吉吉點 (已結業)

突然間想食下點心 咁又唔一定要去大型酒樓既 去呢類小型新派點心餐廳 份量精緻 岩晒情侶去食！款式都幾多而特別 例如蜜瓜脆奶 白汁珍珠雞等 飲品方面除左一壺壺茶之外 仲會有手工啤酒 手沖咖啡！我地2個人都細食 所以叫左幾樣野咋第一樣必叫係足料養生老火湯！今日係赤小豆粉葛豬𦟌湯，一飲就覺得甜 而且完全無味精 好順喉呀鮮蝦蒜芯餃好爽口，入面有蝦，菜粒，好香，皮不厚，好味！章魚雞粒飯就一般無特別，章魚偏咸，雞無雪味，整體合格！（相片係食左一半先記得影）棉花雞，魚肚爽口入味而且大大舊，雞件夠香滑鮑螺雞燒賣 唔係平時食開既燒賣，樣貌不討好，螺片較韌，雞件其實就係棉花雞果隻雞件，無特別，唔值得叫因為細食，所以2個人都只係$128不過有樣要留意 就係唔夠冷氣 一路食熱辣辣既點心就一邊流汗 仲要開住私伙風扇仔！令我想快d食完即走

我同朋友一共兩個人，地方系有啲吾就腳，但一入到去，其實坐得幾舒服，見到個到有鐵觀音咖啡，幾特別下次來到要試下，兩個人叫左6樣野，食到好飽，埋單162連茶位，晚市食算好平叫左個湯，幾清甜，一般出去食叫湯都怕會好重味精，越飲越口渴，呢個吾會，第一次去食，感覺吾錯，會再去食

今日黎左呢面工作，上網睇到呢間點心舖就黎試下。呢度啲茶好香濃，五塊茶錢好合理，光係精緻既碗筷就值回票價。小弟個人好鐘意鮮竹卷，因為好食既鮮竹卷湯好清甜，皮又唔un。依家連鎖酒家成行成市，但鮮竹卷都好差勁，湯太濃太重味精，料又糊做成一舊咁，返而呢度可以試到呢啲高質點心。唔知點解，新式點心舖有個共同點，就係一定有漢堡包。不過，其實好多間都做咩到中式感覺，但呢間用上卡卡脆既中式炸饅頭做皮，配上牛肉餅。重點係配上芥末沙律醬，不單去走了牛肉餅既油膩感，仲帶黎清新感。一次兩個，如果有女朋友陪食就剛好啦。流沙奶黃飽既流沙係真既，包皮飽滿仲軟軟的。蛋漿仲有陣陣咸香，唔係間間有架，好傳統。係地產霸權下，舊區成了真香港人歇息，品味懷舊既避風港。

天氣晴朗嘅星期六，相約友人到西貢行山，出發前大家提議飲個早茶，本來以為都係去返酒樓飲，有人提議去吉吉點。吉吉點同一般酒樓唔一樣，冇酒樓嘅枱布，點心車，感覺有點像一間小餐廳，適合年輕人快吃點心，入面座位唔多，幸好我們來到都有位。點餐係用點餐紙，入面既點心有d款式都幾特別，點左幾款齊齊share食。呢度茶芥$5位，揀咗鐵觀音，茶香味濃，絕不比一般酒樓遜色。江南俏鍋貼 $28鍋貼皮是較厚的皮，炸得香脆，入面的餡料亦十足，沾上醬汁更好吃。柴魚花生粥 $2晨咁早有特價粥品，只售$2，超級抵食，粥底軟綿綿，味道不算很濃，但以這個價錢來說性價比很高。蒜蓉蝦春卷$26春卷黎到係熱辣辣，要小心被燙到，咬落口好脆卜卜，入邊嘅蒜蓉蝦都幾香口，仲附有醬汁可點，比一般酒樓食到既更香脆而且冇咁油膩。翡翠鮮蝦腸粉$23腸粉夠滑，鮮蝦大大粒，豉油甜度適中，可以媲美酒樓的腸粉。吉吉蝦餃皇4粒 $34呢度嘅蝦餃同燒賣可以兩粒兩粒咁叫，唔使一次過食咁多粒，好適合兩個情侶黎食。蝦餃既皮幾薄，晶瑩剔透，入邊嘅蝦亦都彈牙。蟹子燒賣皇4粒 $34燒賣啖啖肉，同傳統燒賣差不多，都係有豬肉，冬菇同埋蝦，入口菇味濃郁，如果再濕潤d會更好

