古月

營業中

休息中

米芝蓮認可既馬拉菜小店 終於有機會一試~位於香港島北角小巷的小店，提供新加坡及馬來西亞菜店主曾特地前往吉隆坡取經，再烹煮出富有本地特色的辣椒板麵其他菜式亦小巧精緻，值得一試。店內有趣的壁畫為拍照熱點招牌辣椒板麵辣拌麵，配料有炸蒜、魚乾、肉碎、溫泉蛋,拌勻所有食材麵條食落香濃帶辣勁 味道好豐富有口感 拌麵味道豐富，辣椒唔算太辣但好惹味另外配有一碗胡椒味既魚蛋湯消費$70北角錦屏街後街29號A舖地下

古月在北角已經開業多年，隱身在小小的錦屏街裡，依然很受歡迎。lunch time 繁忙時間為了避開人流，都是買外賣吃方便一點。Set lunch +$2 就可配班蘭奶茶。之前堂食飲過班蘭奶茶，其實就是拉茶再灑上脆脆班蘭糖，口感不錯又不會過甜。不過外賣的話，班蘭糖都痴晒在杯蓋上，要刮返出來才飲到另外好喜歡這裡的椰漿飯，充滿椰香，吃上去又不會像其他店般膩。sambal醬很有風味，配上炸魚仔和花生更加惹味。另外，配飯的炸雞炸得香脆，裡面的肉很juicy，真的吃得超滿足

星期六lunch 同朋友嚟試食，人頭湧湧，佈置滿有特色😊我們兩位都點了肉骨茶，一個跟飯，另一位跟米粉。 從未試過食似胡椒豬肚湯味嘅肉骨茶，完全食唔到任何藥材味，每碗有兩大舊冇乜肉嘅豬骨+1個完整大蒜頭，跟兩件仔油炸鬼，that’s all 沒有其他料，每碗盛惠$80多，勁失望😫😫，得嗰少少肉，我們兩位女士都唔夠😒何況係男士😕可能肉骨茶唔係佢賣點之一。另外每人點左杯拉茶，一杯係玉桂拉茶，另一杯係斑蘭拉茶，反而奶茶唔錯，夠地道🤩

今日中午同友人去食晏晝，我地叫咗招牌肉骨茶，我食白飯，朋友食湯米粉，一碗湯加一碗白飯（忘記影相）另外叫咗一杯熱班蘭奶茶，一杯熱玉桂味奶茶。嗰碗肉骨茶湯味道根本完全係潮州嘅胡椒豬肚湯嘅湯底，就即係黑白胡椒湯嚟，完全冇肉骨茶嘅味道囉，佢嗰舊肉就軟林林嘅，但係一碗湯只得一大舊豬骨連少許肉，完全唔值呢個價錢，而且根本唔應該叫肉骨茶，講真唔難食但係完全唔係嗰樣嘢嚟，都好失望，反而佢果杯班蘭味嘅奶茶都算幾好飲$20杯，總括而言有過吹捧嘅感覺，仲有提一提佢既座位極度唔舒服，不會有下次。

係北角返工梗係要捐窿捐罅搵嘢食😋 梗係唔少得去到錦屏街食飯☺️ 呢間夜晚經過成日都見到好多人排隊，之前有一次收工想去食點知原來禮拜日係唔開😂 ♥古滑雞飯 （$53）- 無骨雞上髀真係好滑😋 雞皮又唔算好肥，個醬汁好特別 似豉油但又唔係 要黎撈飯食濕濕地好好味😋本身冇包嘢飲，要+$2 先有野飲揀咗一杯熱雪梨乾柑桔蜜，唔算好甜好開胃♡ 以上價錢係lunch time 12:00 - 17:00好掋食，野食都好味❤️ 會再去幫襯。

