合十 (已結業)

與朋友一起到觀塘吃晚餐。這家餐廳帶給客人有悠閒渡假的感覺，較有特色，位於工業大廈平台，半露天設計，空氣流通，環境寬敞，餐廳上方燈飾仿似漫天星星，氣氛浪漫，周圍有很多綠葉盆栽和小樹，環境輕鬆舒服。可帶狗進入。 熱玫瑰花蜜28元，可要求少甜，大大杯，玫瑰花氣味清香，茶味清淡得宜。 芝士巴瑪火腿拼盤238元。巴瑪火腿肉質軟嫩，甘甜芳香，味道細緻。莎樂美腸，帶有鹽味和香料味。香草包爽脆。沙律菜新鮮。醬汁酸甜開胃。 藍芝士味道類似中國的臭豆腐味。金文畢芝士，口感較軟，味道相對較溫和，適合與麵包一起吃。巴瑪臣芝士屬於質地較硬和鹽度較高的芝士，適合與沙律菜一起吃。 帆立貝蟹肉南瓜意大利飯178元，帆立貝肉厚彈牙，蟹肉鮮甜，洋葱爽口，南瓜忌廉汁惹味，每粒意大利飯均沾有忌廉汁，很美味。 法式焦糖燉蛋咖啡38元，可要求少甜，上層是焦糖燉蛋，焦糖味濃，蛋味香，下層的是鮮奶咖啡，口感綿滑。焦糖燉蛋混入咖啡一起飲，味道特別。 (法國直送)檸檬蛋白撻配雲尼拿雪糕88元，每日限量供應，落單時可要求餐後上，賣相美觀，檸檬味道清新，蛋白撻上層口感軟滑，下層餅底口感爽，雲尼拿雪糕又滑又甜。 總結：環境輕鬆舒服，食物美味。

合十 Fusion Tens今日同朋友嚟到位於觀塘嘅Fusion Tens，地點好方便，喺APM落嚟港貿中心搭Lift上二樓就到👍🏻嚟到其實間舖都好大，大部分係露天位，有幾張枱喺室內，不過坐室外感覺就空曠舒服啲☺️夏天都唔洗怕熱，因為有幾部大風扇，幾乎每一個位都吹到👍🏻舖入面都好乾淨，仲有唔少打咭位添☺️同朋友叫咗幾樣嘢share，份量都算多，食到我哋都好飽😜極上和牛漢堡入面有芝士、蕃茄、煙肉、青瓜、牛肉。牛肉好juice同好足料好厚。重點我覺得係個麵包皮，咬落去好香脆。連埋其他配料一齊食真係好夾☺️仲有一量薯條同沙律菜伴碟😚炸魚薯條炸粉好薄身，同時又保持到魚嘅嫰滑，配埋個特製沙律醬真係好開胃😝特濃咖啡配心太軟伴雪糕心太軟蛋糕好香朱古力味，配上雲呢拿雪糕真係絕配，仲可以加埋咖啡中和甜味😋多一士不如少一士士多啤梨沙冰，好香士多啤梨味，沙冰食到最後都未溶哂，夏天食一流，仲要可以揀少甜☺️👍🏻凍朱古力

好耐冇出觀塘啦 呢日又同朋友約咗嚟合十❤️因為佢仲未試過呢間打卡餐廳 當日係星期日 怕午餐時段太多人 所以我哋約咗四點幾先過嚟 唔洗排隊等位😛▪️極上和牛漢堡會配埋薯條同沙律菜🥗成個漢堡都幾好 除咗和牛 仲有煙肉/蕃茄同埋青瓜 和牛嘅牛味好濃郁 表面煎得好香 入面依然有肉汁 夠juicy🐂好欣賞佢個包有烘過 令到面頭微脆 入面鬆軟 而且成個食落一啲都唔膩 相信係青瓜同蕃茄🍅令整個效果變得清新▫️炸魚薯條屬於小食嘅類別 不過好大份🤣外層麵糊比較薄身 魚肉好嫩滑 配嘅他他醬入面加咗洋蔥 比平時嘅好味好多👍🏻薯條都係啱啱炸起 熱辣辣又香脆🍟▪️特濃咖啡配心太軟伴雪糕上次嚟嘅時候食唔落甜品 今次終於可以試到 可惜呢個時間瀑布蛋糕已經賣晒🥲好彩呢個心太軟都好好味 朱古力味濃郁 有流心🍫食之前將expresso淋上 嗰種冷熱交融 甜苦交疊嘅效果真係好正 令人一啖接一啖 好快就食完呢度嘅飲品好多選擇 又靚又好味 最出色嘅就係佢哋嘅沙冰系列🥤我哋都揀咗當中嘅 係士多啤梨/乳酪/糖漿/檸檬汁 甜酸度適中 好冰涼 啱晒呢個炎熱嘅夏天🌞