放假定必充實一下，從不浪費假期的我決定相約好友郊遊。郊遊前朋友介面在車站一間小店【吉吉點】，地方在宜安街斜路附近。門外紫色的橫額寫上『手工開心。Fusion咖啡。養生湯水』有別於傳統酒樓更具特別。入內地方細小，完全以街坊生意為主。黑、白、灰的設計，舒適度十足。牆身有新奇或傳統咖啡的選擇:柑桔咖啡、榴櫣咖啡、鐵觀音咖啡、鮮奶咖啡、蕉糖咖啡、朱古力鮮奶咖啡等等。【點心之藝術】真的想知道吉吉點的美味之處，早上十點半人流不算多，完全可以悠閑一番嘆茶去。吉吉點餐紙上有四款茗茶:香片、鐵觀音、普洱、菊花，鐵觀音苦中帶甘完全是我心水之選。食物種類都頗多，紅色及星星代表人氣程度，並寫上所有手工點心即叫即整需時15分鐘要耐心等待。全店免收加一，茶芥只需$5/位。柴魚花生粥 $2$2的吸引力我又點會錯過呢？棉棉的粥底內含花生、柴魚、豬骨粥，綿滑黏連的質感作第一道早餐確是不錯之選。而且份量都算多與朋友分享一碗剛剛好。翡翠鮮蝦腸粉$23手拉腸粉相當滑溜，店員細心地切開六小件，極之細心。每件腸粉都擁有大大粒的鮮蝦，加上香蔥在內顏色已鮮豔。只需添上少許豉油足夠入味，$23完全值回票價。鳳爪排骨飯$20早茶除了粥之

好耐無飲茶喇！今朝專登約埋朋友去飲茶一望到餐廳入面覺得超新穎，原來呢度有得飲茶之外仲有得飲咖啡！我地點左好多點心，我地叫嘅每款點心都好正好好味蒜香蒸排骨：排骨加埋啲蒜香蒸到入晒味！又唔會硬，夠晒林，值得一讚！手工布拉腸粉：腸粉好滑嘟嘟又好大碟，再加埋啲甜醬麻醬，我地兩個人竟然將成碟腸粉食晒鮑螺雞燒賣：聽到呢個咁多料嘅燒賣緊係要叫返個試下先啦，一上台就見到大大塊鮑螺，抵食！我仲點左一杯hazelnut latte，飲中茶之外仲可以飲咖啡，雖然呢度係飲中茶，但呢杯咖啡一啲都唔遜色，味道濃得黎咖啡味都非常夠！總括而言呢間餐廳食物有驚喜，環境都唔錯，值得再食

