吉利日本美食 (已結業)

因為我本人不大懂中文和電腦機能,引至對上一次圖片不能給你們看閱,真的非常地抱歉.因為這個是香港人的網絡,我會堅持用中文寫上文章,(日文字翻譯中文字很困難呢..努力中!)為何我們特別會選食那麼多鱈埸蟹和真鯛魚,除了吉利烹調地特別特別好吃之外,最重要是我們東京人長久以來!!每在喜慶節日!!都會不惜一切為著我們最愛護的朋友和親人選擇購買以紅色海產物作為祝物!!!誠心希望他們獲得永遠之幸福.........

為獎勵我的第三兒子以最高成績考進東京工業大學，我們一家人和老朋友又指定到吉利食晚飯慶祝啦，（我真的很開心，很開心．．．）太太早以預定食物，為我們的兒子大事慶祝一番，特別指定叫了北海道鱈埸蟹，真鯛魚刺身，還要了很多很多食物．．．，我想．大約不必需要一小時已全部食空，大家都很開心，我再叫侍女再來二個鱈埸蟹，二尾真鯛，多刺身，多燒物，又看見牆上有全美國金賞受賞酒一吟，玉乃光有機雄町一百比，日本大賞第一位ねぶた，全部都是日本極品好酒呢，破例全部叫了一枝，為我們的兒子盡慶一番呢，祝香港全部兒子們學業進步，以禮對人，努力向上，我想．．這一定是全部父母最希盼收進心裹最好最好的唯一一份禮物

食過3-4次, 最鍾意食安康魚肝, 基本上係想食魚肝先會去. 其他地方多數都無得食.試過多款壽司真係一般. 泠烏冬- 一般, 又唔係咁彈.豬軟骨拉面- 都幾好.有個叫xx牛肉飯- 基本上係食汁, 牛肉得幾小片.不過這間店, 真係有幾多款魚生, 種類幾多. 所有食物都要等好耐, 老闆娘招呼態度麻麻, 要睇佢心情而定.

我食左好幾隻壽司, 其中帶子小卷最好食,其他就好普通, 冷烏冬唔好食,好硬.如果坐得近toilet, 好大陣味~幾張檯之外都聞到.......>.<

剛剛搬入西環, 成日坐小巴經過吉利壽司, 每脕都好多人坐滿, 今個週未就找哥哥一起去試試! 訂左八點,其實都唔算細間,我去東京食日本菜的餐廳間間都和他們差不多大, 有氣紛嘛!可能香港人去慣大茶樓卦！今晚食左那個鯛鱼,好好味好新鮮呀！壽司片魚生好大,我推介海膽壽司,蚧膏壽司,鮟康魚壽司,平目邊壽司和劍魚腩壽司. 待應小姐推介我們食燒劍魚骨,燒得好甘香,真係好正呀!!!!!!!!!!!!! 可惜兩個人食得唔多野,食埋日本紫蕃薯雪糕真係爆肚......重有好多野想食呀!!見到人地食燒帶子好想食,下次一定要試試. 看見推介板有好多特別菜式, 有吞拿魚眼, 三文魚頭軟骨, 馬肉和鯨魚都有呀! 所以話餐廳細間唔重要,最緊要好食同多選擇.美中不足的是音樂太大聱, 坐左接近兩個鐘都好似播同一隻碟,哈哈! 唔知係米佢地太忙呢!今晚好滿足.

上機機之的family gathering.依單大野,緊係要係食d我最想食,係英國又食唔到既野啦!!日本菜是也.hihi1031成日話依間野點好食,我就食俾你睇.5人,叫0左好多野..我講下我最中意0個d啦.有圖中的鮮帶子同赤貝刺身.真係好鮮的!!仲有就係,個朱軟骨烏冬.個湯底係味精,不過唔緊要.個朱軟骨咁出色,咩都補番曬啦!個骨真係做到入口即溶!!!另一樣好好食既野有火"隻"三文魚壽司,第一次食到咁好食的火"隻"東西,因為平時0個d都係好大陣gas味,食個係無的!!仲要隻得剛好!半生熟的!值得一提既係,佢地無無天婦羅食的!!無炸物..佢地賣的都係以刺身,麵,壽司,飯為主,少食的種類都唔多.0個日食唔到我最想食的海膽,有點失望.

