影片
以上資料只供參考, 請與餐廳確認詳情
合興粥麵飯就喺柴灣吉勝街熟食市場入面，檔口唔起眼但一入去即刻聞到嗰種撈麵香氣，原來係老字號老店，已經有半世紀歷史，食落去唔單只係味道，仲有回憶嘅味。佢哋只賣「撈麵」，澈底街坊風，半 no soup 嘅撈面方式反而更容易拌到入味。撈麵底係豉油＋麻油，再加一勺秘製辣汁，辣汁香醇又有辣勁，揀多款餸食落更刺激：豬腸、魚蛋、柚皮、魷魚、豬皮、冬菇、螺肉、齋卜 … 每款都只係加幾蚊，就可以玩盡配搭。我最推介大雜麵—簡直係一次過試晒 What’s Hot 梗多配料，撈埋一齊食最夾。魷魚爽彈、螺肉彈牙、豬腸入味夠淋，柚皮帶微酸解膩，齋卜同冬菇都吸滿醬汁，仲有麵帶微微醬香，好正！價錢方面就更抵食啦——少少錢就食到油香辣痛又懷舊嘅車仔味，人均唔使過五十蚊，但嗰種盅整感卻比佢貴價餐廳高。排隊唔算長，10 分鐘左右等到就有得食，最啱攰啊或者想食快又正嗰啲街坊朋友。總括講，合興唔止係一碗麵，係柴灣人嘅飲食記憶，是平凡但有溫度嘅老店代表，精緻唔多，但真心入味又夠誠意，食過一次就會記得！
繼續閱讀
叫咗公司麵， 除咗柚皮樣樣都有粗麵啱啱淥起，較爽口魷魚口感有啲似蒟蒻豬皮都算淋同漿口，同埋索咗啲湯汁鹵水豬腸味道幾好蘿蔔正常本身少食雞翼尖，味道幾好冬菇味道幾好魚蛋螺肉普通麵筋本身索汁，所以幾好喜好次序 大腸，雞翼尖，冬菇，豬皮，麵筋去開柴灣可以試下，入面財記未試過
繼續閱讀
由摩姐開檔食到佢全家移英後，轉手再轉手，真係越做越差，除左大幅加價外，餸品變晒味，魷魚未浸發夠又未入味就出街，齋卜又走晒樣，辣汁都稀晒，份量少到自我感覺似乞食。連以往可以中途加餸，宜家竟然要當剩餸計，不知情的以為正光顧"米芝蓮"。完全失去故有的街坊人情味，好多柴灣的朋友同學街坊都勸我不要光顧，真心好幾次已經不想再光顧，祗為見唯一老伙計珍姐，但今次真係最後一次，要食去搵後面財記就好，對自己好一點，不要再愐懷過去！
繼續閱讀
柴灣唔少人都知道有依間車仔麵，鍾意捐窿捐罅搵嘢食，當然就唔會放過今次機會。等咗唔使10分鐘就有得食。整體嘅食味道係唔差，但係又未至於大家講到咁好食，但絕對可以嚟一試。因為我鍾意棉質比較彈牙啲呢度就比較腍身，豬大腸真心好食醃得夠味口感又好，蠔油柚子唔係舊舊好食，有啲就太鹹，但有啲我覺得好好食。魷魚幾厚身味道正常冇諗過全程都有有人排隊買車仔麵都幾多人。Google教嗰條路兜咗成個圈，原來喺地鐵站直行就係近好多。
繼續閱讀
14:20到，佢哋收1430好彩靚姐做埋俾我先收檔🤭叫咗辣魷魚豬紅雞翼尖撈麵+1罐可樂先係$41非常超值😍😍😍味道唔可以講超級好味嗰啲但係香港風味🇭🇰可惜開頭以為唔平，所以只叫三個餸下次一定要試更加多餸🫡香港小店需要我哋嘅支持幫襯🫶🏼
繼續閱讀