今日星期六陪媽咪飲茶 不過今次做左功課，要帶媽咪威威 去呢間 "咖啡茶樓" 試 新 野 ! 茶樓既位置有d難搵，不過佢全個門口紫色的，仲有好多靚燈飾，一定見到。店內環境細小，不過裝修簡約得黎有格調，枱墊既黑白色調我好喜歡。身在茶樓，但聞到陣陣咖啡香味，感覺獨特。媽咪急不及待點左杯金桔咖啡，無錯，係金桔味咖啡。媽咪對呢杯咖啡讚不絕口，攪到我忍唔住都試左啖。估唔到呢個怪怪既配搭原來係襯到的。金桔甜甜酸酸同香濃細滑既咖啡夾埋一齊，味道特別，咖啡少左苦澀味，而金桔既香味係咖啡既襯托下仲出左👍🏻值得一試。*自家製老火湯*屋企煲湯 買埋料計埋煤氣 真是唔平！呢度有得飲住家湯 即刻order返個試下。冬瓜薏米 岩曬呢個天氣 老火湯夠曬火喉 足料 夠味但不會過咸。抵飲。*灌湯餃*好好味既湯底，加上大大個灌湯餃，肉同湯撈埋一齊食真係鮮味無比。*薑蔥牛柏葉*薑蔥好足料 牛柏葉唔會太硬太老 幾入味！*奶黃煎堆仔*比起食奶黃包，呢個煎堆仔更香脆可口，奶黃香滑，甜味適中👍🏻正*楊枝甘露*我個皇太后每次食飯都要黎個甜品做總結。佢話呢個楊支甘露99分。芒果夠甜，西柚肉酸味適中，椰奶味亦夠濃。可惜唔夠凍！佢話楊支甘露

去到，問一句有無位。店員: 有但你地出面等，有就叫你。10分中後，等。空枱有幾張，但依然的等。。。等。。。直到，等唔到走了。完。感覺，超不爽的，不是等的問題，而是服務態度。

好耐冇飲中茶，好掛住D點心，所以就近近地去觀塘食個吉吉點！傳統中式點心配上新穎的西式茶，真係好岩年青人！哈哈！超級推薦！蜂蜜菊花露(凍)甜甜的蜂蜜配埋淡淡的鮮菊花，飲落非常清新！大大杯好抵飲！又可以解一解油膩感！足料養生老火湯真係落足料，飲落好濃郁！比媽媽煲的好飲！哈哈！手工布拉腸粉近排一屋老友記好hit，歐陽震華成日拉腸粉，拉到好想食！所以即刻點！好有驚喜！比街外的腸粉更滑，更濃米香！加少少鼓油就令到我食吾停！完全吾洗加麻醬甜醬！超好食呀！！！！蒜香蒸排骨好滑的排骨，蒸煮得岩岩好！配埋淡淡蒜香，惹味非常！吾好見佢咁大粒辣椒，其實一D都吾辣，用黎吊味架咋！好味道！香煎蘿蔔糕師傅手勢超好，煎到金黄色，外皮香口脆身，內裏又用料十足！仲要好細心咁切到細細舊，容易食！哈哈！吾經吾覺會食哂成碟！

企鵝哥時不時都會同自己啲家族飲茶，但佢地話食到悶，想去食新派點心店，隔左幾日佢地就帶我到吉吉點飲茶。路程雖遠，不過我都唔放過捉小精靈嘅機會，邊行邊捉就至岩我。老餅都要試新野嘅，依到就成為左遊歷香港美食第九站。雖然話就話飲茶，但睇上去絕對唔係一間茶樓，而且裡面都有幾多後生捧場。飲開早茶嘅我竟然黎到依到食夜市，佢地仲嗌左幾客點心，感覺怪怪地，不過都可以一試。鮑螺雞燒賣($22)一粒係鮑片，一粒係雞肉嘅燒賣，賣相未算討好，但都幾新穎。味算普通，唔算好特別，都係兩種味道加埋，兩粒嘅價錢頗貴。評分味道：6/10賣相：5/10抵食：5/10吉吉蝦餃皇2件($17)企鵝仔嘅至愛，皮薄餡靚，蝦仁大大粒好爽口，食得好和味。評分味道：7/10賣相：7/10抵食：6/10千層珍珠雞($26)店員推薦，餡料同糯米分至一層層，睇起上黎幾特別，口感軟熟，糯米充滿荷葉嘅香氣，餡料充滿整個珍珠雞，雖話係珍珠雞但都幾飽，值得一試。評分味道：8/10賣相：7/10抵食：7/10杯仙履奇緣($27)傳說中嘅鐵觀音咖啡，充滿中西合壁文化，咖啡用朱古力漿畫花其實會有啲奇怪，另外泡沫打得太過粗身同量都較多。味道方面，鐵觀音味道偏

