吉田舍料理

營業中

休息中

闊別日本剛好兩年，回來後呢兩年間有好多始料不及的變化，唯一不變係對日本的掛念。掛念的程度，已非靠食個拉麵或者壽司就可以彌補。早前睇片，見一位日本人推介尖沙咀的「吉田舍料理」，主打正統日式家庭料理同小菜，係好多在港日本人的秘店（經佢推介之後已經唔秘了）。喺呢度，不但聽到客人的日語對話，店主同部分廚師侍應都係日本人，感覺更似身處日本。係咪好耐冇見日文menu？當然如果見你係香港人，佢會畀返中文menu，但識日文的話不妨問侍應拎份日文，重溫下日文之餘，日文有是日精選餐牌，中文冇的。餐牌有好多選擇，研究都用左好多時間，還好本身已有幾個心水選項，再唔係，第一次嚟可以叫店員推薦，大部分都好有禮的。忌廉蟹肉薯餅（$120）係好代表日本的小食，熱騰騰的上枱，炸衣好薄好脆，裡面係超滑忌廉，蟹肉就不太感覺到，不過都好滿足。第二樣想食係和牛腸炒野菜（$120），係日本人話好食的一道，辣度可以選擇。唔鍾意肥膏的或者會嫌惡，但喜歡的會欣賞佢的油脂香，比豬腸更香，雖然邪惡，但偶一為之好值得試試，不過外皮比較韌。椰菜更係精華所在，沾滿惹味醬汁，係一流的佐酒佳餚。見隔離枱點了蔥拖羅卷（$80），又試着來一碟。呢個相對

咁岩lunch time左右係尖沙咀， 諗住試下間日本味道嘅餐廳2:05去到，點知… 已經cut左order… 無得食..大廈只有一架電梯 唔知夜晚會唔會逼爆等位 唯有放棄..

幫襯呢間日本餐廳超過8年，一直係我哋首選嘅日本飯堂。昨晚跟2位朋友食晚飯，一坐低就先點咗幾個我哋喜歡嘅小食，同平時一樣我哋叫待應比一點wasabi我哋，過咗一陣之前上枱wasabi 食完，我哋再要求待應加多一點wasabi。當待應再拿wasabi就話廚房師父話之前已比咗一次wasabi今次係第二次，係最後一蝶wasabi。我哋都唔係好明佢嘅意思，不過因為食物已經上枱無理佢。到之後wasabi 再食完再問待應攞，5分鐘之後就之前一個待應過來講我哋3個人已經要咗兩次wasabi，第三次我哋要收錢。我哋3個嘅反應係-乜話？食日本餐要wasabi要收錢？之前比嘅wasabi都係一細夠，份量唔多，而且我哋都係食囇先要無浪費，我哋就話我哋食咗咁多年都唔洗收錢，唔明食日本餐要wasabi要比錢係乜道理，最終無要到，唔係因為錢係呢間舖頭嘅服務態度。之後再細心留意，發覺佢哋以以班待應全部唔同哂，以前待應好多係日本人，企bar枱都係日本師父，琴晚就見全部都係新，大部份係香港人，有一兩個識講日文，其中一個女待應係舊人。我哋覺得似換咗老細，可能係香港人所以要多啲wasabi要收錢。😠😠😠食飯過程中發覺佢哋嘅服

在這間餐廳真的食到日本美食的味道我們叫3個lunch 定食：1. 吉定食燒魚- 燒鯖魚+納豆： 魚燒得好香,好鮮味, 納豆也很香, 不難入口. 2. 滑蛋豬扒定食： 豬扒夠juicy, 厚身的, 炸得好, 有滑蛋炸皮也是脆脆的3. 雜菜炒黑豬肉定食：豬肉炒得好香, 有日本地道美食的感覺, 份量很足夠, 大大碟總結：lunch set價錢實惠, $ 90-160, 用料很高質, 定食飯也很香, 小菜也美味, 份量足, 烹調有法有日本的味道. 值得推薦. 食完午餐後, 再訂了晚餐下次試 🤤

冇訂台但係咁啱有台比我地食個幾鐘 點知d嘢食等好耐先有一樣 好想問「既然你想我夠鐘還台點解你d嘢食慢到咁」部分食物攤喺吧台，疫情前或者都唔係一個大問題，但係宜家都咁樣安排，前面又坐d口水多過茶嘅阿叔，果幾樣嘢真係送俾我我都要諗下敢唔敢食總括黎講d嘢食味道係ok嘅，但係用咁嘅價錢係唔係真係揀呢間真係可以再諗🤣