常言道打咭性高的餐廳味道就會不好，味道好的餐廳就會不在意裝修佈置，但試過合十又發覺有例外，打咭點滿滿，最緊要是食物好吃。今次想忍唔到要說說的這幾款：西班牙欖油蒜片墨魚一上枱已經充斥住香草味，吃下去更加感受到蒜片混和香草的刺激香氣，和墨魚的新鮮非常配搭，墨魚本身就非常爽身，彈牙，基本上一咬即斷，最後加入小青辣椒的香辣進一步優質這碟菜式。巨型豬扒跟薯菜巨型豬扒真的體積巨大， 除了面積大， 而且非常有厚度。通常比較大塊就更加難控制火候， 出奇的肉汁依然澎湃， 質感亦非常鮮嫩， 一定經過慢煮處理。 表面經過香料煎香， 帶來外脆內軟口感， 豬油香十足。 旁邊配上比較流質版的黑椒汁， 味道同樣惹味， 好處是少了一陣油膩飽滯感。 伴碟的薯條也絕不馬虎， 上枱時熱辣酥脆， 不愧為餐廳的招牌菜式。特濃咖啡伴心太軟配雪糕冰滑雪糕加上熱辣辣流心的心太軟本身已經無懈可擊，這裡怕你不會因此上癮，再加一杯特濃的咖啡提昇誘惑的味道。咖啡並沒有酸味，所以完美的和雪糕結合，配合香濃心太軟，實在愛不釋手。之前都看過很多食評介紹過這裡的不同飲品， 今次試的紅都面哂和多一士不如少一士都非常獨特，出色，最緊要都消暑解渴，下次再

bookmark左呢間好耐，一直俾佢個靚靚帳幕環境吸引，今次終於揾到frd子陪我嚟🤩 餐廳室外環境較大，但都有唔少大風扇吹住，所以唔會太熱👍✨泰式生蝦 - 擺碟幾精緻，蝦肉幾爽口，配埋生蒜&辣椒同埋佢個秘製醬食幾有風味~✨小食拼盤 - 有炸魚，燒菠蘿，洋蔥圈，泰式魚餅同墨西哥片，炸魚幾香脆，菠蘿燒得甜😋✨帶子蟹肉南瓜意大利飯 - 份量好足！質地幾creamy好夠thick, 每啖都食到南瓜蓉同蟹肉😍仲有個帶子煎到半熟，肉質好嫩滑😻✨士多啤梨乳酪瀑布蛋糕配雪糕 - 有得玩有得食好過癮😂睇住d瀑布流落嚟好治癮！乳酪味酸酸甜甜我地幾鍾意😋✨戀愛預告 - 勁吸睛啊，清甜得嚟又幾消暑，唔錯 ☺✨阿婆的秘密 - 個名好gag, 阿婆=Apple, 好香蘋果味但又唔會太甜，解膩一流！