飲茶食點心是我的至愛, 於是放工約了好同事,選了公司附近的官塘區 ~吉吉點 小店食點心當晚飯。雖然店雖細,但環境不錯,夠光夠整潔。都好多選擇, 想不到有咖啡､啤酒及花茶飲呢!* * * 【蒜蓉蝦春卷】 $26表皮春捲皮十分酥脆,內餡蒜蓉蝦,沾點甜酸更好食,令人食不停口。* * *【香煎蘿蔔糕】$20每一口都可以吃到蘿蔔絲,入口即化,並有少少焦香不油膩,可點甜醬,十分惹味。* * *【鮑螺雞燒賣】$22這燒賣好特別, 有鮑螺、雞及鯪魚球等組合,味道特別具有新鮮感。* * * 【黑椒扣豬手】$25豬手口感軟Q又入味,味道相當一流,並有黑椒調味,非常惹味,連花生又好味。* * *【桂林頂級鮮牛肉球】$24這牛肉丸感嫩,有濃濃牛肉味,入口有爽、滑口感, 非常新鮮。* * *【章魚雞粒飯】$25雞粒滑口,配合章魚粒,味道鹹鮮,有口感更豐富,整盆飯非常好食。* * *最後當然點甜品食【招牌香滑鮮奶凍】$18這奶凍勁奶香濃郁,但口感不算太滑嫩綿密,但都好好味。

潮濕天氣 家裡被霉菌困擾 要去觀塘一間化工廠買一枝澳洲去霉劑。心情因為霉菌很差 老公問我想食什麼 我回說 什麼都食不下。於是他拖著我去粥一間他自己想去的新派點心店。小店地方細細 客人和店員感覺很熟絡。原來老公和同事幫襯過幾次 覺得點心價錢實惠 質素又不錯。木魚燒汁虎皮椒虎皮椒我一向很喜歡。煎得很香脆 魚肉頗彈牙 配上木魚口感幾特別。手工布拉腸粉熱辣辣 腸粉都幾滑喎。豉油 甜醬 芝麻醬 唔少得。黑椒扣豬手大大件 豬手夠腍 而且好入味。濃湯北菰綿花雞有別與一般的綿花雞。用濃湯浸住。雞肉算滑 魚肚索曬湯汁 好juicy. 青芥末鯪魚球鯪魚球新鮮炸起 彈牙爽口 配上wasabi沙律醬又幾特別 第一次嚐。最特別是點心店有咖啡飲 點了一杯焦糖咖啡。咖啡做得幾好 好surprise!!! 奶泡挺滑 咖啡味香甜 帶點果味 焦糖的甜 配搭得不錯。食飽了 心情不自覺地好轉了一點 有氣有力對付家中可惡的霉菌。

在香港，「飲茶」已成為了一種特有文化。食物種類款式選擇多，價錢大眾化，各個階層的人都均能享受得到。同時「飲茶」對香港人滲入一種奇妙的「倫理關係」，人們借茶樓與親戚朋友相聚，邊聊邊敘舊，或兒女長大自組小家庭，假日陪父母長輩到茶樓「飲茶」，長輩會笑顏開懷，稱讚子女孝順。所以「飲茶」文化可謂有千絲萬縷的情意！一般傳統酒樓都是燈光極光猛，白色枱布，白色餐具，有點悶味，今次想跟大家分享一間格局較摩登時尚的飲茶新勝地！•吉吉點•位於觀塘宜安街7號財利大樓地下E舖橫裝以黑白灰做主調，燈光柔和，茶具餐具用上雕花點份外精緻。至於食物方便同樣較新穎！•新派荷葉飯鴨胸肉跟鮑片舖面，内裏充滿冬茹粒和肉粒，荷葉香撲鼻！•魚湯浸時菜雜菌奶白色的魚湯浸著小塘菜跟雜菌，小塘菜吸滿了魚湯的精華，味道濃郁。•蜜瓜脆脆外脆内軟，一口咬下，濃郁的蜜瓜饀湧著出來，齒頰留香。•楊枝甘露柚子跟芒果份量十足，酸酸甜甜，冰冰涼涼，完餐後來一客中和飽滯感最適合不過了。“說到這裏大家有沒有想過對上一次跟親人飲茶是多久的事?.... ....一天前？一星期之前？一個月前？一年前？愛要及時，抽多點時間跟親人共聚天倫吧！

