真的很抵👍

行到紅橋附近，間間食店唔係要等位，就係要等位。.其實之前經過，見到門面成間大陸嘢咁又用簡體字真係冇乜好感，但附近咁多間得佢一間唔駛等就俾次機會佢啦！.叫咗「麻辣水煮牛肉」(另加枝竹&薯粉)、「麻辣手撕雞」(例)、「蟲草花浸菜苗」。.首先嚟嘅係「麻辣手撕雞」，味道夠辣，但佢果隻辣係入面嘅生洋蔥果種辣，而麻辣就食唔出。.第二味嚟嘅係係「麻辣水煮牛肉」，以我/大家所認知嘅「水煮」都離不開成盆辣油、面頭好多紅辣椒、湯底清澈，但侍應上菜時所見到嘅係仿如「沙嗲肥牛煲」一樣嘅菜式！湯底顏色呈現實色嘅啡色、湯頭混濁；味道當然唔會有麻辣味，反而真係有沙嗲味，極之新奇！.最後嚟係「蟲草花浸菜苗」，但嚟到嘅係「蟲草花浸菜心」，講到呢度真係冇咩好講喇。.叫三樣菜，有兩樣出事，都咪話唔驚。.問返個疑似老闆娘(心口吊住一大塊玉)係咪嚟錯餸，我哋叫豆苗，嚟錯菜心，佢話其實係「菜心苗」，呢味餸有機會係任何菜嘅菜苗。而沙嗲味嘅水煮牛，佢解釋係覺得呢個廚師麻麻哋，一定係佢煮果陣落醬落得太多(?)，水煮要落醬？係咪就係沙嗲醬？聽完真係一臉莫名奇妙。.係咪山西嘅口味同平時食開嘅唔同？真心唔會俾第二次機會。

聞說屯門紅橋開了間私房菜，星期日晚無人煮，咁啱大女兒陪我地外出晚飯，就去見識下呢間名為『山西私房菜』，餐廳裝修都不錯，枱有大有小，仲有vip房，才七點已差不多坐滿人，心裡充滿期待😍金湯翅❨魚翅邊太梗，南瓜湯太搶❩薑葱生蠔，夠大隻，好正😍咸酸菜豬大腸，麻辣好香招牌臭豆腐，一般，無咩特別避風塘豬扒，好香豉椒排骨炒河粉食物整體質素不錯，夠鍋氣，啱晒重口味的我，份量又足 老闆娘是外省人，都幾親切，要我地俾意見。這裡也歡迎自來海鮮加工😀

這私房菜已開了段時間，今日終於同爸媽一齊來試菜，入面地方闊落，環境舒適，我們被安排就坐4人卡座，餐牌款式十分多有烤魚，水煮魚，酸菜魚，雞煲亦有，最後我們選了招牌菜山西風味烤魚，有3種魚可選(魽魚/烏江魚/鯇魚)我們選了鯇魚(小辣)，手絲包菜，魚香茄子。烤魚份量足，很大條，外皮香脆，入面配有荳芽，蓮藕，木耳，金菇再加上老闆娘話既獨門秘方醬汁，口感一流另外叫了手絲包菜亦很好吃，入味爽口，份量亦足，值得推薦我們3人共食了392元，下次會再光顧。

兩父女想試新食肆，到了這店，點了咕嚕肉，一只乳鴿，本來想點兩碗麵，但服務員說應該一碗已足夠，所以先點一碗一字骨拉麵和兩罐汽水，味道是尚可的，麵是好大碗，但內裡不是太多，但最後想留肚吃甜品，所以沒有加點麵條，整體來說是可以的。