台北巷弄 (已結業)

難食 排骨係港式茶餐廳味🤮 仲要勁多肥肉甜不辣都可以整得唔似甜不辣 都唔彈牙 高手 滷蛋竟然係日式嘅味 無言香港食到嘅滷肉飯通常都唔好食嘅 依間都唔例外😊唯一係嗰冬瓜茶叫同台灣一樣味 幾好嘅真係一定唔會再去食

飛機禁飛， 令到我冇辦法去另一個故鄉--台灣。好掛住台灣嘅珍珠奶茶同手抓餅， 平時喺香港食得到嘅又冇台灣嘅感覺， 今日竟然係呢度搵到一間 還原台灣原味道嘅餐廳。呢度嘅下午茶價錢非常經濟， 幾十蚊有交易， 仲包埋飲品。十分推介宜蘭三星蔥餡餅， 外皮煎得非常香脆， 內裏蔥花香味濃郁， 食落去仲淡淡油香。手抓餅都做得唔錯， 呢度就會將手抓餅剪碎上， 方便同朋友分甘同味。飲品方面就十分推介三寶奶茶， 裏面集涼粉，珍珠同埋 紅豆於一身， 十分足料， 我就點咗少甜， 味道真係啱啱好。

最近見 openrice seII 緊外賣自取優惠，所以我就睇吓有乜餐廳同優惠。台北弄巷係其中一間係將軍澳區嘅餐廳，所以，我就提早15 分鐘落 order。Openrice 外賣點餐嘅介面容易使用，同一般外賣平台嘅 app相似。我最後叫咗雞翼肉燥飯(另有折扣)跟胚芽奶茶同排骨肉燥飯。大約15分鐘後，就有得拎。店員把飯同飲品分開放置。即棄筷子款式特別，可見小店有心機。外賣碗分作2層，上層放雞翼，下層放肉燥飯。雞翼頗算大隻，味道ok, 另有開胃菜，酸酸的。下層肉燥即比較平常，肉燥的份量可以多點，白飯份量多。排骨份量則較少，不是炸，但肉質不會硬身，有肉汁。另外，凍胚芽奶茶也不錯。它不是死甜，胚芽口感幾好。

今日放工好想食台灣野，就同朋友去試試呢間「台北巷弄」。餐單既選擇唔算多，但都揀左好耐，最後決定叫店員推薦雞扒便當，同鹽酥雞香腸便當，再加小食炸花枝丸。飲品就叫左冬瓜檸檬同檸檬茶。仲有最重要既甜品黑糖牛奶沙冰！好豐富！雞扒便當雞扒多汁又滑，一啲都唔乾，出面層皮又夠脆，店員話為左保持水準，每日都有限量出售，非常推介鹽酥雞香腸便當鹽酥雞炸得香脆，加上正宗既台灣香腸，好食。附送既餐湯好驚喜！是日的蟲草花湯，好清甜。炸花枝丸冬瓜檸檬冬瓜茶帶有淡淡既檸檬味，好清新檸檬紅茶唔似港式檸檬茶，似係檸檬汁加紅茶，鍾意佢夠酸！珍珠同手工芋圓口感好QQ，唔會中間硬左。牛奶沙冰甜而不膩。芋泥仲食到少少芋頭粒。大滿足！整體來講，食物質素都好唔錯，尤其係甜品真係不可錯過！店員好友善，態度好好。下次有機會會再黎食其他野

好耐無去旅行，好掛住台灣好遊閒既感覺，四周圍行下，係大大小小既巷弄裏面，總有驚喜，特別有許多好好味既台灣食店。今日同朋友去將軍澳廣場，見到一間叫"台北巷弄"，即時湧現了台灣旅行既感覺。我地三人分別叫左兩個便當，澎湖花枝蝦排拼甜不辣同鹽酥雞粒配台灣腸。蝦食好彈牙，台灣腸好juicy，個餐又有配菜，又有湯，好豐富。食台灣野點少得台式飲品同糖水。我地叫左綜合黑糖牛奶沙冰手工芋園(2人份量)，三個人食都好夠，份量十足，最正係啲芋圓，口，感好煙韌，大家千祈唔好錯過！今餐好滿足呀。

