吃什麼 (已結業)

喜歡台灣的我，看到很多介紹就試一下。我們7pm前到，2大人2小孩都有位，但原來用餐時間只有75分鐘，1.5hrs也沒有，真的太短了⋯⋯於是我們也不敢點太多，打算之後去另一間續攤。小店款式不多，湯麵只有牛肉麵，可是朋友不吃牛，我們便點了拌麵和小吃。拌麵🍝味道一般，麵是多的。鹽酥雞🍗份量多，可是有點鞋。墨魚蝦餅🍘這個不錯，可以一試，但份量很小。火腿蛋餅🍳跟在台灣吃的不同，不過都唔錯。（但個人喜歡傳統那種多一點）肉鬆蛋餅也是不錯，可是小朋友不喜歡。到75分鐘，因為有人等位便要求埋單，我們也快速離去，幸好沒點太多！

我同朋友都好鐘意食台式既蛋餅，黎左呢間吃什麼幾次，當朋友問今次吃咩，就會即刻諗起吃什麼 what to eat😋😋我地都好鐘意蛋的產品，所以好想試多d 蛋餅，今次就揀左芝士蛋餅🧀同埋肉鬆蛋餅🐷，單憑外形係分唔到兩款既，要夾開先知係咩黎🧐🧐芝士蛋餅唔算太多芝士，岩岩好，唔會太漏，又拉到dd 芝👍🏻 個肉鬆蛋餅好足料，d 肉鬆好多，又鬆化好味，同蛋餅幾夾食左兩個蛋餅我地兩個就食唔到每人一個主食，就share 左一個鹽酥雞飯，佢呢到既配料好足，飯面有少量肉燥，再有好多粒雞，有兩片墨魚腸，又有青瓜同微辣既粉絲（佢d 配菜應該會轉，上次食係油麥菜，份量都唔少架）食完兩個蛋餅加一個飯好滿足，下次會再黎，但佢位置唔多，要排隊同埋人齊先有得入，大家要留意返

上次lunch經過呢度勁長條隊！今次醒目啦!lunch早點去排，果然人少少，好快就有位！店內位置細，枱與枱之間好窄，叫左粟米蛋卷同外省牛肉麵🐂等左冇幾耐蛋卷🍳先上！熱辣辣！好香蛋香，但就會比較淡味，好彩上面有小小醬汁吊下簡單嘅味道，才不致於乾爭爭咁入口，蛋皮唔會過厚，而且煎得剛剛好，但下次我應該會加多啲材料，例如芝士或肉鬆，味道會豐富好多！至於碗牛肉麵，一黎到，嘩！勁多蔥我至愛!但對我黎講有少少辣，牛肉淋，冇乜肥膏，麵條不會浸到淋曬，overall 還可以

「吃什麼」嘅前身其實係「請坐」，之前佢被逼要放棄「請坐」依個名營業落去震驚成個飲食界，跟住就有好多人介紹依間台灣小餐廳，令我一直都想試下。可惜，期望太高，我覺得有少少失望。「吃什麼」位於大館對面，門口出面大大隻字寫住「WHAT TO EAT」，非常顯眼。食物方面選擇頗多。今次我地點左原味蛋餅，外省牛肉麵(半筋半肉)，滷肉飯(小碗)，同埋花枝丸。其實，依度嘅食物普遍唔差，可惜牛肉麵係致命傷。先講好食嘅：-滷肉飯：份量幾多，肉同飯嘅比例啱啱好。肉肥瘦適中，唔會有羶味，亦唔會太鹹，唔錯。-花枝丸：彈牙，新鮮炸起，夠熱夠脆。一般嘅：-原味蛋餅：少少煙韌，不過略淡，加少少調味會更佳。失望嘅：-牛肉麵：湯底同平時食開嘅好唔同，感覺係落左西式嘅調味品，同牛肉麵好唔夾。牛肉燘得唔夠腍，調味唔夠。唯一欣賞嘅係個麵條，咬落爽彈。總括黎講，作為台式餐廳，依間唔係我嘅首選，不過每個人嘅口味唔同，可能大家會有唔同嘅諗法。

朋友建議來試試這間新開的餐廳，星期六中午十二時四十五分左右不用等便有二人座位。點了滷肉乾拌麵、原味蛋餅、外省牛肉麵（半筋半肉）、珍珠奶茶（熱的，因為我不太喝凍飲）。不消一會，整個桌子便堆滿食物，感覺像去了台灣旅遊！先試原味蛋餅，蛋香味濃郁，令人一試難忘！外省牛肉麵的麵很彈牙，湯底牛肉味道很香濃，只是牛肉牛筋的分量較少。滷肉乾拌麵跟外省牛肉麵的麵條似乎是一樣的，不過滷肉比預期多（不過肥肉也多...）。珍珠奶茶熱飲也不錯，珍珠仍是一顆顆的，沒有黏在一起，算是符合預期。雖一美中不足是用餐時間限制在45分鐘之內，太趕了！