去北角行吓行吓走咗入條好多餐廳既細街仔🏘就見到呢一間攞咗五年米芝蓮推介既星馬餐廳🇸🇽🇸🇬突然好想食肉骨茶就沖左入去食個lunch 😋餐廳既牆畫左好多好得意好有風格既畫🎨連張墊枱紙都得意過人🥰如果想當自己去咗轉星馬旅行🧳就嚟試吓呢間價錢親民這星馬餐廳頂住癮先啦😂..................⁣⁣ 📍古月Ancient Moon🇭🇰北角North Point🌍Hong Kong....................⁣⁣👅 藥膳黑肉骨茶 (配白飯) 🍗🍚💰 $88💬 呢款係馬來西亞款既肉骨茶, 藥材味比新加坡既重好多😗同冇咁大胡椒味🧂對於我呢啲比較鐘意藥材味既朋友仔就覺得呢款好好味呀😋佢一碗裏面有3-4塊排骨🍖+2塊五花肉🥩+金菇+豆卜+原個大蒜頭🧄勁足料🤗啲肉同蒜頭煮到好淋仲吸晒個湯味😚攞黎送飯真係好正🍚唯一個排骨食到有小小骨碎🤨但整體好好食👍🏼推介‼️❗️🌕🌕🌕🌕🌗...................⁣⁣⁣👅 頸青豬飯🍛💰 $68💬 其實就係青咖喱豬頸肉飯🍚咖喱係星馬口味 一啲都唔辣有花生香🥜味道偏甜😚撈埋炸蒜洋蔥同豬頸肉送飯一流🤗份量都幾大碟,食落有少少膩😅唔食得辣嘅朋友仔都可以

餐廳於七姊妹道轉角位內街屹立多年，平日午市坐無虛席。蝦麵，同平時食開嘅喇沙應該係一樣。麵質似日本拉麵，湯頭蝦味濃郁，椰奶味為副。頸青豬飯，娘惹咖哩椰香味比泰式港式咖喱重，後加青檸汁，感覺清新，唯豬頸肉口感一般，冇串燒豬頸肉嘅焦香。三色奶茶略帶焦糖味，同港式奶茶分別唔太大。大size飲品份量十足，一杯足夠2人飲用。價錢合理、，值得一試。

老實講齋聽個名唔知點解會覺得係食台灣嘢😂人地其實係食新加坡菜㗎！入到去坐低先知原來佢連續5年都係米芝連推介，即刻期待值拉滿🤣餐廳位置相當難搵🤯係書局街再轉入去嘅一條小街。裡面牆身同餐枱紙都有好多得意嘅插畫🎨幾有文青藝術風格㗎~ 餐廳面積唔大 座位唔算好闊落，而且要到齊人先可以入座🤔🌟NASI LEMAK 椰漿飯 ($65)小編對椰漿飯都有啲研究嘅😌次次食星馬菜 如果唔嗌大菜就一定叫椰漿飯。今次呢個椰漿飯椰香味係有嘅 但比較低調😄隔離放咗啲應該係叄巴醬黎調味，份量都足夠撈曬成個飯，撈完即刻惹味勁多😉 雞翼味道唔錯嘅幾juicy，但炸到有啲硬 唔夠酥脆。個蛋唔好睇佢白雪雪咁，小編就係無留意一口啪咗入口，鹹度...堪比鹹蛋🤯 整體味道不過不失啦，未去到會專程黎食嘅程度🤫🌟咖喱豬頸青飯 ($68)咖喱一啲都唔辣 味道偏甜🍛感覺似沙嗲王個白咖喱！唔知係咪果日水準發揮一般定對佢期待值太高，同行嘅人覺得豬頸肉肉質偏乾，味道普普🥺有啲失望添~味道：🌕🌕🌕🌘🌑環境：🌕🌕🌕🌕🌘價錢：🌕🌕🌕🌖🌑