呢段投疫期間無得去旅行 連街都少岀左好多無得去台灣 唯有食返d台式食物落肚填滿下肚子同思鄉既心情啦😭媽啊 好掛住台灣美食呀.《台式排骨便當🍱》排骨肉質鬆軟 不會太咸也不太淡味份量相當大塊 醃味同係台灣食既真係好似呀便當有埋滷肉、酸菜、車厘茄車厘茄應該有輕輕烹調過 食落好開胃《鹽酥雞扒便當🍱》鹽酥雞去開台灣係必食咖呢度既鹽酥雞絕對有台灣既味道外皮炸得鬆脆 但又唔會好油肉質較嫩好味道同樣便當會有小小滷肉、醃菜、車厘茄加配飲品冬瓜檸檬少少酸味 不會太甜 酸酸地更開胃.《仙草凍芋圓系列-仙草3號》仙草凍、紅豆、芋泥、手工芋圓仙草凍入口好滑紅豆大大粒 唔會太淋 有口感手工芋圓有哂三隻色 口感煙韌.台北巷弄主打外賣 但都有10-15個堂食位舖頭以亮麗藍色為主調 感覺舒服對外賣木筷子🥢仲做得好鬼靚添將軍澳人🔊抗疫期間又多個選擇買番屋企食喇

將軍澳廣場嘅台北巷弄，雖然沒有華麗嘅裝修，主打外賣便當，但係都感受到小店嘅誠意，認真製作食物，值得支持。與朋友選擇了台式排骨便當(60元) 及鹽酥雞扒便當（60元），每個便當都包一碗湯，一碗飯，同滷肉，前菜同一隻糖心蛋，非常豐富。排骨入味嫩滑，唔會老。鹽酥雞扒炸得香脆。我鍾意前菜嘅菠菜同白蘿蔔絲，夠曬健康。飲品就揀咗三寶奶茶，入面有紅豆，珍珠同仙草 ，口感豐富，而冬瓜檸檬夠清新，是我每次食蜥台灣嘅都必叫。最後仲有綜合黑糖牛奶沙冰手工芋圓，超大份，大家share食，喜歡芋圓夠彈牙。

依家每逢週末就會同小朋友去踩滑板車，做運動1小時之後點都會有啲肚餓，我哋就會周圍搵下午茶食，呢間下午茶小朋友食極都唔悶，因為呢度嘅鹽酥雞真係好好食，但我今日連lunch都冇食，所以叫咗兩個餐，同埋一個甜品，直頭大滿足。下午茶價錢合理，幾十蚊可以配一杯台式嘢飲，我通常飲珍珠奶茶，小朋友飲芋泥奶茶，芋泥新鮮製造比較健康，味道唔會太甜，good good。鹽酥雞新鮮炸起，雞粒就算炸過之後都好鬆軟，好嫩滑，外皮好香脆，一碗有好多粒，我同小朋友都爭住食。之前一直都有食開，每一次嘅水準都保持一樣咁好味。今次除咗識佢之外，另外我試咗蔥油餅。蔥油餅都係新鮮做起，餡料十足，除咗蔥花仲有木耳同埋小小肉絲，一咬入口爆汁嘅感覺真係好滿足。因為天氣太熱加上小朋友又話想食甜品，店長推介呢個牛奶冰，我見幾十蚊雖然唔係好平，但佢話二人份量即管一試，估唔到真係好多材料，除咗有芋泥，芋丸，珍珠，椰果同埋有紅豆粒添，聽店長講大部份材料都係由台灣空運到港，所以每一啖同喺台灣食嘅甜品店感覺真係差唔多，每一啖都有不同嘅口感，加上牛奶冰棉棉嘅感覺，真係好好味，好滿足，夏天食佢更加係涼透心，正！