上網看見這間餐廳環境很優美，於是一早約了朋友這天到這裡晚飯，餐廳位置非常方便，可以經過apm直接到港貿中心，然後轉lift到二樓，餐廳的環境設計是露營風格，餐廳大部份的位置都是室外座位，所以同時亦都可以帶同狗狗一起來用膳。餐廳使用QR Code落單，非常方便。大阪燒薄餅（＄123）：這款薄餅非常有大阪燒的特色，有沙律醬，蟹籽，蔬菜和木魚絲。份量亦都非常多，調味亦恰到好處，薄餅本身配有雞肉，雞肉份量亦都很多，而且口感嫩滑。薄餅夠脆口，非常美味，由於薄餅是屬於薄脆口感，所以不會過份飽滯，即使兩人吃也非常適合，大阪風的薄餅都是第一次吃，感覺非常清新。巨型豬扒跟薯菜（＄188）：從來未吃過這麼巨型的豬扒！配菜亦都非常豐富，有薯條，蕃茄，火腿，蘆筍和粟米仔，配菜亦都烤得非常香口，而且很多汁。豬扒熟度剛剛好，而且有肉汁，口感亦都柔軟，豬扒煎得很香口。藍藍天空高掛我的夢（＄48）：這杯飲品是朋友點的，是椰子沙冰帶少許菠蘿汁，椰子味道濃郁，加上菠蘿汁十分清新。粉碎性骨折（＄58）：這款飲品有接骨木花，薄荷葉，梳打，青檸，雪糕，消暑一流，而且味道非常清新，飲品亦不會過甜。玫瑰伯爵茶奶蓋瀑布蛋糕（＄98）

約了好友到觀塘APM購物，順道在附近先吃午飯，於是決定到通過商場可連接的港貿中心2樓的「合十」。早前到過這裡吃晚飯，感覺到無論裝修或食物種類都很有特色，已喜歡上這間樓上cafe。走進餐廳後店員便禮貌地詢問我們喜歡坐在室內或室外座位，室內是擺放着數張餐桌，有冷氣提供；戶外平台地方較大，座位也多，雖然沒冷氣，但放置很多風扇機，感覺也不錯，而且裝潢也有特色，於是選擇了戶外座位。這裡的客人可自行以QR code自選食物。我們先點選了前菜、主菜、甜點和飲品開心分享。🦑 西班牙欖油蒜片墨魚（小辣）這是我最喜愛的小食之一，墨魚爽口，以蒜片、橄欖油和紅辣椒一起品嚐，帶點微辣，很適合做前菜。🥩 巨型豬扒跟薯菜主菜名字是巨型豬扒，豬扒份量比想像中更大，肉質多汁，配以味道香濃的黑椒汁和蕃茄醬汁，加添美味。配菜亦令人滿足，香烤半個蕃茄，火腿蘆筍卷、小粟米、烤肉青瓜、翠玉瓜，還有香脆薯條，非常豐富。🍓 士多啤梨乳酪瀑布蛋糕配雪糕圓筒形的蛋糕上滿載士多啤梨乳酪，當拿起透明膠卷後，粉紅色的乳酪便像瀑布一樣瀉下，視覺和味覺一流；配以香甜雪糕、士多啤梨乾和藍莓，加添層次感。🍹 多一士不如少一士（沙冰）點了名字趣緻的飲品

🧡Please follow my IG : orororenji☆ 合十觀塘巧明街117號港貿中心2樓201號舖✦ 巨型豬扒跟薯菜真係同佢個名一樣咁巨型，但係完全唔”鞋”呀，勁多肉汁勁軟淋，同埋隔離嘅配菜都好加分。✦ 小食拼盤拼盤好豐富，入面有魚餅、炸雞、粟米片、洋蔥圈、燒菠蘿，全部味道都好好，燒菠蘿勁甜，粟米片脆卜卜。✦ 玫瑰伯爵茶奶蓋瀑布蛋糕睇見一野流出黎真係好療癒，蛋糕軟淋淋，唔會好甜，雪糕嘅味道都係伯爵茶，茶味濃好好味！✦ 綠帽子好綠呀XD 頂頂係蜜瓜味雪糕，整體味道帶酸。✦ 戀愛預告簡單黎講就係荔枝梳打，甜甜地，好飲。呢到地點好方便好近apm，露營主題，環境舒服，而且仲可以帶寵物黎，認真唔錯。