之前曾經跟好友去了北角一條小巷錦屏街，因我想到一間新加坡餐廳《古月》吃星馬菜，這是一間米芝蓮推介的餐廳 (Michelin Guide Restaurant)，有很多美味的星馬菜式，肉骨茶、咖喱麵和蝦麵都很好味，我最喜歡古滑雞飯，雞肉真的很滑😋 另外，頸青豬飯也很棒，豬頸肉配上少辣的娘惹咖喱汁，簡直一試難忘💕 這裡的飲品和小食都不錯，亞羅街沙嗲串 (雞/豬)和炸蝦卷都很美味，而冰梅橄欖汁也是很特別，我個人喜歡雪梨乾柑桔蜜✨ 這晚吃了一頓溫馨的晚餐，像月亮下的童話故事那樣動人🍹🌙

作為連續5 年米芝蓮得主，相信都會係信心保證，而且價錢都幾親民🥰招牌辣椒板麵 $62係一款很惹味的辣拌麵，配料有炸蒜、魚乾、肉碎、溫泉蛋，食落唔會太乾，配合得岩岩好！套餐另外配有一碗胡椒味既魚蛋湯。蝦麵滲滲 $85蝦湯帶微辣既味道，相當特別！雖然蝦味不算好出，但湯底都幾開胃，配料有越南虎蝦、叉燒、魚蛋、肉丸、魚片和豆卜。三色奶茶 $30肉眼見到有明顯既三層，包括有椰糖、花奶同埋茶。飲落有好濃既茶香而且好滑，相當唔錯。手工仙草椰汁 $30朋友叫咗呢款表示好香椰味，但仙草味唔算好突出。總結：作為人均一百蚊左右既米芝蓮餐廳係抵食既，普遍食物都係無伏。另外餐廳的牆身畫滿壁畫，環境幾舒適。

今日嚟到北角食呢間係錦平街嘅人氣熱點：古月，今日難得人少少唔使排隊，即刻沖去食❗️❗️藥膳肉骨茶藥膳味重，好有馬來西亞風味，內裏配料十足：豆粕、金菇、仲有成粒洋蔥🧅啲肉又好入味，有夠淋，好食😋仲有一個白飯，一定夠飽❗️❗️招牌辣椒板面呢個辣椒板面要糖食先有得食，用唔同嘅辣椒整成，辣得來好有層次，撈麵嚟食好惹味❗️❗️咖央多士多士夠口又夠香脆，咖央醬又大，低食整體來講好好食，有機會一定過嚟食❗️❗️

餐廳既位置係內街，而成條街都係唔同既食肆。由於係內街，所以唔會好嘈好多人，又唔會有車係門口經過。門口放置了不少藝術相關的宣傳單張，加上餐廳入面有好多壁畫，充滿文青氣息。望到食客們都chill chill地咁，有少少似入左離島既感覺，非常舒服。古月招牌肉骨茶見到餐廳的名字叫「古月」再加上是星馬菜式，直覺話我知佢係同胡椒味有關。果然不出我所料，佢既肉骨茶係胡椒湯底，岩晒我中意重口味。另外比較特別既係有原隻蒜頭，煲到淋晒變成真正既「蒜蓉」， 好似薯蓉咁既質感，將d 蒜蓉撈落湯一齊飲都幾特別架!!餐廳有3款肉骨茶選擇，只有新加坡風味可以無限添湯。如果喜歡藥膳肉骨茶既朋友可以揀馬來西亞風味既藥膳黑肉骨茶啦，但呢款無得添湯架~古滑雞飯我中意佢用雞上脾肉，無骨入口啖啖肉。雞肉下面有豬耳伴碟小食，配上自製醬汁甜甜地咁好好食，豬耳夠入味，可惜油飯略嫌太黏。星期六日沒有套餐，所以我同朋友都沒有叫飲品，下次要再黎試其他食物!