心血來潮想食台灣野 將軍澳朋友推薦價錢相宜既台北巷弄食個下午茶 下午餐包$17飲品 可補差價換其他飲品堂食位置唔算好多 見到餐廳都主力做外賣 係counter嗌完野食就可以坐定定 等個機響先岀去拎野食▪️鹽酥雞 $43鹽酥雞份量比想像中多 外皮酥脆 調味十足 完全唔乾唔油膩 就算擺左咁耐依然酥脆 算係幾有驚喜▪️手抓餅 $33手抓餅唔會好油膩 加上蔥花 增添左唔少香氣 仲帶小小咬口 不過無添加配料 味道會比較單調 建議大家嗌手抓餅加蛋 口感味道應該會更豐富▪️花枝丸 拼 炸薯角 $39花枝丸彈牙帶咬口 炸薯角飽滿實在 外皮帶一點點酥脆 內𥚃軟冧▪️醬油雞翼 拼 炸薯角 $39炸薯角同樣外脆內軟 雞翼入味 肉質一啲都唔乾唔柴▪️屏東檸檬紅茶 +$3少甜少冰後 甜度唔會好高 檸檬味超突岀 朋友認為太酸 但係一向好鍾意飲酸既我就覺得唔錯 好開胃 好解膩▪️冬瓜茶冬瓜茶甜度固定 但飲落甜度恰到好處 消暑一流▪️芋泥奶茶 +$13芋泥味道一啲都唔人工 帶點顆粒 不過芋頭味道一向低調 容易比奶茶蓋過▪️三寶奶茶 +$9三寶分別係紅豆 仙草 珍珠 自家製既仙草好滑溜 珍珠煙韌 紅豆軟冧甜度唔會太高 茶味偏淡 但勝在

台北弄巷今天剛好經過將軍澳廣場，看到這間新開的台灣食店，看到餐牌的選擇和價錢都很吸引，所以便試一試這間的外賣！澎湖花椒蝦排拼甜不辣便當這個蝦餅出奇地好味，蝦味很濃，半熟糖心蛋掌握得剛剛好。台式排骨便當這個豬扒煎得剛剛好，不會很油膩，比例剛剛好。炸花枝丸這個花枝丸外脆內軟，而且炸粉不會很厚，廚師掌握得不錯。芋泥奶茶，紅豆奶茶這兩杯的甜到剛剛好，不是死甜的那一種，而且芋泥入口即溶，非常好飲！仙草2號這味甜品值得一讚，芋圓很彈牙，配上仙草口感分明，更上一層樓。

今晚到將廣, 想快快買外賣回家.  因為小米肚餓了!!!   打電話來 ~ 索食聲吱吱!!!  等著我買食物回家呢!!!!    看到這小巷中的台北餐館, 有多個外賣袋, 看來很受街坊歡迎. 再細看餐牌, 價格OK, 於是快快付款, 再等職員為食物打包. 食物到手後, 要秒速回家! 不過這份外賣真的很墜手. 附送的筷子很特別呢! 鋪好枱布, 放好碗筷, 開飯!    宜蘭三星蔥餡餅     宜蘭名物三星蔥.  無奈聖誕宜蘭之旅, 未有親身到三星食SAMSUNG蔥, 今晚就來一份三星. 這二件煎出來的三星蔥餡餅, 到手仍是熱辣辣. 餡料: 有肉, 有椰菜, 也有蔥. 不過餡餅十分熱, 要慢慢地享用. 手切滷肉便當    蛋蛋, 醃菜&滷肉, 我來也!  我喜歡溏心蛋, 獨吞二粒. 醃菜 = 酸蘿蔔&酸椰菜  因為夠酸, 可以解去滷肉的油膩.  圓圓的白飯有飯味, 口感煙韌, 個人覺得: 比較接近台灣的米, 不是劣質肥仔米!   註: 曾在港式日本餐廳(大集團), 遇過無米味的劣質肥仔米, 飯粒口感鬆散, 煙韌欠奉, 毫無米味.再到手切滷肉  這滷肉加了絲絲啡色的東西, 似炸蒜, 又似炸洋

今日心血來潮來食台灣野，於是去左位於將軍澳廣場一樓既台北巷弄買左外賣食！我就買左一份手抓餅加蛋，一份鹽酥雞同一杯珍珠奶茶。先講手抓餅，佢既質感有d似印度既薄餅，味道就有d似蔥油餅，都幾特別，入面有d蛋又增加左佢既口感！再加埋有d甜甜地既醬汁，幾好味😋鐘意食薄餅既朋友就要試下。至於鹽酥雞，份量非常多，而且佢雞同炸粉既比例係8比2或者9比1，食落完全唔落有好多粉。而我覺得鹹度岩岩好，雖然唔係好似台灣既鹽酥雞咁鹹，但對我來講比較健康，幾好！最後就係杯珍珠奶茶啦，我覺得好飲過街上面大部分既珍珠奶茶，因為首先佢既甜度適中，又有茶味。其次，最緊要係佢啲珍珠非常好食😋。畢竟珍珠都係哩杯野飲既重要角色，所以佢令杯珍珠奶茶既分數大增！🤣

