吃扒 (已結業)

📍旺角豉油街都可以食到舊式嘅鐵板西餐～除咗鋸扒之外，呢度仲會有埋意粉同埋幾款keto main course可以揀！揀咗鐵板餐嘅肉眼扒配薯菜($178)同吉列豬扒配薯菜($178)，另外加$25仲會有埋餐包、羅宋湯、飲品同埋甜品。肉眼扒最生可以揀五成熟，揀咗五成都煎啱啱好同幾厚肉，但係就比較多筋，底下仲有好多薯條都食唔哂。吉列豬扒夠大塊同埋幾腍身，配蒜蓉汁食最夾！甜品本身會包cocoberry雪糕，我哋加$28改咗心太軟配雪糕非常值得！心太軟個朱古力味勁濃郁，隔離仲會有一球雲呢拿雪糕配埋食冰火交融勁正。

經過豉油街被一間紫色外牆嘅餐廳吸引住，餐廳名叫吃扒，故名思意係食扒嘅西餐廳，同朋友入內，店員熱情招待，餐廳內裝修有古典歐色風格，枱椅以木系為主。鐵板特選肉眼扒配薯菜，肉眼點七成熟，朋友話啱啱好，肉眼味濃分開兩部位，外圈比較細嫩，配黑椒汁夠惹味。鐵板吃扒什扒配薯菜，非常豐富嘅什扒，有魚柳、煎蛋、豬扒、牛扒、雞扒、煙肉同大肉腸，一層層叠高，淋上蒜蓉汁，蒜蓉味濃，一個餐可一次品嚐多種肉食味道唔錯，物超所值。鐵板可升級加配餐包、餐湯、飲品及甜品，點了羅宋湯，酸酸甜甜好開胃，食完扒上飲品，咖啡味香濃唔苦，甜品係香港製造雲呢拿雪糕好味，應有盡有食得好滿足。

今日去咗位於旺角豉油街嘅「吃扒」試食，整體體驗都幾唔錯。呢間餐廳主打扒類菜式，今次點咗幾款唔同嘅餐，試咗佢哋嘅精選肉眼扒、心太軟配雪糕。首先講講燒茄焗豬扒飯，賣相十分吸引，芝士焗得金黃香脆，豬扒嫩滑，配埋茄汁味道清新但唔會太酸，食落去好有層次感。飯份量都好足夠，飽肚感十足。至於肉眼扒，扒質唔錯，煎得啱啱好，外層有少少焦香，而入面依然保持到嫩滑多汁，配菜嘅薯條同西蘭花亦都搭配得宜。但有少少美中不足係，個黑椒汁味道偏淡，未能完全提升扒嘅味道。最後甜品「心太軟配雪糕」係我今次最滿意嘅一款。心太軟外層鬆軟，內裡流心朱古力香滑，配埋雪糕，熱同凍嘅對比，真係一個完美嘅結尾。整體嚟講，「吃扒」價錢唔算貴，性價比算高，環境都幾舒適，值得一試。下次有機會再嚟，我會想試埋其他扒類菜式

係旺角新寶戲院睇完戲🎬🎞️🎥之後向前行左幾步之後就見到有間紫色💜外牆嘅餐廳，入面好有皇室貴麗👑嘅感覺，奢華嘅水晶燈💡配上有浪漫格調嘅裝修、皇室感覺嘅木餐椅👑🪑，以及不銹鋼嘅餐具🍴，喺入面食嘢會令人幻想自己係皇室貴族裏面嘅一員👸🏻🤴🏻，可以如痴如醉甘享受呢個午餐，暫時逃離現實😎📌2️⃣0️⃣cm吉列豬扒意粉🐷🍝重量級抵食之選係足足有20cm長，即係大概兩隻手掌👐🏻甘大，又厚過一隻手指☝🏻嘅吉列豬扒，完全遮住左底下嘅車厘茄🍅、西蘭花🥦同意粉🍝一上枱都震撼到嘩左聲，瞳孔👁️👁️都放大左😆豬扒外層薄薄嘅炸粉炸到酥脆金黃，裡面肉質都相當結實，可以揀黑椒汁、蒜蓉汁、洋蔥汁同紅酒汁......，即使淋左醬汁，外層依然保持酥脆😲一個人冇可能食得曬，我同朋友share 都食唔曬🤭仲包埋餐湯🍲添呀😋📌吃扒雜扒配薯菜🐟🐷🐔🍟充滿童年回憶嘅「滋滋聲」鐵板，店員先比餐巾我舉起，佢再即席淋上醬汁，咋一聲，個股熱氣🔥同香味真係令人覺得好爽😏包左牛油餐包🧈🍞、餐湯🍲有豬骨湯或者羅宋湯，主角有魚柳、豬扒、雞扒、腸仔，配菜有車厘茄、西蘭花，再揀左薯菜，份量十足，超豐富🤩最後仲有香港製造🇭🇰嘅雲呢拿味雪糕🍨做甜品作總結，充實又圓滿😍📌話