五月試過一次呢間位於北角小巷嘅小店覺得非常好食，主打米芝蓮推薦嘅星馬菜☆〜（ゝ。∂）。食物選擇雖然唔多但全部都屬於水準之作，於是今次夜晚黎再戰。🌙✨btw佢張檯紙勁靚 TT好想拎張返屋企!!!；古滑雞飯 $60油飯嘅調味恰到好處，撈埋雞汁食好正。啲雞又滑又嫩，唔點汁都夠曬味，點埋就酸酸甜甜，風味更上一層樓，仲有豬耳做配菜。；辣椒板面 $60味道好豐富，有滿滿嘅菜圃、肉碎、小銀魚乾、豬油渣、炸蒜、蝦米、香蔥、溫泉蛋等等，超足料，個麵仲要超彈牙！個辣味係慢慢滲出黎，惹味之餘越食越辣，不過食到後期略鹹同埋乾咗啲，飲啖奉送嘅魚丸（？）肉丸（？）胡椒湯解解辣先。• 北角站b4出口一出轉右向前行嗰條小街就係，成條街都係餐廳黎㗎• 兩次黎都要等位，不過都係大約十五分鐘就有位，都算幾快~

Villa Villa條街真係好多嘢食，今次嚟到呢間米芝蓮星馬菜🇸🇬 🇲🇾覺得冇想像中咁好食，但見唔少人推介咖喱麵 · 頸青豬飯，有機會會再嚟食呢幾款🤣怕要排隊可以打電話book位，記住星期日唔開🙈 .🍛 古滑雞飯 🐔· $60.用咗無骨雞上髀🍗 幾厚實，雞味亦重，但未算好滑嫩，不過至少唔會乾🤣之所以叫古滑雞，係因為真係有古惑配料🤪雞下面竟然有豬耳🐷自製雞汁酸酸甜甜咁，撈油飯都幾夾幾好食🐣唔錯但無驚喜🙈.🍜 招牌辣椒板麵 🌶️ · $62.呢個只限堂食🙈板麵上鋪滿秘製乾辣椒 · 魚乾 · 炸蒜 · 肉碎 · 豬油渣 · 蝦米 · 仲有溫泉蛋🥚🐷有啲辣，幾香口，帶卜卜脆口感，但整體偏鹹🥺食開重口味先會接受到，我個人係接受到🤣麵口感覺得可以再韌啲🤏🏻而且唔係好夠醬汁，食到底會較齋🥺隨麵附送胡椒丸湯，店員話係分開食，但覺得偏鹹😵‍💫.🧈 咖央厚多士 🍞 · $28.多士幾厚身幾鬆軟，整體唔係唔好食，但真係完全食唔到咖央味🥺感覺上似食緊牛油煉奶多士多啲🍞.☕️ Teh Tarik 馬來拉茶 (斑蘭) 🇲🇾 · $28.呢個有得揀斑蘭或肉桂味， 個人唔太鍾意肉桂所以冇揀😶泡泡面頭有層斑蘭糖，但飲唔到

北角錦屏街有好幾間小店，種類全部都唔一樣，行到入去就自然會揀到想食咩，總有一款啱心水，今日一於試下Openrice經常出現嘅星洲菜，原來係連續5年米芝蓮推介小店👍 Menu 選擇不多，但輕食一個飯或一個麵都ok 🔔餐廳只收現金 古滑雞飯 ($60)💕睇落似海南雞飯，但多了一層自製雞汁，帶少少甜味。雞上脾真係滑嘅，滑得黎有咬口，肉質唔錯。油飯有一點薑味，夠醒神👍值得一提雞肉下面墊了豬耳，第一次食雞飯會有豬耳，幾特別 蝦麵滲滲 ($87)湯底帶濃濃蝦味，配料有越南虎蝦、魚片、豆卜、叉燒、魚丸肉丸，半油麵半米粉，米粉吸收湯精華，油麵就負責口感。好味指數 🌕🌕🌕🌕🌑抵食指數 🌕🌕🌕🌕🌑打卡指數 🌕🌕🌕🌑🌑推介指數 🌕🌕🌕🌕🌑推介菜式會以💕表示