設左不明確的最低消費 ☹️食物質素唔錯架 合十的斧頭豚肉扒好大塊 好好味啲特飲又夠哂特別不過環境就唔太吸引 因為黎兩次都去唔到間餐廳賣點露營風格座位🤣 坐室內又好熱第一次黎就話最低消費$800以上今次來問個店員我哋都$1300 個店員用個唔太肯定嘅語氣答要$1500😅其實一係清楚列明幾多錢😂同埋唔好用呢個露營風做賣點 認真要係一間普通餐廳食到呢個價位又唔係咁值😂未好食到再洗多$200幾數同埋始終係室外 冇露營位嘅座位都好食 唔會想再黎多次😂

商場搞咗個寵物節😙見咁多狗狗🐶主人等Lift😀一於跟吓有乜好嘢👏原來係一間寵物Cafe😏橫掂都係入去食埋嘢睇狗狗🐶露天Cafe😁周圍環境都好靚😍出邊仲有個露天露營Cafe😘夜晚開曬燈🥹會好靚😘好浪漫😍最特別係狗狗會有單獨享受風扇😘因為問可唔可以比把風扇🤣服務員話係唔得嘅🤣🤣係狗狗🐶專用嘅🤣真係好為啲主子着想,天氣太熱怕中暑🥵我哋先叫一個小食拼盤（墨西哥薯片、燒菠蘿、炸洋蔥圈、炸雞、炸魚餅）幾香口😘又唔會太油👍🏻主菜😝巨型豬扒跟薯菜～名叫巨型😁塊豬扒仲大過我塊面😝啖啖肉😘仲有配好惹味嘅黑椒汁👍🏻梗係要嗌Dessert~見個名幾特別😗玫瑰伯爵茶奶蓋瀑布(唔會太甜、帶有少少玫瑰伯爵味道👍🏻）杯菠蘿汁～擺設超級吸引👍🏻好香菠蘿🍍開胃、解渴😘超滿足😍再周圍影吓相📸先

合十位處觀塘核心地段，港貿中心連接apm。餐廳把商廈的天台改造成舒適寫意的空間，一邊以白色和木色為主調，主人可以帶上寵物同樂，另一邊設置帳篷，內裡有木枱長凳，很有露營感覺。粉碎性骨折 合十的飲品名稱一點也不平凡，粉碎性骨折原來是接骨木花、薄荷葉、青檸、梳打水及雪糕組成，從外觀看來十分消暑解渴，可以為酷熱天氣降溫。攞你命三千。粒 攞你命三千。粒名字也很有趣，想不到是雜果檸檬汁蜜桃汁紅茶。果茶味道不太甜，西柚橙的果味與紅茶味很平衡，未上主菜前已經喝完大半。芝士巴馬火腿拼盤 拼盤食物種類不少，顏色繽紛。食物種類繼有巴馬火腿、莎樂美腸、藍芝士、巴馬臣芝士、金文畢芝士及香草包。巴馬火腿柔軟甘香，入口順滑，莎樂美煙韌鹹香，配上沙律菜很匹配。藍芝士表皮很薄，內裡質感柔軟。佈滿青黴花紋，氣味濃烈。金文畢芝士口感軟滑，帶有牛奶的香甜味道，容易接受。青橄欖味道甘香，芳香濃郁。香草包焗脆，入口芳香，單獨食或配上芝士火腿一樣可口。巨型豬扒跟薯菜巨型豬扒賣相震撼，厚切豬扒分量十足，巨型豬扒外皮烤香，內裡粉嫩多汁，鮮甜濃郁。伴菜番茄翠玉瓜及煙肉卷同樣巨型分量，與人共享十全滿足。玫瑰伯爵茶奶蓋瀑布蛋糕奶蓋瀑布蛋糕賣

你間餐廳其實都幾方便，amp連埋一齊，地鐵站附近，好易搵到。網上見人話個豬扒好食，所以我哋都叫左一份！哈！上枱時，豬扒真係超大，我建議兩個人就唔好嗌啦，因為會好full, 起碼三個人先好叫呢個餸，豬扒好食，唔會太煙韌，醬汁有少少辣，如果有其他唔辣嘅醬汁會更好。我鍾意個田螺酥皮盒，上面有芝士，焗出來香脆可口，而且價錢唔貴，呢個值得推薦！Pizza方面， pizza餅底好薄，薄過餅乾，所以好脆口，而且size 唔大，可以話唔會飽，但可以比機會你食多幾樣野～ 幾好食架！最搞笑係佢啲飲品名，多一士不如少一士，戀愛預告，攞你命3000粒… 好攪笑！