喺旺角有間專門食扒嘅餐廳，真係值得一試！🍴 一入到去，環境舒適，裝潢簡單但雅緻，令人感到放鬆。我試咗佢哋嘅雞扒餐，真係好滿意！🍗 雞扒煎得恰到好處，外脆內嫩，肉質鮮嫩多汁，配上薯仔同時蔬，整個餐點色香味俱全。薯仔炸得金黃酥脆，咬落去口感一流，而時蔬則保持咗新鮮口感，十分清爽，令整個餐點唔會太油膩。另外，佢哋嘅腸仔亦都好好味，香腸煎得啖啖都有肉汁，搭配雞扒一齊食，味道真係絕配！😋除了雞扒餐，餐廳仲有煎魚柳可以選擇，魚柳煎得剛好，外皮香脆，裡面嘅魚肉鮮嫩，配上一啲檸檬汁，更加突出魚肉嘅鮮味，食落去一啖啖都好滿足！🐟🍋整體而言，呢間旺角嘅扒餐廳無論係食物質素定係服務都非常到位，價錢亦合理，適合一家大小或者朋友聚餐。如果你鍾意食扒，呢度絕對係個唔錯嘅選擇，快啲約埋朋友一齊去試啦！🎉✨

嗌左鐵板肉眼扒加套餐，個餐包都未食，餐湯未飲完，已經上咗份扒，然後鐵板唔熱，完全唔覺得自己係食緊鐵板扒，扒嘅質素又唔好，嗌咗五成熟，但幾乎變咗全熟，唔會推介俾其他朋友

最近成日俾旺角呢間紫色嘅餐廳吸引💜📍吃扒✅肉眼扒配薯菜💰1889oz嘅肉眼扒嗌左5成熟真係煎得啱啱好外脆內嫩，肉質多汁真係肉食者嘅夢想😂✅大啡菇蘆筍煙三文魚椰菜花飯💰138呢個真係好驚喜🤪椰菜花做嘅米飯香噴噴加上煙三文魚嘅鹹香再加埋好多汁嘅蘆筍同大啡菇口感層次好豐富食完一啖就想再食多一啖✅水牛城雞翼💰72呢個一定要試！雞翼外面香脆，裡面肉質鮮嫩配上佢地嘅特製辣醬食落去又香又辣，根本停唔到口🙂‍↔️✅凍朱古力💰set+$17濃郁嘅朱古力味見佢入面好多朱古力粉真係為整個用餐體驗畫上圓滿句號總括來講今次用餐真係好滿意下次一定會再返嚟！😘

今日又去旺角懷舊西餐廳「吃扒」鋸扒🍴.吃扒什扒配薯菜🥩一上权已經見到由什扒堆成嘅小山丘⛰️然後淋上黑椒汁🫗有煎蛋🍳魚柳🐟豬扒🐖牛扒🐄雞扒🐓司華力腸🍖同煙肉🥓雞扒肉嫩Juicy，魚柳軟滑🤤其他肉類比較普通🥺配上大量薯菜🍟🥦🥕🌽超飽肚😬.辣番茄大蝦意大利粉🍝大蝦爽口🦐但辣番茄味道偏淡🌶️🍅配菜亦較少😔整體比較寡😢.水牛城雞翼🍗雞翼香脆可口😆啖啖肉👍🏻配上小沙律🥗略嫌水牛城醬汁唔夠正宗，比較似燒烤醬🥲.牛油餐包(2客)🧈🍞餐包溫暖軟熟☺️.湯(2客)🥣有中湯同羅宋湯😉.甜品(2客)🍨揀咗芒果同雲呢拿雪糕🥭🍦.雪糕菠蘿冰🍧有1球雪糕，以及粒粒菠蘿同菠蘿乾🍍.凍朱古力🍫