台灣人的味帶到香港 台灣的飲品及食品 高度推介 同朋友一齊一團人點左好多種野食share 試左餐牌試面好多好多款食品 及飲品 但最推介都係蛋餅 其次真係滷肉飯 飲品推薦佢地既水密桃紅茶

lunch問同事食咩，佢話食什麼，我再問佢食咩，佢都係答我食什麼。。。好啦，原來呢個係舖頭名黎既。。。有條小人龍，都快既，等左十零分鐘就有位。試左佢出名既蛋餅加一個鹽蘇雞面。蛋餅我本身唔好，所以覺得冇驚為天人既感覺。而雞呢就令我有d驚喜。佢好脆，少少ham... 怕生瘡既女仔就唔好叫啦。個面唔會太林身，湯頭係典型既台灣面既湯。舖頭既店員係台灣人，好親切，走時仲同我地傾左幾句 整體都幾好。。如果食台灣菜癮起我會再黎呢

中午特地早15分鐘離開公司趕到這裡午餐，但門口已經有長長的人龍，等了15分鐘，終於排到我們。點了滷肉飯、鹽酥雞排麵和蛋餅。上菜都算快，味道普普通通。滷肉飯不像台灣吃到的，反似住家做餸菜。鹽酥雞排麵湯底都不差，有點藥饍味。蛋餅反而不錯，有點台灣味。總括而言係ok的，但回頭率低，不會特別想回去吃。

吃什麼係12月公佈既米芝蓮推介餐廳之一，等我都黎試下先！其實佢開左無耐都已經keep住好多人去食。是日星期六佢開12點，我地驚死佢好多人，11 點45分就諗住去排隊，點知得2個人等緊，又唔係真係咁癲喎。門口貼有餐牌，可以諗定食咩入去即畫即叫！餐廳唔算太細，都坐到好多人呀。枱面有點菜紙，辣椒油同餐具。可自行到櫃面裝水，跟餐我地點左杯炭焙烏龍茶，夠哂濃！先黎碟原味蛋餅，個個都話好食，緊係試下啦！薄麵皮包住蛋囉，但個塊麵皮整得好滑好好食，你絕對唔會嫌棄佢將吞哂落肚！推介👍🏻朋友點左外省牛肉麵（半筋半肉），個牛肉湯真係好好好好味，好香濃，牛肉又滑又淋，必食推介！我叫左全個餐單入面最貴個碗沙茶羊肉湯麵，一黎到已經好香！湯底有別於牛肉湯麵，係另一種風味！羊肉係厚身既羊肉片，好淋好淋，有膻味👍🏻超好味呀！不過我覺得羊肉份量少左啲，就係眼前睇到呢度咁多，湯裡面無多啲嫁喇。真係見到沙茶醬嫁！總結來說，麵既份量好足，好大碗麵，係男人份量！如果唔係大食其實叫一碗麵share可以留肚試多幾款小食！湯麵同飯都有好多葱，完全唔吝嗇比好多你，食得我勁開心😍😍不過唔鍾意食葱既你記得叫佢走葱喇！牛肉湯麵同蛋餅真係好食同

由西環「請坐」到中環「What to eat（吃什麼）」，當中的被逼遷、分家等等劇情已沒大興趣知道，作為食客，只關心一件事，就係味道。第一次吃「請坐」，真心幾大驚喜，當時個人認為係最正宗的一間台式料理店。搬左，名又改左，究竟有冇唔同？今次經過Whst to eat只係無心插柳，本身已食過少少嘢，但難得經過竟然冇人排隊（仲要剛剛拎左米芝連），就趁機會試下。未踏入店，店員已截住我話麵賣晒，冇所謂，反正今次有點飽唔想食。目標鎖定左要滷肉飯（$42），雖然佢寫明小碗，但睇價錢都知唔會小得去邊，實物大概有1.5碗飯分量。已經講過唔止一次，滷肉飯應該係細細碗的，如果唔夠料同汁的話，食到最後就變食白飯。雖然佢d料還算多，但汁都係少左d。滷肉切成一條條，瘦肉比例偏多，所以有肉香但欠缺甘香。後來諗返起，不論「請坐」還是「吃什麼」，滷肉飯都唔係佢強項，quota有限的話就無謂點。呢度的招牌之一係蛋餅，今次選左起司蛋餅（$39）。佢的蛋皮做得頗厚身，有蛋香，拉絲芝士連同醬油膏帶出些少鹹香，整體都ok的，但唔會係驚為天人果種。真正出乎意料的反而係甜不辣（$32），台灣甜不辣即係tempura，係炸魚肉條，呢度