最近見到舊同事又嚟咗合十係咁打卡post相，正所謂人有我有嘅情況下，又再嚟合十食吓其他款式嘅菜式之餘，又等我打吓卡先。依舊喜歡合十滿天星嘅佈置，浪漫滿天星！雖然餐廳大部份嘅位置都係喺戶外，但一D都唔會覺得熱，四圍望吓嘅情況下，原來呢度有十多部嘅冷風機，就算三十幾度都唔會覺得好熱。先點咗兩杯沙冰，呢度嘅飲品名都好特別，我哋點咗一杯阿婆的秘密&多一士不如少一士。阿婆的秘密以新鮮蘋果、蘋果蜜、檸檬同紅茶而打成，鮮甜嘅蘋果香配上檸檬清新嘅感覺，好啱夏天飲。而多一士不如少一士就用咗士多啤梨、乳酪、檸檬、糖漿而打成，好香士多啤梨味。前菜選擇咗燒牛肉紫洋蔥沙律配泰式酸辣汁，燒牛肉肉質嫩滑，配上泰式酸辣汁好開胃，好味。主菜選擇咗慢煮雞胸跟沙律菜及薯條，慢煮雞胸嫩滑程度媲美雞髀，而且好入味仲多肉汁，完全對雞胸嚡熠熠嘅口感完全改觀。飯後甜品特濃咖啡配心太軟伴雪糕，心太軟一般感覺都會係好甜，但呢度配上特濃咖啡，咖啡嘅味道中和咗心太軟嘅甜度，配埋個雲呢拿雪糕多重口感真係食到停唔到口。下次搵機會再約埋多幾個朋友一齊嚟食先得！

觀塘人氣打咭cafe😍合十呢度真係幾靚 分咗室內同室外嘅位置 大家最鍾意緊喺室外 打卡一流 而且地方勁大 仲可以帶寵物過嚟添今次我哋試咗幾款食物小食揀咗芝士肉醬田螺焗酥盒 口感酥脆 而且田螺都好大隻 配芝士肉醬味道好夾我好鍾意食大阪燒 所以叫咗大阪燒薄餅 有好多配料 芝士，雞肉，蟹籽，木魚絲等等 勁正 我鍾意個批好薄 所以食落好脆主菜巨型豬扒跟薯菜 真係超巨型😂但係處理得都好好 夠晒香 肉質又軟 夠juicy 配菜一樣夠豐富飲品就揀咗士多啤梨味嘅多一士不如少一士 同埋法式焦糖燉蛋咖啡 兩杯都又靚又好飲

去觀塘找友人食飯，觀塘一向出名多好野食，今日食「合十」，十分APM,係港貿中心2樓。去到8成都是室外位置，陽光燦爛，會有好多風扇仲會加冰格，足出陣陣涼風，不怕太熱呀！先叫了小食拼盤，岩晒心大心細的我哋，拼盤包括燒菠蘿 ，炸魚餅 ，炸雞 、洋蔥圈 ，墨西哥脆片 ！十分豐富，即叫即整，熱辣辣，最愛炸雞，啖啖肉，加上泰式辣醬，酸酸甜甜 好開胃。接著叫了「巨型豬扒跟薯菜」$188，豬扒是超級大size,有2隻手掌甘大，十分足料。煎到熟到甘好，肉質嫩滑，仲十分juicy,不會太柴。仲配上薯條，份量十足。另外煙肉卷，翠肉瓜，蕃茄等，食完都好飽。甜品就叫了新出的「土多啤梨乳酪瀑布蛋糕配雪糕」，士多啤梨蛋糕甜甜酸酸，解熱一流。另外，瀑布蛋糕的cream 酸酸甜甜的，香噴噴的打卡一流！飲品是「攞你命三千。粒」，是雜果配上紅茶，檸檬汁，很解渴呀，仲有果粒可可食，十分推介。友人的是「戀愛預告」，是荔枝花蜜，梳打等，不算太甜，充滿了荔枝香，不錯。