💜《旺角港式懷舊鐵板餐之夜》 - - 吃扒近期食左唔同新式西餐廳，今次就試試懷舊西餐廳之夜啦！入面播住八九十年代既歌💃🕺，燈光昏昏暗暗。見到餐牌價錢算幾抵食！🤩🤩有我最愛既鐵板餐，而且肉類選擇有好多！另外，可以用＄20轉餐湯同飲品，餐湯分別係羅宋湯同豬骨湯。🥩熱熔芝士紐西蘭牛柳配薯菜(10oz)（$206）個人首選係揀呢個芝士牛柳，上到台面係jar jar 聲，令人流晒口水，店員之後再加上熱熔芝士，正呀！我地叫左Medium Well, 牛柳肉厚又唔煎得太軔，配上咸香芝士一齊食好滿足🍝辣蕃茄大蝦意大利粉（$128）大蝦意大利粉亦都唔錯，醬汁用既辣度同酸度剛剛好，令人好開胃，大蝦🦐大隻煎有心機，會挑走蝦腸，值得一讚！☻味道：7/10☻環境：7/10☻服務：7/10☻價錢：7/10☻回頭率：70%☻人均消費：$200📍 吃扒（旺角） @chiba.108旺角豉油街108號地舖

每次行路落旺角，總會經過豉油街一間充滿紫色夢幻的西餐廳。今晚想吃牛扒，一於入去吃扒 。維多利亞風格的環境氣氛，侍應招呼好有禮，安排座位有效率，服務態度好，座位都令人舒適，情侶拍拖都真可以考慮book位，打卡一流！晚上客人不少，很有氣氛。紫色餐牌好悅目，食物款式多，鐵板套餐，還有出名的熱熔芝士。鐵板晚餐 （SizzLing Dinner）吃扒什扒配薯菜吃扒的鐵板什扒，陣容鼎盛，內容非常豐富。+$18 熱熔芝士，個人覺得很有儀式感，必定要試吓！侍應會即席為客人熱辣辣淋上熱溶芝士，火焰打卡，熱溶芝士份量好多，有爆汁拉絲的感覺。魚柳、煎蛋、豬扒、牛扒、雞扒、煙肉、司華力腸，食極都有，配薯菜、蒜蓉汁或洋蔥汁一樣咁好味。牛扒味道濃郁，肉質粉嫩。魚柳配以蒜蓉汁食用，味道惹味。雞扒肉質嫩滑，熱溶芝士口感突出，熱辣辣充滿芝士香氣，非常香滑。精選晚餐燒雞扒拼吉列魚柳配薯菜經濟實惠，我喜歡晚餐甜品是朱古力心太軟，非常有誠意，都唔錯。燒雞扒微辣惹味，香氣非常突出，拼吉列魚柳香脆出色，令人吃的很滿意，簡簡單單配脆身薯條可以咁好食！甜品朱古力心太軟又有可可的香氣，烤焗後外脆而爆多朱古力醬汁，口感飽滿，味更香濃。另

想鋸扒？！想搵間坐得舒服氣氛懷舊嘅餐廳有咩選擇？！可以考慮吓以下呢一間環境好有舊式扒房feel嘅西餐廳，價錢合理又好食！🙌🏻🙌🏻西冷牛扒配薯菜🐮$188我就揀咗西冷牛扒五成熟，生熟程度啱啱好，唔會話好韌好多筋，仲好有牛味添！當然唔少得新鮮即炸嘅薯條啦！吃扒雜扒配薯菜🍽️$196細路仔先做選擇，好似我咁樣嘅大人，當然就想咩都要啦，好似呢度嘅雜扒餐咁，一個餐就有齊八款嘢食，就啱晒我啦！佢哋嘅雜扒餐包括有魚柳🐟、煎蛋🍳、豬扒、牛扒、雞扒、煙肉、司華力腸、薯菜🥔，簡直係豐富到嚇親我！除咗豐富之外，佢哋嘅食物都真係有質素㗎，其中我最鍾意嘅就有魚柳同豬扒！🥰🥰幫襯佢哋嘅鐵板晚餐加$25就可以轉為套餐，有埋餐包、餐湯甜品、同埋飲品，我哋當日仲加咗$28將甜品轉成心太軟配雪糕，飲品就加咗$17轉左話梅鹹檸七，話梅鹹檸七好少地方有得賣，肯定係必點推介！

