合益泰小食 (裝修中)

今朝要繼續落呢區做野，兩點幾都未食野，同個同事行過老廟，佢話呢間舖頭的腸粉幾多雜誌報導，幾出名的，所以就齊齊企街邊篤腸粉。腸粉放在車仔內賣，伴以甜、麻、辣三色醬及芝麻，係正統規格。5蚊5條，是平得無話可說，記憶中只有我住那區的5蚊6條可以媲美。腸粉係幾滑，落足三色醬同芝麻，其實味道如何也沒多大分別。但見一盤盤腸粉用膠紙蓋著放在路邊，感覺已差了一些。一來腸粉是工場大量生產，來舖翻熱再賣，所以基本上間間舖去拿貨都會得到同樣質數的腸粉，估計同區都有質數相若的，說這裡腸粉好食，不如記住個工場名好過。；二來大熱天時，一盤盤雪白腸粉就放在路邊，希望衛生無擬吧！不過價錢咁平，亦預左不是即拉腸粉，但說成很有特色，相信也是傳媒的威力吧。

呢度d腸粉係近年我食過最好的一間. 唔怪之得佢地咁爆場. 又軟又滑. 黎多個round仲得. 除左腸粉之外. 蒸粉果都好食的. 記住落辣椒油同甜豉油先食呀

今日星期五,十二點去試下,無人排隊,真好.一坐低,當然試下個腸粉啦叫左一碟五蚊,一碟7蚊同女友一人一碟d腸粉係滑,但係唔知加左d乜,食到好濟,好辛苦d醬調味詬調得幾好,樣樣都唔會太重之後試埋碟羅白,6蚊呢碟羅白就唔得啦太淡,唔夠甜,而且煲到爛唒,無唒口感個心仲有少少苦.我食過比佢更甜更爽更有咬口.除左腸粉之外,我諗其他野都無咩特別.

呢期monday週刊介紹呢度d腸粉，話周潤發曾經一次過買一百條腸粉!!!特登黎呢度試下，都好易搵，一出地鐵就望到，下午4點都幾多人食，我好小食腸粉架，第一次黎食，好似大鄉里出城，叫左腸粉，個呀姐好快就送到，我望下隻碟淨係得腸粉同麻醬，原來甜醬，芝麻，辣醬係要自已加，都好加幾多都得，d腸粉真係好滑呀，好味!!

大角咀無好腸粉食, 所以今日黎到深水都黎食腸粉.叫左腸粉($5)同蘿蔔($6). 我覺得今日o既腸粉無咁滑, 唔知係咪因為今日客少, d腸粉銷量無咁高, 擺得過耐, 抽乾左d水份. (不過我諗今日天氣熱,個人無咁開胃都有影響!)反而個蘿蔔依然係又淋又好食! p.s. 呢間舖o係桂林街, 上次我打錯字, 煩請更正! thx!

今日去試試這度的白粥($4)，好棉播!! 當然點少得食滑滑腸粉呵!

我都食過佢d腸粉，真係好滑，加埋d甜醬辣醬就更加好。仲有d燒賣都好味。

我都食過這裡的滑滑腸粉呀! 真係幾正架! 其他就未試喇! 下次啦~~

尋日o既深水步美食之旅o既重點同埋第一站就係呢間小食店!飲食男女話呢度o既自制腸粉特別滑,因為無用石膏粉,而係用澄麵,日賣一萬條!而且用o既麻醬同甜醬都係自己撈o既,麻醬因為加左豬油,所以特別滑!我同媽咪堂食,要左一碟細o既豬腸粉($5),一碟炒米($6),一碗蘿蔔($6). 個腸粉真係好滑好軟身!!!街邊o個d真係無得比呀!!!佢地仲好generous咁俾左好多麻醬我地!蘿蔔亦都好入味好淋!不過炒米粉就麻麻地,因為佢地俾晒鑊底o既碎米粉我地,要扣分!我會再黎食咁有水準o既腸粉嫁!!!(以下分數俾腸粉!)