吉壽日本料理 (已結業)

Jul 5, 2008 DINNER (@20.45) 中午來食過午餐, 見到有關Dinner Buffet的宣傳單張好似好得,於是今日同家人去試. 地方好窄... 不過個侍應一見"身型健壯"的我們, 就自動獻身, 給我們安排一張寬敞一點的. 食物無論種類, 味道都很好, 唯獨上菜時間時快時慢, 令人有點難掌握... 你知啦, 食"抱飛"好講策略吔!!! 總括來說, 抵! 一定再去"拆"過!!

「出來行預左要還」，是日還的是人情債，地方不到自己揀。雜誌報道說是會席料理放題，偶不懂，見飲吃的「剔剔」紙仔集吸物、揚物、刺身、壽司、煮物於一身，連泰式黑糯米糕亦一併收錄，排場稱得上是國際級的會席。朋友什麼都吃，燒物一堆、天婦羅也有、壽司、刺身也有，什麼都有，吃完什麼都說好好吃、好抵吃，偶笑言，要回本嗎？澳國和牛頭頭尾尾燒起來吃，算是最矜貴了，但太油了兩件後什麼也吃不下，而切件交來象拔蚌、假蛋卷更回不了本，吃兩碗白飯、兩串燒牛舌，加埋你方才吃的，這餐賺突了。說回白飯，吃得出是日本米，軟熟而不濕腍，很好很好，白飯可任添，再加兩碟炒野菜、串燒，不貴，港式放題計，總算滿意。

同朋友7個人去食放題中環能夠under$200食到放題已經好抵,仲要食物都有質素又多野揀!刺身,壽司,手卷幾新鮮,叫左好多ROUND熱食都幾好架,叫左d烏凍,拉麵,鰻魚飯......一碗碗黎,份量適中而且都幾好架wor!串燒,天婦羅都GOOD!埋單每人大概$170真係抵!真係值架!

平日午飯時間在中環竟然有很多位，早知唔駛訂位。餐廳是長窄的L字型，好有壓迫感，我們坐轉角位位置，叫伙計落單埋單好不方便。我與朋友同是叫了燒汁牛扒定食，上枱時大家都心一沉，因為賣相唔多掂。燒汁的蒜蓉味好重又過鹹，可能要掩蓋牛肉的雪味，令到牛肉毫無本身的味道；白飯亦不是珍珠米般晶瑩剔透、質地黏軟；麵豉湯淡如無味；前菜及沙律都一般貨式。飯後甜品不是雪榚或生果，竟然是馬蹄露，日式料理店食中式糖水，有點莫名其妙。雖然有85折，每人也要$112，以這個價錢相當不值，如果是$7X還可以接受。

喺雜誌見到公司附近有日本放題食放工就約埋同事去試試!環境唔錯~裝修簡約,唔似一般的BUFFET場坐得好舒服~食物方面,種類都 OK 多我鍾意食刺身ORDER 咗 3 ROUND^^好新鮮~賣相又吸引熟食方面亦都好滿意串燒夠香口,牛柳粒夠 JUICY~仲試埋天婦羅,燒魚,冷烏冬等等..........服務都 OK~喺中環以呢個價錢食 BUFFET環境,食物質素,服務都值回票價啦~

上星期約埋兩個同事去呢度試新嘢,但係失望而回。先講環境, 餐廳成L形,枱與枱之間都幾窄,加上中午時候人較多,如果要傾計的話, 的確有D難度。打開個餐牌,大家不約而同都覺得....乜咁似對面果間O既? 餐牌, 食物及價錢都係咁上吓，真係懷疑係咪同一個老細。最後,我哋三個人都簡咗銀鱈魚定食。個定食送到嚟O既時候真係嚇咗我一跳。嘩唔係嘛??? 得咁少??? 簡直係兒童餐O既份量! 幾條綠色O既前菜, 一碗面豉湯、生菜粟米沙律、一綩白飯同一小舊銀鱈魚。我哋自問唔係大食OL, 亦都喺中環食過好多間日本菜,但係就從來都未試過食唔飽囉! 果舊銀鱈魚只可以送到半碗飯, 食完就好似無食過一樣，雖然佢加送糖水一碗, 但係都仍然係肚空空咁。最後我同我同事3點鐘又嗌肚餓喇!

30/05/2008聽朋友話好吃,第二晚就約了另一朋友去吃,地方不大,但地方干淨,服務ok,是日我們吃buffet 即叫即整,好新鮮,款式選擇不太多。魚生ok新鮮蟹籽沙律非常ok火炙牛肉壽司幾好燒牛柳粒好吃吉壽沙律醬都ok,饀麻麻地!只得生菜粟米!不能盡錄總括嘢食幾好。

it is hard to get a table in Central at the very last minute, and remember this new restaurant at the Loop so gave it a try today at lunch. First the decor...not much really and the tables are squeezed together. Distance between each table is about one foot only and the tables are small. If you are going for a private talk this would NOT be your restaurant. Food however was very decent. I ordered the sushi set while my friend ordered the sashimi set. I was a bit concerned at the beginning over t

在中環吃日本料理，幾時也沒有什麼選擇，好的說來說去也是那幾間，貴的不見得很好，便宜的也未必吃得過。適逢這幢新廈開了兩間日本料理店，先評這裡。看樣子，也是港式日本料理。店內裝修幾西式的，窄窄的舖面是這裡的特色之一，擺上不少的檯椅，感覺是幾迫澀的。跟朋友來吃，訂了位，坐在最埋邊的二人位，感覺有一點私隱，幾自成一國的。午市餐牌幾齊全，由各式刺身壽司定食，到燒魚炸豬生薑牛肉又或是天婦羅，都一網打盡。價錢也是一百上下的，不算貴。就要了香蔥碎吞拿魚飯，及生薑燒牛肉定食。定食以一盤過形式上檯的，包括了沙律、味噌湯、甜品、主菜及飯，賣相也對辦的。碎吞拿用機碎的，吃起來沒有什麼口感可言，味道很淡，要加醬油及芥末調味才好一點。香蔥不算香，可幸飯是不錯的，幾軟熟，但米醋下得不夠，可以重手一點。這個108蚊的香蔥碎吞拿魚飯雖然不貴，但味道也是一般，始終也是一分錢一分手工， 一分錢一分材料的；生薑燒牛肉是穩陣的選擇，味醂加醬油加糖，去炒大量的洋蔥及牛肉，味道總會有點保證的。略嫌這裡的洋蔥炒得不夠透，是硬身了一點，如果再炒耐一些，就會更腍身甜美。埋單185蚊，來的時候還有85折。在中環吃午飯計，這裡也是中價之選，