吉田舍料理

營業中

休息中

吉,本來係一個好地方,環境唔錯,食物又好味,因為係日本公司做野既關係,黎左呢度好多次,見到佢地對客既態度可分三類: 對日本人:笑容滿面,一叫即到,有咩問題即刻詳細解答,得閒就一齊傾下計,講下笑,如有小朋友更加玩埋一份~ 對食得好既香港人(食好多刺身,送酒菜):笑容一般,問一句答幾句,但態度唔會差,都會介紹有乜好食~ 對食少少野既香港人(只食飯麵):無乜笑容,叫極都話"等等",問一句答一句,態度較差. 其實吉成日都好旺,我聽好多香港人講唔會黎,但我黎親都好多香港人囉~但呢個始終係日本人場,食物口味都偏向岩日本人,好似唔憂做香港人生意咁~

2008年1月4日(星期五)晚,貪方便走入了這日本料理餐廳, 與友人在門口猶豫了一會, 看見大部份在用餐的都是日本人, 以為餐廳一定很不錯, 可惜不但失望而回, 還惹來一肚子的氣！我自問是到過不少高、中、低檔的地方用餐,從未如此冷待過！大概晚上8時,沒有訂座,走進餐廳,女侍應帶我和朋友到入口附近的枱。過了一會,和朋友商議好點什麼菜,點菜時問了女侍應$150的一人前刺身拼盤：「是怎麼樣的？」,黑面女侍應以差劣的態度回應,反問我們：「什麼是怎樣的？」最後我們二人點了以下菜：1) 一人份量的刺身拼盤($150) ─有5款,每款2片,質素平平！2) 燒魚翅(忘記確實价錢,約$50) ─味道不錯,但份量甚少！3) 日式蒸蛋($50) ─混有冬菇、魚肉等,味道一般,份量和其他日本料理的蒸蛋差無幾,超貴！4) 烤雞沙津($70) ─混有大量生洋蔥絲,號稱推介,但味道難吃,跟獨立吃洋蔥和雞無異!!等候時間長(我們追單時侍應稱因雞扒要烤,所以等候時間較長。總括食物認真一般,但最氣人的是待應的服務態度,不滿之處如下：指控一：大部份女侍應黑口面(其中一個好像叫JoJo??), 態度奇差,不會主動替客人加茶,

前幾日同左個日本朋友去吉食飯,之前有o黎過食lunch,但dinner就係第一次,而且夜晚最大分別係多好多日本人~我地叫o左豚角煮,枝豆,穴子板壓壽司,刺身盛,鐵板羊肉,蟹肉薯餅,汁煮右口魚,炸尤魚圈,吞拿魚生姜燒同埋燒石螺,全部都係水準之上,我地仲叫o左支冷酒,原來飲唔哂可以keep o係度三個月~個場唔係好大,但侍應好似好忙咁,可能唔夠人手,成日要跑o黎跑去,有時師傅都要出o黎傳菜,總括o黎講,服務態度唔差,而且大部分侍應都識日文~我o地食到十點左右就埋單,飲飽食醉,下次會再o黎過~

本人經常會同公司老細,同事去吉晚飯,覺得呢度既野食好地道,唔係港式日本料理,個場有好多日本人,大部份侍應都識講日文,我聽好多人講吉d野食好咸,但日本人口味係咁,一係好淡,一係好咸,可能香港人接受唔到,所以食黎食去都係飯團,蛋包飯~我地去親都有個男侍應推介,態度好nice,呢度既魚生最新鮮,最好味係吞拿魚腩,亦有季節性先有既魚生都唔差,熱食推介燒大蜆,炸蓮藕片,鹽燒池魚,汁煮魚頭~不過星期四,五晚市多數會滿座,仲有人等位,所以一定要訂位.如果想食平野,呢度唔使諗,平均每人$4-500,有水準既食物當然唔會平啦~

Came here for a friend's bday dinner, so the 8 of us came and was seated at a 卡位table, but the light was fierce and was shining in one of the girl's eyes, and also the air conditioning was dripping and so we requested to sit at another table in the middle, closer to the sushi counter.We ordered the sushi set (fresh), some sashimi (fresh, but not a bit on the small side), make and temaki (nicely rolled, but not that special), salad (tiny portion), stir fried udon (oily), assorted tempura (ok), cl