我搬咗嚟堅尼地城唔係好耐, 我個女話要食日本野,都唔知邊度有,所以咪入嚟openrice揾下有Ｄ好野, 點知我就去咗吉利試吓, OMG! 好正! SeaUrchin 太美味, 手卷料多紫菜非常脆, 我個女同我老公都食到上咗引, 個幾日就要去一次, 但係星期一唔開㗎! 所以今晚在家煮囉! Anyway, I give this restaurant a 2 thumbs up!! 但係有少少意見, 我覺得熟嘅野都比較咸Ｄ, 希望吉利會有改良啦!

我光光都食完真鯛皮霜降刺身,真係好正........$180有半條我就覺得超值, 向出面食lee個價錢食得幾片咋! lee半條重係好大條, 無講明我會以為一條添呀.今晚我見到有幾檯都食鱈埸蚧, 問吓待應幾錢啦, 原來堂食$900外賣$780, 佢同我講師父話唔甜包換!!! 幾佰元有隻2Kg蚧食又幾抵, 黄油蚧都成千啦....下次試! 我重見到lee間餐廳牆壁上掛了好多鱈埸蚧蓋, 再多口問吓待應, 佢話係D客食完鱈埸蚧後, 他們哂乾個蓋做裝式的, 真係幾好心機.有心機嘅餐廳買少見少了.......

間野唔係俾人食cheap壽司既地方.上次試左霜湯真鯛刺身...好貴, 但係好*好食!! 未食過咁好食既刺身!! 食完個喉嚨有強烈濃魚湯味!!其係火灼都好好食, 不過偏咸.劍魚腩好食到暈.

在飯局中，不約而同的幾位食友都對這裡有點興趣，但可惜日子不能相就，唯有趁是日落開西環，試一試先。一早已知這是一間港人經營的日本料理店，如果食物對辦的話，其實都有一試的價值。這裡舖面不大，只得三十幾個坐位，作為壽司店，壽司檯窄窄的只得兩個半位，果然港式。來的時候不是沒有位，而是店員執拾不及，都站了一站才可以坐下，不過服務可是不錯的。有午市一人套餐，但款款都跟三片三文魚生，明知不吃，沒道理叫。另外午市定食有鰻魚飯，炎炎夏日吃鰻魚，正合時，就要了一客。定食可選一款壽司，選擇中只有火灸堅魚較對辦。火灸堅魚一客兩件，凍凍的，堅魚跟飯糰互不相識，飯糰也握得實的的，一般；鰻魚飯來到，賣相不錯。吃一口鰻魚，不太對辦，魚肉鬆鬆的，還有點兒腥味，加入了燒汁都不能掩蓋，魚皮腍腍的，不算有水準；米可是珍珠米，硬了一點，配上燒汁，不吃鰻魚，吃飯也可說是夠飽。隨餐還有一杯奇異果沙冰，反而不錯，不太甜又幾真才實料的。埋單56蚊，在這個地區，不便宜。以日式料理計，沒有什麼吸引力，可能又是我選錯食物吧。見鱈場蟹賣九百，另外亦有鮟鱇魚肝、喜之次等比較特別一點的食物賣。題外話一：這裡用的是錫紙包裝的芥辣，當然完全沒有碰。建

我已到過呢間野食過好多次! (山長水遠青衣去西環, 車$都要廿幾蚊, 就知道有幾好!)D野幾好味, 店小小但款式多, 最緊要係新鮮!!(因為差不多每個月都會休息飛去日本入貨)我和我男朋友最愛食:1) 燒三文魚頭(如果唔食得咸就早D同佢講少鹽)2) 三色手卷(低食!)3) 燒三文魚(比旺角彌敦道-巴士站旁的那間東東更好)4) 冷麵(夠彈牙!)其實佢D刺身同燒物幾好的, 因為真係新鮮同即做(所以耐)。不過唯一不足的是老闆娘態度差D, 不過佢心情好就會同你傾下, 心情唔好叫都唔理。記緊記緊去前要打電話CHECK 下有冇開門同有冇位, 唔好WALK-IN, 會無位店太小了(雖然已"擴張") 我試過兩次WALK-IN , 一次人多等了兩個多小時, 一次關門去了日本。