我其實好中意茶樓既點心，特別係鮮蝦腸同燒賣！不過通常都係同屋企人去茶樓多，但佢地都比較忙，大時大節先會去茶樓食飯，不過你知去得茶樓食飯就唔係食點心嫁喇，所以一直都好想食q_q早排比我搵得間專食點心既特色茶餐廳，而且全日都會供應點心，知道之後，同家姐去完玩就拉埋佢一齊去食XD係一條巷仔入面，所以唔算太易搵，我地都兜左一輪先知行錯路，不過特色野就要充滿發掘既精神，冇懼前路有幾崎嶇～因為時間尚早，黎到先坐左幾枱客，不過愈夜個場就愈爆，所以都好彩我地早左到，環境唔算太寬敞，而座位間都幾擠迫，而且裝橫都帶少少西式既味道。依張就係點心紙！同茶樓一樣，每人都會計茶錢$5/位，而我地就揀左香片茶，而點心款式都幾多，有啲仲係自家創新既點心，例如炸蜜瓜、鐵觀音咖啡等等。瓊金流沙包，家姐既至愛，包身熱辣辣好鬆軟，咬開後有微微既流沙效果，味道充滿奶黃鹹香，食落去質感都帶沙，證明係用真鹹蛋做餡，一食就知龍與鳳！鹹香味香濃，沙既口感都令我好回味，餡料十足，唔係普普通通既奶黃醬。翡翠鮮蝦腸粉，食落去生菜好爽口，而鮮蝦都夠晒彈牙，腸粉做至皮薄餡靚，味道非常好！識食既當然係點多啲豉油XD價錢又幾抵食，想一食再食～蝦籽燒

呢間點心之前係Fb有賣廣告，見到好多新款點心，今日終於約左個同事一齊食，之後一齊返工。我地係假日下午去，所以full哂要等一等位，好彩好快就有位。我地叫左以下嘢食，後加左個叉燒腸粉蜜瓜脆奶一上枱，好香蜜瓜味，一咬落去好脆！但食多兩啖覺得比較甜，個人唔好咁甜，反而Fd好中意食甜嘢所以佢食左兩舊鮑螺雞燒賣即係兩個鵪鶉蛋燒賣製法既燒賣，不過無鵪鶉蛋，改為一件鮑螺片，同一件雞肉。呢款燒賣其實好難整，因為好多豬肉，如果豬肉係下欄貨，成舊燒賣就Fail，但呢度既燒賣用料not bad，啲豬肉肥瘦剛好，我一件鮑螺，fd食雞。講真，鮑螺都係罐頭嘢架喇，但食落無腥味，唔係求其既平罐頭叉燒腸粉呢個係我最愛既腸粉！因為只要係靚叉燒，加滑腸粉，就已經可以昇華到另一層次，但佢仲要加埋莞茜！加落更加有咬口，更加香！好彩fd唔好莞茜，所以自己食哂成碟，hehe~芝士咸水角呢款既要同fd爭食既點心，本身我唔好咸水角既，但有芝士，咁諗住叫黎試下啦~一食落口，咸水角既皮好煙韌，我平時唔中意食咸水角因為總覺得個皮溝太多"鄧粉"，唔夠煙韌。我係糯米怪，所以好中意食煙韌嘢，加上一咬落去，芝士拉絲，好滿足好滿足！呢個堅係必食推介