之前見報導介紹呢度可以食正宗日本風味牛腸鍋，由於以前去完日本之後一直念念不忘正宗既牛腸鍋，眨眼間原來已經兩年無得去日本了🇯🇵終於同朋友到呢間充滿日式風味既餐廳，懷緬一下。當晚係平日，由於未能打通電話訂位，於是便試下6:30pm walk in，幸好當日有人取消booking，便恰好有兩個吧枱位置。餐廳裝修充滿日式，吧枱前放滿一盤盤日式小菜，很有「深宵食堂」的感覺。餐廳也設有榻榻米座位，當晚有很多日本人下班後，穿著西裝到餐廳用餐，店員也有部份是日本人，氣氛一流。至於食物質素方面佳。先是刺身拼盤一人份，分別有帆立貝、三文魚、吞拿魚、油甘魚等等，在吧枱已看到刺身非常新鮮，果然沒有令人失望，每樣刺身都相當鮮甜。另外也點了天婦羅拼盤，分別有蝦、蕃薯、茄子、南瓜等等，不得不讚的是天婦羅粉漿很薄，蝦很彈牙；茄子又能保持內裏嘅水份，不會炸得很乾身，非常好吃👍🏻燒牛舌方面，牛舌尚算夠厚多汁。但若果能再厚多一點點，就會更juicy多汁。燒北海道花魚方面，花魚略嫌調味較淡，而且燒得有點過火，外皮乾身但未算非常乾脆，內裏有少少乾，中規中矩。最後是成吉思汗燒羊肉，羊肉炒得較濕，可能是芽菜在炒的過程中出水，而且羊

吉田舍料理 · 尖沙咀.最近見到某youtuber嘅介紹香港正宗嘅日本餐廳突然好掛住日本旅行嘅時間🇯🇵🥲.趁中秋節同同事一齊「做節」🤣因為食lunch時間比較短所以早一日已經book定位到達餐廳前半個鐘再打去餐廳落單盡量避免要等太耐而因為餐廳比較full booking嘅關係店員都有同我哋講定唔好遲到否則會讓返張台出黎.準時去到，門口已經好日本feel而今次安排左坐tatami位❣️部份店員都係日本人😂超有禮貌真係覺得自己去左日本咁🥰.今次嗌左 滑蛋吉列豬扒定食（$120）好大份😂豬扒切開左好多件😂係正宗日本做法 唔係港式style吉列豬扒係浸左係滑蛋之中所以唔好expect塊豬扒係脆卜卜個款😂不過略嫌多汁左少少🤏但overall黎講真係唔差😎Lunch Set有包餐飲/生果，另外要加10%服務費。.

12:30pm入座，大約10分鐘後點餐，結果1:40pm先有得食，個lunch time都冇晒啦… 極速倒咗個餐入口，等埋單又等咗20分鐘。雖然食物水平、服務態度，整潔度都一流，但就算再幫襯，睇怕都要等冇嘢做先再嚟喇。

看得出是由傳統日本人經營的日本店，店員大都是日本人及非常有禮貌。食物都是很貼地和親民的日本菜式，價錢非常合理。環境安靜，客人大多是日本人。每一款食物都非常好吃，大力推薦它的傳統日式魚餅/魚糕，及日式豬扒或滑蛋豬扒。萬事的話會有不同的日式菜式可以點算，麻煩大力推薦他們的椰菜雞肉丸，這個菜式在我在座的時候看到隔離枱的日本人不停地點和加單！傳統的燒蛋卷也是很推薦的小吃。如果坐在榻榻米的座位，溫馨提示記着要除鞋才入座哦！