要找地方吃午飯，菜色鎖定在日本菜，幾經波折，最後是來了這裡，至少吃過幾次，質數有點保證。看餐牌，本鎖定了吃炸蠔，但沒有，就要了個higawali的「三重」便當，分別是豬肉生薑燒、雜綿天婦羅及碎吞拿魚腩。午餐吃「三重」，通常是三層的便當盒子，材料豐富，製作精美，是個幾奢侈的享受。不過在香港，就變成了三個小圓碗，份量不多，但賣相也蠻不錯。先吃最普通的，就是豬肉生薑燒。薄薄的雪藏豬肉，全靠醬油、味醂及糖去調味，味道也不錯。可惜飯是散了一點，失卻了日本米飯應有的黏性；天婦羅飯有炸蝦、炸蕃薯、炸茄子，已淋上醬油，吃落還有點油膩，是每件都吃了「成百卡路里」落肚。這個天婦羅飯，又比豬肉生薑燒好一點，米飯較軟熟，配上燒汁，很快便吃清；碎吞拿魚腩飯賣相不錯，碎吞拿魚腩，切得幼細，吃落沒有筋，亦吃得出肥美。加點蔥，加點高級牙膏山葵，加一點醬油，簡單而美味。「三重」飯之中，以這個的日本米飯做得最好，米醋的微酸及甜味平衡得不錯，黏度點到即止，有水準。女侍應有說日文有說廣東話的，招呼不錯。埋單八十元，食物有水準，值得一試。

尋日去吉田舍食晚飯, 訂位的時候, 侍應千叮萬囑, 叫我們不要遲到, 因為留位只會留五分鐘.我們點了:1. 三文魚刺身- 非常新鮮美味, 水準之上;2. 壽司拼盆- 材料新鮮, 水準之上; 3. 炒烏冬- 烏冬'煙', 不過醬料太咸;4. 涼菜一碟- 菜係凍的, 不過我地都係志在有菜食;5. 天婦羅- 仍然係新鮮的材料, 水準之上;6. 綠茶雪糕, 柚子雪糕- 一般雪糕咁, 不過唔會硬到篤唔入.總括而言, 食物都在水準之上. 不過我地食飯聚會, 除左食之外, 傾計聊天亦係主打活動, 所以餐廳氣氛, 服務招呼亦後重要. 呢一方面就唔係咁合我的心意:1. 首先全場大部份係日本男士, 感覺上就係成日係日劇出現的場景, 一大班日本男, 放工之後一定要先Happy Hour 一下, 然後先返屋企. 不過置身如此場地, 我地幾個女仔, 都有少少格格不入;2. 可能因為全場大部人都係飲啤酒, 侍應們成日都唔加茶;3. 明明個場好細, 但係侍應成日睇唔到你舉高個隻手, 不過好彩, 如果你隻手舉得夠高, 旁邊的壽司師傅見到, 會幫你叫侍應;4. 最大的問題係, 會趕你走, 我地剛剛食完野, 都未叫埋單,

專登同朋友去食蛋包飯, 12nn去到人唔多... service好差,不過有個好似日本人既男人就好好服務,order左之後都要等over 15mins...我地見到個個都係日本客, 一個hk人都冇,個set lunch連salad同湯,個湯真係飲都唔好飲, 味精到暈;個salad唔錯, d青瓜脆卜卜的;講返個蛋包飯, 雖然唔係我想食既半熟蛋,不過面頭d汁酸酸地咁好好味, 唔似其他地方係茄汁,個飯加左雞肉炒, 份量都幾大;成set得一個spoon, 如果多隻叉會好d, 起碼同salad分開ma,之後有綠茶/芝麻雪糕, 我食個芝麻都幾好食!唔好既係佢地唔會主動"針"水

尋晚同老婆去食，兩個人叫左個壽司併盤(6件)，燒雞沙律，蛋包飯，鹽燒雞翼同雜錦天婦羅。我訂左位，所以去到就有位。人後來慢慢多，基乎全是日本人。D壽司幾新鮮，燒雞沙律只係一般，個鹽燒雞翼得中翼，雪味重，失敗。個天婦羅D蝦唔得爽，有少少失望。個蛋包飯都OK，不過D蛋老左D，但D飯就真係唔錯。不過仍然同我係日本食過差成條街。兩個人最後食左五舊水。我覺得除左壽司同蛋包飯外，其他未有發現特出作品。