台灣小店，開喺中環，但價錢又合理👍🏻無得book位，只能夠wall-in，仲要收21:00，本身都諗住同朋友去Happy Hour，所以就早啲18:00去去到都好full，啱啱好仲有張2人枱唔洗等😍坐底左係剔紙仔落單除以上食物外，仲同朋友每人叫左杯熱飲朋友～峰蜜柚子茶我就叫左～水蜜桃綠茶水蜜桃綠茶有驚喜，好好味，唔係話得個甜味嗰款，真係飲到清香水蜜桃味，賣相唔吸引，只係用一個藍色玻璃杯裝住，但真係堅好味

由之前仲係舊鋪開始，一直都想泥試試，可惜長期大排長龍，又經歷過關閉，直至係半山重開，終於有機會泥食當我滿心期待既時候，總會中伏🙃個飯好普通，形容唔到咩味，就係你去台灣是但入一間鋪食到果隻味。牛肉一舊唔冧一舊冧，牛筋硬到傻左，湯底似麻辣味，唔香。d麵有d好冧有d偏生自行想像幾恐怖。蛋餅係好有蛋味，但係，我自己都整到稍為特別少少係水蜜桃紅茶，唔會死甜，飲到蜜桃味同茶味，岩岩好，幾清新既總括而言，我真係想知米芝蓮推介係食左乜甘正，成餐飯冇樣好味台灣應該100間餐廳100間都有推介😂或者全部摘⭐️了😂（睇返我既舊食評就會知）我既排序係「一Yip」> 「阿元x了」> ‘check-in Tai x’ > 「台灣L」> 吃甚麼最後附上餐牌兩版如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

請坐風波過咗之後台灣媽媽宜家終於另覓爐灶係中環開咗新店，新嘅店名《吃什麼》同樣親切可愛 😙 見到有人話食物冇以前咁好食，特別係蛋餅 🤔 不過事關以前係請坐試過佢地嘅蛋餅之後又唔覺得話真係咁吸引 😂 所以今次去到都系決定嗌番其他嘢食就算 😛 蛋餅有冇退步就留待其他 Foodie 探討喇～其實覺得佢哋可以考慮吓整番啲套餐有得配埋嘢飲咁抵食啲嘅方案滷肉飯 ❤️ ($42)評分：7.5/10.雖然話系細碗但其實大碗過以前 (??) 🤔 定係我嘅錯覺呢？ 覺得肉燥飯嘅汁好夠多，好香但唔會好濃味 🤓 飯其實本身唔算話太淋/濕/油，所以滷肉飯嚟講算係比較冇咁重口味嘅。另外嘅就係滷肉切得比其他店更細更碎，但份量正常墨魚香腸 ❤️ ($48)評分：7.5/10.諗咗好耐心思思應唔應該嗌埋蛋餅，最後都係覺得點個小食送飯就算 😌 呢個烏捽墨魚香腸邊位烤得岩岩好脆脆哋 😍 好香口，份量絕對抵食有好多好多塊。不過如果有雙拼台灣腸同墨魚腸的話會更加吸引喔

從来不写食評, 今天星期六, 2奌到, 還是要排隊, 我也是慕名而来, 但今天该店只提供浅蓝色纸的食物, 没有午歺纸, 所以不能点台式便當, 本來想吃排骨钣, 没有提供, 只能点火雞钣, $42只有很少量雞絲及酸菜丝, 一點都不值42元。再吃肉鬆蛋餅, 味道正常, 但45元太貴, 幾倍臺灣價錢。雞扒乾麵 ok, 麺质地是臺灣個面条, ok, 但75元, 貴, 珍珠奶茶35元, 太貴, 不如去喝一芳....整體來說。這个价钱坐得不太舒服, 多人, 好趕的感覺。不會回頭再去！

呢間店之前叫請坐，好評多，以前去台灣冇食過滷肉飯，好想知道地道嘅滷肉飯係咩味，呢間店由台灣人煮食材，感覺應該地道吧，所以一直想去吃。今日十二點多就到，店內都坐滿人，好彩好快到我哋兩個。滷肉飯嘅豬肉帶點肥肉，有啲豬皮，唔係普通嘅肉碎，有口感，又唔會好老，好味啊！原味蛋餅表面嘅麵皮甜甜地，入面就係普通雞蛋戰成嘅蛋卷，好似家庭式咁，一般但比較健康吧。外省牛肉麵（半筋半肉）對於唔食得辣嘅人來講係見辣，會食到流鼻水，牛筋牛肉都幾滑，鍾意食辣嘅人應該覺得好味，唔鍾意食辣就會覺得辣嗰種味蓋過牛肉嘅味。白玉苦瓜炒小魚乾比較鹹和多油，本身唔係咁鍾意食苦瓜，諗住熱氣先點，味道普通，不會想再點。整體來講，係好家庭式嘅台灣地道菜，價錢都唔會好貴，又唔使加一，值得去試試吃喔！