呢間位於尖沙咀真正日本人主理嘅居酒屋！門面睇落平平無奇入面係超地道日式風格裝修🇯🇵店內嘅氣氛加上日本人店員令自己更加好似身處係日本咁場內都好多日本人幫襯晚上嘅時候更加多上班族嘅男士餐牌上有着各式各樣嘅日式料理基本上你諗到嘅都有上菜前會有啲醃漬前菜同熱毛巾提供好貼心🥰日式咖喱豚扒飯超大碟嘅咖喱豬扒飯！豬扒炸得超酥脆炸粉好薄但唔會甩皮甩骨肉質鬆軟 不過肥肉嘅部分較多但都好重肉味而咖喱唔係常見嘅日式甜咖喱味道偏鹹帶少少辛辣好重咖喱香配飯食就一流🤩自家製日式風味漢堡比起西式漢堡扒更加鍾意食日式煮法嘅漢堡！漢堡係自家製煎到底面微焦好厚大 咬落肉汁豐富帶少少油香 好重肉味又唔會太鹹太油膩配搭蘿蔔蓉 蔬菜 薯角吸滿醬汁同肉汁鹹鹹甜甜 減低油膩感！推介！牛肉薯餅$70兩塊薯餅可能你會覺得好貴但真係好好食炸得好鬆脆 好乾身咬落唔會成口油新鮮熱辣炸起小心燙嘴裡面嘅薯蓉好滑好厚身會食到少量薯粒有細細粒嘅牛肉更加令薯餅加分🥰可以點炸豬扒醬食 超正🥰呢間日式料理小店真係會食過返尋味🤤店員超友善服務好好 超級細心 好有日本味道 性價比超高‼️

📅 12 𝘑𝘶𝘯 21🍱特製豚カツ定食 💰150炸到金黃內裡肥瘦分明，但略嫌肉身比較實，份量都算大，我食到最後只食肉，最好有人同你share,奈何老公今日唔想食炸野😂🍱豚野菜炒め定食 💰90豚肉分量算多，連椰菜夾起一齊食，加上有黑胡椒碎喺面，食落好清唔油膩😁餐飲附送但冇影相😝✨此店逢星期日休息，就算星期六都要預約定比較好😄⚡️另外要講嘅係幾年前來食過，到而家食物同服務都仲係咁好，值得一讚🌟

讚1.氣氛好，半間鋪都係日本人2.野食有部份的確好味，辣炒牛腸、辣炒雞肝都好惹味，送酒一流，燒魚餃都燒得唔乾身，整體有水準3.上酒超快，呢頭點果度有送上黎彈1.酒款的確係少左啲

今次揀左午市套餐嘅照燒銀鱈魚定食 $120 (另加一) 呢間係日本人打理 好多日本人去食！佢個魚滑到真係入口就已經好快溶咁高質！ 同調味又唔會太over 拿捏得好好 不過就真係太貴😪只可間中奢侈des

星期五約左同事食飯，但遇到大家通常都會遇到ge問題就洗唔知食乜好。 所以總知先去左尖沙咀。系諗梗食咩好個時，突然記得幾年前試個一間幾高質嘅日本餐廳 – 吉。 首先講左個 location，地點基本上系 B2 出口匯豐分行後面，同吉野家同一棟大廈。以前有個大d 嘅牌不過今次無見唔到差d 以為佢執左但好彩最後都揾到。Lunch 而言其實佢款式真系好多由90 蚊 到 200 百以上都有。今日我就點左吉便當（最平個個 😂），而同事就點做個鰻魚便當。而日式便當而言佢有魚凍豆腐，沙拉 蛋同湯 份量啱啱好加上營養均衡。Lunch 而言呢間餐廳高質而且價錢合理。但要小心晚餐之前試個好似會貴2 3 倍。

今日約咗舊同事係公司附近食晏，想揾間餐廳靜靜地傾下偈。留意咗依間日本餐廳好耐，今日終於可以試下。12:15嚟到唔洗等位，餐廳係傳統日系裝修，一行入去己經覺得環境好舒服。因為定食好吸引，所以好快己經諗好食咩，最後每人Order一個午市定食。「特選炸豬扒定食」炸豬扒定食份量唔細，塊炸豬扒大過我手掌，再加一大碗珍珠米飯，一碗味噌湯及兩款前菜。首先豬扒嘅外層做得好好，新鮮麵包糠唔索油，炸得剛剛好，好鬆唔會太乾身，最緊要係唔會𠝹到成口損曬。而豬扒肉質非常嫩及juice，食咗幾舊豬扒後更可以食返D椰菜絲加檸檬汁清清味蕾。「自家制日式風味漢堡扒定食」同樣地有飯、湯、前菜份量唔細。漢堡扒上面隻太陽蛋果然不負所望，切開隻半生熟嘅蛋黃，漢堡扒連蛋黃一齊食果然不得了，蛋黃好香。而漢堡扒煎得剛剛好，內裡依然非常juice，但薯角就一般般，同成個定食有少少格格不入。