又一次Openrice 的午餐聚會﹐呢次的主題係farewell攝影大師MM。報名時我排第六﹐估唔到實際人數竟然係十五人﹐計有﹕主角MM、FoodKing、lazyqueen、Glass、雪怡、十四K、KC、Cheap野、Dickson、flo、西門、Thomas、爐爐、David和我。果日非常大雨﹐但竟然冇人甩底﹐連原本話唔來的Dickson都老遠由荃灣趕過來﹐而最遲來的是我未見過的西門﹐所以話網友同以前年代的DJ差唔多﹐見留言(聽聲)真係同真人差好遠﹗餐廳安排了一間房比我地﹐應該可以好開懷地談天﹐可惜是中午時分﹐各人來到的時間不同﹐又要趕住走﹐食物上得又慢﹐長餐檯又比較難傾偈﹐我甚至連坐響雪怡隔離的Glass同lazyqueen都望唔倒。每個套餐都包括一個飯、麵豉湯、溫泉蛋、前菜﹐甜品可選雪糕或咖啡。我地叫了銀雪魚、鰻魚、天婦羅、牛仔骨、豬豚肉、燒魚等等。我試過幾款﹐覺得自己叫的天婦羅幾得﹐不過份量較少﹐Glass叫的燒魚亦唔錯﹐只是略為乾身﹐不過她自己反而冇咩點食﹐雪怡叫的銀雪魚各人都贊好﹐至於鰻魚﹐看來肉質不錯﹐不過份量實在太少了﹐flo同西門叫的牛仔骨﹐就公認為最差的一個﹐味

說離別，是平生最討厭的兩件事之一。一資深食友要到彼邦發展，不知何時再見。雖然大家認識日子尚短，只區區一年之期，一起吃喝的機會不少，暄寒問暖，也算是朋友。就趁遠行前的幾日，來個餞行之午飯。選了在這裡，雖然是午聚，但來的食友也有十多人。店方安排在榻榻米的房間內，雖然要除鞋，但環境不錯，正好給我們高談闊論，亦不影響到他人。套餐仍是和食及洋食的選擇，是日的日替定食是照燒雞扒，依個人習慣，無謂多諗，就要了這個，雖然用照燒雞扒做「日替」是普通了一點。仍然是前菜及漬物、味噌湯、溫泉蛋、白飯及主菜。照燒雞扒燒得皮脆好味，燒得香口甜美可惜雪藏雞扒幾薄身，當然不能質定食Doraya的新鮮雞扒相提並論，但已算有水準；面對溫泉蛋，當然是「拍」落碗白飯度，加入醬油，味道一流。亦試了隔鄰Lazyqueen的銀鱈魚，肉厚而滑，味道真的不錯。不過大惡男的燒牛仔骨就普通了一點。結尾一杯香濃咖啡，埋單八十蚊，個人而言仍幾滿意。與食友在飯桌前握手道別，必信他日也會在飯檯再聚。朋友，祝一路順風，生活愉快。大家一起在良心小店吃蝦/ 蟹，飲到醉醺醺的情景，還歷歷在目呢！

現場所見,真係全部都係日本人咁滯,由於我地冇訂,所以要坐係壽c bar度。我同個friend一人叫左一個蛋包飯,同埋一個吉列拼盤(因為我個fd驚唔夠飽...)。$308埋單! 好好食呀個飯(個飯應該係$70零蚊),但就略嫌咸左少少,但都好好味,d汁都好好味唷!!(但原來一個飯都已經好飽家啦,所以個個拼盤我都冇乜掂過.....殘念~~)

星期五有點私事在尖沙咀辦，食飯時是一個人。記得上次想來卻去了樓下，點知主菜都食唔到，今次就幾大都試這裡。呢度裝修幾雅致，有吧檯位，有卡位，來飲杯酒傾下計是幾不錯的。幾位女侍應有說日文的，有說廣東話的，亦有兩語皆通的，落單無難度。午市套餐分「和食」、「洋食」及「麵/烏冬」類，夾埋有成廿幾款，各自有各自的奉客規格，如咖哩飯就跟冰水及沙律，烏冬就麥茶加飯糰，和食就跟味噌湯及漬物，好認真。見這個情況，就知這裡不會差到那裡，我想亦是滿場日本客人的主要原因。個人習慣是無謂諗，叫「日替」就最好，因為與其自己諗，不如俾師傅諗仲好，而是日的「日替」就是芽菜炒豬肉。和食套餐有漬物、前菜、味噌湯、白飯、主菜，還有溫泉蛋，可以說是幾豐富。漬物是普通的漬蘿蔔及漬鹹菜，前菜是魔芋絲，撈上蟹籽，味道好，亦幾特別；味噌湯材料很足，海帶及豆腐粒都很多，可惜是微波爐翻熱的，所以有點溫溫吞吞的，是美中不足之處；米飯是錦字米，水份夠又軟熟，再「拍」入半熟的溫泉蛋，味道是無得頂；芽菜炒豬肉加入了味噌及辣粉去炒，外表普通但味道不錯，芽菜份量多，清清地，又是滿足的一餐。餐後可選咖啡或雪糕，我當然要喝咖啡，味道香濃，不錯。埋單66蚊