唔知大家有冇發現社交平台有一個功能係會彈出多年前今日你所post 過的相片呢？無錯！係想當年的好機會。今早就發現原來九年前的今日我已在台北，今年不能飛卻令人更想飛、更懷念當地的美食...故今日揀了間台式小店來重拾台灣風味。小店開放式的設計，以白色配海藍色為主，是我很喜歡的顏色，感覺好舒適。L型設計，分兩邊，一邊是下單區，另一邊用膳區，設有兩張六人枱和四張面牆的單人位。******************看看餐牌，有下午茶餐、飲品、小吃和甜品。下午茶由2:30pm-5:30pm，贈送一杯$17飲品，剛好5:30pm趕得上。在七款選擇中揀了手抓餅+蛋（$39），即點即製，熱辣辣。手抓餅厚度適中，外表煎得金黃微脆，完全無油淋淋之感，口感煙韌，蔥花分佈平均，加埋雞蛋，啖啖滿有蔥香和蛋香，再配上台式的醬汁，風味十足。飲品就點了杯凍芋泥奶茶（+$13/補差價），指定少甜走冰。喝前先拌一拌，啜一口，啖啖綿綿的芋泥，充滿芋頭香，仲有茶香，甜度又岩岩好，飽肚卻不甜膩。******************另加兩款小食，同放在一起，夠環保。滷肉汁油菜（$22）份量足，油麥菜摘成一細段，易於入口。色澤翠綠，爽

係疫情既情況下 去旅行唔係短期內可行既事 所以唯有食住台灣野頂下個癮🥺醬油雞翼便當&鹽酥雞扒便當黎講個人比較中意鹽酥雞扒便當☺️啲肉質超嫩又多汁 係我食過覺得top3既鹽酥雞扒黎！而醬油雞翼啲味比鹽酥雞扒遮住左 所以我覺得唔夠味 建議大家食左雞翼先再食雞扒😋而個餐送既湯係佢地自己煲 完全唔重味精 亦都好足料❤️野飲我地分別叫左仙草凍奶茶同檸檬紅茶 兩杯都值得大家飲！小食方面我地有油菜同埋炸地瓜條 佢油菜係油麥菜黎 幾特別 因為我中意食油麥菜 加佢啲鹵肉汁 都係大大推薦🤣食唔停口 而炸地瓜條因人而異 佢會有啲梅粉係上面 如果唔中意要提早講 我自己又覺得梅粉會減左啲油膩感 變左零食咁食😂而且佢啲地瓜好甜 唔係冇味既薯條咁而甜品我地叫左仙草2號孖份食☺️佢啲仙草偏甜 芋圓絕對出色！而且啲綠豆佢地自家煲完再放落去 口感層次唔會少 再去食必定再嗌另外題外話 佢既筷子超靚🥺而且店員好有禮貌 食完仲問我地有冇咩意見 可以提出 超有心❤️

非常時期 買外賣返屋企慢慢嘆😛將軍澳廣場呢間 "台北巷弄" 專門賣台灣特色美食. 自助型式.點餐後等叫號碼.有堂食及外賣供客人選擇😆👍🏻我點咗個兩杯嘢飲同好多樣小食！宜蘭三星葱餡餅😍兩件好大件厚身.餡料有豬肉菜葱油等材料煎釀而成 入口好香脆內軟綿綿多汁 juicyjuicy😚特別一提必食呢個"綜合黑糖牛奶沙冰手工芋圓"好大碗.材料好豐富.除咗有三色香甜芋圓.珍珠同十勝紅豆都係大大粒有咀嚼. 配埋芋泥同紅糖沙冰嚮面.口感滿足到爆燈.兩個人食啱啱好。醬油雞翼拼薯角. 都係即點即炸.香脆醃料濃淡得宜😋炸甜不辣 味道似炸魚餅 沾上茄汁醬香脆惹味。三寶奶茶( 珍珠.紅豆 .涼粉)同芋泥奶茶都係茶底香水準飲品😋用心制作食店💪🏻