每日經過西環尾兩次都未曾發現這鋪看過一些食評後　來了試過兩次．總括以言算是不俗　特別在西環尾這種舊區樓面位小姐態度非常的好，而且她對各種菜色的味道，材料的認識亦非一般樓面所能比擬．（．．其實果個係唔係老闆娘黎嫁？）出菜無疑吉利是較慢的一間，有一次６點多光顧只有兩台客叫一客三文魚刺身也要等上十分鐘有多．令人費解．晚市去的更不用說，十五分鐘的等待是必需的．食物上，魚生壽司除了劍魚外其他亦物超所值，那晚的劍魚血腥味很重，而且並不太新鮮．還有拉面是值得推介的，雖然豬軟骨的作法並不正宗而且選用的豬軟骨並不上乘但面的咬勁及湯還是香得令人難以相信是出自這間年資尚淺的小店．更何況西環這樣的拉面可是獨市生意呢．值得留意的是這裡的手卷作法比較鮮見．．我梗加係從未見過．．．但味道是不俗的，雖然紫菜較’痴’口令人食得唔舒服．這鋪對面還有可可店後有數間酒吧而且泊車都好少會被抄牌，是很理想的用膳地段．　

原來唔可以walk in, 差d冇位食叫左個壽司飯, 燒三文魚頭同雞軟骨串壽司飯: 好細碗但d魚生好新鮮, d飯好軟滑的珍珠米燒三文魚頭: 勁正, d皮脆卜卜, d肉又香又滑, 重有d粗salt係面, 更帶出魚的鮮味雞軟骨串: 都係好香好脆~正

吉利壽司一個好老土既名, 響一個我平時唔會到既地方, 食一D我平時唔敢食既野....一入到去, 聞到陣海腥味已經有D唔開胃....史上最恐佈食物蟹羔壽司, 兩pat 好似鴨屎既物体, 痴左響舊飯上面, 腥唔係好腥, 只係陣味太假啦....日本D海鮮零食就係D咁假既味..仲有個幾隻鹽醃尤魚仔....真係想死...咸不特止, 仲要一隻隻好似異形咁, 吊住D痴立立既黏液....三文魚, 無乜味...只係好過元朗既田中少少....唔知乜鬼野蟹腳壽司....唔甜既D蟹!個侍應仲要問....0岩唔0岩食呀...點解咁多食評話好食既?

一直對這日本料理店都抱有好大期望, 加上有咁多好的食評, 上個星期終於跟朋友前往一嘗, 但可惜..除了最拿手的拉麵外, 其如的食物, 如壽司, 燒大帶子, 咖哩飯, 並非傳聞中的如似出色.上菜真的上得太慢了..由於店子很狹窄, 最多只能容納僅7-8張桌子, 實在坐得不太舒服, 然後點左以下幾款食物:-1. 劍魚壽司- 唔知點解有些salty味, 仲有血水在魚面, 好恐怖...2. 三文魚壽司- 都幾大件, 肥肥地, 一口咬下去, 點知..突然發現飯裡面夾住左條頭髮, 當時真的反胃, 但她們的service都算ok, 即刻換過碟比我地.3. 燒大帶子- 都成$128架, 等左好耐, 以為會有好大舊帶子肉, 可惜帶子份量只係正常帶子多少少, 都幾巧牛油味, 幾爽, 但絕對唔值咁貴.4, 豬軟骨拉麵- 好好好好味! 5. 松板牛肉汁飯- 真係好多汁, 好難先找到幾片吹得起的所謂"松板牛肉". 我完全覺得食左$300 一d都唔值.