兩百蚊就可以嘆牛排啦！✨環境靜謐又舒服，無論大細朋友都岩曬！鐵板西冷牛排🌟 選咗5成熟，靠住鐵板嘅余溫煎一煎，口感剛剛好！肉質嫩滑，奶香味濃到不得了，真系正宗牛肉味！而且仲可以+5跟米飯或者意粉配搭，性價比真系高到爆！💖什扒配薯菜，🐔雞扒同豬扒口感嫩滑，更有司華力腸，煙肉，🍟薯菜，澆上黑椒汁，美味直線上升！辣番茄大蝦意大利粉，🍅辣番茄醬香到不得了，連我都忍不住多添一碗！#mongkok #旺角美食

朋友好鍾意食牛扒，咁啱係附近經過見到舖頭名都同扒有關，見到價錢都唔係好貴就入咗去。個環境都幾懷舊，坐低嘅時候望吓左右隔離兩邊碟扒都好大塊，最後我同佢就嗌咗一塊西冷一塊肉眼，用鐵板上嘅牛肉真係零舍好食。‣ 西冷牛扒配薯菜 $188朋友鍾意食西冷，因為相對上冇咁多脂肪，牛味都比較濃郁。雖然口感相對肉眼比較紮實啲，但係食到牛肉嘅香。而洋蔥汁嘅鮮甜就更加突顯到肉鮮味，大份之餘個價錢都好合理。‣ 特選肉眼扒配薯菜 $188肉眼相對上脂肪比較多，但係佢啲脂肪都算分佈平均，所以食落去嘅時候食到好重嘅牛油香味，而肉質相對上都比較嫩滑啲。而我超鍾意搭配薯菜，因為無論薯條淋定脆身都係一樣咁好食，我最後都忍唔住嗌咗洋蔥汁，而我覺得嗰調味都好唔錯。‣ 套餐：餐包 & 餐湯 & 凍飲 ＋$25餐包就係我一直食開舊式扒房會用嘅餐包仔，我自己都幾鍾意甜甜嘅餐包。而湯我就嗌咗羅宋湯同豬骨湯，豬骨相對上比較清淡，羅宋湯就正常發揮，一樣都係餐包嘅最佳配搭。‣ 心太軟配雪糕 ＋$28個心太軟烤焗得啱啱好，一羹畢落去已經有流心嘅效果，甜度適中，鬆軟得嚟又有淡淡嘅焦香。而個朱古力雪糕都相當夠凍，所以食落去嘅時候超級爽，兩者配搭

Budget有限但又想去鋸扒嘅不妨去呢間位於旺角豉油街嘅懷舊西餐廳。裝潢以復古風為主調，燈光昏暗，紫色外牆，十分吸睛。食物方面主打多款鐵板料理，適合約另一半嚟拍拖。打卡之選有20cm吉列豬扒，上枱時真係嚇親，豬扒超級無敵厚切，外皮炸至金黃酥脆，內裡肉質唔乾，帶淡淡香氣。旁邊附上粗身薯條、西蘭花同兩粒小番茄，點埋茄汁同芥末醬食啱啱好。特選肉眼扒配薯菜有9oz，店員建議要五成熟，見個樣好紅咁但係食落又OK，牛味突出，嫩滑可口，私心鍾意蒜蓉汁，偏濃味且配牛好夾。套食包括餐包、湯、甜品同飲品。湯有中有西，甜品可加錢轉改為心太軟雪糕，有流心效果！唔夠飽嘅亦可以再加主食，有白飯同意粉，麵條軟硬度適中，沾滿醬汁唔覺唔覺就食晒。

睇到呢間餐廳食評幾高分又想食牛扒, 就嚟呢間試吓。叫咗一個鐵板肉眼同埋鐵板西冷, 其中一個等咗接近半個鐘, 嚟到兩塊扒都極度失望。首先我未試過食鐵板係可以凍嘅, 塊扒基本上得外邊嗰層係熱, 裏面基本上係凍或者微暖...再講肉質極差, 塊肉眼極多根加肥膏切都切唔到, 終於切到一舊係可以擺入口嘅但係肉質仲老過我阿婆塊面。 結果兩塊扒都係食咗唔夠一半就放棄...埋單五百幾, 仲貴過花園餐廳...完全唔值。第一次差到要打食評，真係千祈唔好嚟。